ߘߐߜߐ߬ ߖߌߟߊߝ߭ߏߖߌ߫ ߟߊ߫ ߞߐ߲߬ߛߏ ߟߋ߬ ߡߌ߬ߣߊ߬ߣߴߊ߬ ߟߊ߫߸ ߏ߬ ߞߎߡߊ ߓߘߊ߫ ߛߌߦߊߦߊ߫ ߞߏߛߓߍ߫، ߓߊߏ߬߸ ߊ߬ߟߋ ߞߊ߲߫ ߞߏ߫ ߎߛߑߡߊߣ ߜ߭ߊ߯ߥߊߟ ߖߊߟߏ߫ ߣߐ߬ ߖߊ߲߬ߝߊ ߟߋ߬ ߞߍߣߴߊ߬ ߟߊ߫ ߞߐ߲߬ߛߏ ߞߏ ߘߐ߫، ߒ߬ߓߊ߬߸ ߡߐ߰ ߜߘߍ߫ ߓߘߊ߫ ߛߐ߬ߘߐ߲߬ ߡߍ߲ ߞߊ߲߫ ߞߏ߫ ߘߐߜߐ߬ ߡߊ߫ ߛߋ߫ ߞߐ߲߬ߛߏ߬ ߞߏ߬ ߞߎߡߊ ߟߋ߬ ߞߍߢߊ ߟߊ߫، ߓߊߏ߬߸ ߊ߬ ߡߊ߫ ߘߴߊ߬ ߡߊ߬ ߞߏ߫ ߊ߬ ߕߊ߫ ߦߋ߫߸ ߊ߬ ߘߌߣߴߊ߬ ߡߊ߬ ߓߊ߯ߙߊ ߘߏ߫ ߟߋ߬ ߞߍ߫ ߞߊ߲ߡߊ߬߸ ߣߴߏ߬ ߓߊ߲߫ ߘߊ߫ ߞߵߊ߬ ߟߊߛߊ߬ߦߌ߲߬.

ߛ߭ߍߞ ߡߊ߬ߘߌ߫ ߖߎ߬ߓߊ߬ߕߍ߬ ߡߍ߲ ߦߋ߫ ߕߏ߰ߝߏ ߟߎ߬ ߟߊ߫ ߢߌ߲߬ߘߍ ߕߌ߲߬ߞߎߘߎ߲ ߘߏ߲߬ߖߟߎ߬ߡߊ߬ߘߊ ߛߌ߲߬ߝߏ߲߬ ߘߌ߫߸ ߏ߬ ߓߘߴߊ߬ ߡߙߌߦߊ ߦߌ߬ߘߊ߫ ߞߐ߲߬ߛߏ߬ ߞߏ ߣߌ߲߬ ߞߊ߲߬، ߊ߬ ߟߊ߫ ߝߐߟߌ߫ ߘߐ߫߸ ߊ߲߬ߕߎߥߊߣ ߘߐߜߐ߬ ߖߌߟߊߝ߭ߏߖߌ߫ ߣߐ߬ ߡߊ߬ߝߌ߲߬ߠߌ߲߬ ߞߎߡߊ ߡߍ߲ ߠߎ߬ ߝߐ߫ ߟߊ߫ ߎߛߑߡߊߣ ߜ߭ߊ߯ߥߊߟ ߡߊ߬߸ ߞߵߊ߬ ߦߌ߬ߘߊ߬ ߞߏ߫ ߊ߬ ߟߊ߫ ߞߐ߲߬ߛߏ ߓߘߊ߫ ߡߌ߬ߣߴߊ߬ ߟߊ߫ ߞߵߊ߬ ߛߐ߬ߘߐ߲߬ ߝߋ߲߫ ߡߊ߫ ߝߐ߫ ߊ߬ ߦߋ߫߸ ߊ߬ ߞߊ߲߫ ߞߏ߫ ߏ߬ ߟߊ߫ ߡߊ߬ߝߌ߲߬ߞߊ߲߬ߠߊ ߏ߬ ߟߎ߬ ߕߍ߫ ߛߥߊ߬ߓߊ߬ ߘߌ߫.

