ߟߞߊ߬ߙߊ߲߬ߠߌ߲߬ߠߊ߫ ߕߊ߬ߣߍ߲߫ ߕߊ߬ߓߊߟߌ ߟߎ߬ ߟߊ߫ ߢߐ߲߯ ߞߏߟߊ߲ߞߘߐߢߐ߲߯ߦߊ ߞߐߝߍ߬ ߞߊ߲ߞߊ߲߫ ߣߌ߫ ߛߌ߯ߙߌ߲߫ ߣߌ߫ ߡߊ߲߬ߖߊ߲߬ߠߊ߫ ߣߌ߫ ߞߙߎ߬ߛߊ߬ ߟߎ߬ ߘߐ߫߸ ߡߎߛߊ߫ ߖߊ߬ߞߌ߬ߕߋ߬ ߓߘߊ߫ ߞߎߡߊ߫، ߊ߬ ߞߊ߲߫ ߞߏ߫ ߥߛߊ߬ߓߊ߰ߦߊ ߡߍ߲ ߘߐ߱ߘߏ߲߬ߣߍ߲߫ ߟߞߊ߬ߙߊ߲߬ߠߌ߲߬ߠߊ߫ ߕߊ߬ߓߊߟߌ ߟߎ߬ ߟߊ߫ ߛߙߍߘߍ߫ ߟߊߘߌ߬ߢߍ߬ߕߊ ߟߎ߬ ߘߐߢߌߡߌ߲ ߠߊ߫߸ ߏ߬ ߟߎ߬ ߟߊ߫ ߓߊ߯ߙߊ ߓߘߊ߫ ߓߐ߫ ߜߍߟߊ߫ %߈߀ ߖߊ߬ߕߋ߬ ߟߊ߫ ߝߛߊߦߌ߫، ߓߊ߬ߙߌ߬߸ ߊ߬ ߞߊ߲߫ ߞߏ߫ ߓߊ߯ߙߊ ߕߐ߬ߣߍ߲ ߡߍ߲ ߕߏߣߍ߲߫߸ ߏ߬ ߟߋ ߞߢߊ߬ߣߍ߲߬ ߢߊߓߐ߫ ߟߊ߫، ߊ߬ߟߎ߬ ߦߴߏ߬ ߡߊ߬ߞߐ߬ߣߐ߲߬ߠߌ߲ ߞߎ߲߬ߢߐ߲߯ ߝߌ߬ߟߊ ߟߋ߬ ߘߐ߫ ߕߋ߲߬.

<<ߡߍ߲ ߘߐߙߐ߲߫ ߕߏߣߍ߲߫ ߡߎ߬ߕߎ߲߬߸ ߞߊ߬ ߖߌ߰ ߞߣߍ ߞߊ߲߬ ߘߐߙߐ߲߫߸ ߞߊ߬ ߣߊ߬ ߥߛߊ߬ߓߊ߰ߦߊ ߝߍ߬߸ ߞߊ߬ ߜߍ߫ ߘߐ߫ ߡߊߝߟߍߟߌ ߞߍ߫ ߛߊߛߋ߫ ߓߊ߯ߙߟߊ߫ ߞߘߐ߫ ߕߊ߬ߓߊߟߌ ߟߎ߬ ߟߊ߫ ߛߙߍߘߍ ߘߐ߫߸ ߖߐ߲߰ߛߊ߫ ߢߌ߬ߣߊ߬ ߞߊߣߊ߬ ߞߍ߫ ߘߏ߫ ߘߐ߫߸ ߊ߬ ߣߌ߫ ߝߐߢߐ߲߯ߞߐ ߟߎ߬ ߘߌ߫ ߡߊߕߊ߲߬ߞߴߊ߬ ߘߐ߫ ߢߊ ߡߍ߲ ߡߊ߬ ߛߙߍߘߍ߫ ߟߊߘߌ߬ߢߍ߬ߕߊ ߞߣߐ߫.>> ߊ߬ ߞߵߏ߬ ߦߌ߬ߘߊ߬.

