ߊ߬ ߡߊ߫ ߡߍ߲߫ ߡߎߣߎ߲߬߸ ߡߊ߬ߙߌ߬ߝߊ߬ ߕߋ ߞߍ߫ ߘߊ߫ ߞߊ߬ ߘߏߣߊߟ ߕߑߙߐ߲ߔ ߣߌ߫ ߓߏ߲ߜߍ ߞߐߦߌߘߊ ߟߎ߬ ߕߏ߫ ߘߊߓߎ߲ߘߍ ߟߊ߫، ߒ߬ߓߊ߬߸ ߏ߬ ߟߋ ߞߏߢߊ ߢߌߣߌߣߌ߲ ߦߴߌߘߐ߫ ߤߊߟߌ߬ߛߊ߫߸ ߊ߬ ߓߘߊ߫ ߦߋ߫ ߞߊ߯ߙߌ ߣߌ߲߬ ߡߊ߬߸ ߊߡߙߌߞߌ߬ ߝߘߏ߬ߓߊ߬ ߞߕߌߞߊ߲ߘߊ ߟߊ߫ ߝߐߟߌ߫ ߘߐ߫߸ ߊ߬ߟߋ ߡߍ߲ ߦߋ߫ ߓߐ߬ߟߐ߲߬ߞߊ߬ ߘߌ߫، ߊ߬ ߞߊ߲߫ ߞߏ߫ ߞߐߟ ߊߟߍ߲߫ ߞߏ߫ ߞߍߢߊ ߟߎ߬ ߓߘߴߊ߬ ߦߌ߬ߘߊ߬ ߞߏ߫ <<ߞߊ߲ߕߌ߮ ߝߊ߰ ߟߐ߮ ߟߋ߬ ߕߎ߲߬ ߦߴߊ߬ ߟߊ߫ ߝߋߝߋ߫>>߸ ߏ߬ ߟߋ ߞߵߊ߬ ߦߌ߬ߘߊ߬ ߞߏ߫ ߊ߬ ߛߐ߰ߣߍ߲߫ ߊ߬ ߞߏ ߘߐߓߍ߲߭ ߠߋ߬ ߡߊ߬ ߡߎߣߎ߲߬ ߞߣߊ߬ߕߏ߫ ߊ߬ ߞߍ߫ ߟߊ߫، ߊ߬ ߘߏ߲߬ ߡߊ߫ ߥߊ߫ ߞߏ߫ ߝߌ߬ߟߊ߬ ߞߊ߲ߡߊ߬߸ ߊ߬ ߥߊ߫ ߘߊ߫ ߕߑߙߐ߲ߔ ߝߊ߰ ߞߊ߲ ߠߋ߬ ߡߊ߬.

ߞߕߌ ߞߏߟߊߕߍ߮ ߟߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߞߌ߬ߛߍ ߡߍ߲ ߕߋ߬ ߘߊ߫ ߛߌߞߊߒߡߊߓߊ߯ߕߐ ߣߌ߲߬ ߓߟߏ߫߸ ߊ߬ ߞߊ߬ ߜߎ߲߬ߘߎ߬ ߗߋߢߊߘߋ߲ ߞߋߟߋ߲߫ ߖߐߞߌ߫ ߟߋ߬߸ ߏ߬ ߡߍ߲ ߘߐ߱ߘߏ߲߬ߣߍ߲߫ ߞߊ߬ߝߏ߬ ߞߎ߲ߕߌ߮ ߟߊߕߊ߲߬ߞߊ ߟߊ߫، ߊ߬ ߡߊߝߌ߲߬ ߞߊ߲ ߠߎ߬ ߘߐ߫߸ ߗߋߢߊߘߋ߲ ߏ߬ ߝߊ߱ ߦߴߊ߬ ߦߌ߬ߘߊ߬ ߟߊ߫ ߞߏ߫ ߊ߬ ߡߊ߫ ߟߊߥߌ߬ߟߌ߫ ߦߋ߲߬ ߕߋ߲߬ ߜߊ߲ߛߊ߲߫߸ ߏ߬ ߦߋ߫ ߞߊ߲ߕߌ߮ ߖߍ߬ߘߍ ߟߋ߬ ߡߊߢߌߣߌ߲߫ ߠߊ߫߸ ߏ߬ ߡߍ߲ ߦߴߊ߬ ߟߊ߫ ߞߏ߲߭ ߘߌ߫.

