ߛߊ߯ߟߌ ߦߋ߫ ߓߊ߯ߙߊ ߟߋ߬ ߘߌ߫߸ ߡߍ߲ ߣߊ߬ߝߊ ߞߊ߫ ߓߏ߲߬ ߘߍ߭ ߘߐ߫߸ ߕߐ߬ߣߐ ߘߏ߲߬ ߦߴߊ߬ ߟߊ߫ ߝߣߴߊ߬ ߞߍߓߊ߮ ߟߎ߬ ߓߟߏ߫߸ ߓߟߏߟߊߓߊ߯ߙߊ ߦߋ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߓߊ߯ߙߊ ߟߋ߬ ߘߌ߫߸ ߊ߬ ߦߋ߫ ߘߋ߲ߡߌߛߍ߲ ߠߎ߬ ߞߎ߲߬ߞߊ߬ߙߌ߬ߝߊ߬ ߦߙߐ ߟߋ߬ ߘߌ߫߸ ߝߍߙߍ߲ߛߊ ߦߋ߫ ߓߊ߯ߙߊ ߟߋ߬ ߘߌ߫߸ ߡߍ߲ ߦߋ߫ ߡߊߞߊ߬ߙߊ߲߬ ߠߊ߫ ߛߊ߲߬ ߦߙߌߞߊ߫ ߞߘߐ߫߸ ߊ߬ ߞߍߓߊ߮ ߘߏ߫ ߟߎ߫ ߦߴߊ߬ ߡߊߞߊ߬ߙߊ߲߬ ߠߊ߫ ߛߊ߲߬ ߟߏ߯ߟߎ߫ ߞߎ߲߬ߕߊ߯ ߞߘߐ߫߸ ߌߞߏߡߌ߲߬ ߝߟߐ߫ ߓߊ߯ߙߊ ߣߌ߫ ߛߌߛߍ߲߬ ߓߊ߯ߙߊ ߟߎ߬ ߞߍߝߊߘߌ ߕߍ߫ ߞߋߟߋ߲߫ ߘߌ߫߸ ߗ߭ߐߙߑߣߐ߬ ߞߊ߬ߡߙߊ߫ ߞߵߊ߬ ߕߊ ߡߞߊ߬ߙߊ߲߬ߧߊ߫ ߛߊ߲߬ ߝߌ߬ߟߊ ߟߋ߬ ߞߘߐ߫߸ ߊ߬ߟߋ ߡߍ߲ ߥߊ߯ߕߌ߫ ߦߙߌߞߊ߫ ߦߴߊ߬ ߞߊ߲߬ ߣߌ߲߬߸ ߞߊ߬ߦߌ߯ ߁߀߈߂ ߝߊ߲߭ߝߍ߬߸ ߡߐ߰ߓߊ ߗ߭ߐߙߑߣߐ߬ ߞߊ߬ߡߙߊ߫ ߞߊ߬ ߛߊ߯ߟߌ ߘߊߡߌ߬ߣߊ߬߸ ߏ߬ ߛߊ߲߬ ߁߀ ߠߋ߬ ߡߊ߬߸ ߊ߬ ߞߵߊ߬ ߓߟߏߓߐ߫ ߓߊ߯ߙߊ ߘߐ߫߸ ߒ߬ߞߊ߬߸ ߏ߬ ߞߐߝߍ߬߸ ߊ߬ ߡߊ߫ ߢߊ߬߸ ߊ߬ ߞߊ߬ ߓߊ߯ߙߊ ߘߊߡߌ߬ߣߊ߬ ߌߞߐ߫.

