ߣߌ߲߬ ߦߋ߫ ߗߍ߬ ߛߊ߲߬ ߄߇ ߟߋ߬ ߘߌ߫߸ ߊ߬ߟߋ ߖߊ߲߬ߞߌ߬ߣߍ߲߫ ߞߵߊ߬ ߓߌ߬ߟߊ߫ ߛߊ߲߭ ߂߀ ߠߋ߬ ߥߛߎ ߟߊ߫߸ ߊ߬ ߣߌ߫ ߘߌߦߊߜߏߦߊ߫ ߓߊ߯ߙߊ، ߏ߬ ߞߍ߫ ߘߊ߫ ߟߊߥߑߙߊ߫ ߞߕߌߘߊ ߟߋ߬ ߓߟߏ߫، ߞߊ߬ߕߎ߲߯߸ ߊ߬ߟߋ ߛߐ߲߭ ߦߋߣߍ߲߫ ߞߟߏߞߏߖߎ߯ߦߊ߫ ߞߏ ߟߋ߬ ߘߐ߫߸ ߊ߬ ߞߵߏ߬ ߡߍ߲ ߞߍ߫ ߊ߬ ߖߍ߬ߘߍ ߘߋ߲ߡߛߏ߫ ߛߊ߲߬ ߁߇ ߟߊ߫.

ߜ߭ߊ߯ߣߊ߬ ߕߐ߲ߓߟߏߡߊ ߟߎ߬ ߣߐ߬ ߗߍ߭ ߘߏ߫ ߟߋ߬ ߖߊ߲߬ߞߌ߬ ߞߏ ߟߊߛߋ߫ ߟߊ߫ ߞߎߣߎ߲߬ ߞߊ߯ߙߌ ߡߊ߬߸ ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߂߆. ߞߕߌ ߣߌ߲߬ ߡߎ߰ߡߍ ߞߍ߫ ߘߊ߫ ߞߊ߬ߙߌ߬ߝߐ ߂߄ ߠߋ߬ ߡߊ߬، ߞߕߌߕߍ߯ߟߊ߫ ߛߑߕߊ߲ߟߋߦߌ ߊߖߋߦߌ߫ ߞߵߊ߬ ߦߌ߬ߘߊ߬ ߞߏ߫ ߗߍ߬ ߛߊ߲߬ ߄߇ ߡߍ߲ ߕߐ߯ ߣߌ߲߬ ߞߏ߫ ߞߑߥߊߡߋ ߕߌ ߺ ߖ߭ߊ߯ߋߞߎ߯߸ ߊ߬ߟߋ ߛߐ߲߭ ߠߋ߬ ߦߋߣߍ߲߫ ߝߙߋߞߋ ߣߌ߲߬ ߘߐ߫.

ߛߊ߲߭ ߂߀ ߟߊߣߍ߲߫ ߞߑߥߊߡߋ߫ ߞߎ߲߬ ߞߟߏߞߏߖߎ߯ߦߊ߫ ߞߏ ߟߋ߬ ߘߐ߫ ߊ߬ ߘߋ߲ߡߛߏ߫ ߟߊ߫߸ ߛߊ߲߬ ߁߀ ߝߣߊ߫ ߝߙߊ߬ ߘߴߏ߬ ߞߊ߲߬߸ ߊ߬ ߞߍ ߘߐ߫ ߞߵߊ߬ ߡߊߛߌߟߊ߲߫ ߝߊ߰ߟߌ߬ ߞߏ ߟߊ߫، ߊ߬ ߞߎ߲߬ߠߊ߬ߘߌߦߊ ߞߍߣߍ߲߫ ߡߍ߲ ߘߌ߫߸ ߞߕߌߘߊ ߞߵߊ߬ ߦߌ߬ߘߊ߬ ߞߏ߫ ߊ߬ ߟߊ߫ ߥߛߎ߫ ߝߌ߬ߟߊ ߏ߬ ߓߍ߯ ߦߋ߫ ߞߍ߫ ߢߐ߲߮ ߝߍ߬ ߞߋߟߋ߲ߘߌ߫.


