ߞߋߣߌߦߊ߫ ߕߐ߲ߓߟߏߡߊ ߟߎ߬ ߦߋ߫ ߢߊߢߌߣߌ߲ߠߌ߲ ߠߋ߬ ߞߊ߲߬ ߕߋ߲߬߸ ߞߵߏ߬ ߞߎ߲߭ ߞߍ߫ ߡߊ߬ߛߎ߬ߓߊ߬ ߞߏ ߘߏ߫ ߕߍ߱ ߘߌ߫ ߞߊߙߌ ߺ ߌߣߌ߫ ߘߎ߱ ߞߣߐ߫߸ ߜ߭ߊߕߎ߲ߘߎ߫ ߡߊ߬ߙߊ ߘߐ߫، ߛߌߞߊ߫ ߞߍߣߍ߲߫ ߗߍ߬ ߛߊ߲߬ ߃߃ ߘߏ߫ ߟߋ߬ ߡߊ߬߸ ߊ߬ ߕߐ߯ ߞߏ߫ ߜ߭ߊߓߙߌߦߍߟ ߜ߭ߊߛ߭ߎߤߌ߫߸ ߛߌߞߊ߫ ߞߍߣߍ߲߫ ߞߏ߫ ߊ߬ߟߋ߫ ߣߐ߬ ߘߌ߫ ߞߍ߫ ߊ߬ ߘߋ߲ߞߍߣߍ߲߫ ߛߊ߲߭ ߛߊ߬ߓߊ ߟߋ߬ ߞߊ߲ߠߊߕߍ߰ ߟߊ߫ ߞߐ߬ߟߏ߲߫ ߕߊ߬ߡߌ߲߬ߣߍ߲ ߡߊ߬߸ ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߂߁.
ߟߌ߬ߤߟߊ߬ ߝߟߐ ߡߍ߲ ߠߎ߬ ߟߊߘߍ߬ ߘߊ߫ ߗߋߣߌߦߊ߫ ߝߐ߰ߓߍ߬ߘߊ ߘߏ߫ ߓߟߏ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߣߴߊ߬ ߡߏ߬ߛߏ ߝߘߊ߸ ߏ߬ ߞߊߙߏ߫ ߥߐ߯ߙߐ ߟߋ߬ ߕߋ߲߬. ߘߋ߲ ߓߋ߲ߓߊߗߍ߫ ߟߋ߬ ߞߵߊ߬ ߡߊߞߟߌ߫߸ ߞߏ߫ ߊ߬ ߦߋ߫ ߥߊ߫ ߕߋ߬ߟߋ߫ ߝߌ߬ߟߊ߬ ߞߍ߫ ߊ߬ ߝߍ߬ ߦߋ߲߬.
ߒ߬ߓߊ߬߸ ߘߋ߲ ߠߊߛߌ߰ߣߍ߲߫ ߥߊߟߌߥߊߟߌ ߞߊ߲߬ ߏ߬ ߟߋ ߘߐ߫߸ ߞߏ߫ ߊ߬ ߦߋ߫ ߥߴߊ߬ ߣߊ߫ ߘߊߝߍ߬، ߌߞߘߐ߫߸ ߝߊ߭ ߞߊ߬ ߘߋ߲ ߞߐߛߌߟߊ ߏ߬ ߡߌ߬ߣߊ߬߸ ߞߊ߬ ߘߋ߲ ߕߊ߬ ߛߌߟߊߕߍ߫ ߢߊ ߏ߬ ߡߊ߬߸ ߞߊ߬ ߥߴߊ߬ ߘߴߊ߬ ߓߘߊ، ߒ߬ߓߊ߬߸ ߏ߬ ߡߊ߫ ߡߍ߲߫߸ ߘߋ߲ ߛߎ߭ ߟߋ߬ ߥߊ߫ ߘߊ߫ ߦߋ߫.