ߒ߬ߓߊ߬߸ ߞߊ߬ ߓߐ߫ ߏ߬ ߡߊ߬ ߞߣߵߊ߬ ߛߌ߰ ߥߊ߯ߕߌ ߢߌ߲߬ ߠߊ߫߸ ߊ߬ ߓߘߊ߫ ߛߋ߫ ߞߊ߬ ߕߐ߬ߣߐ ߛߐ߬ߘߐ߲߬߸ ߓߊߏ߬߸ ߊ߬ ߓߘߊ߫ ߛߋ߫ ߞߊ߬ ߝߘߎ ߞߍ߫ ߊ߬ ߘߐ߫߸ ߊ߬ ߣߌ߫ ߞߊ߬ ߛߋ߫ ߞߋߟߋ߲߫ ߞߍ߫ ߟߊ߫ ߝߌ߬ߟߊ߬ ߘߴߊ߬ ߘߐ߫߸ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߛߌߟߊ ߝߍ߬، ߡߞߊ߬ߙߊ߲߬ߘߋ߲ ߡߍ߲ ߕߘߍ߬ ߦߴߊ߬ߟߋ ߓߟߏ߫߸ ߏ߬ ߘߌ߫ ߡߐ߰ ߁߀ ߣߌ߫ ߞߐ߫ ߓߐ߫߸ ߓߊ߬ߙߌ߫߸ ߏ߬ ߝߏߦߌ߬ ߕߍ߫ ߦߋ߲߬ ߓߎ߬ߕߎ߲߫߸ ߊ߬ ߞߵߊ߬ ߦߌ߬ߘߊ߫ ߞߏ߫ <<ߡߐ߰ ߡߍ߲ ߕߘߍ߬ ߒߠߋ ߓߟߏ߫߸ ߊ߬ ߘߌ߫ ߡߐ߰ ߁߈ ߓߐ߫߸ ߡߐ߰ ߁߈ ߏ߬ ߘߐ߫߸ ߡߍ߲ ߞߍ߫ ߘߊ߫ ߓߊ߯ߙߊ ߓߊߓߋ߬ߓߊ߮ ߘߌ߫߸ ߏ߬ ߡߊ߫ ߡߐ߰ ߛߊ߬ߓߊ߫ ߓߐ߫߸ ߡߍ߲ ߞߍ߫ ߘߊ߫ ߏ߬ ߞߎ߲߭ ߘߌ߫߸ ߏ߬ ߦߋ߫ ߓߊ߯ߙߊ ߟߊߜߟߍ߬ߦߊ߫ ߟߋ߬ ߘߌ߫>> ߌߞߏߡߌ߲߬ ߓߊ߯ߙߊ ߓߍ߯ ߣߴߊ߬ ߡߊ߲߬ߕߙߐ߫ ߟߋ߬ ߦߋ߫߸ ߊ߬ߟߎ߬ ߘߊ ߛߋ߫ ߘߴߊ߬ߟߎ߬ ߟߊ߫ ߜߟߍ߬ߦߊ ߏ߬ ߘߏ߫ ߟ߫ߎ ߡߊ߬߸ ߗ߭ߐߙߑߣߐ߬ ߞߊ߬ߡߙߊ߫ ߞߵߊ߬ ߦߌ߬ߘߴߊ߲ ߠߊ߫ ߊ߬ߟߎ߬ ߟߊ߫ ߡߊ߲߬ߕߙߐ ߏ߬ ߟߎ߬ ߘߐ߫߸ ߊ߬ߟߋ߫ ߡߍ߲ ߦߋ߫ ߓߊ߯ߙߊ߫ ߞߎ߲ߕߌ߮ ߘߌ߫ ߡߌߛߌ߬ߙߊ߲߫ ߓߍ߲߬ߕߍ ߞߍ߬ߙߍߝߍ߸ ߊ߬ ߞߊ߲߫ ߞߏ߫ <<ߜߟߍ߬ߦߊ ߡߍ߲ ߦߴߊ߲߸ ߏ߬ ߘߏ߫ ߟߋ߬ ߦߋ߫ ߦߙߌ ߛߐ߬ߘߐ߲߬ߓߊߟߌߦߊ ߘߌ߫߸ ߞߋ߲߬ߥߟߎ߬ ߞߋߟߋ߲߫ ߓߊ߯ ߘߴߌ ߡߊ߬ ߦߙߌ߫ ߞߏ ߘߐ߫߸ ߌ ߣߌ߫ ߥߊ߯ ߗߍ߬ߡߍ߫ ߟߋ߬ ߦߴߊ߬ ߞߐߛߋ߬ߦߌ߲߬ ߠߊ߫، ߓߊ߯ߙߊ߫ ߝߋ߲ ߠߎ߬ ߝߣߊ߫ ߛߐ߲߬ߞߐ ߓߘߊ߫ ߜߟߍ߬ߦߊ߫߸ ߡߍ߲ ߕߘߍ߬ ߦߋ߫ ߛߊ߲߬ ߠߊ߫ ߅ ߀߀߀ ߟߊ߫߸ ߏ߬ ߓߘߊ߫ ߞߍ߫ ߁߀ ߀߀߀ ߘߌ߫>>

