ߡߎߛߊ߫ ߓߊߟߊ߲ߘߎ߫ ߖߊߟߏ߫ ߟߊ߫ ߓߋߟߋ߲ߠߊ ߞߎߡߊ߫ ߘߊ߫ ߞߊ߲ߕߍ߫ ߛߟߏ߬ߡߊ߯ߣߊ߫ ߟߊ߫ ߒߞߏ ߛߌ߲ߘߌ ߢߊ߫ ߘߐ߬ߝߐ ߟߋ߬ ߞߊ߲߬ ߸ߡߐߣߍ߫ ߣߌ߫ ߞߎ߲߭ ߡߍ߲ ߞߵߊ߬ ߟߐ߬ ߊ߬ ߟߊ߫߸ ߏ߬ ߟߋ߬ ߞߏ߫:
<< ߒ߬ߓߊ߬ߘߍ ߦߋ߫ ߞߟߌߟߌ ߟߊߡߌ߬ߘߊ߬ߓߊ߮ ߓߍ߯ ߦߋ߫ ߸ ߛߟߊߕߌ߮ ߣߌ߫ ߓߐ߬ߟߐ߲߬ߞߊ ߣߌ߫ ߓߟߊ߬ߡߊ߬ߖߏ߲ߞߊ ߟߎ߬ ߦߋ߫ ߸ ߞߎ߲߬ߠߊ߬ߛߌ߰ߣߍ߲ ߣߌ߫ ߞߎ߲߬ߠߊ߬ߛߌ߰ߓߊ߮ ߟߎ߬ ߦߋ߫، ߡߊ߰ߙߌ ߦߋ߫ ߜߊ߲ߒߞߎ߲ߠߊߟߌ ߞߍ߫ ߒߞߏ ߛߌ߲ߘߌߓߊ߯ ߛߟߏ߬ߡߣߊ߬ ߞߊ߲ߕߍ߫ ߦߋ߫ ߸ ߏ߬ ߡߍ߲ ߡߊ߫ ߞߍ߫ ߘߏ߫ ߜߘߍ߫ ߘߌ߫ ߝߏ߫ ߞߊ߬ߣߌ߬ߦߋ ߸ ߞߊ߬ߣߌ߲߬ߦߋ ߡߍ߲ ߞߍ߫ ߘߊ߫ ߖߘߍ߬ߘߌ߬ߟߊ ߘߌ߫ ߝߘߊ߬ߝߌ߲߬ߠߊ߫ ߦߋ߫،
ߓߌ߬ ߸ ߟߐ߬ ߓߘߊ߫ ߞߍ߫ ߕߋߟߋ߲ߓߊ߯ߦߊ ߟߊ߫ ߞߏ߫ ߛߟߏ߬ߡߣߊ߬ ߟߊ߫ ߓߊ߯ߙߊ ߞߐߝߟߌ ߓߘߊ߫ ߦߋ߫ ߸ ߒ߬ߓߊ߬ ߡߍ߲ ߠߎ߬ ߝߣߊ߫ ߦߴߊ߬ ߞߐ߫ ߓߌ߬ ߸ ߞߴߊ߬ ߝߐ߫ ߊߟߎ߫ ߦߋ߫ ߞߏ߫ ߓߍ߯ ߓߴߌ ߖߘߍ߬ ߦߋ߫ >>
ߝߏ߬ߟߌ ߏ߬ ߟߋ߬ ߞߐߝߍ߬ ߛߊ߫߸ߊ߬ ߘߏ߲߬ ߘߊ߫ ߛߟߏ߬ߡߣߊ߬ ߞߊ߲ߕߍ߫ ߣߌ߫ ߟߌߓߊ߲ߞߊ ߞߍ ߟߊ߫ ߘߐ߬ߝߐ ߘߐ߫ ߕߊ߲߬ ߘߐ߫ :
<< ߛߟߏ߬ߡߣߊ߬ ߞߊ߲ߕߍ߫ ߞߊ߬ ߟߌߓߊ߲ߞߊߞߍ ߘߏ߫ ߟߋ߬ ߟߊ߫ ߝߐ߰ߓߍ ߦߋ߫ ߸ ߁߉߄߇ ߟߊ߫ ߞߵߊ߬ ߕߏ߫ ߓߎ߬ߥߊ߬ߞߋ߫ ߸ ߊ߬ ߛߓߍߣߴߏ߬ ߘߐ߫ ߞߊ߬ߡߊߟ ߡߊߙߎߥߊ߫ ߓߟߏ߫ ߞߴߊ߬ ߡߊ߫ ߝߘߊ߬ߝߌ߲߬ߞߊ߲ ߠߎ߬ ߟߊ߫ ߞߙߌ߬ߞߙߊ߬ߒ߬ߕߋ߬ߦߊ ߢߐ߲߰ ߦߋ߫. ߞߏ߫ ߝߘߊ߬ߝߌ߲ ߠߎ߬ ߕߴߊ߬ߟߎ߬ ߡߙߌߦߊ߫ ߛߓߍ߫ ߊ߬ߟߎ߫ ߖߘߍ߬ ߦߋ߫ ߸ ߡߐ߰ ߝߣߊ߫ ߕߴߛߴߊ߬ ߛߓߍ߫ ߟߴߊ߬ߟߎ߬ ߦߋ߫. ߞߏ߫ ߓߊߏ߬ ߞߊ߲ߜߍ߫ ߕߍ߫ ߞߊ߲ ߡߍ߲ ߠߊ߫ ߏ߬ ߦߋ߫ ߞߊ߲߫ ߢߊߝߎߦߋ߲߫.