ߕߌ߲߬ߞߎߘߎ߲ ߘߏ߲߬ߖߟߎ߬ߡߊ߬ߟߌ߬ߟߊ ߞߵߊ߬ ߞߊ߲ߠߊߘߌ߫ ߞߊ߲ߓߍ߲ ߞߊ߲ߕߌ߮ ߡߊ߬߸ ߡߊ߬ߡߊ߬ߘߌ߬ ߘߎ߲ߓߎߦߊ߫، ߞߏߕߌ߯ ߝߟߐ ߡߊ߬߸ ߊߡߊߘߎ߫ ߎ߯ߙߌ߬ ߓߊ߬߸ ߊ߬ ߣߌ߫ ߣߊ߲߬ߒ߬ߕߊ߲ ߠߎ߬ ߟߊߕߊ߲߬ߞߊ ߣߌ߫ ߓߊ߯ߙߊ ߣߌ߫ ߗߋߘߊ ߟߎ߬ ߞߏߕߌ߮߸ ߡߏߙߌ߫ ߞߐ߲ߘߍ߫، ߊ߬ ߞߏ߬ߣߌ߲ ߞߊ߬ ߕߊ߲߬ߘߏ߬ߟߌ ߟߊߛߋ߫ ߞߎ߲߬ߠߊ߬ߛߌ߮ ߡߊ߬߸ ߊ߬ߟߎ߬ ߟߊ߫ ߓߊ߯ߙߓߊ߫ ߞߍߣߍ߲ ߠߎ߬ ߞߏߛߐ߲߬، ߞߊ߬ ߓߊ߲߫ ߞߵߊ߬ ߝߐ߫ ߞߏ߫ ߊ߬ߟߎ߬ ߦߴߊ߬ߟߎ߫ ߓߙߊ߬ߖߌ ߕߐ߭ ߟߊߓߊ߲߫߸ ߣߴߏ߬ ߦߋ߫ ߖߌ߱ ߘߌ߫ ߞߣߍ ߞߊ߲߬߸ ߞߊ߬ ߣߊ߬ ߞߏ ߟߎ߬ ߓߊ ߕߵߊ߬ ߘߐ߫߸ ߏ߬ ߡߍ߲ ߡߊ߲߫ ߞߊ߲߫ ߞߊ߬ ߞߍ߫ ߟߊߡߍ߲ߕߊ߫ ߘߌ߫ ߡߎ߬ߕߎ߲߬.

ߛߊߛߋ߫ ߓߊ߯ߙߟߊ߫ ߞߘߐ ߢߌ߲߬ ߠߎ߫ ߖߌ߱ ߦߋ߫ ߡߍ߲ ߞߊ߲߬ ߕߋ߲߬߸ ߏ߬ ߟߋ ߓߍ߲߬ߞߊ߲߬ ߛߓߍ߫ ߞߟߊ߬ߣߐ߬ߦߊ߬ߣߍ߲ ߘߌ߫ ߞߎ߲߬ߠߊ߬ߛߌ߮ ߣߌ߫ ߕߐ߰ߕߐ߰ߟߌ߬ߟߊ߬ ߟߊߞߊ߬ߝߏ߬ߣߍ߲ ߠߎ߬ ߕߍ߫، ߡߎߛߊ߫ ߖߊ߬ߞߌ߬ߕߋ߬ ߞߊ߲߫߸ ߞߏ߫ ߓߍ߲߬ߘߐ ߏ߬ ߞߣߐ߫ ߞߎߡߊ ߦߴߊ߬ ߝߐ߫ ߟߊ߫ ߟߋ߬ ߞߵߊ߬ ߟߊߜߍ߫ ߛߎߋ߫߸ ߞߏ߫ ߞߊ߬ ߛߊߛߋ߫ ߓߊ߯ߙߟߊ߫ ߞߘߐ ߢߌ߲߬ ߠߎ߫ ߕߊ߬߸ ߣߌ߫ ߞߘߐߓߐߟߌ߫ ߕߍ߫، ߓߊߏ߬߸ ߊ߬ߟߎ߬ ߓߘߴߏ߬ ߞߍ߫ ߞߘߐ߬ߡߊ߲߬߸ ߞߵߏ߬ ߕߏ߲ߘߋ ߓߍ߯ ߛߐ߬ߘߐ߲߬.

<<ߓߍ߲߬ߘߐ ߞߣߐ߫ ߞߎߡߊ ߜߍߣߍ߲߫ ߠߋ߬: ߞߊ߬ ߕߊ߬ߟߌ ߞߍ߫ ߞߵߊ߬ ߛߐ߬ߘߐ߲߬ ߕߊ߬ߡߌ߲߬ ߡߊ߫ ߞߍ߫ ߛߌߟߊ߫ ߜߘߍ߫ ߝߍ߬ ߞߘߐߓߐߟߌ߫ ߓߟߏ ߡߊ߬، ߓߊ߬ߙߌ߬߸ ߞߊ߬ ߢߊ ߟߐ߬ ߕߏ߲ߘߋ߫ ߘߐ߫߸ ߡߍ߲ ߛߐ߬ߘߐ߲߬ߣߍ߲߫ ߞߊ߬ߙߊ߲߬ߓߏ߲ ߠߎ߬ ߞߣߐ߫ ߓߟߏߦߊߟߌ ߘߐ߫.>> ߊ߬ ߞߵߏ߬ ߦߟߌߓߌߟߊ ߞߍ߫.

