ߞߊ߲ߞߊ߲߫ ߖߊ߯ߓߘߊ߫ ߗ߭ߎ߳ߟߌߛ ߒߢߙߋߙߋ߫ ߦߋ߫ ߛߎ߬ߣߎ߲߬ߓߊ߫ ߟߋ߬ ߕߍߡߊ߬ ߕߋ߲߬߸ ߞߵߏ߬ ߞߎ߲߭ ߞߍ߫ ߛߦߊ߬ ߞߏ ߘߌ߫، ߞߊ߬ߕߎ߲߯߸ ߊ߬ ߡߊ߫ ߘߏ߲߬ ߕߎ߬ߡߊ߬ߙߋ߲߫ ߂߄ ߘߐ߫߸ ߝߏߘߋߦߊ ߞߊ߬ߙߊ߲߬ߠߊ߬ߘߋ߲߫ ߡߐ߰ ߝߌ߬ߟߊ߫ ߛߊ߬ ߘߊ߫߸ ߡߍ߲ ߠߎ߬ ߓߍ߯ ߦߋ߫ ߛߊ߲߭ ߝߌߟߊߣߊ߲ ߞߊ߲߬، ߝߊߘߌߡߊ߬ ߞߋߕߊ߬߸ ߊ߬ ߣߌ߫ ߌߘߙߌߛߊ߬ ߓߊߙߌ߫߸ ߊ߬ߟߎ߬ ߓߍ߯ ߛߊ߬ߣߍ߲߫ ߖߊ߲߬ߞߊߙߏ߫ ߞߎ߲߬ߘߐ߬ߛߎߘߎ߲ ߠߋ߬ ߘߐ߫ ߞߊ߲ߞߊ߲߫߸ ߏ߬ ߓߘߊ߫ ߞߍ߫ ߛߎ߬ߣߎ߲߬ߞߏ߬ߓߊ߫ ߘߌ߫ ߖߊ߯ߓߘߊ ߞߊ߲߬ ߕߋ߲߬.

ߛߊ߲߬ߞߊ߬ ߝߟߐ ߟߊߕߋ߬ ߘߊ߫ ߂߀߂߆ ߞߏ߲ߞߏߘߓߌ ߂߃ ߟߋ߬ ߡߊ߬߸ ߏ߬ ߞߍ߫ ߘߊ߫ ߝߊߘߌߡߊ߬ ߞߋߕߊ߬ ߟߋ߬ ߘߌ߫߸ ߞߊ߬ ߝߘߊ߫ ߞߙߎ߬ߛߊ߬ ߟߊ߫، ߏ߬ ߦߋ߫ ߝߏߘߋߦߊ ߂߲ ߞߊ߬ߙߊ߲߬ߠߊ߬ߘߋ߲ ߠߋ߬ ߘߌ߫߸ ߛߊ߲߬ߕߟߊ ߄߲߸ ߖߎ߲߯ߛߊ ߓߏߟߏ߲ߝߘߊ ߟߊ߫߸ ߣߴߊ߬ ߟߊ߫ ߛߎߥߊ߲ߘߌߕߊ ߦߋ߫ ߘߊߥߎ߲ߕߊ ߟߎ߬ ߖߎ߲߯ߛߊ ߘߌ߫.