ߞߊ߲ߕߍ߫ ߞߵߊ߬ ߢߊߦߋ߫ ߞߏ߫ ߣߴߌ ߞߊ߬ ߞߊ߲ ߣߊ߬ߣߌ߲߬ߕߐ ߦߋ߫ ߞߊ߲ߕߌ߮ ߟߋ߬ ߞߏ߫ ߦߋ߫ ߸ ߊ߬ ߞߵߊ߬ ߡߙߌ߫ ߝߎߙߙߎ߫ ߝߏ߫ ߞߊ߬ ߥߴߊ߬ ߦߋ߫ ߞߏ߫ ߞߍߢߊ߫ ߕߴߊ߬ ߟߊ߫ ߝߏ߫ ߞߵߌ ߡߊߥߊߙߊ߲ߞߊ߫ ߝߊ߬ߛߏ ߦߋ߫ ߸ ߊ߬ ߞߊ߬ ߕߌߙߌ߲ߠߌ߲ ߞߍ߫ ߝߎߙߙߎ߫ ߝߏ߫ ߡߊ߰ߙߌ ߞߊ߬ ߒߞߏ ߛߓߍߛߎ߲ ߣߐ߰ߦߴߊ߬ ߦߋ߫. ߏ߬ ߟߋ߬ ߓߍ߲߬ ߘߊ߫ ߁߉߄߉ ߡߊ߬ ߸ ߞߵߊ߬ ߕߘߍ߬ ߊ߬ ߓߘߊ߫ ߛߐ߰ ߊ߬ߙߊ߬ߓߎ ߝߟߐ ߡߊ߬ ߸ ߞߊ߬ ߞߏ ߓߍ߯ ߞߍ߫ ߏ߬ ߡߊ߫ ߛߐ߲߬ ߝߘߊ߬ߝߌ߲߬ߧߊ ߡߊ߬ ߸ ߏ߬ ߓߌ߬ߟߊ߬ ߞߊ߲ ߞߏ߫ ߖߐ ߦߴߌ ߡߊ߬، ߄߈ ߞߵߊ߬ ߢߊߛߌ߲߫ ߝߊ߬ߙߊ߲߬ߛߌ ߡߊ߬ ߸ ߊ߬ ߞߵߊ߬ ߦߋ߫ ߏ߬ ߛߋߞߏߦߊ ߡߊ߫ ߛߋ߫ ߞߊ߲ߡߊߛߙߋ ߡߊ߬ ߸ ߏ߬ ߓߌ߬ߟߊ߬ ߞߊ߲ ߞߴߊ߲ ߓߍ߫ ߛߐ߱ߡߊ߬.
ߊ߯ ߟߐ߲ߞߏߕߌ߯ ߛߟߏ߬ߡߣߊ߬ ߞߊ߲ߕߍ߫ ߹ ߛߎߡߊ߲ߞߏ߬ߦߌ߫ ߞߟߐ߬ߣߍ߲߬ ߊߡߙߊ߫ ߣߌ߫ ߓߊߟߊ߲ߘߎ߯ ߖߊ߰ߞߊ ߞߋߕߊ߬ ߘߋ߲ߞߍ߫ ߸ ߊ߲ ߘߴߊ߬ ߝߐ߫ ߞߴߌ ߥߐߙߐ߲ߥߌߟߊߞߊ߲ߞߋ߫ ߸ ߌ ߟߏ߬ߟߏ ߞߍ߫ ߘߊ߫ ߤߙߍ ߛߐߞߍߟߞߊ ߟߋ߬ ߘߌ߫ ߜߟߏ߬ߝߌ߲ ߠߎ߬ ߦߋ߫، ߞߊ߬ ߘߏ߲߬ ߞߊ߬ߙߊ߲ ߠߊ߫ ߛߊ߲߬ ߇ ߸ ߞߊ߬ ߡߏ߬ߛߏ ߝߘߎ߫ ߊ߬ ߛߊ߲߬ ߂߇ ߸ ߞߊ߬ ߒߞߏ ߛߌ߲ߘߌ߫ ߊ߬ ߛߐ߬ߘߐ߲ ߛߊ߲߬ ߂߇ ߸ ߛߓߍߛߎ߲ ߏ߬ ߦߋ߫ ߛߓߍߘߋ߲߫ ߂߇ ߸ ߏ߬ ߝߣߊ߫ ߛߌ߰ߙߊ߬ߟߊ߲ ߠߎ߬ ߦߋ߫ ߇.