ߥߛߊ߬ߓߊ߰ߦߊ ߣߊ߬ߕߐ߫ ߞߊߙߏ߫ ߝߌ߬ߟߊ ߟߋ߬ ߡߊ߬ ߣߌ߲߬߸ ߢߊ߫ ߡߊ߫ ߦߋ߫ ߞߏ߫ ߡߊ߬، ߏ߬ ߟߋ ߘߐ߫߸ ߓߋߟߋ߲ߕߌ߮ ߞߊ߲߫ ߞߏ߫ ߞߵߊ߬ ߞߏ ߟߞߊߟߌߦߊ߫، ߓߊߏ߬߸ ߓߟߏߞߓߊ ߓߘߊ߫ ߛߋ߫.

ߡߎߛߊ߫ ߖߊ߬ߞߌ߬ߕߋ߬ ߞߊ߲߫ ߞߏ߫ ߊ߬ߟߎ߬ ߦߙߌߞߊ ߦߋ߫ ߡߐ߰ ߄ ߅߀߀ ߟߋ߬ ߘߌ߫߸ ߛߍ߱ ߦߋ߫ ߡߍ߲ ߠߎ߬ ߞߊ߲߬، ߊ߬ ߞߊ߲߫ ߞߏ߫ ߘߏ߫ ߟߎ߫ ߖߍ߬ߘߍ ߓߘߊ߫ ߛߊ߬ ߊ߬ߟߎ߬ ߘߐ߫، ߕߙߐߦߊ ߞߏߛߐ߲߬߸ ߘߏ߫ ߟߎ߫ ߤߊ߲ߞߟߌ ߓߘߊ߫ ߡߊߕߊ߬߸ ߝߏ߫ ߘߏ߫ ߟߎ߫ ߓߘߴߊ߬ߟߎ߬ ߛߎߡߊ߲߫ ߊ߬ߟߎ߫ ߖߍ߬ߘߍߍ ߝߊ߰ ߞߏ ߘߐ߫.

<<ߊ߲ ߕߴߊ߬ ߝߍ߬ ߞߊ߬ ߢߊߖߌ߫ ߜߘߍ߫ ߦߋ߫ ߛߊߛߋ߫ ߓߊ߯ߙߟߊ߫ ߞߘߐ ߟߎ߬ ߢߊ ߟߊ߫ ߡߎ߬ߕߎ߲߬.>> ߊ߬ ߞߵߏ߬ ߦߙߐߣߍ߲ ߡߊߜߟߍ߬ߦߊ߬، ߞߣߊ߬ߕߏ߫ ߞߊ߲߬ߞߊߙߌ ߟߊ߫ ߟߊ߫: <<ߣߌ߫ ߞߏ߫ ߡߊ߫߫ ߓߐ߫ ߊ߬ ߘߐ߫ ߝߋߎ߫߸ ߦߊ߬ߣߌ߫ ߕߎ߬ߡߊ߬ߙߋ߫ ߣߊ߬ߕߐ ߟߎ߬ ߣߌ߫ ߟߏ߲߫ ߣߊ߬ߕߐ ߟߎ߬ ߕߍ߫߸ ߊ߲ ߘߴߊ߲ ߡߊߝߐߦߌ߲ߝߐߦߌ߲߫ ߛߊ߫ ߢߊ ߘߌ߫ ߟߐ߬ ߊ߲ ߘߐ߫.>>

ߞߎߡߊ ߏ߬ ߓߍ߯ ߣߴߊ߬ ߕߊ߫߸ ߘߏ߲߬ߖߟߎ߬ߡߊ߬ߟߌ߬ߟߊ ߖߌ߰ߡߝߊ߬ߣߍ߲߫ ߞߏ߫ ߝߊ߰ߡߊ ߟߎ߬ ߘߴߊ߬ߟߎ߬ ߢߊ ߟߐ߬ ߊ߬ߟߎ߬ ߘߐ߫ ߖߐ߫.