ߊ߬ ߓߊ߲߫ ߘߊ߫ ߝߣߊ߫ ߞߏ߫ ߊ߬ ߦߴߊ߬ ߖߍ߬ߘߍ߫ ߝߊ߰ ߟߊ߫߸ ߞߊ߬ ߡߎ߬ߙߎ ߞߍ߫ ߞߵߊ߬ ߖߍ߬ߘߍ߫ ߛߐ߰ ߊ߬ ߞߊ߲ ߝߍ߬، ߒ߬ߞߊ߬߸ ߕߍ߮ ߞߍ߫ ߘߴߊ߬ ߘߐ߫ ߞߵߊ߬ ߛߐ߬ߘߐ߲߬ ߊ߬ ߡߊ߫ ߝߊ߰، ߊ߬ ߕߊ߬ ߢߊ ߟߋ߬ ߞߍߣߴߏ߬ ߘߌ߫ ߞߊ߬ ߥߴߊ߬ ߘߌ߫ ߜ߭ߊߕߎ߲ߘߎ߫ ߘߊ߲ߘߊߛߏ ߟߊ߫߸ ߊ߬ ߦߋ߫ ߘߊ߲ߘߊߟߌ ߘߊߞߘߐ߫ ߦߋ߲߬ ߕߋ߲߬߸ ߕߐ߲ߓߟߏߡߊ ߟߎ߬ ߝߣߊ߫ ߦߴߊ߬ ߘߊߝߍ߬ ߦߋ߲߬ ߞߊ߬ ߖߊ߲߬ߕߏ߬ ߞߍ߫ ߊ߬ ߘߐ߫.
ߜ߭ߊߕߎ߲ߘߎ߫ ߕߐ߲ߓߟߏߡߊ ߟߎ߬ ߟߊ߫ ߕߐ߲ߕߌ߯ ߛߙߍߞߍ ߞߵߊ߬ ߦߌ߬ߘߊ߬ ߞߏ߫ ߗߍ߭ ߦߋ߫ ߝߊ߬ߘߌ ߡߍ߲ ߘߐ߫ ߕߋ߲߬߸ ߊ߬ ߘߌ߫ ߛߋ߫ ߞߍ߲ߘߍߦߊ߫ ߟߊ߫ ߝߛߊߦߌ߫. ߏ߬ ߘߐ߫߸ ߣߴߊ߬߬ ߟߊߓߐ߫ ߘߊ߫ ߘߊ߲ߘߊߛߏ ߟߊ߫ ߕߎ߬ߡߊ ߡߍ߲ ߠߊ߫߸ ߊ߬ ߡߊߝߌ߲߬ߣߍ߲߫ ߞߏߢߊ ߡߍ߲ ߘߐ߫ ߣߌ߲߬߸ ߊ߬ ߘߌߣߵߏ߬ ߢߊߘߐߜߍ ߝߐ߫ ߛߊ߬ߙߌ߬ߦߊ߬ ߢߊߞߘߐ߫.
ߘߋ߲ߣߍ߲ ߛߎ߭ ߕߊ߬ ߘߊ߫ ߞߊ߬ ߥߴߊ߬ ߘߌ߫ ߜ߭ߊߕߎ߲ߘߎ߫ ߛߎ߬ߓߏ߲ ߠߊ߫߸ ߞߵߊ߬ ߝߊ߰ ߢߊ ߢߊߢߌߣߌ߲߫ ߞߵߏ߬ ߟߐ߲߫، ߞߏߢߊߢߌߣߌ߲ߠߊ ߟߎ߫ ߦߋ߫ ߝߊ߰ߟߌ ߞߍߢߊ߫ ߖߐ߲ߖߐ߲ ߠߋ߬ ߢߊߢߌߣߌ߲ ߞߊ߲߬ ߣߌ߲߬ ߛߍߣߍ߲߬߸ ߞߵߊ߬ ߟߐ߲߫ ߡߎ߲߬ ߣߌ߫ ߡߎ߲߬ ߕߊ߬ߡߌ߲߬ ߘߊ߫ ߦߊ߬ߣߌ߫ ߘߋ߲ߣߍ߲ ߦߋ߫ ߝߊ߰.
Aucun commentaire pour le moment.