ߓߊߘߋ߲߫ ߓߘߍ ߟߎ߬ ߸ ߊ߲߲ ߕߎ߲߬ ߞߵߊ߬ ߦߌ߬ߘߵߊߟߎ߫ ߟߴߊ߲ ߠߊ߫ ߟߌ߬ߤߟߊ ߕߊ߬ߡߌ߲߬ߣߍ߲ ߘߏ߫ ߘߐ߫ ߞߍ߲ߘߍߟߏ߲ ߂߀߂߆ ߥߊ߬ߛߌ߬ߥߊ߬ߙߊ ߕߟߋ߬ ߁߄ ߣߌ߲߬ ߡߊ߬ ߞߐߣߊߞߙߌ߫ ߞߏ߫ ߸ߒߞߏ ߓߟߏߘߐߢߌ߲ ߘߏ߫ ߣߐ߬ ߘߎ߰ߕߍ߬ߟߍ߲߬  ߄ ߢߌ߲߬ ߠߊ߫ ߒߞߏ ߟߊ߫ ߓߊ߲߬ߜ߭ߎ߬ߦߊ߫ ߞߌ߲߬ߘߊ ߟߊ߫.

ߞߵߏ߬ ߟߊ߬ߘߍ ߞߍ߫ ߞߏ߲߬ߓߏ߫ ߓߊ߬ߓߊ߫ ߡߊ߬ߡߊ߬ߘߌ߫ ߖߊ߰ߣߍ߫ ߖߍ߬ߘߍ ߟߊ߫ ߟߎ ߞߣߐ߫

ߒ߬ߓߊ߬߸ ߞߎ߲߬ߢߐ߲߬߬߬ ߞߋߟߋ߲߫ ߕߊ߬ߡߌ߲߬ߣߍ߲߫ ߞߐߝߍ߬ ߸ߣߊߟߌ߬ߡߎ߲߫ ߓߌ߬ ߞߍ߲ߘߍߟߏ߲ ߂߀߂߆ ߥߊ߬ߛߌߥߊ߬ߙߊ ߕߋ߬ߟߋ߫ ߂߀ ߘߌ߫߸ ߞߐߣߊߞߙߌ߫ ߒߞߏ ߘߍߞߙߎ߫ ߟߎ߬ ߣߐ߬ ߟߊ߬ߘߍ߮ ߘߏ߫ ߟߋ߬ ߞߍ߫ ߟߊ߫ ߞߏ߲߬ߓߏ ߓߊ߬ߓߊ߫ ߡߊ߬ߡߊߘߌ߫ ߖߊ߰ߣߍ߫ ߟߊ߫ ߟߎ ߞߣߐ߫ ߸ ߏ߬ ߡߍ߲ ߢߣߊߓߊ߯ߦߊ߫ ߟߊ߫ ߒߞߏ߫ ߞߙߊߡߐ߮ ߠߎ߬ ߣߌ߫ ߒߞߏ߫ ߞߊߙߊ߲ߘߋ߲߫ ߛߘߍߡߊ߲߫ ߓߟߏ߫.

 

