ߡߊ߬ߟߌ ߘߐ߬ߕߊߡߌ߲ ߝߊ߰ߡߊ ߟߎ߫ ߞߵߊ߬ ߟߊߛߋ߫ ߛߌ߬ߣߌ߲߬ߟߏ߲ ߥߎ߬ߙߊ ߟߊ߫ ߂߀߂߆ ߘߓߊ߬ߕߊ ߕߟߋ߬ ߁߭߸ ߞߵߊ߬ ߦߌ߬ߘߊ߬ ߞߏ߫ ߛߌߞߊ߫ ߓߘߊ߫ ߞߍ߫ ߣߊ߲߬ߕߌ߰ ߛߊ߲ߘߐ ߘߏ߫ ߟߎ߫ ߡߊ߬߸ ߞߏ߫ ߊ߬ߟߎ߬ ߣߌ߫ ߡߙߊ߬ߒ߬ߡߊ߬ߝߋ߲߬ߕߌ߰ ߞߙߎ ߟߎ߬ ߓߊ߯ߙߊ߫ ߘߊ߫߸ ߊ߬ ߣߌ߫ ߕߍߝߘߊߟߊ߲ߘߌ ߟߎ߬߸ ߝߏ߫ ߡߙߊ߬ߒ߬ߡߊ߬ߟߌ߫ ߢߐ߲߰ ߞߐ ߘߏ߫ ߛߋ߫ ߘߊ߫ ߛߌ߰ ߟߊ߫ ߛߋ߲߬ߠߊ߫ ߡߍ߲ ߟߊ߲߬ߓߏ߲ ߥߙߊ߬ ߘߊ߫ ߖߡߊ߬ߣߊ ߞߣߐ߫߸ ߝߊߦߌߘߊ߫߸ ߊ߬ ߢߐ߲߰ ߕߎ߲߬ ߡߊ߫ ߞߍ߫ ߦߋ߲߬ ߡߎߣߎ߲߬ ߛߊ߲߬ ߕߊ߲߬ ߠߊ߬ߓߊ߲ ߣߌ߲߬ ߞߣߐ߫.

ߟߊ߬ߛߋ߬ߟߌ ߡߍ߲ ߞߍ߫ ߘߊ߫ ߞߕߌߞߊ߲ߘߊ ߓߟߏ߫ ߓߡߊ߬ߞߐ߫ ߣߊ߲߬ߕߌ߰ ߞߕߌߖߌ߲ ߠߊ߫߸ ߣߴߊ߬ ߞߊ߬ߙߊ߲߬ ߘߊ߫ ߖߡߊ߬ߣߊ ߖߌ߬ߦߊ߬ߞߊ߲߬ߛߏ ߟߊ߫߸ ߊ߬ ߦߌ߬ߘߊ߬ߣߍ߲߫ ߦߋ߫ ߞߏ߫ <<ߘߊ߬ߟߎ߫ ߛߐ߬ߛߐ߬ߓߊߟߌ>> ߟߎ߬ ߓߘߊ߫ ߛߐ߬ߘߐ߲߬ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ <<ߣߊ߲߬ߕߌ߮ ߘߏ߫ ߟߎ߫ ߛߋ߲߬ ߦߴߊ߬ ߘߐ߫>>߸ ߣߊ߲߬ߕߌ߰ ߛߊ߲ߘߐ ߏ߬ ߘߏ߫ ߟߎ߫ ߦߋ߫ ߓߊ߯ߙߊ ߘߊߞߘߐ߫ ߡߎߣߎ߲߬߸ ߘߏ߫ ߝߣߊ߫ ߓߘߊ߫ ߜߍ߲߫ ߞߘߐ߬ߡߊ߲߬ (ߞߵߊ߬ߟߎ߬ ߓߟߏߓߐ߫)، ߊ߬ ߖߍ߬ߘߍ߸ ߡߍ߲ ߕߍ߫ ߣߊ߲߬ߕߌ߰ߦߊ ߓߊ߯ߙߊ ߘߊߞߘߐ߫ ߏ߬ ߘߌ߫ ߕߋ߲߬߸ ߏ߬ ߛߐ߬ߘߐ߲߬ ߘߊ߫ ߟߋ߬ ߞߍߒߞߊ߲ߠߌ߲ <<ߝߊ߲߬ߝߘߊ߬ߦߊ߬ߟߌ߸ ߘߏ߲߬ߖߟߎ߬ߡߊ߬ߟߌ ߣߌ߫ ߓߟߏߦߊߟߌ>> ߘߐ߫ ߝߛߊߦߌ߫.

ߊ߬ ߘߏ߲߬߸ ߝߌߘߊߓߐ ߡߐ߱ ߡߍ߲߬ ߠߎ߬ ߢߍߡߊ߬ ߣߌ߲߬ ߢߊ߸ ߏ߬ ߞߍߣߍ߲߫ ߠߋ߬ ߕߋ߲߬ ߞߵߊ߬ ߛߐ߬ߘߐ߲߬ ߖߡߊ߬ߣߊ ߓߊߛߌ߰ߣߍ߲߬ ߕߍ߫، ߞߕߌߞߊ߲ߘߊ ߟߊ߫ ߟߊ߬ߛߋ߬ߟߌ ߣߌ߲߬ ߦߴߊ߬ ߦߌ߬ߘߊ߬ ߟߊ߫ ߝߣߊ߫߸ ߞߏ߫ ߖߡߊ߬ߣߊ ߓߘߍ߬ߓߘߍ߬ߟߌ ߕߐ߯ߟߡߊ ߘߏ߫ ߟߎ߫ ߛߋ߲߬ ߦߴߊ߬ ߘߐ߫߸ ߦߏ߫ ߎߡߊߙ ߡߊ߬ߙߌ߬ߞߏ߫߸ ߏ߬ ߦߋ߫ ߡߊ߬ߟߌ ߝߊ߲߬ߞߊߛߌ߬ߣߊ ߘߏ߫ ߟߋ߬ ߘߌ߫ ߢߊߣߌ߲ߡߊߓߏߙߌ ߘߐ߫߸ ߊ߬ߟߋ ߞߏ߬ߣߌ߲ ߕߊ߫ ߝߊ߲߭ ߡߊ߫ ߝߐ߫ ߣߌ߲߬ ߞߏ ߘߐ߫߸ ߊ߬ ߣߐ߬ ߓߊ߯ ߞߍ߫ ߓߊ߯ߙߊ߫ ߞߋߟߋ߲ ߡߍ߲ ߞߍ߫ ߟߊ߫.

ߣߌ߲߬ ߠߋ߬ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߡߊ߬ߟߌ ߓߊ߯ ߞߍ߫ ߓߏ߲߲ ߡߍ߲ ߘߌ߫߸ ߊ߬ ߛߍ߲ߞߍ ߘߊߡߌ߬ߣߊ߬ߣߴߊ߬ ߞߣߐ߫ ߟߋ߬.