ߢߍߡߍ߲߫ ߞߊ߬ߙߊ߲߬ߛߏ ߗߋߕߌ߮ ߣߐ߬ ߡߊ߬ߞߎ߲ ߖߎ߬ߟߎ ߘߐߕߍ߰ ߟߊ߫ ߟߋ߬ ߓߌ߬ ߝߋߎ߫ ߸ߞߊ߬ ߞߟߌߟߌ ߟߐ߬ ߞߎ߲߬ߠߊ߬ߛߌ߮ ߡߊ߬ ߢߍߡߍ߲߫ ߞߊ߬ߙߊ߲߬ߛߏ ߘߊߕߎ߲߯ ߞߏ ߖߐ߬ߘߐ ߘߌ߫ ߸ߏ߬ ߡߍ߲ ߦߋ߫ ߕߎ߲߯ߠߌ߲ ߛߌߟߊ ߞߊ߲߬. ߓߊ߸ߗߋߕߌ߮ ߟߋ߬ ߞߋߟߋ߲߫ ߔߋ߫ ߦߋ߫ ߡߐ߰ ߞߊߙߊ߲ ߠߊ߫ ߦߋ߲߬ ߕߋ߲߭ߕߋ߲߬ ߸ߞߊ߬ߡߊߛߐ߬ߘߐ߲߫ ߛߊ߬ߡߊ ߝߏ߲߬ߝߏ߲߬ߠߊ ߝߍ߬، ߘߋ߲ߓߊߕߌ߯ ߛߌߦߊߡߊ߲߫ ߦߴߊ߬ ߘߋ߲ ߠߊߓߐ߫ ߟߊ߫ ߕߎ߬ߡߊ ߡߍ߲ ߞߊ߬ ߕߘߍ߬ ߞߊ߬ߙߊ߲ ߡߊ߫ ߞߎ߲߭ߘߏ߲߬. ߊ߬ ߟߊ߫ ߞߎߡߊ߫ ߘߐ߫ ߸ ߊ߬ ߣߴߊ߬ ߞߊ߲ߞߘߐߛߌ߮ ߡߍ߲ ߦߋ߫ ߡߐ߰ ߟߊ߬ߓߌߟߊ ߟߊ߫ ߦߋ߲߬ ߸ ߏ߬ ߝߣߊ߫ ߞߵߊ߬ ߢߌߣߌ߲߫ ߊ߬ ߝߍ߬ ߞߏ߫ ߊ߬ ߦߋ߫ ߘߌ߬ߢߍ߫ ߊ߬ ߡߊ߬ ߊ߬ ߦߋ߫ ߕߊ߯ ߊ߬ ߛߍ߬ߣߍ ߟߊ߫ ߘߐߓߍ߲߬ ،

ߞߊ߬ߙߊ߲߬ߛߏ ߦߋ߫ ߗߋߕߌ߮ ߎߛߑߡߊߣ ߞߋߕߊ߬ ߞߋߟߋ߲߫ ߔߋ߫ ߟߋ߬  ߓߟߏ߫ ߕߋ߲߬ ߸ ߊ߬ ߖߍ߬ߘߍ ߞߵߊ߬ ߞߏ߫ <<ߒ ߞߋߟߋ߲߫ ߔߋ߫ ߦߋ߫ ߒ ߕߌߡߌ߲ߠߊ߲ߘߌߦߊ߫ ߕߋ߲߬ ߞߊ߬ ߘߋ߲ߣߍ߲ ߠߎ߬ ߟߊߘߍ߬ ߝߏ߯ ߞߋߟߋ߲߫ ߞߣߐ߫ ߡߍ߲ ߠߎ߬ ߓߊ߫ ߣߊ߬ ߞߊ߬ߙߊ߲߬ ߘߌߦߊ ߞߊ߬ߣߌ߲߬ ߸ߛߊ߲ߞߏ߬ ߢߊ ߡߍ߲ ߞߊ߬ߙߊ߲߬ߛߏ ߞߣߊ߬ ߡߊߓߌ߬ߟߊ߬ >> ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߋ ߟߋ߬ ߦߋ߫ ߞߊ߬ߙߊ߲߬ߓߏ߲ ߥߐ߯ߙߐߣߊ߲ ߣߌ߫ ߝߌߟߊߣߊ߲ ߠߊߞߊ߬ߙߊ߲߬ ߠߊ߫ ߸ߓߊ߬ߙߌ߬ ߞߋߟߋ߲ ߏ߬ ߘߊߕߎ߲߯ߣߍ߲߫ ߠߋ߬ ߝߋߝߋ߫ ߞߊ߬ߡߊߛߐ߬ߘߐ߲߬ ߞߙߊ߬ߡߐ߰ ߕߊ߲߬ߧߊ ߝߍ߬، ߊ߬ ߣߌ߫ ߝߣߊ߫ ߸ߓߘߍ߬ߓߘߍ߬ߟߌ ߝߏߢߐ߲߯ߞߐ ߝߣߊ߫ ߛߋ߲߬ߓߊ߫ ߦߴߊ߬ ߞߏ ߘߐ߫ ،ߓߊ߸ ߡߐ߰ ߁߄߀ ߕߎ߲߬ ߦߋ߫ ߛߐ߬ߘߐ߲߬ ߠߊ߫ ߞߊ߬ߙߊ߲߬ߓߏ߲ ߠߎ߬ ߟߊ߫ ߕߘߍ߬ ߸ ߕߋ߲߭ߕߋ߲߬ ߏ߬ ߓߘߊ߫ ߖߌ߰ ߝߐ߫ ߡߐ߰ ߁߀߀،  ߏ߬ ߡߍ߲ ߞߎ߲߭ ߞߍߣߍ߲߫ ߢߍߡߍ߲߫  ߠߊߕߍ߬ߘߍ ߘߐ߫ ߞߎ߬ߙߎ-ߞߘߐ߫ ߡߙߊ߬ߘߊ߬ߘߎ߯ߟߊ ߟߎ߬ ߘߐ߫ ߸ߝߐߢߐ߲߯ߞߐ ߓߍ߯ ߘߊߡߌ߬ߣߊ߬ ߘߊ߫ ߦߋ߲߬ ߠߋ߬ ߸ ߏ߬ ߞߊ߬ ߛߏ ߘߐߕߟߊ߫ ߝߌ߬ߟߊ߬ ߘߌ߫ ߸ ߘߏ߫ ߟߎ߫ ߦߋ߫ ߞߎ߬ߙߎ-ߞߘߐ߫ ߡߙߊ߬ߘߊ߬ߘߎ߯ߟߊ ߘߐ߫ ߸ ߘߏ߫ ߟߎ߫ ߝߣߊ߫ ߦߋ߫ ߛߌ߬ߛߋ߬ߟߊ߫. ߒ߬ߓߊ߬ ߸ߓߘߍ߬ߓߘߍ߬ߟߌ ߛߌ߬ߣߊ߬ߦߊ ߏ߬ ߞߊ߬ ߞߊ߬ߙߊ߲ ߠߊߜߊ߬ߛߌ߫ ߟߋ߬ ߢߍߡߍ߲߫ ߛߏ ߞߣߐ߫ ߝߋߎ߫ ،ߓߊ ߗߋߕߌ߮ ߞߵߊ߬ ߦߌ߬ߘߊ߬ ߞߏ߫ ߊ߬ ߞߊ߬  ߡߊߡߌ߬ߣߊ߬ߟߌ߬ߟߊ߫ ߡߐ߰ ߁߉  ߡߍ߲ ߠߎ߬  ߞߊ߬ߙߊ߲߬ ߂߀߂߄ ߥߟߊ߬ߟߊ߬ߓߐ ߢߍ߫ ߸ߡߍ߲ ߠߎ߬ ߕߎ߲߬ ߞߊ߫ ߞߊ߲߫ ߞߊ߬ ߕߊ߯ ߞߊ߬ߙߊ߲߬ߓߏ߲ ߇߲ ߠߊ߫ ߸ ߘߋ߲ߓߊߕߌ߮ ߡߍ߲ ߠߎ߬ ߦߋ߫ ߛߌ߬ߛߋ߬ߟߊ߫ ߡߙߊ߬ߘߊ߬ߘߎ߯ߟߊ ߘߐ߫ ߸ ߏ߬ ߟߎ߫ ߣߊ߬ ߘߴߊ߬ߟߎ߬ ߘߋ߲ ߠߎ߬ ߟߊߓߐ߫ ߞߏ߫ ߊ߬ߟߎ߬ ߘߋ߲ ߠߎ߬ ߕߍ߫ ߥߟߊ߬ߟߊ߬ߓߐ ߞߍ߫ ߟߊ߫ ߞߎ߬ߙߎ-ߞߘߐ߫߸ ߏ߬ ߞߊ߬ ߘߋ߲ ߠߎ߬ ߘߐߕߟߊ߫ ߝߌ߬ߟߊ߬ ߘߌ߫ ߸ߥߟߊ߬ߟߊ߬ߓߐ ߡߊߛߎ߬ߘߎ߲߬ߧߊ߬ ߕߎߡߊ ߘߐ߫ ߸ ߊ߬ߟߎ߫ ߣߊ߬ ߘߊ߫ ߘߏ߫ ߟߎ߫ ߝߣߊ߫ ߟߊߓߐ߫ ߞߵߊ߬ ߕߐ߭ ߕߏ߫ ߡߐ߰ ߂ ߡߊ߬ ،ߏ߬ ߟߎ߫ ߝߌ߬ߟߊ ߟߋ߬ ߕߊ߯ ߘߊ߫ ߥߟߊ߬ߟߊ߬ߓߐ ߘߐ߫ ߸ߊ߬ߟߎ߫ ߝߌ߬ߟߊ ߓߍ߯ ߘߏ߲߬ ߞߵߊ߬ ߛߐ߬ߘߐ߲߬ ߗߋߕߌ߮ ߟߊ߫ ߕߌߡߌ߲ߠߊ߲ߘߌߦߊ ߞߐߝߍ߬. ߗߋߕߌ߮ ߞߵߊ߬ ߦߌ߬ߘߊ߫ ߕߎ߲߯ ߞߏ߫ <<ߊ߲ ߓߐ߬ߘߍ߬ߓߐ߬ߣߍ߲߫ ߠߋ߬ ߛߏ ߢߌ߲߬ ߞߣߐ߫ ߦߊ߲߬ ߞߵߊ߲ ߘߐߕߟߊ߫ ߝߣߊ߫ ߛߏ߫ ߡߐ߮ ߟߎ߬ ߓߟߏ߫ ߸ ߞߴߏ߬ ߟߊ߫ ߘߋ߲ߓߊߕߌ߮ ߟߎ߫ ߓߊ߲߭ ߞߊ߲߬ ߊ߬ߟߎ߬ ߘߋ߲ ߠߎ߬ ߘߐ߫ ߊ߬ ߣߌ߫ ߞߊ߬ߙߊ߲ ߖߐ߬ߣߍ߲ ߠߎ߫ ߕߊ߬ ߓߊ߬ߟߌ߬ߦߊ ߞߊ߲߬. ߊ߲ ߧߋ߫ ߟߊ߬ߘߍ ߣߌ߫ ߛߏ߬ߓߌ߬ߟߊ߬ߞߎ߬ߣߎ߲߬ߠߌ߲ ߡߍ߲ ߞߍ߫ ߟߊ߫ ߛߏ ߞߣߐ߫ ߸ߡߏ߬ߛߏ ߟߎ߬ ߟߋ߬ ߘߐߙߐ߲߫ ߘߐ߱ߘߏ߲߬ߣߍ߲߫ ߏ߬ ߟߊ߫ ߸ ߗߍ߭ ߟߎ߬ ߡߊ߬ߞߏ߬ ߕߍ߫ ،ߣߌ߫ ߞߊ߬ߙߊ߲ ߘߌ߫ ߞߍ߫ ߸ ߝߐ߫ ߡߐ߱ ߟߎ߬ ߦߋ߫ ߓߟߏߟߊߘߍ ߞߍ߫ ߞߊ߬ ߛߊߛߋ߫ ߞߙߊߡߐ߮ ߘߏ߫ ߕߊ߬ ߏ߬ ߣߊ߬ ߘߋ߲ߣߍ߲ ߠߎ߬ ߟߊߓߌ߬ߟߊ߬ ߸ߏ߬ ߝߣߊ߫ ߓߘߊ߫ ߞߍ߫ ߛߊߓߎ߫ ߘߌ߫ ߞߊ߬ ߘߋ߲ߓߊߕߌ߯ ߛߌߦߊߡߊ߲߫ ߟߐ߬ ߊ߬ ߘߋ߲ ߠߊߓߐ߫ ߟߊ߫ ߞߊ߬ߙߊ߲ ߠߊ߫ ߞߵߊ߬ ߓߍ߲߬ ߞߊ߬ߙߊ߲ ߞߊ߲ߞߋ ߕߊ߯ߢߊ ߡߊ߬.>>

