ߞߵߊߟߌߝߊ߫ ߞߐ߲ߘߍ߫ ߕߏ߫ ߓߊߦߌ߲ߓߊߦߌ߲ߧߊ ߘߐ߫߸ ߞߊ߲ߕߌ߯ ߞߘߐ ߞߊ߬ ߖߘߍ߬ߕߌ߰ߦߊ ߛߊ߲߬ ߆߇߲ ߢߊ߰ߢߊ߮ ߟߋ߬ ߕߣߐ߬ߓߐ߫ ߞߊ߬ ߣߊ߲߬ߕߌ߰ ߝߊ߲ߞߊ ߢߌ߲߬ ߠߎ߬ ߡߊߞߕߌ߫ ߊ߬ ߛߊ߬ߥߏ ߟߊ߫ ߞߏߛߓߍ߫، ߊ߬ ߞߊ߲߫ ߞߏ߫ ߡߐ߰ߦߊ ߤߊߞߍ ߓߘߊ߫ ߟߊߜߊ߬ߛߌ߫ ߢߌ߲߬ ߠߎ߫ ߕߋ߬ߟߋ ߘߐ߫߸ ߞߊ߬ ߞߓߊ ߛߌ߰ ߡߐ߱ ߟߎ߬ ߘߊ ߞߊ߲߬߸ ߓߟߏߞߏߟߏ߲ߧߊ ߦߋ߫ ߕߊ߬ߡߌ߲߬ ߠߊ߫ ߥߙߊ߬ ߟߊ߫ ߕߎ߲߫.

ߞߊ߬ߙߊ߲߬ߝߊ ߊߟߌߝߊ߫ ߞߐ߲ߘߍ߫ ߟߊ߫ ߛߓߍߟߌ ߣߌ߲߬ ߘߐ߫߸ ߊ߬ߟߋ ߡߍ߲ ߦߋ߫ ߖߌ߬ߣߍ߬ ߞߊ߲ߕߌ߯ ߞߘߐ ߘߌ߫߸ ߞߵߊ߬ ߓߍ߲߬ ߖߡߊ߬ߣߊ ߓߌ߬ߟߊ߬ߡߊ ߣߌ߲߬ ߡߊ߬، ߊ߬ ߞߊ߲߫ ߞߏ߫ ߞߴߊ߬ ߕߊ߬ ߞߊ߬ߝߏ߬ ߖߊߛߏ߲ ߡߊ߬ ߂߀߂߁ ߕߎߟߊߝߌ߲ ߤߊ߲߯ ߕߋ߲߬߸ <<ߖߌ߬ߣߍ߬ ߓߘߊ߫ ߕߙߐ߫.>>

ߊߟߌߝߊ߫ ߞߐ߲ߘߍ߫ ߞߊ߬ ߣߊ߲߬ߕߌ߰ ߝߊ߲ߞߊ ߢߌ߲߬ ߠߎ߬ ߡߊߓߎ߬ߙߎ߲ߕߌ߬ ߝߣߊ߫߸ ߞߏ߫ ߊ߬ߟߎ߬ ߓߘߊ߫ ߓߍ߯ߦߊ ߞߊߓߙߎ߫߸ ߞߊ߬ ߖߡߊ߬ߣߊ ߛߌ߲߬ߝߏ߲߬ߘߊ ߟߎ߬ ߡߊߣߡߊߙߊ߫، ߊ߬ ߞߊ߬ ߡߐ߰ߦߊ ߟߊߜߊ߬ߛߌ߬ ߞߏ ߘߏ߫ ߟߎ߫ ߝߐ߫ ߖߡߊ߬ߣߊ ߞߣߐ߫ ߕߋ߲߬: <<ߡߐ߰ ߡߌߘߊ߸ ߡߐ߰ ߟߊ߬ߘߊߙߏ߸ ߡߐ߰ ߟߊ߬ߕߎߣߎ߲ ߘߌߦߊߜߏߦߡߊ߸ ߝߊ߲߬ߞߊ߬ ߟߊ߬ ߡߌߘߊߟߌ.>> ߞߣߊ߬ߕߏ߫ ߊ߬ ߝߐ߫ ߟߊ߫ ߞߏ߫ <<ߝߊ߲߬ߞߊ ߓߘߊ߫ ߟߊ߫ ߞߕߌߘߊ ߟߎ߫ ߞߊ߲߬>>