ߟߊ߬ߘߍ߮ ߏ߬ ߓߎ߲ߓߎ߲ߣߍ߲߫ ߕߘߍ߬ ߘߍ߬ߘߊ ߘߏ߫ ߟߋ߬ ߛߏ߯ߙߏ߫ ߞߏ ߡߊ߬߸ ߞߵߊ߬ ߓߍ߲߬ ߒߞߏ ߟߊ߫ ߘߎ߰ ߞߏ ߡߌ߬ߣߊ߬ߢߊ ߡߊ߬ ߸ ߖߐ߲߰ߛߊ߫ ߒߞߏ ߟߊ߫ ߘߎ߱ ߟߎ߬ ߘߌ߫ ߞߛߌ߫ ߕߎߣߎ߲߫ ߞߏ ߡߵߊ߬ ߣߌ߫ ߞߵߊ߬ ߞߏߢߊ ߟߊ߲ߞߣߍߡߦߊ߫ ߖߊ߬ߡߊ ߦߋ߫ ߸ ߓߊߏ߬ ߘߎ߰ ߞߏ ߣߌ߲߬ ߦߋ߫ ߞߏ߫ ߢߊߓߐߕߊ ߟߋ߬ ߘߌ߫ ߒߞߏ ߞߣߐ߫ ߡߎ߬ߕߎ߲߬، ߞߵߏ߬ ߞߎ߲߭ ߞߍ߫ ߡߎ߲߬ ߘߌ߫߸ ߘߎ߰ ߛߌߦߊߡߊ߲߫ ߠߋ߬ ߘߌ߫ ߟߊ߫ ߒߞߏ ߡߊ߬ ߦߙߐ߫ ߓߐߣߍ߲߫ ߢߐ߲߰ ߡߊ ߟߎ߬ ߘߐ߫߸ ߓߊ߬ߙߌ߬،ߊ߬ߟߎ߬ ߘߌ߫ ߕߟߊ߫ ߣߌ߫ ߞߎ߲߬ ߖߐ߲ߖߐ߲߫ ߕߍ߫، ߏ߬ ߛߎ߮ ߘߏ߫ ߞߍ߫ ߘߊ߫ ߞߊ߲ߞߊ߲߫ ߂߀߁߅ ߟߊ߫߸ ߊ߬ ߦߌ߬ߘߊ߬ ߘߴߊ߲ ߠߊ߫ ߓߐߛߎ߲߫ ߖߐ߲ߖߐ߲߫ ߓߟߏ߫߸ ߞߏ߫ ߘߎ߱ ߏ߬ ߘߌ߫ ߘߊ߫ ߓߎߙߊߡߊ߬ ߓߙߋߕߋ ߟߋ߬ ߓߟߏ߫߸ ߞߏ߫ ߞߊ߬ ߒߞߏ ߞߊߙߊ߲ߕߊ ߟߐ߬ ߊ߬ ߞߊ߲߬، ߓߊ߬ߙߌ߬߸ ߛߊ߲߬ ߕߊ߲߫ ߣߌ߫ ߞߐ߫ ߕߊ߬ߡߌ߲ ߞߐߝߍ߬߸ ߓߊ߯ߙߊ߫ ߡߊ߫ ߞߍ߫ ߊ߬ ߞߊ߲߬߸ ߡߐ߰ ߕߍ߫ ߛߋ߫ ߟߴߊ߬ ߡߊ߬، ߘߌ߯ߣߊ߫ ߘߏ߲ߞߏ ߘߏ߫ ߟߎ߫ ߕߊ߯ ߘߴߊ߬ ߡߌ߬ߣߊ߬ ߞߊ߬ ߕߌ߲ߓߌߘߌ߲ߘߊ ߟߐ߬ ߊ߬ ߞߊ߲߬߸ ߞߵߊ߬ ߦߌ߬ߘߊ߬ ߞߏ߫ ߗߍ߭ ߟߊ߫ ߟߊ߬ߢߌߣߌ߲ ߦߋ߫ ߟߋ߬߸ ߞߊ߬ ߒߞߏ ߞߊߙߊ߲ߕߊ ߟߐ߬߸ ߥߟߊ߫ ߕߌ߲ߓߌߘߌ߲ߘߊ.

ߏ߬ ߟߵߊ߬ ߦߌ߬ߘߊ߬ ߟߊ߫߸ ߞߏ߫ ߘߎ߰ ߣߌ߬ߕߊ ߟߎ߬ ߢߊߢߌߣߌ߲ߕߊ ߟߋ߬߸ ߞߊ߬ ߛߴߊ߬ߟߎ߫ ߕߣߐ߬ߓߐ߬ ߢߊ ߢߊߢߌߣߌ߲߫ ߠߊ߫ ߞߊߟߌߦߊ߫߸ ߖߐ߲߰ߛߊ߫ ߕߊ߲߬ߞߊ߬ ߘߌ߫ ߞߍ߫ ߊ߬ ߕߟߊ߫ ߢߊ߫ ߛߎ߮ ߘߏ߫ ߟߎ߫ ߡߊ߬.