ߏ߬ ߞߐߝߍ߬ ߕߎ߬ߡߊ߬ߙߋ߲߬ ߘߊ߲ߘߐ߫߸ ߛߌ߬ߣߌ߲߬ߟߏ߲ ߣߌ߲߬ ߡߊ߬ ߞߏ߲ߞߏߘߓߌ ߂߄߸ ߖߊ߯ߓߘߊ ߞߊ߬ ߛߊ߲߬ߞߊ߬ ߝߌߟߊߣߊ߲ ߝߣߊ߫ ߟߊߕߋ߬߸ ߏ߬ ߟߋ ߞߍ߫ ߘߊ߫ ߌߘߙߌߛߊ߬ ߓߊߙߌ߫ ߘߊ߫߸ ߞߊ߬ ߓߐ߫ ߘߊߓߏߟߊ߫، ߊ߬ ߝߣߊ߫ ߦߋ߫ ߝߏߘߋߦߊ ߂߲ ߠߋ߬ ߞߊ߲߬߸ ߛߊ߲߬ߕߟߊ߬ ߄߲ ߘߐ߫߸ ߘߐ߬ߞߏ ߓߏߟߏ߲ߝߘߊ ߟߊ߫، ߊ߬ ߞߙߍ߬ߝߍ߬ ߡߐ߮ ߟߎ߫ ߞߵߊ߬ ߦߌ߬ߘߊ߫ ߒ߬ ߠߊ߫ ߞߏ߫ ߊ߬ߟߋ߫ ߝߎ߬ߙߋ ߦߋ߫ ߛߌߟߊ ߞߊ߲߬ ߞߊ߬ ߘߊߓߏߟߊ߫ ߡߊߜߍ߲߫.

ߛߊ߬ߦߊ߫ ߝߌ߬ߟߊ߬ߣߍ߲ ߢߌ߲߬ ߓߘߊ߫ ߜߟߍ߬ߦߊ߫ ߖߊ߯ߓߘߊ ߡߊ߬ ߕߋ߲߬ ߞߏߛߓߍ߫߸ ߞߊ߬ߙߊ߲߬ߠߊ߬ߘߋ߲߫ ߝߌ߬ߟߊ߬ ߞߋߟߋ߲ߘߌ߫߸ ߡߍ߲ ߠߎ߬ ߕߘߍ߬ ߟߐ߲ߞߏ ߞߊ߬ߙߊ߲ ߞߊ߲߬߸ ߊ߬ߟߎ߬ ߟߊ߫ ߞߐߙߍ ߕߎ߲߬ ߓߘߊ߫ ߊ߬ߟߎ߫ ߖߌ߱ ߟߊ߫ ߟߴߊ߬ߟߎ ߡߍ߲ ߠߎ߬ ߞߊ߲߬ ߞߊ߬ߙߊ߲ ߞߎ߲߭ߝߊ߰ ߕߎߡߊ ߢߌ߲߬ ߠߊ߫، ߊ߬ߟߎ߬ ߓߘߊ߫ ߕߏ߫ ߝߎߣߎ߲ߞߋߦߊ ߥߎߟߊ ߘߐ߫߸ ߞߊ߬ ߢߌߣߌ߲ߞߏ ߥߙߍߓߊߓߊ ߕߏ߫ ߞߐ߲߬ߞߐ߲ ߘߐ߫.

ߛߎ߬ߣߎ߲ ߣߌ߫ ߢߊߖߌ ߏ߬ ߟߋ ߞߏߛߐ߲߬߸ ߞߊ߲ߞߊ߲߫ ߖߊ߯ߓߘߊ߫ ߗ߭ߎ߳ߟߌߛ ߒߢߙߋߙߋ߫ ߞߌ߬ߣߊ߸ ߞߊ߬ߙߊ߲߬ߝߊ߫ ߡߎߛߑߕߝߊ߬ ߛߊ߲ߜ߭ߊߙߋ߫ ߞߊ߬ ߛߊ߲߬ߞߊ߬ ߝߏߟߌ ߞߍ߫ ߛߊ߬ߓߊ߰ߕߐ ߞߐߙߍ߫ ߢߊߖߌߞߎߘߎ߲ߕߐ ߡߊ߬߸ ߊ߬ ߣߴߊ߬ߟߎ߫ ߘߍ߬ߢߐ߲߮ ߠߎ߬ ߣߌ߫ ߖߊ߯ߓߘߊ ߘߏ߲߬ߞߏ ߓߍ߯ ߡߊ߬ ߞߐߘߍ߫.