ߝߘߊ߬ߝߌ߲߬ߠߊ߫ ߕߏ߬ߟߊ߲߬ߕߊ߲߬ ߞߙߎߝߊ (ߞߊߝ) ߓߘߴߊ߬ ߟߊ߫ ߛߌ߲߬ߝߏ߲߬ߧߊ߬ߟߌ ߞߍ߫ ߦߙߐ ߡߊߝߊ߬ߟߋ߲߫ ߢߌ߬ߣߊ߲߬߸ ߊ߬ ߦߋ߫ ߞߐ߲ߘߐ߲ ߡߍ߲ ߠߎ߬ ߘߌ߫ ߟߊ߫ ߛߊ߲߭ ߞߘߐ߫ ߛߐ߲߬ ߞߊ߬ߣߌ߲߬، ߊ߬ ߞߍߞߏ߫ ߣߊ߯ߣߌ߲߫ ߓߘߊ߫ ߕߊ߬ߡߌ߲߬ ߢߐ߲߮ ߞߐ߫߸ ߏ߬ ߟߎ߬ ߓߍ߯ ߦߋ߫ ߞߍ߫ ߟߊ߫ ߡߊ߬ߙߐߞߎ߬ ߟߋ߬، ߒ߬ߓߊ߬߸ ߞߊߝ ߟߊ߫ ߂߀߂߆ ߊߥߊߙ ߞߍߕߐ߫ ߊߓߎߖߊ߫ ߟߋ߬߸ ߖߋ߬ߟߌ߬ߓߊ߬ߟߊ߫ ߖߡߊ߬ߣߊ ߞߊ߲߬߸ ߦߏ߫ ߊ߲ ߞߵߏ߬ ߦߋ߫ ߦߋ߲߬ ߝߐ߰ߓߍ߬ߘߊ߬ ߛߌߦߊߡߊ߲߫ ߞߊ߲߬ ߢߊ ߡߍ߲ ߡߊ߬.

ߡߊ߬ߙߐߞߎ߬ ߡߊ߲߬ߛߊ߬ߟߊ ߟߋ߬ ߦߋ߫ ߝߘߊ߬ߝߌ߲߬ߠߊ߫ ߕߏ߬ߟߊ߲ ߢߊ߰ߢߊ߰ ߟߊ߬ߓߊ߲ ߢߌ߲߬ ߠߊߞߢߐ߬ߡߊ߬ ߟߊ߫ ߛߐ߲߬߸ ߒ߬ߓߊ߬ ߢߌ߬ߣߊ߲߬ ߕߊ ߣߌ߲߬ ߓߘߊ߫ ߦߟߍ߬ߡߊ߲߫ ߝߊ߲߬ ߜߘߍ߫ ߝߍ߬، ߊߟߎ߫ ߦߴߊ߬ ߟߐ߲߫ ߝߣߊ߫߸ ߊ߬ߟߋ߬ ߝߘߊ߬ߝߌ߲߬ߠߊ߫ ߕߏ߬ߟߊ߲߬ߕߊ߲߬ ߞߙߎߝߊ ߞߊ߫ ߞߊ߲߫ ߞߵߊ߬ߟߎ߬ ߟߊ߫ ߘߋ߬ߙߌ߬ߣߊ߲߬ ߝߘߏߓߊ߫ ߜߙߊ ߄߈߲ ߡߍ߲ ߞߍ߫ ߛߊ߲߬ ߠߊ߬ߓߊ߲ ߢߌ߲߬ ߠߊ߫߸ ߏ߬ ߞߊ߫ ߞߊ߲߫ ߞߊ߬ ߞߍ߫ ߖߋ߬ߟߌ߬ߓߊ߬ߟߊ߫ ߟߋ߬.

