ߝߢߐߞߏߙߏ߲ ߠߋ߬ ߕߍ߰ߣߍ߲߫ ߞߎ߬ߟߌ߬ߓߊ߬ߟߌ߬ߘߎ߯ ߖߟߊߞߘߐ߫߸ ߊ߬ߟߋ ߦߋ߫ ߡߊ߲߬ߖߊ߲߬ߠߊ߫ ߡߙߊ߬ߘߊ߬ߓߊ ߡߙߊ߬ߘߊ߬ߙߋ߲ ߘߏ߫ ߟߋ߬ ߘߌ߫، ߓߌ߬ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߁ ߠߋ߬ ߡߊ߬߸ ߛߊ߲߫ ߝߢߐ ߟߋ߬ ߥߟߌ߬ ߘߊ߫ ߞߊ߬ ߡߐ߱ ߟߎ߬ ߕߏ߫ ߛߊ߲ߠߊߕߍ߮ ߟߊ߫ ߜߊ߮ ߞߘߐ߫، ߝߢߐ߫ ߥߎ߬ߣߊ߲߬ߞߏߙߏ߲ ߞߵߊ߬ ߘߊߡߌ߬ߣߊ߬߸ ߝߏ߫ ߞߊ߬ߓߊ߲ߓߋ ߝߟߊߝߟߊ ߟߊߥߌ߬ߟߌ߫ ߊ߬ ߞߎ߲߬ߠߊ߫، ߞߊ߬߬ߕߎ߲߯߸ ߛߊ߲ߖߌ߫ ߥߎ߬ߣߊ߲߬ߞߏߙߏ߲ ߠߋ߬ ߕߍ߬ߘߍ߫ ߣߊ߭ ߞߊ߲߬.

 

ߕߌ߬ߖߊߣߌ߲߬ ߞߏ߬ߦߌ߬ߕߊ ߞߊ߬ ߕߏ߬ߟߊ߲߬ߕߊ߲߬ ߓߙߊ ߡߍ߲ ߟߐ߬ ߞߵߊ߬ ߘߴߊ߬ߟߎ߫ ߡߊ߬ ߂߀߂߄ ߠߊ߫ ߖߐ߫߸ ߏ߬ ߟߋ ߓߊ߲ߓߋ ߝߟߊߝߟߊ ߟߊߥߎ߬ߦߊ߬ ߞߏ ߝߐ߫ ߞߊ߲߫ ߣߌ߲߬، ߒ߬ߓߊ߬߸ ߝߢߐ ߣߐ߬ ߏ߬ ߟߋ߬ ߕߐߟߌ ߓߐ߫ ߟߴߊ߬ ߞߎ߲߬ߠߊ߫ ߓߌ߬ ߥߎ߬ߙߊ ߢߌ߲߬ ߠߊ߫߸ ߞߊ߬ ߡߐ߰ ߟߎ߬ ߕߏ߫ ߊ߬ ߞߘߐ߫߸ ߡߐ߰ ߟߎ߬ ߘߏ߲߬ ߝߣߊ߫ ߕߘߍ߬ ߦߋ߫ ߕߏ߬ߟߊ߲߬ߕߊ߲ ߠߋ߬ ߟߊ߫ ߕߍߙߍ߲ ߞߣߐ߫߸ ߞߎ߲߬ߠߊ߬ߘߌߦߊ ߞߍ߫ ߘߊ߫ ߦߙߐ ߡߍ߲ ߘߌ߫߸ ߝߟߊ ߡߊ߫ ߛߋ߫ ߡߐ߰ ߡߊ߬. 

 

ߝߟߊߝߟߊ߫ ߥߟߌ ߣߌ߲߬ ߘߐ߫߸ ߡߐ߰ ߛߌ߫ ߡߊ߫ ߡߊߘߌߡߌ߲߫، ߞߊ߬ߕߎ߲߯߸ ߝߟߊߝߟߊ ߝߊ߲߬ ߞߋߟߋ߲ ߥߎ߬ߦߊ߬ߣߍ߲߫ ߞߵߊ߬ ߟߴߊ߬ ߝߊ߲߬ ߘߐ ߝߍ߬، ߣߴߏ߬ ߕߍ߫߸ ߖߡߊ߬ ߛߌߦߊߡߊ߲߫ ߕߘߍ߬ ߛߊ߲ߠߊߕߍ߮ ߟߊ߫ ߓߊ߲ߓߋ ߞߊ߲߬ ߊ߬ ߥߊ߯ߕߌ ߟߊ߫.