ߡߊ߬ߛߎ߬ߓߊ߬ ߞߏ߫ ߟߋ߬ ߕߍ߰ߣߍ߲߫ ߟߎ ߘߏ߫ ߞߣߐ߫ ߓߌ߬ ߞߐ߬ߓߊ߬ߟߏ߲ ߣߌ߲߬ ߡߊ߬ ߗߋ߳ߘߍߡ ߔߋ߳ߟ ߘߎ߰ߣߍ߲ ߞߣߐ߫߸ ߙߐߛ ߓߋߕߌߦߏ߫ ߘߊߝߍ߬ ߛߣߍ߬ߜ߭ߊߟߌ߫ ߞߐ߰ߘߎ߮ ߘߐ߫، ߞߟߍ߬ߡߐ߮ ߟߎ߫ ߣߐ߬ ߊ߬ߟߎ߬ ߕߍ߯ ߞߍ߫ ߟߊ߫ ߡߏ߬ߛߏ ߘߏ߫ ߟߋ߬ ߘߐ߫ ߦߋ߲߬߸ ߡߍ߲ ߣߐ߬ ߊ߬ ߗߍ߬ ߣߴߊ߬ ߛߌ߬ߣߊ߬ߡߛߏ߬ ߡߊߓߙߏ߬ߓߙߏ߬ ߟߊ߫ ߖߌ߫ ߞߟߊߡߊ߲ ߠߊ߫߸ ߞߵߊ߬ߟߎ߬ ߡߊߓߙߏ߬ߓߙߏ߬ ߞߎ߬ߖߎ߮ ߞߍ߫ ߖߍ߬ߘߍ ߝߋߎ߫.

ߣߌ߲߬ ߞߍ߫ ߘߊ߫ ߓߌ߬ ߞߐ߬ߓߊ߬ߟߏ߲ ߣߌ߲߬ ߈ߕߎߡߊ ߝߊ߲߭ ߝߍ߬ ߟߋ߬߸ ߞߵߊ߬ ߛߐ߬ߘߐ߲߬ ߗߍ߭ ߣߴߊ߬ ߡߛߏ߬ ߝߟߐ ߛߌ߰ߣߍ߲߫ ߘߊߓߐ ߟߊ߫، ߊ߲ ߠߊ߫ ߟߌ߬ߤߟߊ߫ ߛߐ߬ߘߐ߲߬ߣߍ߲ ߠߎ߬ ߘߐ߫ ߞߊ߬ ߝߘߊ߫ ߘߌ߲߬ߞߌߙߊ ߏ߬ ߟߊ߫ ߦߋ߲߬߸ ߊ߬ ߦߌ߬ߘߊ߬ߣߍ߲߫ ߞߏ߫ ߘߊߘߛߐߛߐߟߌ ߟߋ߬ ߕߊ߬ߡߌ߲߬ߣߍ߲߫ ߗߍ߭ ߣߴߊ߬ ߡߛߏ߬ ߝߌߟߊߣߊ߲ ߕߍ߫، <<ߡߐߣߍ ߡߊ߬ ߏ߬ ߘߐ߫ ߛߊ߫߸ ߊ߬ ߞߍߢߊ ߟߵߏ߬ ߘߌ߫ ߞߊ߬ ߖߌ߫ ߞߟߊߡߊ߲ ߕߊ߬ ߞߵߊ߬ ߞߍ߫ ߡߐ߰ ߝߌ߬ߟߊ ߣߌ߲߬ ߞߊ߲߬ (ߊ߬ ߛߌ߬ߣߊ߬ߡߛߏ߬ ߣߴߊ߬ ߗߍ߬).>>

