ߞߊߡߋߙߎߣ ߦߋ߫ ߛߎ߬ߣߎ߲ ߠߋ߬ ߘߐ߫ ߞߍ߲ߘߍߟߏ߲ ߣߌ߲߬ ߡߊ߬߸ ߂߀߂߆ ߞߏ߲ߞߏߘߓߌ ߕߟߋ߬ ߁߁߸ ߞߵߏ߬ ߞߎ߲߭ ߞߍ߫ ߡߊߙߑߛߍߟ ߢߊߕ ߒߖߌߝߋ߲ߖߌ߫ ߟߊ߫ ߛߊ߬ߦߊ ߘߌ߫߸ ߊ߬ߟߌߋ ߡߍ߲ ߦߋ߫ ߞߏߕߌ߯ ߞߘߐ߫ ߘߌ߫߸ ߊ߬ ߣߌ߫ ߞߊߡߋߙߎߣ ߞߊ߲߬ߜߍ߬ߘߊ ߞߊ߲ߕߌ߯ ߞߘߐ߫ ߘߌ߫، ߊ߬ ߛߊ߬ ߘߊ߫ ߞߵߊ߬ ߕߏ߫ ߦߊߥߎ߲ߘߋ߫ ߘߊ߲ߘߊߛߏߓߊ ߟߋ߬ ߟߊ߫.

ߊ߬ ߛߊ߬ߣߍ߲߫ ߞߵߊ߬ ߛߌ߬ߞߛߊߓߌ ߕߏ߫ ߛߊ߲߬ ߉߂ ߟߋ߬ ߘߐ߫، ߓߊߏ߬߸ ߊ߬ ߛߐ߬ߘߐ߲߬ ߘߊ߫ ߁߉߃߄ ߞߏ߲ߓߌߕߌ߮ ߕߋ߬ߟߋ߫ ߂߆ ߟߋ߬ ߡߊ߬߸ ߝߐ߲ߜ߭ߏ߫ ߕߐ߲ߜ߭ߏ߫ ߘߎ߱ ߞߣߐ߫߸ ߞߊߡߋߙߎߣ ߕߟߋ߬ߓߋ ߘߐ߫، ߊ߬ ߦߋ߫ ߓߊ߲ߜ߭ߊߕߋ߫ ߘߋ߲ ߠߋ߬ ߘߌ߫، ߊ߬ ߝߊ߬ ߕߎ߲߬ ߦߋ߫ ߛߍߡߊ߫ ߘߊ߲ߘߊߟߌߟߊ ߟߋ߬ ߘߌ߫ߟ ߊ߬ ߣߊ߫ ߕߎ߲߬ ߦߋ߫ ߛߣߍ߬ߞߍ߬ߟߊ߫ ߘߌ߫، ߊ߬ ߞߵߊ߬ ߟߊ߫ ߞߊ߬ߙߊ߲ ߞߎ߲߬ߝߟߐ ߞߍ߫ ߓߊ߲ߜ߭ߊ߲ߕߋ߫ ߘߎ߱ ߟߋ߬ ߞߣߐ߫߸ ߞߵߊ߬ ߛߌ߰ ߊ߬ ߛߊ߲߬ ߁߃ ߟߊ߫، ߞߊߡߋߙߎ߲ߞߊ߫ ߝߟߐߝߟߐ ߡߍ߲ ߠ߬ߎ ߥߊ߫ ߘߊ߫ ߞߊ߬ߙߊ߲ ߠߊ߫ ߞߐߞߊ߲߬ ߣߴߊ߬ߟߎ߫ ߞߵߊ߬ߟߎ߬ ߞߐߛߊ߬ߦߌ߲߬߸ ߊ߬ ߦߴߏ߬ ߡߐ߱ ߘߏ߫ ߟߋ߬ ߘߌ߫، ߊ߬ ߞߊ߬ ߘߐ߬ߞߏ ߣߌ߫ ߘߡߊ߬ߟߐ߲ ߝߏߘߋߦߊ ߖߐ߲ߓߐ߲ ߕߊ߬ ߟߋ߬߸ ߞߵߏ߬ ߟߊ߫ ߗߋ߬ߥߎ߬ߣߍ߲߬ߗߋ߬ߥߎ߬ߦߊ ߖߐ߲ߓߐ߲ ߝߣߊ߫ ߞߊ߲߬.

߁߉߉߀ ߟߋ߬ ߟߊ߫߸ ߡߊߙߑߛߍߟ ߢߊߕ ߒߖߌߝߋ߲ߖߌ߫ ߞߍ߫ ߘߊ߫ ߝߊ߲߬ߝߘߊ ߣߌ߫ ߘߎ߰ߞߣߍ ߘߊߘߐߓߍ߲ߠߌ߲ ߞߏߕߌ߮ ߘߌ߫، ߞߊ߬ ߣߊ߬ ߞߍ߫ ߘߊ߬ߡߊ߲ ߣߌ߫ ߖߌ ߣߌ߫ ߜߟߐߡߌ߲ ߞߏߕߌ߯ ߛߙߍߞߍ ߘߌ߫ ߁߉߉߂ ߟߊ߫.