ߛ߭ߍߞ ߡߊ߬ߘߌ߫ ߖߎ߬ߓߊ߬ߕߍ߫ ߟߊ߫ ߝߐߟߌ߫ ߘߐ߫߸ ߘߎ߰ߞߎߟߎ߲ ߣߌ߲߬ ߡߊ߫ ߘߌ߫ ߡߐ߰ ߛߌ߫ ߡߊ߬ ߣߟߌ߬ ߓߟߏ ߡߊ߬߸ ߞߏ߫ ߌ ߕߊ، ߊ߬ ߘߌ߫ ߘߊ߫ ߞߏ߫ ߟߋ߬ ߘߐ߫߸ ߡߍ߲ ߜߍߣߍ߲߫، ߓߊߏ߬߸ ߊ߬ ߘߌߣߍ߲߫ ߓߊ߯ߙߊ ߘߏ߫ ߟߎ߫ ߟߋ߬ ߞߊ߲ߡߊ߬߸ ߣߴߏ߬ ߦߋ߫ ߖߡߊ߬ ߟߊ߬ߘߍ ߓߊ߯ߙߊ ߟߎ߬ ߘߍ߫ ߖߡߊ߬ߣߊ ߞߣߐߟߊ ߘߐ߫߸ ߦߏ߫ ߛߌ߯ߙߌ߲߫߸ ߞߊ߲ߞߊ߲߫߸ ߞߙߎ߬ߛߊ߫߸ ߒߛߙߍߜߘߍ߬߸ ߊ߬ ߣߌ߫ ߤߊߟߌ߬ ߞߛߌ߬ߘߎ߰.

ߛߍ߭ߞ ߞߊ߲߫ ߞߏ߫: <<ߒߠߋ ߟߋ߬ ߖߍ߬ߘߍ ߓߟߏ ߞߊ߬ ߘߎ߰ߞߎߟߎ߲ ߢߌ߲ ߟߊ߫ ߘߐߜߐ߬ ߕߍ߯.>> ߏ߬ ߘߐ߫߸ ߞߏ߫ ߘߐߜߐ߬ ߣߐ߬ ߊ߬ ߖߍ߬ߘߍ߫ ߖߊ߲߬ߝߊ߬ ߟߊ߫ ߟߋ߬߸ ߊ߬ ߝߐ ߘߐ߫ ߡߐ߱ ߟߎ߬ ߦߋ߫ ߞߏ߫ ߘߎ߰ߞߎߟߎ߲ ߏ߬ ߘߌߣߴߊ߬ ߡߊ߬ ߟߋ߬، ߊ߬ ߞߊ߲߫ ߞߏ߫ ߊ߬ ߡߊ߫ ߘߴߊ߬ ߡߊ߬ ߘߋ߬ ߞߏ߫ ߊ߬ ߕߊ߸ ߊ߬ ߘߌߣߴߊ߬ ߡߊ߬ ߟߋ߬߸ ߛߴߊ߬ ߘߌ߫ ߕߊ߯ߡߊ߫ ߦߙߐ ߟߎ߬ ߘߐ߫߸ ߞߊ߬ ߕߊ߬ߡߌ߲߬ ߊ߬ߟߎ߬ ߟߊ߫ ߕߏ߰ߝߏ ߟߊ߫ ߓߊ߯ߙߊ ߘߊߓߊ߲߫ ߠߊ߫.

