ߞߎߣߎ߲߬ ߞߐ߬ߓߊ߬ߟߏ߲ ߘߓߊ߬ߓߌߟߊ ߕߟߋ߬ ߁߀ ߡߊ߬، ߘߎ߰ ߦߙߍ߬ߦߙߍ߬ߓߊ ߘߏ߫ ߟߋ߬ ߞߍ߫ ߘߊ߫ ߞߐߟߐ߲ߓߌ߫ ߕߟߋ߬ߓߋ ߘߐ߫߸ ߞߊ߬ ߡߐ߰ ߡߐ߰ ߂߂߄ ߣߌ߫ ߞߐ߫ ߓߐ߬ߣߐ߫ ߊ߬ ߣߌ ߘߐ߫߸ ߞߊ߬ ߓߟߏߝߋ߲߫ ߞߟߏߡߊ߫ ߛߌߦߊߡߊ߲߫ ߘߐߕߌߢߍ߲߫. 

ߞߎߣߎ߲߬ ߘߓߊ߬ߓߌߟߊ ߕߟߋ߬ ߁߀ ߡߊ߬߸ ߘߎ߰ ߦߙߍ߬ߦߙߍ߬ߓߊ  ߘߏ߫ ߟߋ߬ ߞߊ߬ ߟߊ߬ߡߊ߮ ߟߊߘߏ߲߬ ߞߐߟߐ߲ߓߌ߫، ߞߊ߬ ߕߌߢߍߟߌ߫ ߛߌߦߊߡߊ߲߫ ߞߍ߫߸ ߘߎ߰ ߦߙߍߦߙߍ ߏ߬ ߡߍ߲ ߞߍ߫ ߘߊ߫ ߛߊ߲ߗ߭ߏ߬ߛߋ߫ ߘߍߟ ߔߊߟߑߡߊߙ ߞߍ߬ߙߍߝߍ߬، ߛߞߏ߫ ߕߌ߲߬ߞߎߘߎ߲ ߘߐ߫߸ ߖߐ ߟߌߓߊ߲ ߝߊ߲߭ ߠߊ߫. 

ߘߎ߰ߘߐ߬ ߓߊ߰ߙߊ߬ߟߊ ߟߎ߫ ߞߵߊ߬ ߦߌ߬ߘߊ߬߸ ߞߏ߫ ߘߎ߰ ߦߙߍߦߙߍ ߣߌ߲߬ ߝߊ߲߬ߞߊ ߕߊ߯ߣߍ߲߫ ߠߋ߬ ߤߊ߲߯ ߇،߄߸ ߊ߬ ߣߴߊ߬ ߘߎ߲߬ߧߊ ߦߋ߫ ߞߎߘߍ߫ ߁߀߃ ߟߋ߬ ߘߌ߫߸ ߘߎ߰ ߦߙߍߦߙߍ ߣߌ߲߬ ߠߊߞߏߟߐ߲߫ ߘߊ߫ ߖߡߊ߬ߣߊ ߦߙߐߓߊ߫ ߛߌߦߊߡߊ߲߫ ߠߋ߬ ߘߐ߫. 

ߝߊ߰ߓߊ߰ߕߐ ߘߊ߬ߡߊ ߦߋ߫ ߕߊ߬ߡߌ߲߬ ߠߊ߫ ߥߙߊ߬ ߟߊ߫ ߟߋ߬ ߣߌ߲߬ ߞߏ ߘߊߞߎ߲ ߘߐ߫، ߓߊߏ߬߸ ߊ߬ߟߎ߬ ߟߊ߫ ߛߙߍߘߍ߫ ߘߍ߲߬ߞߍ߲߬ߕߎ߲߬ߣߍ߲ ߡߍ߲ ߓߐ߫ ߘߊ߫ ߦߙߍߞߍߟߌ ߞߐߝߍ߬ ߞߎߣߎ߲߬߸ ߡߐ߰ ߁߆߉ ߟߋ߬ ߝߊ߰ߞߏ ߝߐ߫ ߘߊ߫، ߓߊ߬ߙߌ߬ ߓߌ߬ ߞߐ߬ߟߏ߲ ߢߌ߲߬ ߡߊ߬߸ ߞߎ߲߬ߠߊ߬ߛߌ߮ ߞߊ߬ ߡߐ߰ ߂߂߄ ߠߋ߬ ߝߊ߰ߞߏ ߟߊߛߋ߫߸ ߞߵߏ߬ ߟߊ߫ ߓߏ߲߫ ߛߌߦߊߡߊ߲߫ ߥߎ߬ߦߊ ߞߊ߲߬ ߞߊ߬ߟߌ߫߸ ߏ߬ ߡߍ߲ ߦߋ߫ ߞߐߟߐ߲ߓߌ߫ ߛߏߓߊ߫ ߘߏ߫ ߘߌ߫، ߤߊ߲߯ߕߋ߲߬ ߡߐ߱ ߟߎ߬ ߟߊߢߌߣߌ߲ ߞߊ߲߬ ߜߊ߲ߜߘߊ ߟߎ߬ ߞߘߐ߫. 

