ߥߙߏ߬ߘߎ߰ ߊߝߙߌߞߌ߬ ߞߣߐ߫߸ ߕߐ߲ߓߟߏߡߊ ߟߎ߬ ߓߘߴߊ߬ ߟߊߛߋ߫ ߓߌߟߏ߲ ߣߌ߲߬ ߡߊ߬߸ ߞߏ߫ ߊ߬ߟߎ߬ ߓߘߴߊ߬ߟߎ߬ ߕߍ߯ ߞߍ߫ ߝߘߊ߬ߝߌ߲߬ߠߊ߬ߟߊ߲߬ߘߌ߬ߦߊ ߛߍ߬ߘߏ߲߬ߠߊ߫ ߞߋߡߌ߫ ߛߋߓߊ߫ ߘߐ߫، ߊ߬ߟߋ ߡߍ߲ ߢߌߣߌ߲ ߦߴߌߘߐ߫ ߓߋߣߍ߲ߞߊ ߟߎ߬ ߓߟߏ߫ <<ߘߐ߬ߛߎ߬ߟߌ ߞߏߛߐ߲߬ ߡߙߎߕߟߌ ߡߊ߬>> ߊ߬ ߞߍ ߘߐ߫ ߞߊ߬ ߞߊ߬ߝߏ߬ ߖߊ߬ߛߏ߲߬ ߞߏ ߘߏ߫ ߘߐߘߌߦߊ߫ ߦߋ߲߬ ߞߏߟߌ߲ߞߏߟߌ߲߫ ߕߊ߬ߡߌ߲߬ߣߍ߲ ߠߊ߫، ߊ߬ ߛߌߦߊߡߊ߲ ߘߐ߫߸ ߊ߬ ߓߍߣߊ߬ "ߘߌ߫" ߓߋߣߍ߲߫ ߡߊ߬ ߥߊ߯ߕߌ߫ ߣߊ߬ߕߐ ߟߎ߬ ߘߐ߫.

ߕߐ߲ߓߟߏߡߊ ߟߎ߫ ߞߵߊ߬ ߝߐ߫ ߞߵߊ߬ ߟߊߕߍ߰߸ ߞߊ߬ߦߌ߯ ߞߐ߬ߓߊ߬ߟߏ߲ ߠߋ߬ ߡߊ߬߸ ߊ߬ ߣߴߊ߬ ߘߋ߲ߞߍߣߍ߲߫ ߛߊ߲߬ ߁߈ ߘߏ߫ ߦߋ߫ ߘߊ߫ ߔߙߋߕߏߙߌߦߊ߫ ߖߊ߬ߥߏ߬ߘߊ ߘߏ߫ ߞߣߐ߫߸ ߞߵߊ߬ ߛߐ߬ߘߐ߲߬ ߊ߬ߟߎ߬ ߣߌ߫ ߗߍ߭ ߘߏ߫ ߦߋ߫ ߢߐ߲߮ ߞߐ߫߸ ߞߋߡߌ߫ ߛߋߓߊ߫ ߞߊ߬ ߥߊߘߌ ߘߌ߫ ߏ߬ ߡߍ߲ ߡߊ߬ ߛߴߏ߬ ߘߴߊ߬ߟߎ߫ ߘߍ߬ߡߍ߲߬߸ ߊ߬ߟߎ߬ ߦߋ߫ ߘߏ߲߬ ߖ߭ߌ߲ߓߊߓߎߥߋ߫ ߛߊ߬ߙߌ߬ߦߊ߬ ߛߐ߬ߛߐ߬ ߓߟߏ ߡߊ߬߸ ߖߡߊ߬ߣߊ ߏ߬ ߡߍ߲ ߦߋ߫ ߥߙߏ߬ߘߎ߰ ߊߝߙߌߞߌ߬ ߛߌ߰ߢߐ߲߮ ߘߌ߫، ߊ߬ ߢߊߦߋ߫ ߘߊ߫ ߦߋ߲߬ ߠߋ߬ ߌߞߘߐ߫߸ ߞߏ߫ ߊ߬ ߦߴߊ߬ ߝߍ߬ ߞߊ߬ ߘߏ߲߬ ߋߙߐߔߎ߬ ߞߣߐ߫، ߊ߬ߟߎ߫ ߞߵߊ߬ ߡߌ߬ߣߊ߫ ߦߋ߲߬ ߠߋ߬߸ ߞߵߊ߬ ߓߌ߬ߟߊ߬ ߢߟߊߥߛߎ ߟߊ߫ ߡߎߣߎ߲߬.

