• ߞߣߐ ߞߊߙߏ߫ ߁ߟߐ ߣߌ߫ ߂ߣߊ߲: ߡߏ߬ߛߏ ߛߌ߲ ߘߴߊ߬ ߘߌߡߌ߲߫ ߣߍ߲ߞߍ߫، ߊ߬ ߘߌ߫ ߝߣߐ߫ ߸ ߖߋ߬ߟߌ߬ߣߍ߲߫ ߘߌ߫ ߓߐ߫ ߊ߬ ߡߛߏ߬ߦߊ ߟߊ߫ ߦߏ߫ ߟߘߊ߬ߖߋߟߌ߫ ߸ ߊ߬ ߟߊ߫ ߞߏ߬ߟߌ ߘߌ߫ ߕߎߣߎ߲߫. 

ߊ߬ ߣߌ߫ ߞߏ ߡߍ߲ ߠߎ߬ ߞߊ߫ ߞߊ߲߫ ߏ߬ ߕߎ߬ߡߊ ߟߊ߫: ߞߵߊ߬ ߢߊߢߌߣߌ߲߫ ߓߘߍߞߍ߬ ߞߵߊ߬ ߟߐ߲߫ ߣߌ߫ ߞߣߐ ߦߴߊ߬ ߟߊ߫ ߕߍ߰ߒ߬ߞߊ߲߬ ߓߟߏ߫ ߡߊ߬، ߣߌ߫ ߕߍ߰ߒߞߊ߲ ߛߐ߬ߘߐ߲߬ ߘߊ߫ ߸ ߊ߬ ߦߴߊ߬ ߘߊߥߎ߲ߝߋ߲ ߠߎ߬ ߢߊߓߐ߫ ߸ ߞߵߊ߬ ߛߋ߲߬ߓߐ߫ ߓߊ߯ߙߊ߫ ߞߟߏߜߍߟߍ߲߫ ߞߍ ߣߌ߫ ߝߋ߲߫ ߜߌߟߌ߲߫ ߕߊ ߘߐ߫، ߏ߬ ߞߐ߫ ߊ߬ ߘߋ߲ ߓߏ߲߬ߧߊ ߦߋ߫ ߛߐ߬ߛߐ߬ ߞߌߛߍ ߢߐ߲߱ ߠߋ߬ ߘߌ߫ ߞߣߐ ߞߊߙߏ ߝߟߐ ߣߌ߫ ߝߌߟߊߣߊ߲ ߘߐ߫.

• ߞߣߐ ߞߊߙߏ ߃ߣߊ߲: ߘߊߥߎ߲ߠߌ߲ ߘߌ߫ ߘߌߦߊ߫ ߡߏ߬ߛߏ ߢߍ߫ ߸ ߊ߬ ߢߘߊ ߟߌ߬ߤߟߊ ߘߌ߫ ߡߊߦߟߍ߬ߡߊ߲߫ ߘߊߡߌ߬ߣߊ߬ ߸ ߊ߬ ߞߣߐ ߘߌ߫ ߥߙߊ߬ ߘߐߣߍ߲ߘߐߣߍ߲߫. 

ߊ߬ ߣߌ߫ ߞߏ ߡߍ߲ ߠߎ߬ ߞߊ߫ ߞߊ߲߫ ߏ߬ ߕߎ߬ߡߊ ߟߊ߫: ߞߊ߬ ߓߊ߲ߓߊ߲߫ ߛߎ߬ߡߊ߲߫ ߣߝߊ߬ߡߊ߫ ߓߊߟߏߙߋ߲ߠߞߊ߫ ߘߊߥߎ߲ ߡߊ߬ ߸ ߊ߬ ߣߌ߫ ߞߊ߬ ߕߏ߫ ߊ߬ ߞߏ߬ ߟߊ߫ ߓߘߍߞߍ߬، ߊ߬ ߝߊ߬ߘߌ ߦߌߟߌ߲ߣߍ߲ ߦߋ߫ ߞߍ߫ ߊ߬ ߖߎ߬ߛߎ ߛߎߡߊߣߍ߲ ߦߋ߫ ߞߍ߫، ߞߊ߬ߕߎ߲߰ ߘߋ߲ ߓߏ߲߬ߧߊ ߞߣߐ ߞߊߙߏ ߛߊ߬ߓߊ ߘߐ߫ ߦߏ߫ ߓߌ߬ߦߊ߬ߞߌ.