ߊ߬ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߞߐ߲߬ߛߏ߬ ߞߏ ߣߌ߲߬ ߖߍ߬ߘߍ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߔߏߔߏ ߝߣߊ߫ ߘߌ߫ ߘߊ߫ ߟߋ߬ ߘߐߜߐ߬ ߡߊ߬߸ ߓߊߏ߬ ߔߏߔߏ ߘߌ߫ ߥߊ߫ ߦߙߐ ߘߏ߫ ߟߎ߫ ߘߐ߫߸ ߘߎ߰ߞߎߟߎ߲ ߕߴߛߋ߫ ߥߊ߫ ߟߊ߫ ߦߋ߲߬ ߠߎ߬ ߘߐ߫، ߔߏߔߏ ߡߍ߲ ߏ߬ ߘߌ߫߸ ߏ߬ ߟߋ ߘߌ߫ ߘߊ߫ ߞߏ߫ ߊ߬ߟߎ߬ ߕߊ ߝߋߝߋ߫߸ ߒ߬ߞߊ߬ ߘߎ߰ߞߎߟߎ߲ ߘߌߣߍ߲߫ ߓߊ߯ߙߊ ߟߋ߬ ߞߍ߫ ߞߊ߲ߡߊ߬ ߞߊ߬ ߓߊ߲߫ ߞߵߊ߬ ߟߊߛߊ߬ߦߌ߲߬، ߊ߬ ߘߏ߲߬߸ ߔߏߔߏ ߦߋ߫ ߘߐߜߐ߬ ߓߟߏ߫ ߕߋ߲߬، ߛ߭ߍߞ ߞߊ߬ ߢߌ߬ߣߌ߲߬ߞߊ߬ߟߌ ߞߍ߫߸ ߞߏ߫ ߡߎ߲߬ ߞߏߛߐ߲߬ ߘߐߜߐ߬ ߡߴߊ߬ ߝߐ߫ ߡߐ߰ ߦߋ߫ ߞߏ߫ ߔߏߔߏ ߡߍ߲ ߘߌ߫ ߘߴߊ߬ ߡߊ߬߸ ߏ߬ ߦߴߊ߬ ߓߟߏ߫߸ ߝߏ߫ ߞߵߊ߬ ߝߐ߫ ߕߋ߲߬ ߘߐߙߐ߲߫ ߞߏ߫ ߊ߬ߟߎ߬ ߓߘߴߊ߬ ߟߊ߫ ߘߎ߰ߞߎߟߎ߲ ߡߌ߬ߣߴߊ߬ ߟߊ߫؟

ߛ߭ߍߞ ߡߊ߬ߘߌ߫ ߖߎ߬ߓߊ߬ߕߍ߫ ߞߵߊ߬ ߦߌ߬ߘߊ߬߸ ߞߏ߫ ߘߐߜߐ߬ ߞߋߟߋ߲߫ ߕߍ߫߸ ߊ߬ ߝߐ߫ ߘߊ߫ ߟߋ߬ ߞߏ߫ ߘߎ߰ߞߎߟߎ߲ ߘߌߣߍ߲߫ ߡߍ߲ ߺ ߍ ߺ ߡߍ߲߫ ߡߊ߬߸ ߣߌ߫ ߓߊ߯ߙߊ ߓߊ߲߫߸ ߘߎ߰ߞߎߟߎ߲ ߠߎ߬ ߟߊߛߊ߬ߦߌ߲߬ߕߐ߫ ߟߋ߬، ߘߐߜߐ߬ ߞߏ߬ߣߌ߲ ߡߊ߫ ߞߎߡߊ ߏ߬ ߟߊߛߙߋߦߊ߫߸ ߓߊ߸ ߏ߬ ߞߵߊ߬ ߦߌ߬ߘߊ߫ ߟߋ߬ ߞߏ߫ ߊ߬ <<ߡߊ߫ ߝߐ߫>> ߊ߬ߟߎ߬ ߦߋ߫ <<ߘߎ߰ߞߎߟߎ߲ ߘߌ߫ ߕߎߡߊ ߝߋߎ߫߸ ߞߏ߫ ߊ߬ ߟߊߛߊ߬ߦߌ߲߬ߕߐ߫ ߟߋ߬.>> ߛ߭ߍߞ ߞߏ߬ߣߌ߲ ߞߵߊ߬ ߦߌ߬ߘߊ߬ ߞߏ߫ ߡߍ߲ ߠߎ߬ ߦߋ߫ ߦߙߐ ߕߐ߭ ߟߎ߬ ߘߐ߫߸ ߦߏ߫ ߛߌ߯ߙߌ߲߫ ߣߌ߫ ߞߙߎ߬ߛߊ߫߸ ߏ߬ ߟߎ߬ ߓߍ߯ ߟߊ߫ ߘߎ߰ߞߎߟߎ߲ ߡߌ߬ߣߊ߬ߣߴߊ߬ߟߎ߬ ߟߊ߫ ߟߋ߬.