ߊ߬ߟߋ ߦߋ߫ ߝߊ߬ߛߏ߬ߦߊ߬ ߝߌ߬ߟߊ߬ ߕߌ߮ ߟߋ߬ ߘߌ߫߸ ߓߋߣߍ߲߫ ߕߊ ߣߌ߫ ߝߊ߬ߙߊ߲߬ߛߌ߬ ߕߊ، ߝߊ߬ߙߊ߲߬ߛߌ߫ ߞߵߊ߬ ߟߊ߫ ߝߊ߬ߛߏ߬ߦߊ߬ ߛߓߍ ߡߌ߬ߣߴߊ߬ ߟߊ߫ ߂߀߂߄ ߠߋ߬ ߟߊ߫، ߣߊ߲߬ߕߌ߮ ߡߍ߲ ߠߎ߬ ߣߊ߬ߣߍ߲߫ ߝߊ߲߬ߞߊ ߟߊ߫ ߞߊ߬ߝߏ߬ ߖߊߛߏ߲ ߛߌߟߊߝߍ߬ ߞߌ߬ߢߍ߬ߞߏ߲ߞߏ߫ ߞߊ߲߬߸ ߊ߬ ߦߴߏ߬ ߟߎ߬ ߞߐߡߊߓߌ߲ߓߌ߲ߠߊ߫ ߥߣߊ ߟߋ߬ ߘߌ߫.

ߝߘߊ߬ߝߌ߲߬ߠߊ߫ ߝߊ߬ߙߊ߲߬ߛߌ߬ߞߊ߲߬ߝߐ߬ ߖߡߊߣߊ ߟߎ߬ ߞߣߐ߫߸ ߞߋߡߌ߫ ߛߋߓߊ߫ ߡߊߟߐ߲ߣߍ߲߫ ߦߋ߲߬ ߠߎ߬ ߘߐ߫ ߞߏߛߓߍ߫߸ ߊ߬ ߟߊ߫ ߖߊ߬ߕߋ߬ߘߊ ߡߊߝߘߎߣߍ߲߫ ߡߐ߱ ߞߋ߲߬ߥߟߎ ߟߋ߬ ߓߟߏ߫ ߘߍ߬ߞߙߏߝߏ ߟߎ߫ ߞߊ߲߬.

ߓߋߣߍ߲߫ ߞߊ߬ ߡߊ߲߬ߕߏ߲߬ߕߍ߬ߦߊ ߡߌ߬ߘߊ߬ߟߌ߬ ߛߓߍ ߟߋ߬ ߓߌ߬ߟߴߊ߬ ߞߐ߫ ߞߏߟߌ߲ߞߏߟߌ߲ ߕߟߋ߬ ߁߂ ߟߊ߫، ߓߊߏ߬߸ ߞߊ߬ߝߏ߬ ߖߊߛߏ߲ ߘߏ߫ ߟߋ߬ ߞߊ߬ ߞߊ߲ߕߌ߯ ߔߊ߬ߕߙߌߛ ߕߊߟߐ߲߫߫ ߡߊߝߘߏ߬߸ ߊ߬ߟߋ ߞߵߏ߬ ߟߋ ߞߏߢߊ ߞߐߡߊߓߌ߲ߓߌ߲߫، ߞߊ߬ߕߎ߲߯߸ ߣߊ߲߬ߕߌ߮ ߘߏ߫ ߟߎ߫ ߟߋ߬ ߦߋ߫ ߘߊ߫ ߝߊ߬ߛߏ ߖߌ߬ߦߊ߬ߞߊ߲߬ߛߏ ߟߊ߫߸ ߞߏ߫ ߊ߬ߟߎ߬ ߓߘߊ߫ ߖߡߊ߬ߣߊ ߖߊ߬ߛߏ߲߫ ߞߵߊ߬ ߞߍ߫ ߊ߬ߟߎ߬ ߕߊ ߘߌ߫، ߓߊ߬ߙߌ߬߸ ߏ߬ ߞߏ ߟߊߓߊ߲߫ ߘߊ߫ ߖߌߜߍ߫ ߟߊ߫ ߛߌߓߏ ߟߋ߬ ߡߊ߬߸ ߊ߬ ߘߏ߫ ߟߎ߫ ߡߌ߬ߣߊ߬ ߘߊ߫߸ ߘߏ߫ ߟߎ߫ ߦߋ߫ ߓߏ߬ߙߌ߬ ߥߊ ߟߊ߫ ߡߎߣߎ߲߬.

