ߡߊ߬ߟߌ ߣߊ߲߬ߕߌ߰ ߘߊ߯ߘߐ ߣߐ߬ ߟߊ߬ߛߋ߬ߟߌ߫ ߟߋ߬ ߞߍ߫ ߟߊ߫߸ ߞߊ߬ ߓߍ߲߬ ߊ߬ߟߎ߬ ߟߊ߫ ߦߙߍߞߍߟߌ߫ ߞߍߣߍ߲ ߘߏ߫ ߟߎ߫ ߡߊ߬، ߞߏ߫ ߊ߬ߟߎ߬ ߦߋ߫ ߖߡߊ߬ߣߊ ߟߊߞߊ߲ߘߊ ߦߙߍߞߍߟߌ ߡߍ߲ ߠߎ߬ ߞߊ߲߬߸ ߊ߬ߟߎ߫ ߞߊ߬ ߓߊ߰ߓߊ߰ߟߌ߬ߟߊ߫ ߛߌߦߊߡߊ߲߫ ߠߋ߬ ߝߊ߰߸ ߞߵߊ߬ߟߎ߬ ߟߊ߫ ߦߙߐ߫ ߛߌߦߊߡߊ߲߫ ߘߐߕߌߢߍ߫.

ߣߊ߲߬ߕߌ߮ ߟߎ߫ ߞߊ߬ ߓߊ߰ߓߊ߰ߟߌ߬ߟߊ ߟߎ߫ ߓߎ߰ ߦߙߐ ߘߏ߫ ߟߋ߬ ߛߎߡߊ߲߫߸ ߞߎߘߍ߫ ߣߊ߯ߣߌ߲߫ ߠߋ߬ ߦߋ߲߬ ߣߌ߫ ߞߌߙߑߣߌߦߊ߫ ߘߎ߰ߣߍ߲ ߕߍ߫، ߊ߬ߟߎ߬ ߕߏ߫ ߘߊ߫ ߡߊ߬ߝߟߍ߬ߟߌ ߟߋ߬ ߟߊ߫ ߛߊ߲ߡߊ߬߸ ߊ߬ߟߎ߫ ߞߊ߬ ߞߕߊ߬ߞߕߊ߬ߣߍ߲߬ ߛߌߦߊߡߊ߲߫ ߦߋ߫ ߢߐ߲߮ ߞߐ߫߸ ߖߋ߬ߣߌ߲߬ߕߊ ߟߎ߬ ߦߋ߫ ߡߍ߲ ߠߎ߬ ߞߎ߲߬߸ ߊ߬ߟߎ߬ ߦߋ߫ ߘߏ߲߭ ߞߊ߲߬ ߦߙߌ߫ ߕߎ ߘߏ߫ ߘߐ߫، ߌߞߘߐ߫߸ ߣߊ߲߬ߕߌ߮ ߟߎ߫ ߞߵߊ߬ߟߎ߬ ߟߊ߫ ߞߍߟߊ߲ ߠߎ߬ ߥߟߏ߫ ߊ߬ߟߎ߬ ߘߐ߫߸ ߞߵߊ߬ߟߎ߫ ߜߋ߬ߟߎ߲ ߘߊߡߌ߬ߣߊ߬ ߕߍߕߍߕߍ߫، ߊ߬ߟߎ߬ ߛߋ ߊ߬ߟߎ߬ ߞߟߊߘߎ߮ ߘߐ߫ ߖߐ߫߸ ߊ߬ߟߎ߫ ߞߵߊ߬ߟߎ߫ ߥߊ߬ߟߏ߲߫߸ ߞߵߊ߬ߟߎ߬ ߟߊ߫ ߦߙߐ ߏ߬ ߖߊߡߎߙߊ߲߫ ߞߵߊ߬ ߞߍ߫ ߞߎ߲߫.

ߦߙߐ߫ ߝߟߐ ߏ߬ ߞߐߝߍ߬ ߜߟߊ߬ߜߟߊ߫ ߆߀߀ ߟߊ߫߸ ߊ߬ߟߎ߫ ߞߊ߬ ߓߊ߰ߓߊ߰ߟߌ߬ߟߊ ߟߎ߫ ߢߊ߲߰ ߜߘߍ߫ ߦߋ߫߸ ߡߍ߲ ߠߎ߬ ߣߐ߬ ߣߐ߲ߓߐ ߟߎ߬ ߞߍ߫ ߟߊ߫ ߞߵߊ߬ߟߎ߫ ߢߊ߲߱ ߠߊߘߊ߲߯߸ ߛߴߊ߬ߟߎ߬ ߞߊߣߊ߬ ߦߋ߫، ߦߙߐ ߏ߬ ߘߐ߫ ߦߋ߲߬߸ ߜߊ߯ ߓߟߋߓߟߋ߫ ߦߴߊ߬ߟߎ߬ ߓߟߏ߫߸ ߡߍ߲ ߡߊߕߎ߲߯ߣߍ߲߫ ߝߌߘߊ߫ ߢߍ߰ߙߍ ߟߎ߬ ߣߌ߫ ߣߐ߲ߓߐ ߟߎ߬ ߟߊ߫߸ ߊ߬ ߣߌ߫ ߜߋ߬ߕߋߜߋ߭ ߘߏ߫ ߕߍ߬ߘߍ߫ ߦߋ߲߬، ߣߊ߲߬ߕߌ߮ ߟߎ߫ ߞߵߊ߬ ߛߌ߰ ߏ߬ ߟߎ߬ ߝߣߊ߫ ߞߎ߲߬߸ ߞߵߊ߬ߟߎ߬ ߟߊ߫ ߘߊ߮ ߏ߬ ߡߎ߰ߡߍ ߞߍ߫ ߞߎ߲߫߸ ߤߊߟߵߊ߬ߟߎ߬ ߟߊ߫ ߘߎ߰ߞߎߟߎ߲߸ ߏ߬ ߡߊ߫ ߕߏ߫.