ߖߐߞߌߓߊ߯ߕߐ߫ ߝߌ߬ߟߊ ߣߌ߲߬ ߓߍ߯ ߕߊ߬ ߘߊ߫ ߟߋ߬ ߞߊߟߌߦߊ߫ ߓߟߏ ߡߊ߬ ߞߊ߬ ߥߴߊ߬ߟߎ߬ ߘߌ߫ ߙߐߛ ߓߋߕߌߦߏ߫ ߜߋߙߋ߲ߜߋߙߋ߲ߧߊ߫ ߕߊ߲ߓߊ߲ ߠߊ߫ ߞߊ߬ ߘߐ߰ߘߏ߲߬ߠߌ߲߫ ߞߎ߲߬ߝߟߐ ߟߎ߬ ߞߍ߫ ߊ߬ߟߎ߬ ߟߊ߫ ߦߋ߲߬، ߌߞߏߡߌ߲߬ ߗߍ߭ ߟߊ߫ ߡߊ߬ߘߌ߬ߡߌ߲߬ߠߌ߲ ߞߛߊߞߊ߫ ߝߌߟߊߣߊ߲ ߠߋ߬ ߘߐ߫߸ ߊ߬ߟߋ߫ ߕߊ߬ ߘߊ߫ ߞߊߟߌߦߊ߫ ߘߐ߫ ߌߞߐ߫ ߞߊ߬ ߥߴߊ߬ ߘߌ߫ ߛߍ߲߫ ߟߎߥߌ߫ ߕߌ߲߬ߞߎߘߎ߲ ߘߊ߲ߘߊߛߏ ߟߊ߫߸ ߊ߬ ߡߛߏ߬ ߝߟߐ ߝߣߊ߫ ߥߊ߫ ߘߊ߫ ߏ߬ ߦߙߐ߫ ߞߋߟߋ߲ ߠߋ߬ ߘߐ߫.

ߊ߲ ߧߋ߫ ߦߙߐ ߡߍ߲ ߘߐ߫ ߕߋ߲߬߸ ߟߊ߬ߛߋ߬ߟߌ߬ ߛߌ߫ ߡߊ߫ ߊ߬ߟߎ߫ ߝߊ߬ߘߌ ߟߌ߬ߤߟߊ ߞߊ߲߬ ߕߋ߲߬ ߡߎߣߎ߲߬ ߞߊ߬ ߝߘߊ߫ ߘߊ߲ߘߊߛߏ ߟߊ߫.

ߕߍ߮ ߞߏ߬ߣߌ߲߬ ߓߘߊ߫ ߞߍ߫ ߡߛߏ߬ ߝߌߟߊߣߊ߲ ߣߌ߲߬ ߘߐ߫߸ ߊ߬ ߦߋ߫ ߙߐߛ ߓߋߕߌߦߏ߫ ߞߟߍ߬ߡߐ߮ ߟߎ߬ ߕߊ߫ ߓߟߏ߫ ߡߊ߬ ߕߋ߲߬، ߢߊߢߌߣߌ߲ߠߌ߲߫ ߓߘߊ߫ ߛߌ߰ ߛߋ߲߬ߠߊ߫ ߞߵߊ߬ ߞߏ ߕߊ߬ߡߌ߲߬ ߢߊ߬ ߖߐ߲ߖߐ߲ ߟߊ߫ ߞߣߍ ߞߊ߲߬، ߞߟߍ߬ߡߐ߮ ߟߎ߫ ߞߏ߬ߣߌ߲ ߓߘߴߊ߬ ߓߌ߬ߟߊ߬ ߞߊߡߊ߲߫ ߞߋߟߋ߲߫ ߞߣߐ߫ ߞߵߊ߬ ߦߌ߬ߘߊ߬ ߞߏ߫ ߟߊ߬ߥߟߌ߬ߒ߬ߡߊ߬ ߝߊ߯ߟߌ ߛߎߡߊߒߘߐ ߟߋ߬ ߦߴߊ߬ ߘߌ߫.

ߣߌ߲߬ ߦߋ߫ ߘߋ߲ߓߦߊ ߟߎ߬ ߞߣߐ߫ ߞߏ ߘߏ߫ ߟߋ߬ ߦߌ߬ߘߊ߬ ߟߊ߫߸ ߞߊ߬ ߓߍ߲߬ ߡߐߣߍ ߕߎ߬ߡߊ ߡߊ߬ ߛߐ߲߬߸ ߞߏ߫ ߛߌߦߊߡߊ߲߫ ߠߋ߬ ߞߍ߫ ߟߊ߫߸ ߝߏ߫ ߊ߬ ߘߏ߫ ߟߎ߫ ߘߌ߫ ߟߊߓߊ߲߫ ߡߊ߬ߛߎߓߊ ߡߊ߬.