ߞߊ߬ߝߏ߬ ߖߊߛߏ߲ ߡߍ߲ ߞߍ߫ ߘߊ߫ ߁߉߈߄ ߞߏ߲ߞߏߘߓߌ ߕߟߋ߬ ߆ ߡߊ߬߸ ߊ߬ ߡߌ߬ߣߊ߬ ߘߊ߫ ߏ߬ ߛߋ߲߭ߝߍ߬ ߞߏ߲ߞߏߘߓߌ ߕߟߋ߬ ߁߇، ߊ߬ ߕߏ߫ ߘߊ߫ ߥߛߎ ߟߊ߫ ߦߋ߲߬߸ ߞߵߊ߬ ߥߛߎߟߊߘߋ߲ߢߐ߲߮ ߘߏ߫ ߞߊ߬ߙߊ߲߫ ߛߙߊ߬ߒ߬ߞߊ߲߬ߠߊ ߟߊ߫، ߞߊߙߏ߫ ߈ ߞߐߝߍ߬ ߞߏߟߌ߲ߞߏߟߌ߲ ߕߟߋ߬ ߈߸ ߊ߬ߟߎ߫ ߞߵߊ߬ ߓߌ߬ߟߊ߬߸ ߘߏ߬ߣߌ߲߬ ߜߘߍ߫ ߡߊ߫ ߟߴߊ߬ ߞߎ߲߬.

ߊ߬ ߞߊ߬ ߞߊ߬ߝߏ߬ߙߋ߲߬ߕߌ߰ߦߊ ߣߌ߫ ߥߛߊ߬ߘߋ߲߬ߧߊ ߞߍ߫ ߟߋ߬ ߞߊߡߋߙߎߣ ߞߣߐ߫ ߁߉߉߂ ߣߌ߫ ߂߀߀߇ ߕߍߟߊ ߘߐ߫.

ߊ߬ ߕߏ߫ ߘߊ߫ ߔߏߟ ߓߌߦߊ߫ ߟߊ߫ ߞߙߎߞߊ ߟߋ߬ ߘߐ߫߸ ߊ߬ ߞߍ߫ ߘߊ߫ ߞߊ߲߬ߜߍ ߘߌ߫ ߂߀߁߃ ߢߣߊߕߊߟߌ ߝߍ߬߸ ߞߊ߬ ߣߊ߬ ߞߍ߫ ߏ߬ ߞߊ߲ߕߌ߮ ߘߌ߫߸ ߡߐ߰ ߈߆ ߞߊ߲ ߠߊ߫ ߁߀߀ ߕߍߡߊ߬.

ߣߴߊ߬ ߡߊ߫ ߢߊ߬ ߞߏ߫ ߞߊ߲߬ߜߍ ߟߋ߬ ߖߡߊ߬ߣߊ ߡߐ߰ߘߐ߬ߜߍ ߝߌߟߊߣߊ߲ ߘߌ߫߸ ߊ߬ ߝߣߊ߫ ߟߊ߫ ߛߋ߫ ߛߐߘߐ߲ ߥߙߊ߬ ߢߊ ߟߋ߬ ߞߍߣߴߏ߬ ߘߌ߫، ߓߊߏ߬߸ ߣߌ߫ ߞߊ߲ߕߌ߮ ߕߴߦߋ߲߬߸ ߖߡߊ߬ߣߊ ߦߴߊ߬ߟߋ ߟߋ߬ ߕߊ߫ ߓߟߏ ߡߊ߬߸ ߞߊ߬ ߓߍ߲߬ ߛߌ߰ߞߊ߲ ߝߐ߫ ߞߊ߲ ߠߎ߬ ߡߊ߬.

ߊ߬ ߛߊ߲߬ ߁߂ ߟߋ߬ ߕߍ߬ߘߍ߫ ߞߊ߲߬ߜߍ߬ߘߊ ߞߎ߲߬ߠߊ߫ ߕߋ߲߬߸ ߊ߬ ߣߐ߬ߘߐߓߌ߬ߟߊ߬ ߛߊ߲ ߠߋ߬ ߊߓߎߓߞߊߙ ߊߓߘߎߟߊߦߌ߬ ߟߊ߫ ߕߋ߲߬.

ߊ߬ ߟߊ߫ ߛߊ߬ߦߊ ߣߌ߲߬ ߘߐ߫߸ ߞߊߡߋߙߎߣ ߞߊ߲ߕߌ߮ ߔߏߟ ߓߌߦߊ߫ ߝߏߣߍ߲߫ ߊ߬ ߕߋߙߌ ߟߋ߬ ߟߊ߫߸ ߊ߬ ߣߌ߫ ߡߍ߲ ߞߊ߬ ߛߍ߬ߘߏ߲߬ ߛߌߦߊߡߊ߲߫ ߞߍ߫ ߢߐ߲߮ ߝߍ߬߸ ߞߊ߬ ߖߡߊ߬ߣߊ ߓߊ߯ߙߊ߫ ߛߌߦߊߡߊ߲߫ ߞߍ߫ ߢߐ߲߮ ߝߍ߬.