ߡߎ߲߬ ߞߋߟߋ߲߫ ߕߊ߬ߡߌ߲߬ߣߍ߲߬ ߓߊߘߋ߲ ߠߎ߬:

ߕߐ߲ߓߟߏߡߊ ߟߎ߬ ߞߊ߲߫ ߞߏ߫ ߡߞߊ߬ߛߌ߬ߟߌ߫ ߟߋ߬ ߛߋ߫ ߘߴߊ߬ߟߎ߫ ߡߊ߬߸ ߞߊ߬ ߓߍ߲߬ ߗߍ߭ ߟߊ߫ ߞߏ ߡߊ߬، ߊ߬ߟߎ߬ ߟߊ߫ ߞߏߢߊߢߌߣߌ߲ ߠߎ߬ ߘߐ߫ ߡߎ߬ߕߎ߲߬߸ ߊ߬ߟߎ߫ ߞߵߊ߬ ߦߋ߫ ߞߏ߫ ߗߍ߭ ߛߋ߫ ߘߴߊ߬ ߘߋ߲ߡߛߏ߫ ߛߊ߲߬ ߁߇ ߟߋ߬ ߡߊ߬ ߞߊ߬ߝߏ߬ߢߐ߲߰ߦߊ ߓߟߏ ߡߊ߬߸ ߥߊ߯ߕߌ߫ ߖߊ߲߫ ߖߍ߬ߘߍ ߞߣߐ߫، ߊ߬ ߞߵߊ߬ ߡߊߛߌߟߊ߲߫ ߞߏ߫ ߣߴߊ߬ ߞߵߊ߬ ߝߐ߫ ߡߐ߱ ߟߎ߬ ߦߋ߫߸ ߞߏ߫ ߊ߬ ߘߴߊ߬ ߝߊ߰ ߘߏߦߌ߲߫.

ߕߐ߲ߓߟߏߡߊ ߟߎ߬ ߝߣߊ߫ ߞߵߏ߬ ߟߋ ߞߏ ߢߊߢߌߣߌ߲߫ ߞߵߊ߬ ߟߊߛߋ߫ ߛߊ߬ߙߌ߬ߦߊ߬ ߓߟߏߞߘߐ߫.

ߛߊ߬ߙߌ߬ߦߊ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߘߋ߲ߡߛߏ ߘߌ߫ ߡߐ߰ ߟߎ߫ ߡߊ߬߸ ߡߍ߲ ߠߎ߬ ߘߴߊ߬ ߣߴߊ߬ ߤߊ߲ߞߟߌ߫ ߦߌ߬ߘߊ߬ ߢߐ߲߯ ߠߊ߫߸ ߞߊ߬ ߛߴߊ߬ ߟߊߢߌ߬ߣߊ߬ ߟߊ߫ ߣߌ߲߬ ߞߏ ߟߊ߫.

ߞߕߌߘߊ ߞߊ߬ ߝߏ߬ߟߌ ߟߊߛߋ߫ ߕߐ߲ߓߟߏߡߊߛߏ ߡߊ߬߸ ߣߌ߲߬ ߞߏ ߢߊߢߌߣߌ߲ ߘߐ߫߸ ߞߊ߬ ߞߕߌߞߊ߲ߘߊ ߝߣߊ߫ ߝߏ߬߸ ߣߌ߲߬ ߞߏ ߛߍ߲߬ߛߍ߲ ߘߐ߫، ߞߊ߬ ߓߊ߲߫ ߞߵߊ߬ ߞߊ߲ߠߊߘߌ߫ ߖߡߊ߬ߣߊ߬ߘߋ߲ ߠߠߎ߫ ߡߊ߬߸ ߞߏ߫ ߓߍ߯ ߦߴߊ߬ ߞߊߘߊ߲߫ߟ ߣߌ߫ ߡߍ߲ ߞߊ߬ ߣߌ߲߬ ߞߏ߫ ߛߎ߮ ߦߋ߫߸ ߞߊ߬ ߛߊ߬ߙߌ߬ߦߊ߬ ߟߊߟߐ߲ߠߌ߲߫ ߖߏߣߊ߫߸ ߊ߬ߟߎ߬ ߘߌ߫ ߓߟߏߘߐߓߍ߲߫ ߞߍ߫ ߞߵߊ߬ ߞߏ ߟߊߕߐ߲߫.