ߊ߬ߟߋ ߖߍ߬ߘߍ ߝߊߕߏ߫ ߘߊ߫ ߈߇ ߟߊ߫، ߥߐߙߐ߲ߥߌ߬ߟߊ ߛߌ߰ ߂ ߏ߬ ߟߋ ߓߍ߲߬ߣߍ߲߫ ߁߄ ߡߊ߬ (ߒߞߏ ߛߌ߲ߘߌ߫ ߘߊ߫ ߞߊߙߏ ߕߟߋ߬ ߁߄) ߸ ߞߊ߬ ߇ ߛߌ߰ ߇ ߓߍ߲߬ ߄߉ ߡߊ߬، ߒߞߏ ߛߌ߲ߘߌ߫ ߘߊ߫ ߄߉ (ߞ. ߛߏ߬ߙߌ߫ ߡߊ߲߬ߘߋ߲߬ߞߊ ߞߓߊ߬).
ߏ߬ ߘߐ߫ ߒߞߏ ߛߌ߲ߘߌ߫ ߘߊ߫ ߁߉߄߉ ߟߋ߬ ߟߊ߫ ߜߋ߲ߞߐ߰ߖߌ߬ߘߊ ߟߊ߫ ߸ ߓߍ߲ߗ߭ߍߙߑߝߌ߭ߟ، ߊ߬ ߕߏ߫ ߘߊ߫ ߓߍ߲ߗ߭ߍߙߑߝ߭ߌߟ ߟߋ߬ ߞߵߊ߬ ߟߊ߫ ߞߏ ߝߐ߫ ߒ߬ ߓߋ߲ߓߊ߫ ߛߋߞߎ߬ ߕߎ߬ߙߋ߬ ߦߋ߫، ߏ߬ ߞߵߊ߬ ߞߟߌ߫ ߞߵߊ߬ ߦߋ߫ ߣߵߊ߬ߟߎ߬ ߦߋ߫ ߢߐ߲߮ ߦߋ߫، ߓߊߘߋ߲ ߠߎ߬ ߸ ߞߊ߬ ߕߌ߲ߞߌ ߞߍ߫ ߞߊ߲ߕߌ߯ ߛߋߞߎ߬ ߕߎ߬ߙߋ߬ ߦߋ߫ ߸ ߕߎ߬ߡߊ ߡߍ߲ ߊ߬ ߣߌ߫ ߛߟߏ߬ߡߣߊ߬ ߞߊ߲ߕߍ߫ ߞߊ߬ ߢߐ߲߮ ߦߋ߫ ߸ ߊ߬ ߞߵߊ߬ ߓߟߏ ߓߌ߬ߟߵߊ߬ ߞߎ߲߬ ߞߊ߬ ߣߊ߲߬ߝߟߏ߬ ߓߐ߫ ߊ߬ ߖߘߍ߬ ߦߋ߫ ߸ ߞߵߏ߬ ߞߴߊ߬ ߕߊ߫ ߡߊ߬ߜߍ߲ ߘߌ߫ ߛߟߏ߬ߡߣߊ߬ ߦߋ߫ ߸ ߞߊ߬ ߞߐߞߊ߲߫ ߘߊ߲ߘߊߟߌ ߖߐ߬ߣߍ߬ߦߊ߬ߟߌ ߛߌߟߊ ߟߊߞߵߊ߬ ߦߋ߫ ߸ ߊ߬ ߣߌ߫ ߞߊ߬ ߕߡߊ߬ߦߌ ߓߐ߫ ߊ߬ ߘߐ߫ ߞߏ߫ ߊ߬ ߟߊ߫ ߓߊ߯ߙߊ ߓߍߣߊ߬ ߥߙߎߞߌ߫ ߊ߬ ߖߘߍ߬ ߦߋ߫ ߸ ߞߏ߫ ߛߓߍ߬ߣߊ߲߬ߞߏ ߓߍ߯ ߦߋ߫ ߓߎ߯ ߟߊ߫ ߟߵߊ߬ ߖߘߍ߬ ߦߋ߫>>
ߊ߬ ߞߵߊ߬ ߟߊ߫ ߓߋߟߋ߲ߠߊ ߏ߬ ߞߎ߲߭ ߘߏ߲߬ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߝߣߊ߫ ߞߎߟߎ߲ߖߋ߫ ߡߊ߬ ߊ߬ ߣߴߊ߬ ߟߊ߫ ߞߏߕߌ߯ ߝߟߐ ߓߊ ߎߙߌ߬ ߣߌ߫ ߘߊ߲߬ߛߊ߫ ߞߙߎ߬ߡߊ߫ ߣߴߊ߬ ߞߐ.
