ߢߣߊߕߊߟߌ ߘߐߛߊ߬ ߞߏ߬ ߛߌߦߊߡߊ߲ ߠߎ߬ ߞߐߝߍ߬߸ ߥߙߏ߬ߘߎ߮ ߛߎߘߊ߲߫ ߝߊ߰ߡߊ ߟߎ߬ ߓߘߴߊ߬ ߟߊߛߋ߫ ߞߏ߫ ߞߊ߲ߕߌ߯ ߢߣߊߕߊߟߌ ߓߍߣߊ߬ ߞߍ߫ ߊ߬ߟߎ߬ ߟߊ߫ ߖߡߊ߬ߣߊ ߞߣߐ߫ ߞߏߟߌ߲ߞߏߟߌ߲ ߟߊߓߊ߲ ߠߊ߫، ߏ߬ ߟߊ߬ߛߋ߬ߟߌ ߞߍߣߍ߲߫ ߓߌ߬ߟߊ߬ߢߐ߲߰ߡߊ ߞߏߕߌ߮ ߟߋ߬ ߓߟߏ߫߸ ߞߵߊ߬ ߛߐ߬ߘߐ߲߬ ߖߡߊ߬ߣߊ ߓߍ߲߬ߣߍ߲߬ ߕߍ߫ ߢߊ߫ ߛߌ߫ ߟߋ߬ ߡߊ߬ ߡߎߣߎ߲߬.

ߓߊߏ߬߸ ߌ ߓߊ߯ ߛߋ߫ ߥߙߏ߬ߘߎ߮ ߛߎߘߊ߲߫ ߞߣߐ߫߸ ߞߊ߲ߕߌ߯ ߛߊߟߑߝ߭ߊ߫ ߞߌ߯ߙ ߟߊ߫ ߣߊ߲߬ߕߌ߮ ߟߎ߬ ߣߌ߫ ߣߊ߲߬ߕߌ߰ ߞߙߎ߫ ߜߘߍ߫ ߟߎ߫ ߦߋ߫ ߢߐ߲߮ ߠߊ߫߸ ߏ߬ ߟߎ߬ ߡߊߡߙߊ߬ߣߍ߲߫ ߞߊ߲ߕߌ߯ ߛߙߍߞߍ߫ ߙߌߦߍߞ ߡߊߛ߭ߊߙ ߟߋ߬ ߓߟߏ߫߸ ߏ߬ ߦߋ߫ ߦߙߐ߫ ߟߊߞߊ߲ߘߊߣߍ߲ ߘߏ߫ ߟߋ߬ ߞߣߐ߫، ߂߀߁߈ ߠߊ߫߸ ߓߍ߲߬ߞߊ߲ ߘߏ߫ ߞߟߊ߬ߣߐ߬ߦߊ߬ ߘߴߊ߬ߟߎ߬ ߣߌ߫ ߢߐ߲߯ ߕߍ߫߸ ߛߊ߫ ߛߏߞߣߐ߫ ߞߟߍ ߘߌ߫ ߘߊ߲߬ ߢߊ ߡߍ߲ ߡߊ߬߸ ߏ߬ ߡߍ߲ ߓߘߊ߫ ߞߍ߫ ߕߙߎ߬ ߘߌ߫ ߞߊ߬ ߖߡߊ߬ߣߊ ߕߌߢߍ߫ ߢߊ ߓߍ߯ ߡߊ߬.

ߣߴߊ߬ ߞߍߟߌ ߕߏ߫ ߘߴߊ߬ ߡߊ߬߸ ߢߌ߲߬ ߠߋ߬ ߞߍߕߐ߫ ߢߣߊߕߊߟߌ߫ ߝߟߐߝߟߐ ߘߌ߫ ߖߡߊ߬ߣߊ ߣߌ߲߬ ߞߣߐ߫߸ ߞߊ߬ߦߌ߯ ߊ߬ߟߎ߫ ߞߵߊ߬ߟߎ߬ ߟߊ߫ ߖߘߍ߬ߕߌ߰ߦߊ ߕߊ߬ ߂߀߁߁ ߠߊ߫، ߊ߬ ߕߎ߲߬ ߝߐ߫ ߘߊ߫ ߞߏ߫ ߢߣߊߕߊߟߌ ߘߌ߫ ߞߍ߫ ߂߀߂߂ ߟߊ߫߸ ߏ߬ ߞߕߐߙߐ߲ߘߓߐ߫ ߘߊ߫ ߛߋ߲߬ߢߊ߬ ߦߙߌߞߊ߫߸ ߞߵߏ߬ ߞߎ߲߭ ߞߍ߫ ߓߍ߲߬ ߞߍߓߊߟߌߦߊ ߘߌ߫ ߞߋߟߋ߲߫ ߘߐ߫߸ ߞߊ߬ ߛߋ߫ ߖߡߊ߬ߣߊ ߛߏ߬ߙߌ߬ߡߊ߬ߘߋ߲߬ ߝߊ߲ߞߊ ߟߊ߫ ߟߊ߫ ߢߐ߲߮ ߞߊ߲߬.

ߞߎ߲߬ߠߊ߬ߛߌ߮ ߓߘߴߊ߬ ߛߋߞߏ ߓߍ߯ ߘߏ߫ ߞߍ߫߸ ߖߐ߲߰ߛߊ߫ <<ߜߋ߲߬ߞߘߎ߬ߢߐ߲߰ߠߊ ߖߐ>> ߘߌ߫ ߘߏ߲߬߸ ߞߏ߬ߣߌ߲߬ ߥߊ߬ߥߎߟߋ ߟߋ߬ ߝߊ߲߬ߞߊ߫ ߛߐ߬ߘߐ߲߬ ߠߊ߫ ߞߘߊߎ߫، ߊ߬ ߕߌ߯ߕߌ߯ ߗ߭ߐ߲ߜ߭ߑߟߋߦߌ߫ ߞߊ߬ߝߏ ߞߣߐ߫߸ ߡߐ߰ ߥߊ߯ ߕߊ߲߫ ߣߌ߫ ߞߐ߫ ߓߘߊ߫ ߦߋ߲߬ ߓߌ߬ߟߊ߫ ߕߋ߲߬، ߞߐ߲ߞߐ ߣߌ߫ ߘߐ߱ ߣߌ߫ ߢߊߣߌ߲ ߝߊ߲߬ߞߊ ߦߋ߫ ߕߊ߬ߡߌ߲߬ ߠߊ߫ ߥߙߊ߬ ߟߊ߫ ߟߋ߬ ߦߋ߲߬ ߞߘߊߎ߫߸ ߘߎ߰ߡߟߊ߬ߡߌߘߊ ߝߣߊ߫߸ ߞߎߡߊ߫ ߓߊ߲߫ ߘߊ߫.

ߏ߬ ߟߋ ߓߍ߯ ߞߏߛߐ߲߬߸ ߞߌߢߍ߲߫ ߛߌ߲߬ߝߏ߲߬ߧߊ߬ߘߊ ߟߎ߫ ߞߵߊ߬ ߟߊߛߋ߫߸ ߊ߬ ߕߌ߯ߕߌ߯ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߫ ߛߌ߲߬ߝߏ߲߬ߧߊ߬ߟߌ߸ ߞߏ߫ ߓߘߍ߬ߓߘߍ߬ߟߌ ߞߍ߫ ߞߏߢߌߡߊ ߟߋ߬ ߖߍ߬ߘߍ ߝߣߊ߫ ߟߐ߯ ߕߍ߫ ߖߡߊ߬ߣߊ ߡߙߊ߬ߓߊ߮ ߟߎ߬ ߟߊ߫، ߓߍ߲߬ߞߊ߲ ߠߎ߬ ߦߋ߫ ߦߋ߲߬߸ ߓߊ߬ߙߵߊ߬ߟߎ߫ ߞߢߊ߬ߣߍ߲߬ ߟߥߊߟߌ߫ ߟߊ߫ ߞߵߊ߬ߟߎ߬ ߓߐ߫ ߊ߬ ߛߌߟߊ ߝߍ߬.