ߘߍ߬ߞߙߎ߬ ߓߟߏߡߊߞߊ߬ߣߍ߲ ߘߏ߫ ߟߎ߫ ߣߌ߫ ߣߊ߲߬ߕߌ߮߸ ߕߟߊߛߟߊ ߟߎ߬߸ ߘߊ߲ߘߊߟߌߟߊ ߟߎ߬ ߣߌ߫ ߓߐߒߖߘߍߘߐ߫ ߡߐ߮ ߘߏ߫ ߟߎ߫ ߦߋ߫ ߡߞߊ߬ߘߊ߲߬ߠߌ߲ ߣߌ߫ ߟߊ߬ߢߌ߬ߣߌ߲߬ߠߌ߲ ߞߊ߲߬ ߝߟߐ߫ ߞߊ߬ߟߌ߫ ߣߌ߫ ߔߙߋߙߊ߫، ߘߎ߰ ߦߙߍߦߙߍ ߛߋ߫ ߘߴߏ߬ ߟߎ߬ ߡߍ߲ ߡߊ߬߸ ߡߞߊ߬ߘߊ߲߬ߠߊ ߟߎ߬ ߞߊ߬ ߛߎ ߡߎ߰ߡߍ ߞߍ߫ ߓߊ߯ߙߊ ߟߋ߬ ߟߊ߫. 

ߓߏ߲߫ ߥߊ߯ ߟߏ߯ߟߎ߫ ߟߋ߬ ߕߏ߲ߓߏ߲ߧߊ߫ ߘߊ߫ ߕߌߢߍߟߌ ߣߌ߲߬ ߛߋ߲߭ߝߍ߬߸ ߞߊ߬ ߕߋ߬ ߦߌߟߊ ߟߊ߫ ߕߊ߲߫ ߣߌ߫ ߞߐ߫ ߟߊ߫߸ ߞߊ߬ ߘߊ߲ߘߊߛߏ߫ ߛߊ߲ߞߊߛߏ߫ ߛߌߦߊߡߊ߲߫ ߥߎ߬ߙߎ߲߬ߓߊ߫߸ ߞߊ߬ ߖߊ߲߬ߞߊ߬ߙߏ߬ߕߐ ߟߎ߬ ߓߌ߬ߟߊ߫ ߖߐ߬ߘߐ ߘߐ߫، ߞߵߏ߬ ߡߐ߰ ߛߌߦߊߡߊ߲߫ ߓߌ߬ߟߊ߬ ߘߌߦߊߜߏߦߊ߫ ߕߊ߯ߟߌ ߘߐ߫ ߞߐߞߊ߲߬ ߊ߬ߟߎ߬ ߘߊ߲ߘߊ߫ ߞߊ߲ߡߊ߬. 

ߕߌߢߍߟߌ ߣߌ߲߬ ߞߍߣߍ߲߫ ߠߋ߬ ߛߊߓߎ߫ ߘߌ߫߸ ߞߊ߬ ߛߊ߲ߡߊߞߎߟߎ߲ ߠߎ߬ ߟߊ߫ ߖߌ߰ߟߌ ߣߌ߫ ߜߊ߲ߠߌ߲ ߠߊߟߐ߬ ߛߊ߲ߡߊߘߊ߲߫ ߛߌߦߊߡߊ߲߫ ߠߊ߫، ߊ߬ ߜߋ߲ߜߋ߲߫߸ ߔߙߋߙߊ߫߸ ߡߊߣߌߖ߭ߊߟ߸ ߞߌߓߑߘߏ߫߸ ߊߙߑߡߋߣߌߦߊ߫߸ ߞߊߙߑߕߊߜ߭ߏ߫߸ ߊ߬ ߣߌ߫ ߓߎ߳ߋߣߊߝ߭ߊ߲ߕߎߙߊ߫߸ ߤߊ߲߯ ߡߊ߬ߝߟߍ߬ߟߌ ߟߎ߬ ߦߋ߫ ߓߊ߲߫ ߡߎߣߎ߲߬ ߣߌ߫ ߘ߰ ߦߙߍߦߙߍ ߡߊ߫ ߛߋ߫ ߦߋ߲߬ ߠߎ߫ ߡߊ߬. 

ߞߎ߲߬ߠߊ߬ߛߌ߮ ߞߊ߬ ߖߊ߬ߡߊ ߡߊߞߟߌ߫ ߡߊ߬ߝߊ ߟߋ߬ ߡߊ߬ ߣߌ߲߬ ߞߏ ߘߐ߫߸ ߊ߬ ߢߐ߲߰ ߜߘߍ߫ ߞߍ߫ ߞߏ ߖߐ߬ߘߐ ߘߌ߫، ߓߊߏ߬߸ ߞߊ߬ߦߌ߯ ߊ߬ ߞߏ ߘߊߡߌ߬ߣߊ߬ ߘߊ߫߸ ߕߌߢߍߟߌ߫ ߞߎߘߊ ߟߎ߬ ߟߊߞߏߟߐ߲߫ ߞߊ߲߬ ߕߎ߲߫. 

ߡߊ߬ߘߊ߲߬ߠߌ߲߬ߠߊ ߟߎ߬ ߞߏ߬ߣߌ߲ ߦߋ߫ ߓߊ߯ߙߊ ߞߊ߲߬߸ ߝߊ߰ߓߊ߰ߕߐ߫ ߡߐ߰ ߂߂߄ ߦߋ߫ ߛߙߍߘߍ߫ ߘߍ߲߬ߞߍ߲߬ߕߎ߲߬ߣߍ߲ ߠߋ߬ ߘߌ߫ ߡߎߣߎ߲߬، ߘߏ߫ ߘߌ߫ ߛߋ߫ ߟߊ߫ ߟߊ߫ ߡߍ߲ ߘߊ߬ߡߊ ߞߊ߲߬ ߕߎ߬ߡߊ߫ ߣߊ߬ߕߐ ߟߎ߬ ߘߐ߫ ߊ߬ ߜߋ߲ߜߋ߲߫ ߛߞߏ߫ ߝߊ߲߭ ߠߊ߫.