ߞߏߕߌ߮ ߟߊ߫ ߕߊ߯ߡߊ ߣߌ߲߬ ߦߋ߫ ߟߐ߬ ߟߊ߫ ߖߡߊ߬ߣߊ ߝߌ߬ߟߊ ߟߊ߫ ߞߏ ߟߋ߬ ߞߊ߲߬߸ ߞߊ߬ ߞߎߡߊߢߐ߲߯ߦߊ ߟߎ߬ ߞߍ߫ ߖߡߊ߬ߣߊ ߝߌ߬ߟߊ ߞߊ߲߬߸ ߊ߬ ߛߊ߲߬ ߂߀ ߣߌ߫ ߞߐ߫ ߟߋ߬ ߕߘߍ߬ ߦߋ߫ ߕߋ߲߬، ߝߊ߬ߙߊ߲߬ߛߌ߬ ߞߐߞߊ߲ߞߏ ߞߏߕߌ߮ ߘߏ߫ ߡߴߊ߬ ߛߋ߲߭ ߛߎ߫ ߕߏߜ߭ߏ߫ ߖߡߊ߬ߣߊ ߞߊ߲߬߸ <<ߏ߬ ߘߏ߲߬ ߦߋ߫ ߝߌ߬ߟߌ ߟߋ߬ ߘߌ߫߸ ߓߊߏ߬ ߓߊ߯ߙߊߢߐ߲߯ߦߊ ߡߍ߲ ߦߋ߫ ߊ߲ ߠߊ߫ ߖߡߊ߬ߣߊ ߟߎ߬ ߕߍ߫߸ ߏ߬ ߝߊ߲߬ߞߊߘߏ߲߬ߣߍ߲ ߠߋ߬ ߞߏߛߓߍ߫>> ߣߌ߲߬ ߦߋ߫ ߗ߭ߊ߲߫ ߣߏߍߟ ߓߊߙߏߕ ߟߊ߫ ߞߎߡߊߞߊ߲ ߠߋ߬ ߘߌ߫ ߟߊ߬ߛߌ߰ߘߋ߲ ߠߎ߬ ߢߣߊ߫߸ ߊ߬ ߣߌ߫ ߕߏߜ߭ߏ߫ ߞߊ߲ߕߌ߮ ߝߏߙ ߢߊߛߌ߲ߜߋ߫ ߟߊ߫ ߢߐ߲߯ߦߋ ߞߐߝߍ߬.

ߞߎߡߊ߫ ߏ߬ ߟߎ߫ ߓߏ߬ߙߌ߬ ߘߊ߫ ߕߏߜ߭ߏ߫ ߞߊ߲ߕߌ߮ ߟߊ߫ ߞߎ߲߬ߞߊ߬ߙߌ߬ߝߊ߬ߟߌ ߓߊ߯ߙߊ ߟߎ߬ ߞߊ߲߬ ߝߘߊ߬ߝߌ߲߬ߠߊ߫ ߞߐߘߐ߲ ߘߐ߫߸ ߊ߬ ߣߌ߫ ߛߊߤߍߟ ߟߌ߬ߤߟߊ߬ߦߊ ߞߊ߲߬، ߗ߭ߊ߲߫ ߣߏߍߟ ߓߊߙߏߕ߸ ߝߊ߬ߙߊ߲߬ߛߌ߫ ߞߏߕߌ߮ ߣߌ߲߬ ߠߊ߫ ߝߐߟߌ߫ ߘߐ߫.

ߊ߬ ߟߊ߫ ߕߊ߯ߡߊ ߣߌ߲߬ ߞߍߣߍ߲߫ ߟߐ߯ߞߎ߲߫ ߞߋߟߋ߲߫ ߞߍ ߞߐ ߟߋ߬ ߘߐ߫߸ ߟߊ߬ߘߍ ߘߏ߫ ߟߊ߫ ߕߏߜ߭ߏ߫ ߞߎ߲߬ߠߊ߬ߛߌ߮ ߟߎ߬ ߓߟߏ߫߸ ߟߏߡߋ߫ ߣߌ߫ ߞߐߞߊ߲߫ ߞߙߎ ߘߏ߫ ߟߎ߫ ߟߊ߬ߛߌ߰ߘߋ߲ ߠߎ߬ ߦߋ߫، ߟߊ߬ߘߍ ߛߋ߲߭ߝߍ߬ ߕߏߜ߭ߏ߫ ߞߵߊ߬ ߟߊ߫ ߝߊ߲߬ߝߘߊ߬ ߞߎߘߊ ߘߐߢߌߡߌ߲߫߸ ߡߍ߲ ߘߌ߫ ߞߍ߫ ߓߌ߬ߟߊ߬ߢߐ߲߰ߡߊ ߛߌߟߊ ߟߊߞߊ߭ ߘߌ߫ ߊ߬ ߣߌ߫ ߞߞߢ ߕߍ߫، ߊ߬ ߕߌ߯ߕߌ߯ ߡߊ߬ߟߌ߸ ߓߙߎߞߌߣߊ߫ ߝߊ߬ߛߏ߫߸ ߖߋ߬ߟߌ߬ߓߊ߬ߘߎ߯... ߊ߬ ߣߌ߫ ߘߎߢߊ߫ ߡߊߜߍ߲߫ ߖߡߊߣߊ ߟߎ߬ ߣߌ߫ ߢߐ߲߯ ߕߍ߫߸ ߕߏߜ߭ߏ߫ ߞߐߞߊ߲ߞߏ ߞߏߕߌ߮ ߙߏߓߍߙ ߘߎߛߋ߫ ߟߋ߬ ߞߊ߲߫ ߦߋ߫ ߕߋ߲߬ ߟߊ߬ߘߍ߫ ߣߌ߲߬ ߛߋ߲߭ߝߍ߬ ߞߏ߲ߞߏߘߓߌ ߕߟߋ߬ ߁߈ ߕߊ߬ߡߌ߲߬ߣߍ߲ ߡߊ߬.

ߗ߭ߊ߲߫ ߣߏߍߟ ߓߊߙߏߕ ߣߌ߫ ߕߏߜ߭ߏ߫ ߞߊ߲ߕߌ߮ ߟߊ߫ ߛߌ߬ߣߌ߲߬ߟߏ߲ ߕߊ߬ߡߌ߲߬ߣߍ߲ ߟߊ߬ߘߍ ߞߎߡߊ ߟߎ߬ ߓߏ߬ߙߌ߬ ߘߊ߫ ߌߙߊ߲߫ ߣߌ߫ ߡߏߦߍ߲߫ ߏߙߊ߲ߕ ߞߍ߬ߟߍ ߞߊ߲߬.