ߊ߲ߕߎߥߊߣ ߘߐߜߐ߬ ߖߌߟߊߝ߭ߏߖߌ߫ ߟߊ߫ ߘߎ߰ߞߎ߬ߟߎ߲߬ ߞߏ ߣߌ߲߬ ߘߐ߫߸ ߛ߭ߍߞ ߞߵߊ߬ ߦߌ߬ߘߊ߬ ߞߏ߫ ߘߐߜߐ߬ ߕߊ ߡߍ߲߫ ߘߴߊ߬ ߓߟߏ߫ ߟߋ߬߸ ߓߊߏ߬ ߓߊ߯ߙߊ߫ ߜߘߍ߫ ߟߎ߫ ߓߌ߬ߟߊ߬ ߘߴߊ߬ ߘߐ߫߸ ߛߴߊ߬ ߘߴߏ߬ ߟߎ߬ ߞߍ߫ ߢߊ ߡߍ߲ ߡߊ߬، ߓߊ߬ߙߌ߬߸ ߥߊ߯ߕߌ߫ ߖߊ߲ ߡߍ߲ ߝߣߊ߫ ߘߌ߫ ߘߊ߫ ߘߐߜߐ߬ ߡߊ߬ ߏ߬ ߘߌ߫߸ ߛ߭ߍߞ ߞߊ߲߫ ߞߏ߫ ߘߐߜߐ߬ ߞߊ߬ ߘߎ߰ߞߎߟߎ߲ ߠߊߓߊ߯ߙߊ߫ ߥߏ߬ߘߊ߬ ߜߘߍ߫ ߟߊ߫߸ ߡߍ߲ ߣߴߊ߬ߟߎ߬ ߡߙߌߦߊ ߕߍ߫ ߞߋߟߋ߲߫ ߘߌ߫.

ߛ߭ߍߞ ߡߊ߬ߘߌ߫ ߖߎ߬ߓߊ߬ߕߍ߫ ߞߊ߲߫ ߞߏ߫ ߘߐߜߐ߬ ߞߊ߬ ߘߎ߰ߞߎߟߎ߲ ߞߍ߫ ߊߓߋ߬ ߛߌ߬ߟߊ ߟߊ߫ ߓߙߊߡߊߖߊ߲ߓߊ߲߫ ߝߋ߲ ߘߌ߫ ߢߣߊߕߊߟߌ ߝߍ߬߸ ߏ߬ ߟߊ߫ ߓߐߒߡߊߟߌ ߝߍ߬ ߞߊ߲ߞߊ߲߫، ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߥߊߘߌ ߘߏ߲߬ ߘߌ߫ ߘߊ߫ ߟߋ߬ ߘߐߜߐ߬ ߡߊ߬ ߓߊ߯ߙߊ ߏ߬ ߘߐ߫߸ ߞߵߊ߬ ߛߐ߬ߘߐ߲߬ ߊ߬ ߡߴߏ߬ ߞߎߡߊ߫ ߝߐ߫ ߡߐ߰ ߦߋ߫.