ߞߎ߲߬ߕߌ߮ ߞߵߏ߬ ߟߋ߬ ߝߐ߫߸ ߡߐ߱ ߡߍ߲߬ ߠߎ߬ ߦߋ߫ ߝߋ߲߫ ߓߍߣߍ߲ߢߐ߲߰ߡߊ߫ ߛߌߦߊߡߊ߲߫ ߠߋ߬ ߟߊߘߊ߲߫ ߠߊ߫ ߦߙߌ ߘߐ߫߸ ߝߋ߲߫ ߺ ߋ߲߫ ߺ ߝߋ߲߬ ߣߴߊ߬ ߘߌ߫ ߞߍ߫ ߓߏ߲߫ ߡߊߛߘߌ ߘߌ߫߸ ߊ߬ߟߎ߬ ߦߴߊ߬ߟߎ߬ ߛߋߞߏ ߞߍ߫ ߟߊ߫ ߏ߬ ߟߎ߬ ߟߊߘߊ߲ ߘߐ߫، ߞߵߊ߬ ߓߍ߯ ߕߊ߬ ߞߵߊ߬ ߟߊ߫ ߟߊߝߋ߲ ߞߊ߲߬߸ ߘߋ߲߬ߓߊ߫ ߞߙߎ߬ߡߊ߬ ߦߋ߫ ߛߙߍߞߍ ߟߋ߬ ߘߌ߫ ߓߊ߯ߙߊ߫ ߘߊߞߎ߲ ߢߌ߲߬ ߘߐ߫߸ ߊ߬ߟߋ ߡߍ߲ ߝߣߊ߫ ߓߘߊ߫ ߥߊ߯ߕߌ߫ ߦߙߌߞߊ߫ ߞߍ߫ ߊ߬ ߦߴߊ߬ ߞߊ߲߬߸ ߞߊ߬ߦߌ߯ ߁߀߉߄ ߠߊ߫، ߊ߬ߟߋ ߝߣߊ߫ ߞߵߊ߬ ߦߌ߬ߘߊ߫ ߞߏ߫ ߓߊ߯ߙߊ ߣߌ߲߬ ߕߐ߬ߣߐ ߓߘߊ߫ ߛߋ߫ ߊ߬ߟߋ ߡߊ߬߸ ߝߣߊߣߌ߫ ߓߊ߯ߙߊ߫ ߟߋ߬ ߦߴߊ߬ ߘߌ߫߸ ߡߐ߰ ߘߴߊ߬ ߛߌ߰ ߡߍ߲ ߡߊ߬߸ ߛߙߍߞߍ ߣߌ߲߬ ߞߊ߬ ߘߋ߲ߡߌߛߍ߲߫ ߕߐ߭ ߟߎ߬ ߡߊߞߟߌ߫ ߓߊ߯ߙߊ ߟߋ߬ ߡߊ߬߸ ߊ߬ ߞߊ߲߫ ߞߏ߫ <<ߒ ߧߴߊ߬ ߝߐ߫ ߟߊ߫ ߘߋ߲ߡߌߛߍ߲ ߓߍ߯ ߦߋ߫߸ ߛߍ߬ߓߍ ߟߋ߬ ߞߊ߫ ߝߌ߬ߛߊ߫߸ ߌ ߓߊ߯ ߞߍ߫ ߓߊ߯ߙߊ߫ ߘߊߞߎ߲߫ ߛߌ߫ ߘߐ߫߸ ߡߍ߲ ߣߌ߫ ߛߏ߲߬ߧߊ߬ߟߌ߬ ߕߍ߫ ߞߋߟߋ߲߫ ߘߌ߫߸ ߌ ߘߐߖߊ߬ ߏ߬ ߡߊ߬߸ ߛߥߊ߬ߓߊ ߦߋ߫ ߏ߬ ߟߋ߬ ߘߌ߫߸ ߓߊ߯ߙߊ߫ ߘߐ߰ߡߊ߲߬ߣߍ߲߫ ߕߍ߫ ߦߋ߲߬߸ ߌ ߓߊ߯ ߞߍ߫ ߓߊ߯ߙߊ ߡߍ߲ ߠߊ߫߸ ߣߴߌ ߡߴߏ߬ ߕߐ߬ߣߐ ߛߐ߬ߘߐ߲߬ ߏ߬ ߟߏ߲.