• ߞߣߐ ߞߊߙߏ ߄ߣߊ߲: ߡߏ߬ߛߏ ߜߟߐߡߌ߲ ߘߌ߫ ߥߙߊ߬ ߸ ߊ߬ ߛߌ߲ ߘߌ߫ ߟߝߊ߫ ߸ ߊ߬ ߣߏ߱ ߘߌ߫ ߕߏ߫ ߡߊߖߋ߬ߣߌ߲߬ ߠߊ߫ ߸ ߊ߬ ߞߣߐ ߝߣߊ߫ ߘߌ߫ ߓߏ߲߬ߧߊ߬. 

ߊ߬ ߣߌ߫ ߞߏ ߡߍ߲ ߠߎ߬ ߞߊ߫ ߞߊ߲߫ ߏ߬ ߕߎ߬ߡߊ ߟߊ߫: ߞߊ߬ ߕߏ߫ ߊ߬ ߟߊ߫ ߟߴߊ߬ ߓߟߏߡߊߙߊ߲߫ ߝߊ߲ ߞߊ߲߬ ߸ ߊ߬ ߓߊ߯ ߘߏ߲߬ ߞߐ߲߬ߛߏ ߞߣߐ߫ ߞߊ߬ ߝߙߊߓߊ߲ ߛߘߌ߬ ߸ ߟߏ߲ - ߏ - ߟߏ߲߫ ߞߊ߬ ߘߏ߫ ߕߊ߯ߡߊ߫ ߌ ߛߋ߲߭ ߠߊ߫.

ߞߣߐ ߞߊߙߏ ߅ߣߊ߲: ߢߟߊߡߌߣߌ߲ ߘߌ߫ ߞߍ߫ ߡߏ߬ߛߏ ߟߊ߫ ߸ ߊ߬ ߘߌ߫ ߝߏ߫ ߊ߬ ߤߊ߲ߞߟߌ ߛߓߊ߬ߕߌߦߊ ߟߊ߫ ߞߊ߬ ߕߏ߫ ߘߛߍ߫ ߟߊ߫ ߤߊ߲ߞߟߌ ߟߊߓߊ߯ߙߊ߫ ߟߴߊ߬ ߢߌ߬ߡߊ ߟߊ߫ ߸ ߊ߬ ߞߐ߫ ߘߴߊ߬ ߘߌߡߌ߲߫ ߸ ߘߋ߲ ߘߌ߫ ߟߊ߬ߡߊ߮ ߘߊߡߌ߬ߣߊ߬ ߊ߬ ߞߣߐ߫ ߘߐ߫. 

ߊ߬ ߣߌ߫ ߞߏ ߡߍ߲ ߞߊ߫ ߞߊ߲߫ ߏ߬ ߕߎ߬ߡߊ ߟߊ߫: ߌ ߘߴߊ߬ ߡߊߝߟߍ߫ ߞߵߊ߬ ߟߐ߲߫ ߣߌ߫ ߘߋ߲ ߦߋ߫ ߗߍ߬ ߘߌ߫ ߓߊ߰ ߡߛߏ߬، ߌ ߦߋ߫ ߛߌ߬ߣߐ߰ ߓߘߍߓߘߍߞߍ߬ ߸ ߌ ߘߴߛߋ߫ ߓߊ߬ߘߏ߬ ߟߊ߫ ߘߋ߲ ߝߍ߬ ߤߊߟߌ߬ ߣߴߊ߬ߟߋ߬ ߞߎߡߊߞߊ߲߫ ߕߍ߫ ߡߍ߲߫ ߠߴߌ ߓߟߏ߫ ߸ ߊ߬ߟߋ߫ ߞߏ߬ߣߌ߲߬ ߦߴߌߟߋ ߕߊ ߡߍ߲ ߠߊ߫، ߏ߬ ߞߐ߫ ߘߋ߲ ߓߏ߲߬ߧߊ ߤߊߞߍ ߦߋ߫ ߣߡߊ߬ߛߊ߬ߡߐ ߟߋ߬ ߘߌ߫ ߟߌ߬ߤߟߊ ߏ߬ ߘߐ߫.

