ߜߐ߲߬ߞߐ ߦߋ߫ ߢߊ߲߬ߕߊ߬ߣߌ߲߬ߠߊ߫ ߡߙߊ߬ߘߊ߬ߙߋ߲ ߠߋ߬ ߘߐ߫߸ ߡߊ߲߬ߖߊ߲߬ߠߊ߫ ߡߙߊ߬ߘߊ߬ߓߊ ߘߐ߫، ߒ߬ߓߊ߬߸ ߊ߬ߟߎ߫ ߞߎ߲߬ߢߐ߲߰ ߦߙߌߞߊ ߟߋ߬ ߘߌ߬ߓߌ ߘߐ߫ ߕߋ߲߬߸ ߘߓߌ߬ ߜߘߍ߫ ߘߏ߲߬ ߞߏ߫ ߕߍ߫߸ ߞߟߌߟߌ߫ ߞߏ ߘߌ߬ߓߌ ߟߋ߬ ߞߏ߫ ߦߋ߫߸ ߊ߬ߟߎ߬ ߟߊ߫ ߞߙߏ߬ߝߏ ߟߋ߬ ߖߐ߲ߝߐ߲ߣߍ߲߫ ߊ߬ ߢߊ ߖߍ߬ߘߍߖߍ߬ߘߍ ߡߊ߬، ߘߎ߱ ߣߌ߲߬ ߞߏߟߊߕߍ߮ ߟߎ߬ ߟߊ߫ ߝߐߟߌ߫ ߘߐ߫߸ ߡߐ߰ ߁߂ ߀߀߀ ߟߋ߬ ߛߏ ߣߌ߲߬ ߞߣߐ߫߸ ߏ߬ ߟߎ߬ ߕߍ߫ ߛߋ߫ ߟߊ߫ ߢߐ߲߯ ߡߊߛߐ߬ߘߐ߲߬ ߠߴߊ߬ߟߎ߫ ߛߊ߬ߥߏ ߟߊ߫ ߕߋ߲߬߸ ߝߏ߫ ߊ߬ߟߎ߬ ߦߋ߫ ߞߎߘߍ߫ ߁߀ ߢߐ߲߰ ߠߋ߬ ߕߊ߯ߡߊ߫߸ ߞߊ߬ ߛߋ߫ ߞߟߌߟߌ߫ ߜߊ߲ߛߊ߲ ߞߍ߫ ߟߊ߫.
ߊ߬ߟߎ߬ ߟߊ߫ ߘߎ߰ߕߌ߮߸ ߘߙߌߛߊ߬ ߞߎ߬ߣߊ߬ߘߌ߫ ߖߊ߬ߞߌ߬ߕߋ߫ ߞߊ߬ ߘߏ߫ ߝߐ߫ ߣߌ߲߬ ߞߏ ߞߊ߲߬߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߟߊ߫ ߛߏ߫ ߞߣߐ߫ ߡߐ߮ ߟߎ߬ ߦߋ߫ ߜߟߍ߬ߦߊ ߘߝߊߣߍ߲ ߠߋ߬ ߘߐ߫ ߕߋ߲߬߸ ߡߍ߲ ߓߘߊ߫ ߞߍ߫ ߛߍ߱ ߖߍ߬ߘߍߖߍ߬ߘߍ ߘߌ߫ ߊ߬ߟߎ߫ ߞߊ߲߬، <<ߕߋ߲߭ߕߋ߲߭ ߣߌ߲߬ ߘߐ߫߸ ߞߙߏ߬ߝߏ ߡߍ߲ ߡߊߞߍߣߍ߲߫ ߜߐ߲߬ߞߐ ߺ ߟߊ߫߸ ߊ߬ ߕߍ߫ ߓߊ߯ߙߊ߫ ߟߴߊ߬ ߢߌ߬ߡߊ ߟߊ߫، ߝߢߐ ߓߊ߯ ߕߍ߰ ߢߊ ߡߍ߲ ߌߞߘߐ߫߸ ߥߟߊ߫ ߛߊ߲ ߦߋ߫ ߣߊ߬߸ ߊ߬ ߡߎ߰ߡߍ ߟߋ߬ ߥߊߣߍ߲߫ ߏ߬ ߘߌ߫، ߝߏ߫ ߣߴߊ߲ ߞߵߊ߲ ߕߊ߯ߡߊ߫ ߟߋ߬ ߞߊ߬ ߥߊ߫ ߝߊ߲߬ ߜߘߍ߫ ߝߍ߬߸ ߞߊ߬ ߛߋ߫ ߞߟߌߟߌ ߞߍ߫ ߟߊ߫.>> ߊ߬ ߞߵߏ߬ ߢߊߝߐ߫.