ߌ ߘߌߣߵߊ߬ ߕߐ߬ߣߐ ߛߐ߬ߘߐ߲߬ ߟߏ߲߫ ߜߘߍ߫>> ߊ߬ ߞߵߏ߬ ߟߋ߬ ߝߐ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߋ߫ ߓߊ߯ߙߊ ߛߐ߬ߘߐ߲߬ ߠߊ߫ ߝߛߊߦߌ߫߸ ߓߊ߬ߙߌ߫߸ ߌ ߓߴߌ ߦߴߌ ߞߎ߲߭ ߓߐ߫ ߟߊ߫ ߓߊ߯ߙߊ ߘߏ߫ ߟߎ߫ ߞߘߐ߫߸ ߡߐ߰ߒ߬ߕߊ߲߬ߧߊ ߟߋ߬ ߦߴߏ߬ ߞߍ߫ ߟߊ߫߸ ߓߊ߯ߙߊߢߐ߲߮ ߘߏ߫ ߛߋ߫ ߘߊ߫ ߡߐ߱ ߡߍ߲ ߠߎ߬ ߟߊ߫ ߓߊ߯ߙߊ ߞߍߢߊ߫ ߢߎߡߊ ߟߊߛߙߋߦߊ߫ ߟߴߊ߲ ߢߊߞߘߐ߫ ߦߋ߲߬߸ ߊ߬ߟߋ ߡߍ߲ ߡߊ߫ ߛߐ߲߬ ߞߎߡߊ߫ ߟߴߊ߲ ߠߊ߫ ߖߌ߬ߦߊ߬ߕߊ߬ߟߊ߲ ߢߊߞߘߐ߫߸ ߊ߬ ߞߏ߬ߣߌ߲ ߞߵߊ߬ ߡߙߌߦߊ ߦߌ߬ߘߊߞߊ߬߸ ߊ߬ ߞߊ߲߫ ߞߏ߫ <<ߒߠߋ ߛߐ߲߬ߣߍ߲߫ ߠߋ߬ ߡߐ߰ ߡߍ߲߬ ߠߎ߬ ߟߊ߫ ߓߊ߯ߙߊ ߦߋ߫ ߝߛߊߦߌ߫߸ ߊ߬ߟߎ߬ ߟߊ߫ ߓߊ߯ߙߊ ߞߊ߫ ߢߌ߲߬߸ ߊ߬ߟߎ߬ ߞߎ߬ߛߊ߲߫ ߝߋ߲߫ ߢߌߡߊ ߟߊߘߊ߲߫ ߠߊ߫ ߡߐ߱ ߦߋ߫߸ ߊ߬ߟߎ߫ ߘߏ߲߬ ߠߊ߫ ߝߋ߲ ߠߎ߬ ߝߣߊ߫ ߞߟߏߜߍ߬ߟߍ߲߬ߡߊ߲߫ ߠߋ߬ ߝߋߎ߫>> ߓߊ߯ߙߊߢߐ߲߮ ߏ߬ ߞߵߏ߬ ߦߌߘߊߞߊ߬.