ߞߎ߲߬ߠߊ߬ߛߌ߮ ߓߍ߯
ߙߎ߬ߛߌ߬ ߣߌ߫ ߎ߳ߞߑߙߍߣߌ߲߬ ߝߐߢߐ߲߯ߞߐߎ߳ߞߑߙߍߣߌ߲߬ ߝߊ߰ߡߊ ߟߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߙߎ߬ߛߌ߫ ߣߐ߬ ߥߊ߬ߟߏ߲߬ߠߌ߲ ߠߋ߬ ߞߍ߫ ߟߴߊ߬ߟߎ߫ ߝߍ߬ ߦߋ߲߬ ߛߎ ߝߍ߬߸ ߞߊ߬ ߡߐ߰ ߁߁ ߝߊ߰߸ ߞߊ߬ ߡߐ߰ ߄߆ ߖߐߞߌ߫، ߙߎ߬ߛߌ߬ ߞߊ߲߫ ߞߏ߫ ߊ߬ߟߎ߫ ߞߊ߬ ߣߊ߲߬ߕߌ߮ ߟߎ߬ ߡߊߞߍ߫ ߦߌߟߊ ߟߋ߬ ߛߎߡߊ߲߫ ߞߵߏ߬ ߞߍ߫ ߊ߬ߟߎ߬ ߕߊߛߙߊߟߊ߲ ߘߌ߫ ߎ߳ߞߑߙߍߣߌ߲߬ ߠߊ߫، ߎ߳ߞߑߙߍߣߌ߲߬ ߝߣߊ߫ ߞߊ߲߫ ߞߏ߫ ߊ߬ߟߎ ߞߊ߬ ߥߊ߬ߟߏ߲߬ߠߌ߲ ߞߌ߫ ߞߙߍߡߋ߫ ߟߋ߬߸ ߦߋ߲߬ ߡߍ߲ ߞߐ߲ߛߐ߲ߧߊߣߍ߲߫ ߙߎ߬ߛߌ߬ ߓߟߏ߫.
ߞߍߞߎߘߊߓߌߟߏ߲߫ ߕߊ߬ߡߌ߲߬ߣߍ߲߸ ߢߌ߬ߣߌ߲߬ߞߊ߬ߟߌ ߘߏ߫ ߟߋ߬ ߞߍ߫ ߘߊ߫ ߝ߭ߑߟߊߘߡߌߙ ߔߎߕߌߣ ߞߎ߲߬߸ ߊ߬ ߡߊ߫ ߛߐ߲߬ ߏ߬ ߖߋ߬ߓߌ߬ ߟߊ߫، ߏ߬ ߟߋ ߞߍ߫ ߘߴߊ߬ ߟߊ߫ ߡߊ߬ߡߌ߬ߣߊ߬ߟߌ߬ ߞߏ ߘߌ߫ ߂߀߃߀ ߟߊ߫، ߊ߬ ߞߵߊ߬ ߦߌ߬ߘߊ߫ ߟߋ߬ ߘߐߙߐ߲߫߸ ߞߏ߫ ߢߌ߬ߣߌ߲߬ߞߊ߬ߟߌ ߏ߬ ߓߘߊ߫ ߓߊ߬ߙߴߊ߬ ߘߐ߫ ߞߏߖߎ߯ߦߊ߫߸ ߊ߬ ߦߟߌ߫ ߕߴߏ߬ ߛߎ߮ ߞߍߟߌ ߡߵߊ߬ ߞߎ߲߬ ߣߌ߲߬ ߥߊ߯ߕߌ ߢߌ߲߬ ߠߊ߫.