<< ߕߏ߫ ߓߘߊ߫ ߞߴߏ߬ ߘߐ߫ ߸ ߊߟߊ߫ ߓߘߊ߫ ߛߓߍ߬ߟߊ߲߬ߘߌ ߘߏ߫ ߘߊ߲߫ ߒ߬ ߠߊ߫ ߖߡߊ߬ߣߊ ߦߋ߫ ߸ ߒ߬ߓߊ߬ ߞߎߟߎ߲ߖߋߟߌ ߓߟߋ߬ߓߟߋ ߦߋ߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߦߋ߫ ߸ ߏ߬ ߡߍ߲ ߞߵߊ߬ ߟߊߢߌߣߌ߲߫ ߞߏ߫ ߖߡߊ߬ߣߊ߬ߘߋ߲ ߖߍ߬ߘߍ ߤߊߞߟߌ ߦߴߊ߬ ߟߊ߫ ߛߌ߰ߞߊ߲ ߠߊߘߊ߲߫ ߊ߬ ߖߘߍ߬ ߦߋ߫، ߡߎߣߎ߲ߧߊߟߌ ߡߊ߬ ߌ ߓߊ߯ ߛߌ߰ߞߊ߲ ߏ߬ ߦߋ߫ ߸ ߌ ߓߘߊ߫ ߖߡߊ߬ߣߊ߬ߘߋ߲ ߦߋ߫.
ߛߌ߰ߞߊ߲ ߏ߬ ߕߐ߲ߛߋ߲ ߟߏ߯ߟߎߣߊ߲ ߘߐ߫ ߸ ߞߏ߫ ߝߊ߬ߙߊ߲߬ߛߌ߬ߞߊ߲ ߣߌ߫ ߝߊ߬ߛߏ߬ߞߊ߲ ߠߎ߬ ߓߘߊ߫ ߞߢߊ߫ ߖߌ߬ߣߍ߫ ߞߎ߲߬ߠߊ߬ߛߌ߰ߞߊ߲߬ߧߊ ߘߐ߫. ߏ߬ ߛߍߥߊ ߟߋ߬ ߡߊ߫ ߒߞߏ ߘߌ߲߬ߞߏ ߟߎ߬ ߕߏ߫ ߛߌ߰ ߘߐ߫ ߸ ߓߊߏ߬ ߊ߬ ߣߊ߬ ߡߐߣߍ ߟߋ߬ ߓߐ߫ ߟߊ߫ ߞߊ߬ߝߏ߫ ߖߘߍ߬ߕߌ߯ ߞߊ߲ߠߊߓߌ߬ߟߊ߬ߣߍ߲ ߘߐ߫. ߞߏ߫ ߊ߬ ߓߊߙߌߞߊ߫ ߝߊ߬ߛߏ߬ߞߊ߲ ߠߎ߬ ߟߊߞߎ߲߬ߠߊ߬ߛߌ߰ߧߊ ߘߐ߫ ߸ ߊ߬ ߣߌ߫ ߗߋ߫ ߓߏ߲ߝߌ߲߫ ߞߊ߬ߙߊ߲߬ߘߊ ߛߟߏ߬ߡߣߊ߬ ߞߊ߲ߕߍ߫ ߕߐ߯ߟߊ ߘߐ߫.
ߞߎߟߎ߲ߖߋߟߌ ߦߋ߫ ߞߏߕߌ߯ ߝߟߐ ߓߊ ߎߙߌ߬ ߦߋ߫ ߸ ߏ߬ ߓߘߊ߫ ߡߙߌߦߊ ߏ߬ ߞߐߡߊߓߌ߲ߓߌ߲߫ ߞߊ߬ ߞߏߕߌ߯ߝߟߐߘߊ ߞߍߦߙߐ߫ ߓߟߏߡߊߞߊ߬ߣߍ߲ ߛߌ߲ߘߌ߫ ߝߊ߬ߛߏ߬ߞߊ߲ ߠߎ߬ ߦߋ߫ ߸ ߞߊ߬ ߝߐ߰ߓߍ ߞߝߊ߬ߟߊ߬ߡߊ ߝߣߊ߫ ߜߌ߬ߙߌ߲߬ߘߌ߫ ߊ߬ߟߎ߬ ߦߋ߫.
