ߓߍ߯ߦߊ ߞߘߐ ߟߋ߬ ߡߌ߬ߙߌ߲߬ߘߌ ߟߊ߫ ߛߋߓߊ߯ߦߊ ߘߋ߫، ߓߊ߬ߙߌ߬߸ ߝߘߊ߬ߝߌ߲߬ ߖߡߊߣߊ ߝߊ߲߬ߓߊ ߞߣߐ߫߸ ߓߍ߯ߦߊ ߦߋ߫ ߥߊߘߌ߫ ߟߊߖߊ߲ߞߏ ߟߋ߬ ߘߌ߫߸ ߛߎ߯ ߟߊߖߊ߲ߞߏ ߟߋ߬ ߘߌ߫߸ ߕߟߊߟߌ߫ ߡߙߌߦߊ ߟߋ߬ ߘߌ߫߸ ߟߊ߬ߤߘߌ߬ ߘߐ߬ߞߏ߬ߟߏ߲߬ ߕߊ ߟߋ߬ ߘߌ߫߸ ߊ߬ ߣߌ߫ ߞߊ߬ ߕߏߟߏ߲߫ ߞߍ߫ ߡߌ߬ߙߌ߲߬ߘߌ ߤߊ߲ߞߟߌ ߟߊ߫. ߦߊ߬ߣߌ߫ ߖߡߊ߬ߣߊ߬ߘߋ߲ ߠߎ߬ ߓߟߏ ߦߋ߫ ߟߊ߫ ߢߐ߲߮ ߞߊ߲߬߸ ߏ߬ ߕߍ߫ ߞߍ߫ ߟߊ߫ ߘߋ߬߸ ߡߊ߲߬ߞߊ߲ ߠߋ߬ ߟߊߘߏ߲߬ߕߐ߫ ߖߡߊ߬ߣߊ߬ߘߋ߲ ߠߎ߬ ߕߍ߫، ߦߊ߬ߣߌ߫ ߓߟߏ ߦߋ߫ ߟߐ߬ ߤߊ߲ߞߟߌߡߊ ߟߎ߬ ߟߊ߫߸ ߡߍ߲ ߎ߬ ߘߌ߫ ߛߋ߫ ߞߵߏ߬ ߟߎ߬ ߡߊߘߏ߲߬ ߖߡߊ߬ߣߊ ߡߊ߬ߙߊ ߘߐ߫߸ ߓߟߏ ߦߋ߫ ߟߐ߬ ߟߊ߫ ߛߘߊߡߊ ߟߋ߬ ߟߊ߫߸ ߓߟߏ ߦߋ߫ ߟߐ߬ ߟߊ߫ ߕߐ߯ ߕߌ߮ ߟߋ߬ ߟߊ߫.

ߒ߬ߓߊ߬߸ ߊ߲ ߘߴߊ߬ ߝߐ߫ ߏ߬ ߘߐ߫߸ ߒ ߞߏ߫ ߝߍ߭ ߕߍ߫ ߓߍ߯ߦߊ ߞߋߟߋ߲߫ ߠߊ߫ ߘߋ߬، ߝߙߋߞߋ ߖߍ߬ߘߍߖߍ߬ߘߍ ߦߋ߫ ߡߍ߲ ߘߌ߫߸ ߊ߲ ߣߐ߬ ߝߋ߲߫ ߠߋ߬ ߛߎ߮ ߞߍ߫ ߟߴߊ߲ ߓߘߊ߸ ߡߍ߲ ߕߍ߫ ߓߍ߲߬ ߊ߲ ߓߘߊ، ߊ߬ ߣߴߊ߲ ߠߊ߫ ߘߐ߬ߝߐ ߕߍ߫ ߥߊ߫߸ ߊ߬ ߣߴߊ߲ ߠߊ߫ ߟߐ߲ߠߌ߲ߦߊ ߕߍ߫ ߥߊ߫߸ ߤߊߟߵߊ߲ ߛߌ߲߬ߝߏ߲߬ߧߊ߬ ߢߊ߸ ߊ߬ ߣߴߏ߬ ߕߍ߫ ߓߍ߲߬ ߢߐ߲߮ ߡߊ߬، ߊ߬ ߜߎ ߕߍ߫ ߓߍ߲߬ ߤߊߟߵߊ߲ ߠߊ߫ ߡߐ߰ߦߊ ߟߊߕߊ߯ߡߊ߫ ߢߊ ߟߋ߬ ߡߊ߬.

ߝߘߊ߬ߝߌ߲߬ߠߊ߫ ߓߘߊ߫ ߛߋ߫ ߖߊ߬ߕߋ߬ߓߐ ߡߊ߬، ߦߊ߯ߟߊ߫߸ ߓߍ߯ߦߊ ߡߍ߲ ߦߋ߫ ߕߋ߲߬߸ ߊ߲ ߧߋ߫ ߥߴߊ߬ ߘߌ߫ ߢߊ ߏ߬ ߡߊ߬ ߓߊ߰߸ ߥߟߴߊ߲ ߧߴߊ߬ ߛߊߞߍ߫ ߞߵߊ߬ ߘߐߓߍ߲߬ ߞߵߊ߬ ߓߍ߲߬ ߝߘߊ߬ߝߌ߲ ߣߌ߫ ߝߘߊ߬ߝߌ߲߬ߠߊ߫ ߡߊ߬؟ ߣߴߏ߬ ߜߎ ߕߍ߫߸ ߊ߲ ߧߴߊ߲ ߕߊ߫ ߟߋ߬ ߟߊߘߊ߲߫؟ ߛߌߞߊ߫ ߞߏ߬ߣߌ߲߬ ߕߍ߫ ߡߍ߲ ߘߐ߫߸ ߓߘߍ߬ߓߘߍ߬ߟߌ ߝߊ߬ߘߌ߬ ߝߏߦߌ߬ ߕߍ߫ ߓߍ߲߬ ߦߊ߲߬߸ ߣߌ߫ ߥߍ߬ߣߍ ߕߍ߫߸ ߣߌ߫ ߕߋߟߋ߲ ߕߍ߫߸ ߝߏ߫ ߡߊ߬ߙߊ ߦߋ߫ ߞߍ߫ ߏ߬ ߟߎ߬ ߓߍ߯ ߟߋ߬ ߞߊ߲߬.