ߕߍߓߊ߯ߦߊߙߎ߬ߛߌ߫ ߞߊ߬ ߥߊ߬ߟߏ߲߬ߠߌ߲ ߘߏ߫ ߟߋ߬ ߞߍ߫ ߎ߳ߞߑߙߍߣߌ߲߬߸ ߊߟߌߖ߭ߋߙߌ߫ ߟߊ߬ߛߌ߰ߘߋ߲ ߡߍ߲ ߦߋ߫ ߦߋ߲߬߸ ߏ߬ ߕߊ߯ ߘߊ߫ ߓߐߒߡߊߟߌ ߟߊ߫ ߞߌߦߍߝ߭߸ ߡߊ߬ߤߌ߬ߣߊ߬ ߟߊ߬ߡߌߣߊ ߝߏ߬ߟߌ߬ ߓߛߌߞߌ߫ ߘߌ߫، ߒ߬ߓߊ߬߸ ߏ߬ ߟߋ ߓߘߴߊ߬ ߦߌ߬ߘߊ߬ ߞߏ߫ ߊߟߌߖ߭ߋߙߌ߫ ߣߌ߫ ߙߎ߬ߛߌ߬ ߟߊ߫ ߕߍߓߊ߯ߦߊ ߖߎ߬ߟߎ ߓߘߊ߫ ߘߐߦߏߙߏ߲߫߸ ߞߵߊ߬ ߛߐ߬ߘߐ߲߬ ߡߊ߬ߟߌ ߞߏߢߊ ߛߎߡߊ ߘߎ߲߬ߘߎ߬ߣߍ߲߫ ߊ߬ ߞߏ ߝߍ߬ ߞߎߚߎߕߎߕߎ߫.
ߞߍߞߎߘߊߙߎ߬ߛߌ߬ ߞߊ߲ߕߌ߮ ߝ߭ߑߟߊߡߘߌߙ ߔߎߕߌߣ ߞߊ߫ ߞߊ߲߫ ߞߊ߬ ߥߊ߫ ߛߌ߯ߣߌ߲߬ ߘߓߊ߬ߕߊ ߕߋ߬ߟߋ߫ ߂߀ ߣߊ߬ߕߐ ߣߌ߲߬ ߡߊ߬߸ ߞߵߊ߬ ߛߐ߬ߘߐ߲߬ ߘߏߣߊߟ ߕߑߙߐ߲ߔ ߓߐ ߦߋ߲߬߸ ߏ߬ ߕߟߋ߬ ߘߊ߲ߘߐ ߟߋ߬ ߕߋ߲߬، ߔߎߕߌߣ ߠߊ߫ ߕߊ߯ߟߌ ߣߌ߲߬ ߢߐ߲߯ߦߋ ߟߎ߬ ߓߍߣߊ߬ ߓߎ߲ߓߎ߲߫ ߖߡߊ߬ߣߊ߫ ߝߌ߬ߟߊ ߕߍߟߊ ߟߋ߬ ߞߊ߲߬߸ ߊ߬ ߣߌ߫ ߘߎߢߊ߫ ߜߟߍ߬ߦߊ ߟߎ߬.
ߞߌ߬ߓߊ߬ߙߏߙߎ߬ߛߌ߬ ߟߊ߫ ߘߐ߬ߝߏ߬ߘߏ߲߬ߠߌ߲ ߓߘߊ߫ ߞߍ߫ ߡߐ߰ ߂߆ ߝߊ߱ ߕߎ߬ߙߎ ߘߌ߫ ߎ߳ߞߑߙߍߣߌ߲߬ ߞߣߐ߫߸ ߊ߬ ߕߌ߯ߕߌ߯ ߖ߭ߊߔߏߙߌߖ߭ߌߦߊ߫ ߘߎ߱ ߞߣߐ߫߸ ߊ߬ ߣߌ߫ ߞߙߊߡߊߕߐߙߛߞ، ߎ߳ߞߑߙߍߣߌ߲߬ ߝߊ߰ߡߊ ߟߎ߬ ߞߊ߲߫ ߞߏ߫ ߊ߬ ߝߊ߰ߓߊ߰ߕߐ ߦߙߌߞߊ ߘߌ߫ ߛߋ߫ ߥߙߊ߬ ߟߊ߫߸ ߞߵߏ߬ ߞߎ߲߭ ߞߍ߫ ߢߌߣߌ߲ߠߌ߲ ߘߌ߫ ߜߊ߲ߜߘߊ ߟߎ߬ ߞߘߐ߫ ߡߎߣߎ߲߬.