ߞߎߟߎ߲ߖߋߟߌ ߦߋ߫ ߝߊ߬ߛߏ߬ ߜߙߊ ߞߊ߲ߕߌ߯ ߘߊ߲߬ߛߊ߫ ߞߙߏ߬ߡߊ߬ ߦߋ߫ ߸ ߏ߬ ߡߍ߲ ߞߊ߬ ߖߡߊ߬ߣߊ ߘߐߦߊ߯ߟߊ߫ ߞߊ߬ ߕߊ߯ ߡߌ߬ߙߌ߲߬ߘߌ߬ ߘߎ߯ߟߊ ߦߋ߫ ߸ ߞߵߊ߬ߟߎ߬ ߓߍ߯ ߡߙߌߦߊ ߘߟߊߘߍ߬ ߞߊ߬ ߣߵߏ߬ ߘߊ߲߬ߕߍ߰ߟߌ ߞߍ߫ ߝߊ߬ߛߏ߬ߜߙߊ ߦߋ߫.
ߕߐ߲ߛߋ߲ ߟߏ߯ߟߎߣߊ߲ ߓߘߊ߫ ߓߍ߲߬ ߊ߬ ߛߋ߲߬ߡߊ߬ ߸ ߞߊ߬ߦߌ߯ ߁߉߉߈ ߠߊ߫ ߒߞߏ ߦߋ߫ ߘߎߢߊ߫ ߞߊ߲ߓߊ ߟߎ߬ ߛߊ߯ߘߊ߫ ߟߴߊ߬ ߛߋ߲߬ߡߊ߬ ߸ ߞߊ߬ߙߊ߲߬ߡߐ߯ ߓߊ߬ߓߊ߬ ߟߊ߫ ߢߍߡߌߘߊߟߌ ߞߣߐߡߊ߬ ߸ ߤߊ߲߯ ߞߣߊ߬ ߛߋ߫ ߞߐߛߊ߯ߘߊߓߊ߯ߕߐ ߟߎ߫ ߡߊ߬.
ߕߐ߲ߛߋ߲ ߟߏ߯ߟߎߣߊ߲ ߓߘߊ߫ ߓߍ߲߬ ߊ߬ ߛߋ߲߬ߡߊ߬ ߸ ߉߅ ߟߊ߫ ߎ߳ߣߍߛߑߞߏ ߓߍ߲߬ ߘߊ߫ ߒߞߏ ߡߊ߬.
ߕߐ߲ߛߋ߲ ߟߏ߯ߟߎߣߊ߲ ߓߘߊ߫ ߓߍ߲߬ ߊ߬ ߛߋ߲߬ߡߊ߬ ߸ ߂߀߀߅ ߟߊ߫ ߎ߳ߣߌߞߐߘ ߓߍ߲߬ ߘߊ߫ ߒߞߏ ߕߊ߬ߞߏ ߡߊ߬.
ߕߐ߲ߛߋ߲ ߟߏ߯ߟߎߣߊ߲ ߓߘߊ߫ ߓߍ߲߬ ߊ߬ ߛߋ߲߬ߡߊ߬ ߸ ߂߀߂߄ ߒߞߏ ߣߌ߫ ߜ߭ߎ߯ߜ߭ߐ߯ߟ ߘߟߊߡߌߘߊߟߊ߲ ߞߙߊߞߏ ߓߍ߲߬ ߘߊ߫ ߢߐ߲߮ ߡߊ߬.
ߕߐ߲ߛߋ߲ ߟߏ߯ߟߎߣߊ߲ ߓߘߊ߫ ߓߍ߲߬ ߊ߬ ߛߋ߲߬ߡߊ߬ ߸ ߂߀߂߆ ߟߊ߫ ߒߞߏ ߛߋ߲߬ߞߊ߲ ߓߍ߲߬ ߘߊ߫ ߦߟߌߟߊ߲ߘߌߦߊ߫ ߘߍ߲߰ߧߊ߬ߣߍ߲ ߛߋ߲߬ߞߊ߲ ߡߊ߬ (ߍ߲ߕߋߟߌߖ߭ߊ߲ߛ ߊߙߑߕߝߌߛߌߦߍߟ).