ߞߣߐ ߞߊߙߏ ߆ߣߊ߲: ߞߎ߲߬ߘߌߡߌ߲ ߘߌ߫ ߘߋ߲ߣߊ ߡߌ߬ߘߊ߬ ߛߐ߲߬ ߸ ߊ߬ ߞߣߐ ߘߌ߫ ߕߋ߬ߕߋ߬ ߘߋ߲ ߞߎ߲߬ߓߊ߬ߦߊ ߓߟߏ߫ ߸ ߘߋ߲ ߓߏ߲߬ߧߊ ߦߋ߫ ߞߊߙߏߥߐ߯ߙߐߣߊ߲ ߘߐ߫ ߔߌߦߊ ߤߊߞߍ ߟߋ߬ ߘߌ߫. 

ߊ߬ ߣߌ߫ ߞߏ ߡߍ߲ ߞߊ߫ ߞߊ߲߫ ߏ߬ ߕߎ߬ߡߊ ߟߊ߫: ߞߵߊ߬ ߟߐ߲߫ ߣߌ߫ ߘߋ߲ ߦߋ߫ ߗߍ߬ ߘߌ߫ ߥߟߊ߫ ߡߛߏ߬ ߸ ߞߵߌ ߖߊ߲߬ߕߏ߬ ߌ ߖߌߘߊ߲ ߘߐ߫ ߸ ߞߊ߬ ߕߏ߫ ߛߌ߲ߕߊߟߊ߲߫ ߡߊ߯ߡߊ߲ ߘߏ߲߬ ߠߊ߫ ߸ ߞߊ߬ ߕߏ߫ ߝߋ߲ ߠߎ߫ ߘߊߥߎ߲߫ ߠߊ߫ ߓߊߞߍ߬ ߣߍ߰ߝߌ߲ ߣߌ߫ ߓߙߐߣߍ߮ ߣߌ߫ ߝߟߐߞ ߞߎ߬ߡߎ߲ ߦߋ߫ ߡߍ߲ ߘߐ߫.

• ߞߣߐ ߞߊߙߏ ߇ߣߊ߲: ߘߋ߲ ߖߌߘߊ߲ ߘߌ߫ ߞߍ߫ ߞߌߘߊ߫ ߁.߅ ߘߌ߫ ߸ ߊ߬ ߖߐ߬ߝߐ ߝߌ߬ߟߊ ߘߌ߫ ߕߊ߬ߡߌ߲߬ ߡߐ߬ ߟߊ߫ ߸ ߛߌ ߘߌ߫ ߝߍߘߍ߲߫ ߊ߬ ߞߎ߲߭ ߘߐ߫ ߸ ߊ߬ ߕߎ߱ ߣߴߊ߬ ߛߌ߲߬ߝߏ߲ ߘߌ߫ ߕߊ߬ߡߌ߲߬ ߡߐ߬ߘߌ߬ߦߊ߬ ߟߊ߫ ߸ ߊ߬ ߘߌ߫ ߛߋ߫ ߊ߬ ߢߊ ߟߊߞߊ߬ ߟߊ߫ ߘߊߡߌߣߊ߬ ߞߊ߬ ߦߋߟߋ߲ ߦߋ߫ ߣߴߊ߬ ߣߊ߫ ߞߍ߫ ߘߴߊ߬ ߘߌ߫ ߕߎ߬ߡߊ ߏ߬ ߟߊ߫ ߦߋߟߋ߲߫ ߘߌ߲߬ߞߌ߬ߙߊ߬ ߘߐ߫، ߘߋ߲ ߓߏ߲߬ߧߊ ߕߎ߬ߡߊ ߏ߬ ߟߊ߫ ߖߊ߬ߓߌߓߌ߬ ߕߍߟߍ߲ ߘߌ߫.

ߘߋ߲ ߣߊ߫: ߘߏ߫ ߘߌ߫ ߝߊ߬ߙߴߊ߬ ߞߣߐ ߓߏ߲߬ߧߊ ߞߊ߲߬ ߸ ߘߏ߫ ߘߌ߫ ߝߊ߬ߙߴߊ߬ ߖߍ߬ߘߍ ߖߌߘߊ߲ ߞߊ߲߬.