ߦߙߍߞߍߟߌ߫ ߝߌ߬ߟߊ ߏ߬ ߞߐߝߟߌ ߘߐ߫߸ ߓߊ߰ߓߊ߰ߟߌ߬ߟߊ߫ ߡߐ߰ ߓߌ߫ ߦߙߌߞߊ߫ ߟߋ߬ ߞߎ߲߭ ߕߏ߫ ߘߴߊ߬ ߘߐ߫߸ ߞߵߊ߬ߟߎ߬ ߓߟߏߝߋ߲߫ ߛߌߦߊߡߊ߲߫ ߕߌߢߍ߫.

ߊ߬ߟߋ߬ ߣߊ߲߬ߕߌ߮ ߟߎ߫ ߞߊ߬ ߦߙߍߞߍߟߌ߫ ߛߓߊߣߊ߲ ߝߣߊ߫ ߞߍ߫ ߞߎߘߍ߫ ߃߂ ߖߊ߬ߕߋ߬ ߟߊ߫ ߛߋߝ߭ߊߙߋ߫ ߞߐ߰ߘߎ߰ ߕߟߋߓߐ ߘߐ߫، ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߢߐ߲߯ ߠߊߘߍ߫ ߦߙߐ߫ ߣߊ߯ߣߌ߲߫ ߝߣߊ߫ ߟߊߞߏߟߐ߲߫ ߘߴߊ߬ߟߎ߬ ߓߟߏ߫ ߦߋ߲߬߸ ߊ߬ߟߎ߫ ߞߵߏ߬ ߡߎ߰ߡߍ ߝߣߊ߫ ߞߍ߫ ߊ߬ߟߎ߫ ߛߊ߬ߥߏ ߘߌ߫߸ ߞߵߊ߬ߟߎ߬ ߓߍ߯ ߘߐߕߌߢߍ߫ ߝߏߘߏ߲ ߠߊ߫.

ߡߊ߬ߟߌ ߣߊ߲߬ߕߌ߮ ߟߎ߬ ߓߘߴߊ߬ ߦߌ߬ߘߊ߬߸ ߞߏ߫ ߊ߬ߟߎ߬ ߢߌߣߌ߲ߞߏ ߓߐ߫ ߘߊ߫ ߟߋ߬ ߢߟߊ߫ ߦߋ߲߬ %߁߀߀ ߟߊ߫، ߞߏ߫ ߞߟߍ߬ߡߎߙߊ߲ ߡߍ߲ ߠߎ߬ ߦߴߊ߬ߟߎ߬ ߓߟߏ߫߸ ߏ߬ ߦߴߊ߬ߟߎ߫ ߘߍ߬ߡߍ߲߬ ߠߊ߫ ߞߵߊ߬ߟߎ߬ ߟߊ߫ ߓߊ߯ߙߊ ߟߎ߬ ߞߍ߫ ߊ߬ ߞߍߢߊ ߡߊ߬، ߣߊ߲߬ߕߌ߰ ߘߊ߯ߘߐ ߞߎ߲߬ߕߌ߮ ߞߵߊ߬ ߟߊ߫ ߗߍ߬ߘߋ߲ ߠߎ߫ ߝߏ߬߸ ߞߵߊ߬ߟߎ߬ ߞߎߟߎ߲ߖߋ߫ ߊ߬ߟߎ߬ ߟߊ߫ ߘߐ߬ߖߊ ߟߊ߫߸ ߢߊߟߐ߲ ߣߌ߫ ߞߎ߬ߛߊ߲߬ߧߊ ߟߊ߫، ߊ߬ߟߎ߫ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߊ߬ߟߎ߬ ߦߋ߫ ߓߊ߯ߙߊ ߣߌ߲߬ ߡߊ߬ ߟߋ߬ ߝߎߚߎ߸ ߤߊ߲߯ ߓߊ߰ߓߊ߰ߟߌ߬ߟߊ ߓߍ߯ ߦߋ߫ ߛߌߟߊߛߊ߬ ߡߊ߬ߟߌ ߘߎ߰ߞߟߏ ߞߊ߲߬ ߕߎ߬ߡߊ ߡߍ߲ ߠߊ߫߸ ߞߊ߬ ߖߡߊ߬ߣߊ ߝߊ߲߭ ߓߍ߯ ߟߊߞߊ߲ߘߊ߫.