ߞߝߊ߬ߞߏ ߡߊ߬ߘߎ߮ ߘߐ߫ ߸ ߒߞߏ ߓߍߢߌߣߌ߲߫ ߓߌ߬ ߞߊ߬ ߕߊ߬ߡߌ߲߬ ߢߍ ߘߐ߫ ߸ ߛߌߦߊߦߊ ߣߌ߫ ߖߐ߲ߖߐ߲ߡߦߊ ߘߐ߫، ߟߍߙߘߊ߫ ߓߍ߲߬ߞߊߘߌ߫ ߘߟߊߛߎ߲ߓߎ ߘߐ߫ ߸ ߒߞߏ ߞߝߊ ߛߎ߯ߦߊ ߓߘߊ߫ ߛߋ߫ ߥߊ߯ ߁߈ ߘߐ߫، ߛߊ߲߬ -ߊ߲ ߛߊ߲߬ ߞߝߊ߬ ߞߎߘߊ ߉߆ ߢߐ߲߰ ߘߌ߫ ߜߌ߬ߙߌ߲߬ߘߌ߫ ߞߎ߲߬ߕߐ߰ ߓߐߣߍ߲ߢߐ߲߰ߡߊ ߟߎ߬ ߘߐ߫. ߞߊ߬ߕߎ߲߯ ߸ ߒߞߏ߫ ߞߝߊ ߟߎ߬ ߦߋ߫ ߞߘߎ߬ߞߘߎ ߟߊ߫ ߟߍߙߘߊ ߟߎ߬ ߟߊ߫ ߸ ߝߏ߫ ߞߝߊ߬ ߁ ߘߏ߫ ߟߎ߫ ߦߋ߫ ߛߊ߲߬ ߠߊ߫ ߞߋ߲߬ߥߟߎ߬ ߁ ߥߊ߯ ߅߀߀ ߟߊ߫ (ߞߎ߬ߙߊ߬ߣߊ ߛߎߓߌߢߍ ߞ.ߡߏߙߌ.ߖ.ߞߡߙߊ߬)
ߊ߬ ߞߵߊ߬ ߦߌ߬ߘߊ߬ ߞߏ߫ ߌߞߐ߫ ߞߏ߫ ߒߞߏ ߛߓߍߛߎ߲ ߓߘߊ߫ ߛߋ߫ ߞߊߓߋ ߘߏ ߟߊ߫߸ߡߍ߲ ߘߴߊ߬ ߞߍ߫ ߞߎ߲߬ߠߊ߬ߛߌ߮ ߘߴߊ߬ ߢߊ ߡߊߖߌ߰ ߊ߬ ߝߍ߬ ߞߵߊ߬ ߖߊ߬ߕߋ߬ ߝߋ߲߫ ߡߐ߬ߟߐ߲߬ߡߊ߬ߓߊ ߘߏ߫ ߘߌ߫.
<< ߒ߬ ߧߋ߫ ߞߎ߲߬ߠߊ߬ߛߌ߮ ߦߟߌߟߊߕߍ߰ ߟߊ߫ ߞߏ߫ ߒߞߏ ߓߘߊ߫ ߓߌ߫ ߟߊߘߏ߲߭ ߡߊ߬ ߞߎ߲߬ߠߊ߬ߛߌ߮ ߟߊ߫ ߢߍߥߟߊ ߘߐ߫ ߸ ߓߊߏ߬ ߟߞߊ߬ߙߊ߲߬ߠߌ߲ ߛߊ߯ߘߊ߫ ߁߭ ߢߍߥߟߊ ߓߘߊ߫ ߘߟߊߡߌ߬ߘߊ߬ ߒߞߏ ߘߐ߫ ߸ ߟߐ߲ߞߏ ߓߏߟߏ߲߫ ߁߂ ߘߝߊߣߍ߲߫ ߠߵߊ߬ ߘߐ߫ ߞߘߐ߬ߡߊ߲߫
߸ ߦߏ߫ ߘߎ߰ߡߊ߬ߛߓߍ (ߖ߭ߋߏߜ߭ߙߊߝߌ) ߘߡߊ߬ߟߐ߲ (ߡߊߕߋߡߊߕߌߞ) ߊ߬ ߣߌ߫....
ߓߊߛߌߦߊ ߓߘߊ߫ ߥߙߎߞߌ߫ ߒߞߏ ߘߐ߫ ߢߊ߫ ߡߊ߬ ߸ ߝߏ߫ ߝߊ߬ߙߊ߲߬ߛߌ߬ ߘߊ߲ߘߊߟߌߟߊ ߟߎ߬ ߦߋ߫ ߖߊ߲߬ߞߊ߬ߙߏ߬ߕߐ ߟߎ߬ ߟߊߕߊ߯ ߟߊ߫ ߒߞߏ ߓߊߛߌߦߟߊ ߟߎ߫ ߡߊ߬ ߸ ߊ߬ߟߎ߬ ߡߊ߫ ߢߊ߫ ߛߌ߫ ߛߐ߬ߘߐ߲߬ ߡߍ߲ ߠߎ߬ ߟߊ߫ ߖߊ߲߬ߞߊߙߏ ߘߊ߲ߘߊߞߏ ߡߊ߬.