ߞߙߏ߬ߝߏ߬ ߕߍ߰ ߓߊ߲ߓߊߟߌ ߣߌ߲߬ ߓߘߊ߫ ߘߌ߯ ߘߋ߲ߓߦߊ ߟߎ߬ ߟߊ߫߸ ߞߊ߬ ߘߌ߯ ߊ߬ߟߎ߫ ߡߊ߬ߞߏ ߟߎ߬ ߟߊ߫߸ ߤߊߟߵߊ߬ߟߎ߬ ߟߊ߫ ߖߎ߬ߟߦߊ߬ ߓߊ߯ߙߊ ߟߎ߬ ߓߍ߯ ߓߘߊ߫ ߜߟߍ߬ߦߊ߬، ߦߋ߲߬ ߘߏ߲߬ ߦߋ߫ ߛߊߣߌ߲߫ ߓߐ߫ ߦߙߐ ߟߋ߬ ߘߌ߫߸ ߊ߬ ߣߌ߫ ߖߎ߬ߟߦߊ߬ ߦߙߐ، ߣߴߊ߬ ߝߐ߫ ߘߊ߫ ߞߏ߫ ߞߙߏ߬ߝߏ߬ ߕߍ߫ ߛߐ߬ߘߐ߲߬ ߠߴߏ߬ ߟߎ߫ ߝߍ߬ ߦߋ߲߬߸ ߞߵߊ߬ߟߎ߬ ߟߊ߫ ߢߐ߲߯ ߡߊߛߐߘߐ߲߫ ߞߏ ߓߍ߯ ߜߟߍ߬ߦߊ߬߸ ߤߊߟߵߊ߬ߟߎ߬ ߕߍ߫ ߛߋ߫ ߟߊ߫ ߞߌ߬ߓߊ߬ߙߏ߫ ߛߐ߬ߘߐ߲߬ ߠߊ߫߸ ߊ߬ߟߎ߬ ߟߊ߫ ߓߊ߯ߙߊ߫ ߛߌߦߊߡߊ߲߫ ߠߋ߬ ߓߘߊ߫ ߟߐ߬ ߕߋ߲߬߸ ߞߟߌߟߌ ߣߌ߫ ߓߌ߬ߟߊ߬ߢߐ߲߰ߡߊ ߜߟߍ߬ߦߊ ߞߏߛߐ߲߬.
<<ߣߌ߲߬ ߞߏ ߘߌ߯ߣߍ߲߫ ߖߎ߬ߟߊ ߟߎ߫ ߟߋ߬ ߟߊ߫ ߓߍ߯ ߘߌ߫، ߊ߬ߟߎ߬ ߦߋ߫ ߓߐ߫ ߟߊ߫ ߟߋ߬ ߛߏ ߞߣߐ߫ ߝߋߝߋ߫߸ ߞߊ߬ ߥߊ߫ ߞߙߏ߬ߝߏ ߢߌߣߌ߲߫ ߝߊ߲߬ ߜߘߍ߫ ߡߎߣߎ߲߬߸ ߛߴߊ߬ߟߎ߬ ߘߌ߫ ߛߴߊ߬ߟߎ߬ ߟߊ߫ ߞߏ ߟߎ߬ ߢߊߛߐ߬ߘߐ߲߬ ߠߊ߫߸ ߞߊ߬ ߛߋ߫ ߛߊߣߌ߲ ߛߐ߲߬ߞߐ ߟߐ߲߫ ߠߊ߫، ߓߌ߬ ߢߐ߲߰ ߟߏ߲߫ ߕߋ߲߬߸ ߞߏ ߓߍ߯ ߟߋ߬ ߜߍ߬ߟߍ߲߬ߡߊ߲߬.>> ߘߙߌߛߊ߬ ߞߎ߬ߣߊ߬ߘߌ߫ ߖߊ߬ߞߌ߬ߕߋ߫ ߞߵߏ߬ ߦߌ߬ߘߊ߬.
ߜߐ߲߬ߞߐ ߺ ߟߊ߫ ߕߋ߲߬߸ ߣߴߌ ߦߴߊ߬ ߝߍ߬ ߞߵߌ ߟߊ߫ ߡߐ߱ ߘߏ߫ ߞߟߌ߫߸ ߥߟߊ߫ ߞߊ߬ ߛߊߣߌ߲ ߛߐ߲߬ߞߐ ߟߐ߲߫߸ ߥߟߊ߫ ߞߊ߬ ߞߏ߫ ߘߐߜߊ߬ߣߍ߲ ߘߏ߫ ߞߟߊ߬ߟߐ߲߫߸ ߛߋ߫ ߜߘߍ߫ ߕߍ߫ ߛߏ ߣߌ߲߬ ߞߣߐ߫ ߡߐ߮ ߟߎ߬ ߦߋ߫߸ ߝߏ߫ ߞߊ߬ ߔߏߔߏ ߟߋ߬ ߕߊ߬߸ ߥߟߊ߫ ߞߵߊ߬ߟߎ߬ ߕߊ߫ߡߊ߫ ߊ߬ߟߎ߫ ߛߋ߲߭ ߠߊ߫߸ ߞߊ߬ ߞߙߏ߬ߝߏ ߡߊߜߍ߲߫ ߝߊ߲߬ ߜߘߍ߫ ߝߍ߬، ߘߎ߰ߕߌ߮ ߣߌ߲߬ ߞߵߊ߬ ߦߌ߬ߘߊ߬߸ ߞߏ߫ ߘߏ߫ ߟߎ߫ ߦߋ߫ ߞߎߘߍ߫ ߅ ߤߊ߲߯ ߞߎߘߍ߫ ߁߀ ߠߋ߬ ߓߏ߬ߙߌ߬ ߟߊ߫ ߕߋ߲߬߸ ߛߊ߲ߖߌ ߞߘߐ߫߸ ߕߟߋ߬ߜߍ ߞߘߐ߫߸ ߛߴߊ߬ߟߎ߬ ߘߌ߫ ߞߙߏ߬ߝߏ ߛߐ߬ߘߐ߲߬ ߢߊ ߡߍ߲ ߡߊ߬.