ߌߞߘߐ߫ ߟߊ߬ߘߍ ߡߍ߲ ߕߎ߲߬ ߦߴߌߘߐ߫ ߣߊߦߌߙߏߓߌ߫ ߞߐ߬ߓߊ߬ߟߏ߲߫ ߕߊ߬ߡߌ߲߬ߣߍ߲ ߣߌ߲߬ ߡߊ߬߸ ߖߋ߬ߟߌ߬ߓߊ߬ߟߊ߫ ߞߊ߲ߕߌ߮ ߓߏ߬ߟߊ ߕߌ߬ߣߓߎ߬ ߣߌ߫ ߞߊߝ ߞߊ߲ߕߌ߮ ߔߊ߬ߕߙߌߛ ߡߐߕߑߛߔߋ ߞߊ߬ ߢߐ߲߯ߦߋ߫ ߟߋ߬ ߦߋ߲߬߸ ߡߙߌߦߊ ߣߌ߲߬ ߕߊ߬ߣߍ߲߫ ߏ߬ ߟߋ ߞߐ ߘߐ߫ ߣߌ߲߬ ߌߞߘߐ߫. ߖߋ߬ߟߌ߬ߓߟߊ߬ ߞߊ߲ߕߌ߮ ߣߌ߫ ߡߐߕߑߛߔߋ߫ ߟߊ߫ ߢߐ߲߯ߦߋ ߣߌ߲߬ ߘߐ߫߸ ߝߘߊ߬ߝߌ߲߬ߠߊ߫ ߕߏ߬ߟߊ߲ ߡߐ߰ߘߐ߬ߜߍ߬ ߛߌߦߊߡߊ߲߫ ߕߍ߬ߘߍ߫ ߦߋ߲߬߸ ߊߡߊߖߎ߫ ߔߌ߬ߣߌߞ߸ ߛߊߡߑߛߐ߲ ߊߘߊߡߎ߫.

ߖߋ߬ߟߌ߬ߓߊ߬ߟߊ߫ ߞߍߞߏ߫ ߝߟߐ߫ ߕߍ߫ ߣߌ߲߬ ߘߌ߫ ߞߊ߬ ߖߊ߲߬ߖߏ߲߬ ߛߎ߲߮ ߣߌ߲߬ ߛߌ߲߬ߝߏ߲߬ߧߊ߫ ߘߋ߬، ߊ߬ ߘߏ߫ ߞߍ߫ ߘߊ߫ ߦߋ߲߬ ߂߀߀߉ ߟߊ߫߸ ߊ߬ ߣߌ߫ ߂߀߁߅ ߟߊ߫.

ߊ߬ ߞߏ߬ߣߌ߲ ߞߍ߫ ߘߊ߫ ߘߌ߬ ߺ ߌ  ߺ ߘߌ߬߸ ߖߋ߬ߕߌ߰ ߡߊ߬ߝߊߟߋ߲ ߣߌ߲߬ ߘߌ߫ ߡߐ߰ ߟߐ߬ ߢߌ߬ߣߌ߲߬ߞߊ߬ߟߌ߬ ߞߍ߫ ߟߴߌ ߖߍ߬ߘߍ߫ ߞߎ߲߬߸ ߞߏ߫ ߊ߬ ߓߍ߲߬ߣߍ߲߫ ߠߋ߬ ߕߍ߫ ߡߊ߬ߙߐߞߎ߬ ߣߌ߫ ߞߊߝ ߕߍ߫ ߓߊ߬، ߓߊߏ߬߸ ߞߊߙߏ߫ ߘߊ߲ߘߐ ߣߌ߲߬ ߞߘߐ߫߸ ߊ߬ ߓߘߊ߫ ߞߛߊ߫ ߢߊ߫ ߛߌߦߊߡߊ߲߫ ߡߊ߬، ߊ߲ ߞߏ߬ߣߌ߲ ߦߋ߫ ߞߎߡߊ ߣߌ߲߬ ߠߤߊߕߍߦߊ ߢߌߣߌ߲ ߞߊ߲߬ ߞߊ߬ ߝߘߊ߫ ߞߊߝ ߖߍ߬ߘߍ ߟߊ߫߸ ߣߴߏ߬ ߞߍ߫ ߘߊ߫ ߕߎ߬ߡߊ߬ ߛߌ߫߸ ߏ߬ ߕߍ߫ ߞߢߊ߬ ߟߊߛߋ߫ ߟߴߊߟߎ߫ ߡߊ߬.