߈ - ߞߣߐ ߞߊߙߏ ߈ߣߊ߲: ߛߌ߬ߣߐ߰ ߜߟߍ߬ߦߊ ߘߌ߫ ߘߋ߲ߣߊ ߡߌ߬ߘߊ߬ ߸ ߊ߬ ߘߌ߫ ߕߏ߫ ߛߏ߬ߓߌ߬ ߟߊ߫ ߞߟߊߦߊ ߟߴߊ߬ ߝߊ߬ߘߌ ߞߘߐ߫ ߸ ߘߌߡߌ߲ ߘߌ߫ ߞߴߊ߬ ߞߐ ߘߐ߫ ߸ ߊ߬ ߟߊ߫ ߛߎ߯ߣߊߞߍ ߘߌ߫ ߛߌߦߊߦߊ߫. 

ߊ߬ ߣߌ߫ ߞߏ ߡߍ߲ ߞߊ߫ ߞߊ߲߫ ߏ߬ ߕߎ߬ߡߊ ߟߊ߫: ߊ߰ ߕߘߍ߬ ߞߣߐߡߦߊ ߛߓߍ ߦߴߊ߬ ߓߟߏ߫ ߘߊ߲ߘߊ߲ߛߏ ߟߊ߫ ߣߊߟߌ߬ߡߎ߲߬ ߞߊߙߌߣߍ ߘߌ߫، ߊ߬ ߦߴߊ߬ ߡߊߓߐ߫ ߛߎ߬ߡߊ߲߬ ߜߟߌߡߊ߲߫ ߘߊߥߎ߲ ߠߊ߫ ߊ߬ ߣߌ߫ ߛߎ߬ߡߊ߲߬ ߕߟߎߡߊ ߟߎ߫ ߊ߬ ߦߴߊ߬ ߛߓߍ߬ ߞߍ߫ ߘߊ߲ߘߊߛߏߟߊߕߊ߮ ߘߌ߫ ߸ ߏ߬ ߞߐ߫ ߘߋ߲ ߓߏ߲߬ߧߊ ߦߋ߫ ߖߊ߬ߓߌߓߌ ߜߎ ߞߋߟߋ߲߫ ߢߐ߲߰ ߘߌ߫.

• ߞߣߐ ߞߊߙߏ ߉ߣߊ߲: ߘߋ߲ ߖߌߘߊ߲ ߘߌ߫ ߞߴߊ߬ ߡߏߦߌ ߞߊߙߏ ߟߊ߫ ߞߌߘߊ߫ ߃ - ߃ ߸ ߊ߬ ߞߎ߲߭ ߘߌ߫߫ ߟߊߖߌ߰ ߓߐߟߌ߫ ߞߊ߲ߡߊ߬. 

ߘߋ߲ߣߊ ߟߊ߫ ߛߍ߱ ߘߌ߫ ߡߊߞߊ߬ߝߏ߬ ߸ ߊ߬ ߛߋ߲߬ߝߘߍ ߝߌ߬ߟߊ ߘߌ߫ ߟߝߊ߫ ߊ߬ ߣߴߊ߬ ߢߊߘߐߟߊ ߸ ߣߌߟߊߞߟߌ߫ ߜߟߍߦߊ ߘߴߊ߬ ߡߌ߬ߘߊ߬ ߊ߬ ߣߌ߫ ߛߎ߯ߣߊߞߍ߫ ߡߌߛߍ߲، ߏ߬ ߟߋ ߕߏߕߐ߫ ߌߘߐ߫ ߸ ߓߏ߬ߓߏ߬ߣߍ߲ ߘߌ߫ ߡߏߦߌ߫ ߕߋ߲߬ ߘߏߦߌ߲߫ ߊߟߊ߫ ߕߊ߲ߘߏ߫.

ߡߏߙߌ߫ ߖߐ߲߬ߡߊ߬ߛߌߣߌ߲ߟߐ߲߫ ߞߊ߬ߡߙߊ߬ ߓߟߏ߫ ߓߡߊ߬ߞߐ߫.