ߊ߬ߟߋ߬ ߦߙߐ߫ ߞߋߟߋ߲ ߘߊߞߎ߲ ߘߐ߫ ߸ ߊ߲ ߞߵߊ߬ ߕߐ߬ߢߐ߮ ߝߣߊ߫ ߡߊߢߌ߬ߣߌ߲߬ߞߊ߫ ߣߴߏ߬ ߦߋ߫ ߡߊ߬ߡߊ߬ߘߌ߫ ߛߘߋ߬ߓߋ߫ ߘߌ߫. ߏ߬ ߡߍ߲ ߕߊ߬ߣߍ߲߫ ߛߊߛߋ߫ ߓߟߏߡߊ߬. ߗߋߕߌ߮ ߟߋ߬ ߛߊߓߎ߫ ߟߊ߫ ߸ ߊ߬ߟߎ߬ ߟߊ߫ ߞߊ߬ߙߊ߲߬ߓߏ߲߬ ߞߋߟߋ߲߫ ߛߋ߫ ߘߊ߫ ߞߓߊߡߎ߯ߦߊ߫ ߟߊ߫ ߸ߜߊ߲߬ߜߊ߲ ߦߴߊ߬ ߕߐ߬ ߝߌ߬ߟߊ߬ ߓߍ߯ ߞߣߐ߫ ߸ߞߏ߲ߕߏ ߡߍ߲  ߦߴߊ߬ߟߎ߬ ߞߣߐ߫ ߏ߬ ߟߎ߬ ߓߍ߯ ߓߘߊ߫ ߓߊ߲߫ ߘߐߞߊߘߌ߫ ߟߊ߫ ߞߊ߬ ߞߊ߬ߙߊ߲߬ߓߏ߲ ߠߎ߬ ߜߏ߯ߙߏ ߟߎ߬ ߕߌߢߍ߲߫ ߸ ߊ߬ ߖߍ߬ߘߍ ߞߵߊ߬ ߦߌ߬ߘߊ߬ ߞߏ߫ <<ߞߊ߬ߙߊ߲߬ߓߏ߲߫ ߛߊ߬ߓߊ ߘߐ߫ ߸ ߞߋߟߋ߲߫ ߖߍ߬ߘߍ ߞߏ߲ߕߏ ߡߊ߫ ߓߊ߲߫ ߛߐ߬ߘߐ߲߬ ߠߊ߫ ߡߎߣߎ߲߬ ߸ߊ߲ ߞߊ߬ ߞߋߟߋ߲ ߞߋߟߋ߲߫ ߠߋ߬ ߞߏ߲ߕߏ ߘߐߕߟߊ߫ ߞߴߏ߬ ߟߊߕߊ߯ ߞߋߟߋ߲ ߞߣߐ߫ ،ߕߐ߬ ߞߋߟߋ߲ ߏ߬ ߘߊ ߕߎ߲߯ߣߍ߲߫ ߠߋ߬ ߝߋߝߋ߫ >> ߛߊ߬ߡߊ ߡߍ߲ ߘߏ߲߬ߣߍ߲߫ ߕߋ߲߬߸ ߘߋ߲ߣߍ߲ ߠߎ߬ ߓߍ߯ ߓߘߊ߫ ߕߊ߯ ߕߌ߬ߦߊ߬ ߓߌ߬ߟߊ߬ ߘߌߦߊ ߸ߡߊ߬ߡߊ߬ߘߌ߫ ߛߘߌ߬ߓߋ߬ ߟߊ߫ ߝߐߟߌ߫ ߘߐ߫ ߞߏ߫ ߊ߬ߟߎ߬ ߓߘߊ߫ ߕߋ߬ߟߋ߫ ߝߌ߬ߟߊ߬ ߞߍ߫ ߊ߬ߟߎ߬ ߦߋ߫ ߣߊ߬ ߟߊ߫ ߞߊ߬ߙߊ߲߬ߛߏ ߟߊ߫ ߞߊ߬ߙߊ߲߬ߘߋ߲ ߠߎ߬ ߕߍ߫ ߣߊ߬ ߟߊ߫ ،ߊ߬ ߦߌ߬ߘߊ߫ ߝߣߊ߫ ߞߏ߫ << ߣߌ߫ ߗߋߕߌ߮ ߟߊ߫ ߕߌߡߌ߲ߠߊ߲ߘߌߦߊ ߕߍ߫ ߸ߛߊ߫ ߓߌ߬ ߡߴߊ߬ ߞߍ߫ ߒߠߋ ߞߊ߬ ߡߐ߰ ߟߊ߬ߓߌߟߊ ߟߊߟߐ߬ ߦߊ߲߬ ߞߊ߬ ߕߊ߯ ߦߙߐ߫ ߜߘߍ߫ ،ߓߊ߸ ߛߏ߫ ߡߐ߮ ߟߎ߬ ߕߴߊ߬ߟߎ߫ ߘߐ߱ߘߏ߲߬ ߠߊ߫ ߒ ߠߴߊ߬ ߢߌ߬ߡߊ ߟߊ߫ >>

ߊ߬ߟߎ߬ ߟߊ߫ ߞߎߡߊ߫ ߟߊߓߊ߲ ߓߏ߬ߙߌ߬ ߘߊ߫ ߞߙߎ߬ߛߊ߫ ߡߟߗ ( ߡߙߊ߬ߓߊ߰ߘߊ ߟߊ߬ߞߟߏ߬ߞߟߏ߬ߟߌ ߗߋߕߌ߯ߘߊ) ߡߊߞߟߌ߫ ߟߋ߬ ߡߊ߬ ߊ߬ ߣߌ߫ ߞߊ߬ߙߊ߲ ߞߏߕߌ߮ ߸ߛߴߊ߬ߟߎ߬ ߘߌ߫ ߞߙߊ߬ߡߐ߮ ߘߏ߫ ߛߐ߬ߘߐ߲߬ ߞߊ߬ ߞߊ߬ߙߊ߲߬ߓߏ߲ ߞߋߟߋ߲ ߘߊ ߟߊߞߊ߬ ߞߊ߬ ߗߋߕߌ߮ ߘߏ߬ߠߌ߲ ߘߐߝߍ߯ߦߊ߫ ߘߏ߯ߣߍ߲߫ ߸ߞߊ߬ ߛߊߛߋ߫ ߞߙߊߡߐ߮ ߟߎ߬ ߟߊߕߘߍ߬ ߝߘߏ߬ߓߊ߬ ߓߊ߯ߙߊ ߘߐ߫ ߞߊ߬ ߘߋ߲ߓߊߕߌ߮ ߟߎ߬ ߝߣߊ߫ ߟߊߝߙߍ߫ ߘߋ߲ ߠߎ߬ ߟߊ߫ ߞߊ߬ߙߊ߲ ߖߐ߬ߣߍ߲ ߕߊ߭ ߘߐ߫. ߣߴߌ ߞߵߊ߬ ߡߊߝߍߣߍ߲߫ ߸ߌ ߘߵߊ߬ ߦߋ߫ ߞߏ߫ ߢߍߡߍ߲߫ ߟߊ߬ߞߟߏ߬ߞߟߏ߬ߟߌ ߘߎ߲ߣߍ߲߫ ߖߟߎ߬ ߟߊߞߙߋ߬ߞߙߋ߬ߣߍ߲ ߠߋ߬ ߟߊ߫ ߡߎ߬ߕߎ߲߬ ߕߍ߰ ߟߏ߲߫ ߞߋߟߋ߲߫ ߕߍ߫ ߡߍ߲ ߠߊ߫ ߣߌ߫ ߞߎ߲߬ߠߊ߬ߛߌ߮ ߡߊ߫ ߘߊ߲߭ߛߌ߰ ߓߘߍ߬ߓߘߍ߬ߟߌ ߝߐߢߐ߲߯ߞߐ ߏ߬ ߟߊ߫ ߊ߬ ߣߌ߫ ߞߊ߬ ߛߏ ߡߊߜߍ߲߫ ߓߊ߯ߙߊߝߋ߲ ߠߎ߬ ߟߊ߫.