 

ߊ߲ ߛߋ߫ ߘߊ߫ ߞߊ߬ ߛߟߊߕߌ߯ ߛߘߊߡߊߘߌߦߊ߫ ߡߊ߬ߡߊ߬ߘߌ߫ ߞߙߏ߬ߡߊ߫ ߡߊߛߐ߬ߘߐ߲߬ ߟߊ߬ߘߍ߮ ߞߣߍ ߞߊ߲߬ ߸ ߊ߬ߟߋ ߡߍ߲ ߕߍ߬ߘߍ߫ ߟߊ߬ߘߍ߮ ߡߊ߬ߞߟߐ ߘߏ߫ ߘߌ߫ ߞߊ߬ߣߌ߲߬ ߸ ߏ߬ ߛߋ߫ ߘߊ߫ ߞߊ߬ ߘߏ߫ ߢߊߝߐ߫ ߟߊ߬ߘߍ߯ ߕߊ߬ߡߌ߲߬ ߢߊ ߞߊ߲߬ :

 

<< ߓߌ߬ ߟߊ߬ߘߍ߮ ߞߎ߲߭ ߕߍ߬ߘߍ߫ ߘߍ߬ߘߊ ߘߏ߫ ߟߋ߬ ߛߏ߯ߙߏ߫ ߞߏ ߘߌ߫߸ ߞߵߊ߬ ߓߍ߲߬ ߒߞߏ ߟߊ߫ ߘߎ߰ߞߏ ߡߌ߬ߣߊ߬ߢߊ ߡߊ߬߸ ߏ߬ ߓߟߏߡߊ߬ ߛߊ߫ ،ߓߊ߯ߙߊ ߡߍ߲ ߠߎ߬ ߛߋ߫ ߘߊ߫ ߞߍ߫ ߟߊ߫ ߓߌ߬߸ ߏ߬ ߟߋ߬ ߞߍ߫ ߘߊ߫ ߞߏߢߊ ߘߏ߫ ߟߎ߫ ߞߊ߬ߙߌ߬ߝߊ ߘߌ߫ ߡߐ߰ ߝߌ߬ߟߊ߬ ߟߊ߫ ߖߊ߬ߡߊ ߓߟߏ߫߸ ߞߏ߫ ߏ߬ ߟߎ߬ ߦߋ߫ ߡߐ߱ ߟߎ߬ ߟߊߟߐ߲ߠߌ߲ߦߊ߫ ߛߊߣߌ߬ ߟߊ߬ߘߍ ߣߊ߬ߕߐ ߕߍ߫ >>

 

ߟߊ߬ߘߍ߮ ߣߌ߲߬ ߓߍ߲߬ߒ߬ߛߋ߲߬ߡߊ ߞߏߛߐ߲߬߸ ߊ߬ߟߎ߬ ߞߊ߬ ߟߐ߬ߘߎ߮ ߘߏ߫ ߟߎ߫ ߞߊ߬ߙߌ߬ߝߊ߫ ߡߐ߰ ߘߊ߲ߘߐ߫ ߟߊ߫ :

 

<< ߟߊ߬ߘߍ߮ ߣߌ߲߬ ߛߋ߲߬ߝߍ߬߸ߥߛߊ߬ߓߊ߰ߦߊ ߞߊ߲ߕߌ߯ ߘߍ߲߬ߞߍ߲߬ߕߎ߬ߣߍ߲ ߞߍ߫ ߘߊ߫ ߛߘߊߡߊߘߌߦߊ߫ ߡߊ߬ߡߊ߬ߘߌ߫ ߞߙߏ߬ߡߊ߫ ߟߋ߬ ߘߌ߫߸

ߡߊ߲ߡߊߘߎ߫ ߎߙߌ߬ ߖߊߟߏ߫ ߛߊ߫ ߸ ߞߴߏ߬ ߦߴߊ߬ ߘߐ߱ߘߏ߲߬

ߟߊ߬ߟߐ߲߬ߠߌ߲߬ߦߊ߬ߟߌ ߟߊ߫߸ ߊ߲ ߞߊ߬ ߞߙߎ ߘߏ߫ ߛߌ߲ߘߌ߫ ߡߍ߲ ߕߐ߯ ߟߊ߫ ߘߊ߫ ߝߟߐ߫ ߞߏ߫ " ߒߞߏ ߘߎ߰ߞߏ ߥߛߊ߬ߓߊ߰ߦߊ" >>

 