ߞߊ߬ ߓߍ߲߬ ߏ߬ ߞߏ ߟߋ߬ ߡߊ߬ ߛߊ߫߸ ߛߏ ߣߌ߲߬ ߞߏߟߊߕߍ߮ ߟߎ߬ ߞߊ߲߫ ߞߏ߫ ߊ߬ߟߎ߬ ߓߘߊ߫ ߛߋ߫ ߝߊ߲߬ ߛߌߦߊߡߊ߲߫ ߘߐ߫߸ ߊ߬ߟߎ߬ ߓߘߴߊ߬ߟߎ߫ ߞߎ߲߬ߛߌ߲߫ ߞߙߏ߬ߝߏ߬ ߞߏߟߊߘߍ ߖߍ߬ߘߍ ߟߊ߫߸ ߊ߬ ߣߌ߫ ߝߊ߰ߡߊ ߡߍ߲ ߠߎ߬ ߝߣߊ߫ ߘߐ߱ߘߏ߲߬ߣߍ߲߫ ߣߌ߲߬ ߞߏ߫ ߛߎ߮ ߟߊ߫، ߓߊ߬ߙߌ߬ ߝߏߦߊ߲߫߸ ߝߏߦߌ߬ ߡߊ߫ ߞߍ߫ ߊ߬ ߞߏ ߘߐ߫߸ ߞߌ߬ߛߍ߬ ߦߋߣߍ߲߫ ߕߍ߫ ߖߓߊ߬ ߘߐ߫ ߡߎߣߎ߲߬.
ߘߙߌߛߊ߬ ߞߎ߬ߣߊ߬ߘߌ߫ ߖߊ߬ߞߌ߬ߕߋ߫ ߞߵߊ߬ ߝߐ߫ ߏ߬ ߟߋ ߘߐ߫߸ ߞߏ߫: <<ߊ߲ ߓߘߴߊ߲ ߞߊ߲ߠߊߘߌ߫ ߞߙߏ߬ߝߏ߬ ߞߏߟߊߘߍ ߣߌ߲߬ ߡߊ߬߸ ߤߊ߲߯ ߕߋ߲߬߸ ߡߐ߰ ߡߊ߫ ߣߊ߬߸ ߞߊ߬ ߣߊ߬ ߣߌ߲߬ ߞߏ ߢߊߓߐ߫.>> ߊ߬ ߞߵߏ߬ ߦߌ߬ߘߊ߬.
ߛߏ߫ ߞߣߐ߫ ߡߐ߮ ߟߎ߫ ߞߏ߬ߣߌ߲ ߓߍ߯ ߞߊ߬ߛߌ߬ ߞߊ߲ ߠߋ߬ ߛߍߣߍ߲߬߸ ߞߏ߫ ߝߊ߰ߡߊ ߟߎ߫ ߕߊ߬ߣߍ߲ ߞߵߊ߬ ߟߊ߫ ߞߙߏ߬ߝߏ߬ ߞߏߟߊߘߍ ߣߌ߲߬ ߞߊ߲߬߸ ߞߏ߫ ߊ߬ߟߎ߬ ߦߴߊ߬ߟߎ߬ ߖߏ߫ ߖߊ߱ߣߌ߲߬߸ ߞߵߊ߬ߟߎ߬ ߓߐ߫ ߘߌ߬ߓߌ ߘߐ߫، ߛߊ߬ߡߊ ߟߋ߬ ߘߏ߲߬ ߓߘߊ߫ ߛߋ߫ ߣߌ߲߬߸ ߣߌ߫ ߛߊ߲ߖߌ ߞߍ߫ ߘߴߊ߬ߟߎ ߟߊߕߎߣߎ߲߫ ߠߊ߫ ߘߎߢߊ߫ ߡߊ߬߸ ߊ߬ߝߐ߫ ߊ߬ߟߎ߫ ߘߌ߫ ߛߊ߬ߡߊ ߣߌ߲߬ ߓߍ߯ ߞߍ߫ ߘߌ߬ߓߌ ߘߐ߫ ߢߊ ߏ߬ ߡߊ߬ ߓߊ߬؟ ߏ߬ ߟߋ ߢߌ߬ߣߌ߲߬ߞߊ߬ߟߌ ߖߋ߬ߓߌ߬ ߢߊ߬ ߞߏ ߓߊ߬ߟߌ ߦߴߊ߬ߟߎ߬ ߟߊ߫ ߛߊ߫.
Aucun commentaire pour le moment.