ߛߌ߰ߞߊ߲ ߠߋ߫ ߕߎ߲߬ ߡߊ߫ ߛߌߟߊ߫ ߘߌ߫ ߸ ߞߊ߬ ߝߊ߬ߙߊ߲߬ߛߌ߬ߞߊ߲ ߣߌ߫ ߝߊ߬ߛߏ߬ߞߊ߲ ߓߍ߯ ߞߍ߫ ߓߊ߯ߙߊߝߋ߲߫ ߘߌ߫ ߸ ߛߊ߫ ߟߐ߲ߞߏ ߘߌ߫ ߞߍ߫ ߢߊߦߋߕߊ߫ ߘߌ߫ ߸ ߞߊ߬ ߛߋߒߞߏߟߦߊ ߞߍ߫ ߓߟߏߦߕߊ߫ ߘߌ߫ ߸ ߞߊ߬ ߛߋߒߞߏߟߊߘߐߦߊ ߞߍ߫ ߓߊߓߋ߬ߕߊ߫ ߘߌ߫.
ߣߌ߫ ߝߊ߬ߛߏ߬ߞߊ߲ ߠߎ߬ ߓߘߊ߫ ߞߘߐߕߊ߬ ߞߎ߲߬ߠߊ߬ߛߌ߰ߟߌ߬ߞߊ߲߬ߧߊ ߟߊ߫ ߸ ߊ߲ ߧߴߊ߲ ߛߍ߬ߓߍߘߏ߲߬ ߝߊ߬ߛߏ߬ߞߊ߲ ߠߎ߬ ߝߐ ߟߊ߫ ߸ ߊ߬ ߞߊߣߊ߬ ߞߍ߫ ߡߎ߬ߕߎ߲߬ ߒ߬ ߕߟߏ߫ ߦߋ߫ ߕߎ߬ߓߊ߬ߓߎ߬ߞߊ߲ ߠߊ߫ ߸ ߒ߬ ߢߊ߲߫ ߕߍ߫ ߕߎ߬ߓߊ߬ߓߎ߬ ߞߋߟߋ߲߫ ߠߊ߫ ߸ ߒ߬ ߢߊ߯ ߦߋ߫ ߝߘߊ߬ߝߌ߲߬ ߞߙߎ ߟߊ߫ ߸ ߒ߬ ߕߟߏ߫ ߕߍ߫ ߝߘߊ߬ߝߌ߲߬ ߞߊ߲߫ ߠߊ߫ (ߝ.ߕ.ߥߘߎ߬ߡߊ߬ߞߊ߫ ߞߊ߬ߞߙߐ ߡߞߛ).
ߒ߬ ߠߊ߫ ߞߟߌߟߌ ߦߋ߫ ߛߋ߫ ߟߊ߫ ߖߌ߬ߣߍ߬ ߞߊ߲ߓߍ߲ ߞߎ߲߬ߠߊ߬ߛߌ߮ ߡߊ߬ ߸ ߕߐ߲ߛߋ߲ ߅߲ ߞߙߊ ߛߋ ߘߊ߫ ߛߊ߬ߙߌ߬ߦߊ߫ ߛߌ߲߬ߝߏ߲߬ߠߊ߬ߞߊ ߡߍ߲ ߡߊ߬ ߸ ߣߴߊ߬ ߟߐ߬ߣߍ߲߫ ߝߊ߬ߛߏ߬ߞߊ߲ ߠߎ߬ ߟߊ߫ ߞߏ ߡߊ߬ ߸ ߏ߬ ߦߋ߫ ߘߏ߲߬ ߞߍߟߌ ߘߐ߫ ߞߊ߬ ߒߞߏ ߟߊߘߏ߲߬ ߟߞߊ߬ߙߊ߲߬ߠߌ߲ ߢߍߥߟߊ ߘߐ߫ ߘߝߊߟߌ߫ ߞߏߟߌߞߏߟߌ ߓߟߏߡߊ߬. ߒ߬ ߧߋ߫ ߡߊ߬ߞߟߐ ߟߎ߫ ߖߍ߬ߘߍ ߣߌ߫ ߝߘߊ߬ߝߌ߲߬ߘߋ߲ ߓߍ߯ ߞߟߌ߫ ߟߊ߫ ߒߞߏ߫ ߞߊߙߊ߲ ߡߊ߬ >>
ߊ߬ ߟߊ߫ ߞߎߡߊ߫ ߞߎ߲߬ߘߏ߲ ߘߐ߫ ߛߊ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ :
<< ߒ߬ ߧߴߊ߬ ߟߊߓߊ߲߫ ߠߊ߫ ߡߍ߲ ߡߊ߬ ߸ ߞߵߊ߬ ߦߌ߬ߘߊ߬ ߓߊߘߋ߲ ߓߍ߯ ߟߊ߫ ߞߏ߫ ߒߞߏ ߦߋ߫ ߛߓߍߟߌ߫ ߞߊ߲ߞߋ߫ ߟߋ߬ ߘߌ߫ ߸ ߡߍ߲ ߕߍ߫ ߞߢߊ߬ ߟߊ߫ ߞߊ߲߫ ߞߊ߲ߡߊߛߙߋߡߊ ߛߌ߫ ߛߓߍ߫ ߟߊ߫.