ߒߏ߬ ߟߋ߬ ߞߐߝߍߟߊ ߞߍߣߍ߲߫ ߞߊ߬ ߞߙߎ ߘߏ߫ ߛߌ߲ߘߌ߫ ߥߛߊߔ ߛߌߟߊ ߝߍ߬، ߖߐ߲߰ߛߊ߫ ߞߵߏ߬ ߞߍ߫ ߘߍ߰ߘߊ߫ ߛߌ߲߬ߝߏ߲ ߠߎ߬ ߟߊߟߐ߲ߠߌ߲ߧߊ߫ ߦߌߟߊ ߘߌ߫ :

 

<< ߊ߲ ߓߍ߲߬ ߘߴߊ߬ ߡߊ߬ ߞߊ߬ ߞߙߎ ߘߏ߫ ߛߌ߲ߘߌ߫ ߥߛߊߔ ߛߌߟߊ ߝߍ߬ ߸ ߖߐ߲߰ߛߊ߫ ߞߊ߬ ߛߋ߫ ߘߍ߰ߘߊ߫ ߛߌ߲߬ߝߏ߲ ߠߎ߬ ߟߊߟߐ߲ߠߌ߲߫ ߠߊ߫ ߦߋ߲߬ ߛߐ߲߬ ߸ ߊ߲ ߓߊ߲߫ ߘߊ߫ ߞߊ߬ ߖߡߊ߬ߙߌ ߘߌ߫ ߞߊ߬  ߟߊ߬ߘߍ߰ ߝߟߐ ߣߌ߫ ߝߌߟߊߣߊ߲ ߕߘߍ߬ߒ߬ߘߐ߬ߓߊ߮ ߟߎ߬ ߓߍ߯ ߟߊߘߍ߬ߣߍ߲ ߛߘߌ߬ ߞߣߍ ߏ߬ ߞߊ߲߬ >>

 

ߛߘߊߡߊߘߌߦߊ߫ ߡߊ߬ߡߊߘߌ߫ ߞߙߏ߬ߡߊ߫ ߟߊ߫ ߛߙߊ߬ߣߎ߲ ߞߎ߲߬ߝߊ߮ ߘߐ߫ ߛߊ߫ ߸ ߊ߬ ߞߵߊ߬ ߦߌ߬ߘߊ߬ ߞߏ߫ :

<< ߊ߲ ߞߊ߬ ߟߊ߬ߘߍ߮ ߘߏ߫ ߢߍߥߟߊߦߊ߫ ߞߙߎ ߏ߬ ߞߊ߲߬ ߡߍ߲ ߘߌ߫ ߟߊ߬ߘߍ߯ ߣߊ߬ߕߐ ߕߎ߬ߡߊ߬ߘߊ ߟߊߕߍ߰߸ߞߊ߬ ߘߍ߬ߘߊ߬ ߓߟߏߡߊߞߊ߬ߣߍ߲ ߠߎ߬ ߟߊߛߌ߲߫߸ ߊ߲ ߠߊ߫ ߓߌ߬ ߟߊ߬ߘߍ߮ ߞߎ߲߬ ߠߊߛߌ߰ ߘߊ߫ ߞߙߊ߬ߡߐ߯ ߓߊ߬ߓߊ߫ ߡߊ߬ߡߊߘߌ߫ ߖߊ߰ߣߍ߫ ߟߋ߬ ߓߟߏ߫߸ߏ߬ ߝߣߊ߫ ߞߊ߬ ߞߎߡߊ ߘߌ߫ ߢߣߊߓߊ߮ ߘߏ߫ ߟߎ߬ ߡߊ߬ ߞߏ߫ ߞߊ߬ ߟߊ߬ߘߍ߮ ߞߎ߲߭ߝߊ߰ ߘߎ߬ߥߊ߬ߥߎ ߟߊ߫ >>

 

ߓߌ߬ ߞߍ߲ߘߍߟߏ߲ ߂߀߂߆ ߥߊ߬ߛߌ߬ߥߊ߬ߙߊ ߕߋ߬ߟߋ߫ ߂߀ ߟߊ߬ߘߍ߮ ߘߊߡߌ߬ߣߊ߬ ߘߊ߫ ߁߅ ߕߎߡߊ߫ ߜߋ߲ߜߋ߲߫ ߠߋ߬ ߞߵߊ߬ ߞߎ߲߬ߘߏ߲߬ ߁߇ ߕߎߡߊ.