ߊ߬ ߞߵߊ߬ ߝߐ߫ ߞߵߊ߬ ߟߴߊ߬ ߞߊ߲߬߸ ߞߏ߫ ߌ ߦߴߊ߬ ߟߐ߲߫ ߠߊ߫ ߡߍ߲ ߡߊ߬ ߞߵߊ߬ ߝߐ߫ ߞߏ߫ ߘߎ߰ߞߎߟߎ߲ ߡߊ߫ ߘߴߊ߬ߟߎ߫ ߡߊ߬߸ ߊ߬ ߟߊߕߊ߬ߡߌ߲߬ ߘߊ߫ ߡߐ߰ ߛߌ߫ ߡߊ߬߸ ߊ߬ ߝߋ߲߫ ߕߴߦߋ߲߬ ߘߎ߰ߞߎߟߎ߲ ߛߓߍ ߘߌ߫ ߘߊ߫ ߡߍ߲ ߡߊ߬، <<ߛߓߍ߫ ߝߎߛߋߡߊ ߡߊ߫ ߟߊ߫ ߡߐ߰ ߛߌ߫ ߕߍ߯ ߘߐ߫߸ ߞߎߡߊߕߍ߫ ߕߌ߰ߦߊ߬ ߛߓߍ߫ ߡߊ߬.>> ߊ߬ ߞߵߏ߬ ߦߌ߬ߘߊ߬ ߞߎߡߊ ߘߐ߫߸ ߞߏ߫ ߘߊ߬ߟߎ߫ ߟߵߏ߬ ߘߌ߫߸ ߡߍ߲ ߦߌ߬ߘߊ߬ ߟߊ߫ ߞߏ߫ ߊ߬ ߡߊ߫ ߘߴߊ߬ߟߎ߫ ߡߊ߬߸ ߊ߬ߟߎ߬ ߕߊ. ߏ߬ ߘߐ߫߸ ߡߐ߰ ߕߴߛߋ߫ ߎߛߑߡߊߣ ߜ߭ߊ߯ߥߊߟ ߡߊߝߌ߲߬ ߠߴߏ߬ ߘߐ߫.

ߛ߭ߍߞ ߡߊ߬ߘߌ߫ ߖߎ߬ߓߊ߬ߕߍ߫ ߞߊ߲߫ ߞߏ߫ ߘߐߜߐ߬ ߖߌߟߊߝ߭ߏߖߌ߫ ߣߐ߬ ߊ߬ ߝߐ ߡߍ߲ ߞߍ߫ ߟߊ߫ ߞߏߕߌ߯ ߜ߭ߊ߯ߥߊߟ ߡߊ߬ ߞߏ߫ ߏ߬ ߣߐ߬ <<ߜߊߣߊ߲ߧߊ>> ߟߋ߬ ߞߍߣߴߊ߬ ߟߊ߫߸ ߞߏ߫ ߓߍ߯ ߦߋ߫ ߞߏ ߕߊ߬ߡߌ߲߬ ߢߊ ߡߊߝߟߍ߫ ߊ߬ ߢߌ߬ߡߊ ߟߊ߫ ߘߐߙߐ߲߫، ߞߊ߬ߕߎ߲߯߸ ߞߏ߫ ߣߌ߫ ߡߐ߰ ߞߊ߬ ߞߏ ߝߐ߫ ߊ߬ ߛߌ ߟߊ߫߸ ߏ߬ ߘߴߌ ߞߛߌ߫ ߞߎߡߊ ߝߐ߫ ߢߊ߫ ߖߎ߮ ߡߊ߬.

ߊ߬ ߞߊ߲߫ ߞߏ߫ ߊ߬ ߡߊ߫ ߞߎߡߊ߫ ߖߛߎ߬ ߟߊ߫ ߘߋ߬߸ ߞߏ ߞߊ߫ ߞߊ߲߫ ߞߊ߬ ߝߐ߫ ߢߊ ߡߍ߲ ߡߊ߬߸ ߊ߬ ߞߎߡߊߣߍ߲߫ ߏ߬ ߟߋ ߛߌߟߊ ߞߊ߲߬، ߛߊ߫ ߡߐ߱ ߟߎ߬ ߘߴߊ߬ ߟߐ߲߫߸ ߊ߬ ߞߏ ߦߋ߫ ߢߊ ߡߍ߲߸ ߊ߬ ߘߌߣߴߊ߬ ߡߊ߬ ߢߊ ߡߍ߲߸ ߊ߬ ߣߴߊ߬ ߓߐߣߴߊ߬ ߓߟߏ߫ ߢߊ ߡߍ߲ ߡߊ߬߸ ߏ߬ ߦߋ߫ ߟߐ߲߫.