ߝߍߘߍ߲ߝߋ߲ ߠߎ߬ ߥߟߊ߫ ߦߙߌ ߟߎ߬ ߕߐ߬ߣߐ ߞߊ߫ ߓߏ߲߬ ߓߊߟߋ߬ ߡߐ߱ ߟߎ߬ ߣߌ߫ ߡߐ߰ߦߊ ߡߊ߬߸ ߊ߬ߟߎ߬ ߦߴߊ߲ ߘߍ߬ߡߍ߲߬ ߠߊ߫ ߟߋ߬ ߟߏ߲ ߓߍ߯ ߟߊߘߍ߬ߣߍ߲ ߘߐ߫.
ߏ߬ ߝߟߐ ߦߋ߫ ߡߍ߲ ߘߌ߫ ߡߎߣߎ߲߬ ߸ ߟߐ߲ߞߏ ߓߘߴߊ߬ ߦߌ߬ߘߊ߬ ߞߏ߫ ߡߐ߱ ߟߎ߬ ߦߋ߫ ߝߢߐ ߡߍ߲ ߠߎ߬ ߛߊ߬ߡߊ߲߬ ߠߊ߫ ߞߵߊ߬ ߓߌ߬ߟߊ߬߸ ߏ߬ ߝߢߐ߫ ߛߎߡߊߣߍ߲߫ ߣߴߊ߬ ߛߊߣߌ߲ߡߊ߲ߓߊ ߏ߬ ߟߎ߬ ߘߍߣߍ߲߫ ߊ߬ߟߎ߫ ߟߋ߬ ߟߊ߫ ߸ ߣߌ߫ ߝߍߘߍ߲ߝߋ߲ ߠߎ߬ ߕߍ߫،ߊ߲ ߕߍߣߊ߬ ߛߋ߫ ߟߴߊ߲ ߠߊ߫ ߢߣߊߡߦߊ ߞߍ߫ ߟߊ߫ ߒ߬ ߘߌߦߊ߫ ߘߐ߫.
ߞߊ߬ߕߎ߲߰߸ߊ߲ ߓߊߟߏ߫ ߝߊ߲߬ߓߊ ߘߍ߲ߣߍ߲߫ ߊ߬ߟߎ ߟߋ߬ ߟߊ߫߸ߤߊߟߌ߬ ߊ߲ ߠߊ߫ ߓߊߛߌ ߕߊ߬ߕߊ ߣߌ߫ ߞߏ߬ߟߌ߬ߕߊ ߟߎ߬ ߦߋ߫ ߓߐ߫ ߟߴߊ߬ߟߎ߫ ߟߋ߬ ߘߐ߫.
ߦߙߌ ߟߎ߬ ߦߋ߫ ߛߎ߲ߞߎ߲ ߠߊߞߊ߲ߘߊ߫ ߟߊ߫ ߞߵߊ߬ ߓߌ߬ߟߊ߬ ߟߌ߬ߤߟߊ߬ ߢߌߡߊ ߘߐ߫߸ߞߊ߬ ߞߟߊߦߊ ߡߊߓߍ߲߬ ߡߐ߱ ߟߎ߬ ߣߌ߫ ߓߌߦߊ߲ ߠߎ߬ ߞߊ߲߬،ߞߵߏ߬ ߟߊ߫ ߘߎ߰ߞߟߏ ߖߍ߬ߘߍ ߝߣߊ߫ ߞߊ߲߬ ߊ߬ ߣߌ߫ ߞߊ߬ ߖߌߓߐ ߡߊߕߊ߲߬ߞߊ߫.
ߏ߬ ߟߋ߬ ߓߍ߯ ߣߐ߬ ߊ߬ ߞߍ߫ ߟߊ߫߸ ߡߐ߰ ߛߘߍߡߊ߲߫ ߦߴߊ߬ߟߎ߫ ߘߐ߯ߘߏ߲߬ ߠߊ߫ ߝߍߘߍ߲ߝߋ߲ ߠߎ߬ ߛߍ߬ߣߍ ߣߴߊ߬ ߕߘߎ߫ ߟߎ߬ ߟߊ߫߸ ߤߊߟߌ߬ ߣߴߊ߬ ߞߵߊ߬ ߕߘߍ߬ ߞߏ߫ ߓߍ߯ ߕߴߊ߬ ߓߊ߯ߙߊ ߟߎ߬ ߞߍ߫ ߟߊ߫ ߟߊ߬ߢߌ߬ߣߌ߲߬ ߞߋߟߋ߲߫ ߡߊ߬.
ߘߏ߫ ߟߎ߫ ߦߴߊ߬ ߓߊ߯ߙߊ ߟߎ߬ ߞߍ߫ ߟߊ߫ ߞߵߊ߬ ߓߍ߲߬ ߛߐ߬ߘߐ߲ ߞߏߢߊ ߟߋ߬ ߡߊ߬߸ ߘߏ߫ ߟߎ߫ ߕߊ ߦߋ߫ ߟߋ߬ ߖߐ߲߰ߛߊ߫ ߞߊ߬ ߓߊߟߏ߫ ߦߙߌߘߋ߲߫ ߠߎ߬ ߟߊ߫ ߸ ߘߏ߫ ߟߎ߫ ߕߊ ߦߋ߫ ߛߎ߲ߞߎ߲ ߥߟߊ߫ ߟߊ߬ߡߌߣߌ߲ ߟߊߞߊ߲ߘߊ ߟߋ߬ ߘߌ߫.
ߘߏ߫ ߟߎ߫ ߕߊ ߦߋ߫ ߖߛߎ߬ߞߎ߲ ߠߊ߫ ߣߌߛߐߘߌߦߊ߫ ߟߋ߬ ߘߌ߫߸ߓߊߏ߬ ߊ߬ߟߎ߬ ߦߋ߫ ߦߙߐ ߟߎ߬ ߟߊߢߌ߬ߡߊ߬ߦߊ߫ ߸ߊ߬ ߣߌ߫ ߘߏ߫ ߜߘߍ߫ ߟߎ߬...
ߝߊߦߌߘߊ߫߸ߡߐ߰ ߘߴߊ߬ ߝߐ߫ ߞߏ߫ ߝߍߘߍ߲ߝߋ߲ ߠߎ߬ ߦߋ߫ ߝߋ߲߫ ߡߐ߬ߟߐ߲߬ߡߊ߬ߓߊ ߟߋ߬ ߘߌ߫ ߡߐ߱ ߟߎ߬ ߟߊ߫ ߢߣߊߡߦߊ ߘߐ߫ ߸ߓߊߏ߬߸ߊ߬ߟߎ߬ ߦߋ߫ ߢߣߊߡߦߊ߫ ߟߐ߬ߛߋ߲ ߠߎ߬ ߘߏ߫ ߟߋ߬ ߘߌ߫.
Aucun commentaire pour le moment.