ߟߊ߬ߞߊ߲߬ߘߊ߬ߟߌߛߌ߬ߣߌ߲߬ߟߏ߲ ߂߀߂߆ ߘߓߊ߬ߕߊ ߕߟߋ߬ ߁߭߸ ߣߊ߲߬ߕߌ߰ ߖߐ߯ߙߊ߲ ߘߏ߫ ߟߎ߫ ߟߋ߬ ߟߊߕߊ߬ߡߌ߲߬ ߘߊ߫ ߖߌ߬ߣߍ߫ ߛߏ߬ߙߌ߬ߡߊ߬ߘߋ߲߬ ߝߊ߲ߞߊ ߡߊ߬߸ ߏ߬ ߡߍ߲ ߖߊ߲߬ߖߏ߲ ߞߎ߲߬ߠߊߛߌ߰ ߘߊ߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߓߟߏ߫ ߞߐߣߊߞߙߌ߫، ߏ߬ ߟߎ߬ ߦߋ߫ ߞߟߍ߬ߡߎߙߊ߲ ߘߏ߫ ߟߎ߫ ߟߋ߬ ߘߌ߫߸ ߡߍ߲ ߛߐ߬ߘߐ߲߬ߣߍ߲߫ ߖߌ߬ߣߍ߬ ߣߋ߫ ߙߎ߬ߛߌ߬ ߟߊ߫ ߓߊ߯ߙߊߢߐ߲߯ߦߊ ߞߣߐߡߊ߬߸ ߞߵߊ߬ ߟߊߥߌ߬ߟߌ߫ ߛߏ߬ߙߌ߬ߡߊ߬ߘߋ߲߬ ߝߊ߲ߞߊ ߛߋߞߏߦߊ ߡߊߞߊ߬ߝߏ ߡߊ߬.
ߕߍߓߊ߯ߦߊߡߊ߬ߟߌ ߘߐ߬ߕߊߡߌ߲ ߞߊ߲ߕߌ߮߸ ߞߟߍ߬ߕߌ߰ ߊߛߡߌ߫ ߜ߭ߏ߬ߦߌ߬ߕߊ߬ ߓߘߊ߫ ߦߋ߫ ߓߡߊ߬ߞߐ߬ ߞߣߐ߫ ߞߐ߬ߟߏ߲ ߣߌ߲߬ ߡߊ߬߸ ߊ߬ ߣߌ߫ ߙߎ߬ߛߌ߫ ߟߊ߬ߛߌ߰ߘߋ߲ ߠߊ߫ ߞߎߡߊߢߐ߲߯ߦߊ ߘߏ߫ ߛߋ߲߭ߝߍ߬، ߊߛߡߌ߫ ߖߌ߬ߦߊ߬ߓߍ ߦߋ ߣߌ߲߬ ߢߊ߸ ߏ߬ ߛߋ߲߬ߢߊ߬ ߝߟߐߝߟߐ ߟߋ߬ ߕߋ߲߬ ߞߊ߬ߦߌ߯ ߞߏ߲ߞߏߘߓߌ ߂߅ ߡߙߊ߬ߒ߬ߡߊ߬ߟߌ ߞߍ߫ ߘߊ߫، ߏ߬ ߡߍ߲ ߥߎ߬ߣߎ߲߬ߥߎ߬ߣߎ߲߬ ߞߎߡߊ ߕߎ߲߬ ߓߘߊ߫ ߘߙߎ߬߸ ߞߏ߫ ߊ߬ ߓߘߴߊ߬ ߢߡߊߘߏ߲߰.