ߞߊ߬ߦߌ߯ ߁߉߉߉ ߟߊ߫ ߸ ߒߢߘ ߡߍ߲ ߞߊ߲ߕߌ߮ ߦߋ߫ ߞ. ߟߊ߱ߖߌ߬ ߓߋ߲ߕߎ߫ ߓߎߙߡߊ߫ ߞߓߊ߬ ߘߌ߫ ߸ ߏ߬ ߟߊ߫ ߝߐ߰ߓߍ ߘߏ߫ ߞߵߏ߬ ߟߊߛߙߋߦߊ߫ ߞߎߡߦߊ߫ ߁ ߘߟߊߡߌ߬ߘߊ ߟߊ߫ ߞߊ߲߫ ߦߙߌߞߊ߫ ߘߐ߫ ߖߌ߬ߣߍ߬ ߞߣߐ߫، ߊ߬ ߞߵߊ߬ ߛߓߍ߫ ߕߊ߲߬ ߠߋ߬ ߖߐ߫:
ߡߊ߬ߣߌ߲߬ߞߊ߬ߞߊ߲ : ߤߙߍߓߊ ߣߌ߲߬ ߓߍ߲߬ߛߋ߲߬ߡߊ ߞߣߐߡߊ߬ ߸ ߊ߲ ߠߊ߫ ߞߎߡߊ ߕߍ߫ ߒߞߏ ߛߓߍߛߎ߲ ߦߌߘߊߞߊ߭ ߞߊ߲߬ ߝߋߎ߫، ߓߊ ߸ ߏ߬ ߞߎ߲߬ ߕߴߊ߬ ߟߊ߫ ߡߎ߬ߕߎ߲߬، ߞߊ߬ߕߎ߲߯ ߸ ߝߊ߯ߘߐߞߍ߫ ߕߟߊ ߓߍߓߊ߯ߦߊ ߓߘߊ߫ ߥߛߊ߬ ߞߍ߫ ߒߞߏ ߛߓߍߛߎ߲ ߠߊ߫ ߞߐ߯ߟߌ ߦߌ߬ߘߊ ߘߐ߫. ߊ߬ ߘߏ߲߬ ߠߊ߫ ߖߊ߯ߙߋߦߊ ߡߊ߲߫ ߞߊ߲߫ ߞߊ߬ ߦߌߘߊߞߊ߬ ߖߡߊ߬ߣߊ ߞߣߐߟߊ ߣߴߊ߬ ߞߐߞߊ߲ߠߊ ߝߊ߲߬ ߛߌ߫ ߘߐ߫ ߡߎ߬ߕߎ߲߬. ߊ߲ ߧߋ߫ ߖߊ߲߬ߓߌ߬ߟߊ߬ߟߌ ߟߋ߬ ߘߐߙߐ߲߫ ߞߍ߫ ߟߴߊ߬ ߦߌ߬ߘߊ ߘߐ߫ ߛߐ߲߬ ߞߏ߫ ߛߓߍߛߎ߲ ߣߌ߲߬ ߦߋ߫ ߓߍ߯ ߛߊ߬ߥߏ ߣߌ߫ ߓߍ߯ ߟߊ߫ ߓߌ߬ߟߊ ߟߋ߬ ߘߐ߫...
ߏ߬ ߟߋ߬ ߞߐߝߍ߬ ߛߊ߫ ߸ ߊ߬ ߞߵߊ߬ ߟߊ߫ ߞߎߡߦߊ ߏ߬ ߞߎ߲߭ ߘߏ߲߬ ߒߞߏ ߟߊ߫ ߛߋߞߏߦߊ߫ ߏ߬ ߘߏ߫ ߦߌ߬ߘߊ߫ ߡߊ߬ ߞߊ߲ ߓߐߣߍ߲ߢߐ߲߰ߡߊ ߟߎ߬ ߘߐ߫߸ ߞߴߏ߬ ߛߊߓߎ ߞߍ߫ ߒߞߏ ߞߟߏߘߋ߲ ߠߎ߬ ߘߌ߫ : ߞߊ߲ ߏ߬ ߟߎ߫ ߟߋ߬ <<ߜ߳ߟߍ߬ߺߥߏ߸ ߛߏ߬ߛߏ߬ߞ߭ߌ߸ ߔߎߺߟߊߺߙ߸ߞߛߌ߬ߺߦߊ߲ ߠߎ߬ ߘߌ߫
Aucun commentaire pour le moment.