ߛߎ߰ߘߎ߬ߟߊ߫ ߕߏ߬ߟߊ߲߬ߕߊ߲߬ ߞߍߙߍ߲ߘߊ߫ ߊ߬ߟߑߣߊߛߍߙ ߓߘߊ߫ ߔߕߏ߬ߞߌ߬ߟߊ߫ ߝߌ߬ߙߌ߲߬ߕߊ߬ߥߏ߬ߟߊ߫ ߞߑߙߌߛߌߦߊߣߏ ߙߏߣߊߟߑߘߏ߫߫ ߖߌ߬ߦߊ߬ߓߍ ߘߏ߫ ߟߊߖߍ߲ߛߍ߲߫ ߊ߬ߟߎ߬ ߟߊ߫ ߌߞߛ ߖߊ߬ߕߋ߬ߘߊ ߟߊ߫߸ ߊ߬ ߞߎ߲߭ ߡߊߕߍ߰ ߛߊ߲߬ ߞߎߘߊ ߦߋ߫. ߞߵߏ߬ ߞߍ߫ ߛߋ ߡߊߘߏ߲߬ߣߍ߲ ߘߌ߫ ߣߊߛߍߙ ߞߍߙߍ߲ߘߊ ߟߊ߫߸ ߊ߬ ߟߊ߫ ߞߢߐߡߊߟߐ ߞߐ ߣߌ߲߬ ߘߐ߫.

ߞߊ߬ߕߎ߲߯߸ ߘߓߊ߬ߕߊ ߕߟߋ߬ ߁߁ ߠߋ߬ ߡߊ߬߸ ߊ߬ ߟߊߛߋ߫ ߘߊ߫ ߞߏ߫ ߙߏߣߊߟߑߘߏ߫߫ ߓߘߊ߫ ߖ߭ߋߐߙߑߖ߭ߌߣߊ ߙߏߘߙߌߖߍߖ߭ ߕߊ߬ ߝߘߎ߫ ߟߊ߫߸ ߊ߬ ߣߴߏ߬ ߡߍ߲ ߕߘߍ߬ ߢߐ߲߮ ߝߍ߬ ߞߊ߬ߦߌ߯ ߂߀߁߆ ߟߊ߫.

ߊ߬ ߟߊ߫ ߞߍߙߍ߲ߘߊ ߞߵߊ߬ ߖߌ߬ߦߊ߬ߓߍ ߡߍ߲ ߠߊߖߍ߲ߛߍ߲߫߸ ߊ߬ ߛߓߍߣߍ߲߫ ߕߍ߬ߘߍ߫ ߏ߬ ߛߊ߲ߘߐ߫ ߟߋ߬ ߞߏ߫ <<ߊߟ ߣߊߛߍߙ ߣߊ߬ߓߊ߰ߕߐ߬ ߞߎߘߊ ߝߟߍ߫>>߸ ߕߏ߬ߟߊ߲߬ߕߊ߲߬ߠߊ߫ ߛߊ߲߬ ߄߁ ߖߌ߬ߦߊ߬ߓߍ ߟߊߦߟߍ߬ ߘߊ߫ ߛߓߍߟߌ ߏ߬ ߟߋ ߘߌ߫߸ ߞߵߊ߬ ߛߐ߬ߘߐ߲߬ ߊ߬ ߞߎ߲߬ߛߌ ߜߍߣߍ߲߫ ߞߵߊ߬ ߟߊߥߎ߬ߟߋ߲߬.

ߘߐ߬ߝߊߟߋ߲߫ ߕߊ߬ߡߌ߲߬ߣߍ߲ ߝߍ߬߸ ߙߏߣߊߟߑߘߏ߫߫ ߞߊ߬ ߊ߬ߟ ߣߊߛߍߙ ߕߎ߲߬ߕߎ߲߬߸ ߝߏ߫ ߊ߬ߟߎ߬ ߞߍ߫ ߘߊ߫ ߛߎ߰ߘߎ߬ߟߊ߫ ߞߟߏߞߕߏ ߘߌ߫. ߙߏߣߊߟߑߘߏ߫߫ ߛߋ߫ ߘߊ߫ ߞߍߙߍ߲ߘߊ ߢߌ߲߬ ߠߊ߫ ߞߊ߬ߦߌ߯ ߂߀߂߃ ߟߋ߬ ߟߊ߫.