ߞߕߌߞߊ߲ߘߊ߫ ߡߛߏ ߣߌ߲߬ ߞߵߊ߬ ߦߌ߬ߘߊ߬ ߞߏ߫ ߡߊ߬ߝߌ߲߬ߓߊ߰ߕߐ <<ߓߌߣߍ߲߫ ߕߍ߬ߘߍ߫ ߞߊ߬ ߓߍ߯ ߟߊߘߍ߬ߣߍ߲ ߝߊ߰ ߦߋ߲߬߸ ߡߍ߲ ߺ ߍ ߺ ߡߍ߲߫ ߞߵߊ߬ ߟߐ߬ ߊ߬ ߢߍ߫ ߛߌߟߊ ߘߐ߫.>> ߏ߬ ߟߋ߬ ߦߴߊ߬ ߦߌ߬ߘߊ߬ ߟߊ߫ ߞߏ߫ ߊ߬ ߟߊ߫ ߡߙߊ߬ߒ߬ߡߊ߬ߟߌ <<ߣߌ߲߬ ߘߐߓߍ߲߬ߣߍ߲߫ ߠߋ߬ ߝߛߊߦߌ߫.>> ߊ߬ ߟߊ߫ ߟߊ߬ߢߌߣߌ߲ ߝߟߐߡߊ ߕߘߍ߬ ߡߍ߲ ߘߌ߫߸ ߞߊ߬ ߘߏߣߊߟ ߕߑߙߐ߲ߔ ߝߊ߰߸ ߞߊ߬ ߓߊ߲߫ ߝߣߊ߫߸ ߊ߬ ߞߊ߬ ߜߟߍ߬ߦߊ ߛߐ߬ߘߐ߲߫ ߊ߬ ߡߍ߫ ߡߐ߰ ߛߌ߫ ߟߊ߫ ߞߎ߲߬ߠߊ߫߸ ߞߵߏ߬ ߓߍ߯ ߝߣߊ߫ ߝߊ߰ ߞߐߘߍ߫߸ ߞߎߡߊߕߍ߫ ߟߊ߬ߞߊ߲߬ߘߊ߬ߟߌ ߗߍ߬ߘߋ߲ ߠߎ߫ ߡߊ߬.

 

ߡߙߊ߬ߒ߬ߡߊ߬ߟߌ ߣߌ߲߬ ߖߐ߬ߘߐ ߓߏ߲߬ߓߊ߫ ߘߊߞߎ߲߫ ߝߌ߬ߟߊ߬ ߘߐ߫: ߓߘߍ߬ߓߘߍ߬ߟߌ ߞߎ߲߬ߘߊ߫߸ ߊ߬ ߣߌ߫ ߟߊ߬ߞߊ߲߬ߘߊ߬ߟߌ ߟߊ߫ ߞߎ߲߬ߠߊ߫

ߞߏߢߊ ߣߌ߲߬ ߞߍߣߍ߲߫ ߥߊ߯ߕߌ߫ ߟߋ߬ ߟߊ߫߸ ߊߡߙߌߞߌ߬ ߓߘߍ߬ߓߘߍ߬ߟߌ ߕߊ߯ ߢߊ ߣߌ߫ ߥߊ߯ߕߌ ߕߐ߭ ߟߎ߬ ߡߊ߲߫ ߞߊ߲߫ ߥߊ߯ߕߌ ߡߍ߲ ߠߊ߫߸ ߞߵߏ߬ ߞߎ߲߭ ߞߍ߫ ߡߐ߱ ߟߎ߬ ߡߙߌߦߊ ߓߐ ߘߌ߫ ߢߐ߲߮ ߡߊ߬ ߓߘߍ߬ߓߘߍ߬ߟߌ ߟߊߕߊ߯ߡߊ߫ ߢߊ ߘߐ߫ ߔߏ߲߫، ߊ߬ ߦߴߊ߬ ߦߌ߬ߘߊ߬ ߟߊ߫ ߝߣߊ߫߸ ߞߏ߫ ߊ߬ߟߋ߬ ߡߙߌߦߊ߫ ߝߘߏ߫ ߢߐ߲߰ ߡߊ ߓߘߊ߫ ߡߐ߱ ߟߎ߬ ߟߊߥߊ߬ߞߊߟߌ߫ ߞߵߊ߬ߟߎ߫ ߟߐ߬ ߖߎ߯ߦߊ ߞߎ߲߬ߛߌ߲߬ ߠߊ߫ ߖߡߊ߬ߣߊ ߓߘߍ߬ߓߘߍ߬ߟߌ߬ ߞߎ߲ߕߌ߮ ߖߘߍ߬ߓߊ߬ߞߎ߲ ߡߊ߬ ߥߛߊߞߙߊ߫.

ߊ߬ߟߋ߬ ߓߌ߬ߟߊ߬ߒ߬ߘߐ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߡߐ߱ ߟߎ߬ ߦߟߌߓߌ߬ߟߊ߫ ߕߊ߬ߡߌ߲߬ߣߍ߲ ߘߏ߫ ߟߎ߫ ߘߐ߫߸ ߛߎߡߊ߲ߒߘߐ ߡߍ߲ ߠߎ߬ ߓߘߊ߫ ߞߍ߫ ߕߑߙߐ߲ߔ ߞߊ߲ߡߊ߬ ߞߊ߬ߞߘߐ߫߸ ߊ߬ ߝߊ߰ ߞߏ ߘߐ߫، ߏ߬ ߓߘߴߊ߬ ߦߌ߬ߘߊ߬ ߞߏ߫ ߡߐ߰ ߘߌ߫ ߤߊߡߌ߲߫ ߊߡߙߌߞߌ߬ ߓߘߍ߬ߓߘߍ߬ߟߌ ߥߊ߫ ߢߊ ߘߌ߫ ߕߑߙߐ߲ߔ ߕߟߋ ߣߌ߲߬ ߘߐ߫.