ߞߋߡߌ߫ ߛߋߓߊ߫ ߡߍ߲ ߦߋ߫ ߕߋ߲߬߸ ߊ߬ ߕߐ߯ ߓߘߍߓߘߍ ߟߋ߬ ߛߑߕߋߟߌߦߏ ߖ߭ߌߟ ߙߏߓߍߙ ߞߊߔߏ ߛ߭ߌߛ߭ߌ߸ ߊ߬ߟߋ ߦߋ߫ ߝߘߊ߬ߝߌ߲߬ߠߊ߬ߟߊ߲߬ߘߌ߬ߦߊ ߛߘߞ ߘߏ߫ ߟߋ߬ ߡߊߡߙߊ߬ ߟߊ߫، ߊ߬ ߡߊߟߐ߲ߣߍ߲߫ ߡߐ߰ ߛߌߦߊߡߊ߲߫ ߓߟߏ߫ ߞߊ߬ ߓߍ߲߬ ߊ߬ ߟߊ߫ ߝߊ߬ߙߊ߲߬ߛߌ߬ߟߊ߲߬ߜߏ߬ߦߊ ߡߊ߬ ߛߐ߲߬߸ ߊ߬ ߣߌ߫ ߝߘߊ߬ߝߌ߲߬ߠߊ߫ ߞߎ߲߬ߠߊ߬ߛߌ߮ ߡߍ߲ ߠߎ߬ ߝߣߊ߫ ߣߎ߲ߖߟߎ ߦߋ߫ ߝߊ߬ߙߊ߲߬ߛߌ߬ ߓߟߏ߫.

ߛߋߓߊ߫ ߞߊ߬ ߖߌ߬ߦߊ߬ߖߟߎ ߘߏ߫ ߟߋ߬ ߟߊߖߍ߲ߛߍ߲߫ ߞߊ߬ߝߏ߬ ߖߊ߬ߛߏ߲߬ ߟߏ߲ ߓߋߣߍ߲߫ ߞߣߐ߫߸ ߞߵߊ߬ ߛߓߍ߫ ߞߏ߫ <<ߞߊ߲ߠߊߓߌߟߊ ߟߏ߲ߓߊ>> ߟߵߏ߬ ߘߌ߫ ߊ߬ ߟߊ߫ ߖߡߊ߬ߣߊ ߞߣߐ߫.

ߒ߬ߓߊ߬߸ ߡߌ߬ߘߊ߬ߟߌ߬ ߛߓߍ ߡߍ߲ ߓߌ߬ߟߊ߬ߣߴߊ߬ ߞߐ߫߸ ߊ߬ ߝߐߣߴߏ߬ ߘߐ߫ ߟߋ߬ ߞߏ߫ ߊ߬ ߣߐ߬ ߡߐ߱ ߟߎ߬ ߞߟߌ߫ ߥߊ߬ߥߎߟߋ ߟߋ߬ ߢߌߣߌ߲߫ ߠߊ߫ ߖߡߊ߬ߣߊ ߢߍ߫߸ ߊ߬ ߣߌ߫ ߞߊ߬ ߡߐ߱ ߟߎ߬ ߞߟߌ߫ ߡߙߎߕߟߌ ߡߊ߬، ߝߊ߰ߡߊ ߟߎ߫ ߞߵߏ߬ ߟߋ ߝߐ߫ ߞߵߊ߬ ߟߊߕߍ߰.