 

ߊ߬ ߕߎ߬ߡߊ ߓߘߊ߫ ߛߋ߫ ߞߊ߬ ߟߊ߬ߕߊ߲߬ߞߊ߬ߟߌ ߞߍߢߊ ߟߎ߬ ߝߊ߲߬ߞߊߘߏ߲߬:

ߞߊ߬ ߓߍ߲߬ ߊ߬ߟߋ߬ ߛߎߡߊߒߘߐ ߡߊ߬߸ ߓߍ߯ ߦߟߌ߫ ߦߴߊ߬ ߟߊ߫ ߞߏ߫ ߘߏߣߊߟ ߕߑߙߐ߲ߔ ߓߍߣߵߊ߬ ߟߊߡߌߣߌ߲ ߟߊ߬ߞߊ߲߬ߘߊ߬ߟߌ ߝߊ߲߬ߞߊߘߏ߲߬߸ ߊ߬ ߕߌ߯ߕߌ߯ ߖߍ߬ߘߍ߸ ߊ߬ ߟߊ߫ ߓߐߒߣߘߐ ߟߎ߬ ߘߐ߫ ߛߐ߲߬ ߞߊ߬ ߕߊ߯ ߝߘߏ߬ߓߊ߬ ߞߏ ߟߎ߬ ߣߌ߫ ߓߘߍ߬ߓߘߍ߬ߟߌ߬ ߟߊ߬ߘߍ ߟߎ߬ ߘߐ߫، ߜߎ߲߬ߘߎ߬ ߗߋߢߊߘߋ߲ ߠߎ߬߸ ߏ߬ ߟߎ߬ ߡߍ߲ ߠߎ߬ ߦߋ߫ ߞߊ߲ߕߌ߯ߘߊ ߟߊ߬ߕߊ߲߬ߞߊ߬ߟߌ ߛߡߊ߬ߛߋ߲ ߘߌ߫߸ ߏ߬ ߟߎ߬ ߓߘߴߊ߬ߟߎ߬ ߘߐߓߍ߲߬ ߞߊ߬ ߞߣߐ߬ߜߍ߲߬ߠߌ߲߬ ߢߍߓߌߟߊ ߛߌ߰ ߛߋ߲߬ߠߊ߫߸ ߊ߬ ߣߌ߫ ߛߋ߲߬ߕߘߍ߬ߟߌ߬ ߞߊߟߌ߲ ߣߴߊ߬ ߓߍ߲߬ ߘߊ߫ ߞߏ߫ ߡߊ߬.

ߘߐ߬ߛߏ߰ߙߋ߬ߟߌ ߟߎ߫ ߞߏ߬ߣߌ߲ ߦߋ߫ ߛߋ߲߬ߠߊ߫߸ ߞߵߊ߬ ߟߐ߲߫߸ ߞߎ߲߬ ߞߋߟߋ߲߫ ߔߋ ߡߍ߲ ߣߐ߬ ߞߊ߲ߡߋߙߋ߲ ߣߌ߲߬ ߟߐ߬ ߟߊ߫ ߕߑߙߐ߲ߔ ߝߊ߰ ߞߏ ߡߙߌߦߊ ߕߊ߬ ߟߊ߫߸ ߣߴߊ߬ ߞߋߟߋ߲߫ ߠߋ߬ ߥߟߴߊ߬ ߣߌ߫ ߡߐ߰ ߟߵߊ߬ ߡߊ߬߸ ߛߴߏ߬ ߘߌ߫ ߟߐ߲߫، ߝߊ߰ߡߊ ߟߎ߫ ߞߏ߬ߣߌ߲ ߞߊ߲߫ ߞߏ߫ ߊ߬ߟߎ߬ ߦߋ߫ ߘߊ߬ߟߎ ߟߎ߬ ߟߊߘߍ߭ ߞߊ߲߬߸ ߣߴߏ߬ ߟߎ߬ ߓߊ߲߫ ߘߊ߫ ߕߎ߬ߡߊ ߡߍ߲ ߠߊ߫߸ ߊ߬ߟߎ߬ ߓߍߣߵߊ߬ ߕߊ߬ ߞߵߊ߬ ߟߊ߫ ߞߕߌߘߊ ߢߊߞߘߐ߫.

ߊ߬ ߞߏ߬ߣߌ߲߸ ߊ߬ ߞߍߣߍ߲߫ ߦߏ߫ ߣߌ߲߬ ߞߏ ߞߕߌ ߓߍߣߊ߬ ߞߍ߫ ߝߐ߰ߓߍ߬ߘߊ ߟߎ߬ ߘߊߘߐ߫ ߝߐ߯ߓߍ ߘߌ߫߸ ߓߍ߯ ߟߊߘߍ߬ߣߍ߲ ߓߍߣߊ߬ ߡߍ߲ ߞߏ ߘߐߝߐ߰ߓߍ߬ߝߐ߯ߓߍ߫.