ߞߊ߬ߝߏ ߞߎ߲߬ߕߌ߰ ߞߘߐ ߞߵߊ߬ ߝߐ߫ ߝߣߊ߫ ߞߏ߫ ߘߓߌ߬ ߘߐ߬ ߝߋ߲߬ ߡߌߘߊ ߓߘߊ߫ ߥߙߊ߬ ߥߊ߫ߕߌ ߢߌ߲߬ ߠߊ߫߸ ߊ߬ ߣߌ߫ ߞߏ߫ ߖߡߊ߬ߣߊ ߦߋ߫ <<ߛߌߟߊ߲ ߣߌ߫ ߛߎ߬ߣߎ߲ ߘߝߊߣߍ߲>> ߠߋ߬ ߘߐ߫ ߕߋ߲߬، ߣߴߌ ߞߵߊ߬ߟߋ ߡߊߢߌ߬ߣߌ߲߬ߞߊ߬߸ ߊ߬ ߘߴߊ߬ ߝߐ߫ ߞߏ߫ ߊ߬ߟߋ ߓߐ ߞߊ߲ߕߌ߯ߦߊ ߟߊ߫߸ ߏ߬ ߣߌ߫ ߛߌߛߍ߲߬ ߕߍ ߘߐ߫߸ ߖߊ߬ߕߋ߬ߘߐ߬ߛߌ߰ ߞߎ߲߬ߓߊ߬ ߝߏߦߌ߬ ߡߊ߫ ߣߊ߬ ߡߐ߱ ߢߌ߲߬ ߠߎ߬ ߓߟߏ߫: <<ߊ߲ ߞߊ߬ ߓߊ߯ߙߊ߫ ߓߟߋߓߟߋ ߡߍ߲ ߠߎ߬ ߟߊߥߟߌ߬ ߖߡߊ߬ߣߊ ߞߣߐ߫ ߸ߏ߬ ߟߎ߫ ߞߎ߲߬ߕߋߟߋ߲ ߣߊ߬ߣߍ߲߫ ߞߎ߲߬ߡߙߎ߬ ߟߊ߫ ߞߵߊ߬ ߓߍ߲߬ ߊ߬ߟߎ߬ ߞߐߙߍ ߟߎ߬ ߟߊ߫ ߘߎ߲߬ߘߎ߬ߡߊ߬ ߣߝߊ ߟߋ߫ ߡߊ߬ ، ߞߊ߬ ߖߡߊ߬ߣߊ ߟߊ߫ ߝߘߏ߬ߓߊ߬ ߣߝߊ ߟߎ߫ ߓߐ߬ߘߍ߬ߓߐ߬.>>

ߊ߬ ߞߊ߲߫ ߞߏ߫ ߣߴߌ ߞߊ߬ ߞߐߞߊ߲ߠߊ ߝߣߊ߫ ߕߊ߬߸ <<ߖߌ߬ߣߍ߬ ߓߘߊ߫ ߟߊߞߋ߲߬ߛߎ߬ ߕߍߓߊ߯ߦߊ ߡߊ߬ߘߎ߮ ߘߐ߫߸ ߊ߬ ߕߍ߫ ߓߍ߲߬ߛߋ߲߬ߡߊ߫ ߛߐ߬ߘߐ߲߬ ߠߊ߫ ߏ߬ ߞߐ߫߸ ߊ߬ ߓߘߊ߫ ߝߐ߫ ߟߊߒߠߦߊ ߟߊ߫ ߔߋߎ߫.>>

ߊ߬ ߟߊ߫ ߞߎߡߊ ߏ߬ ߓߍ߯ ߣߴߊ߬ ߕߊ߫߸ ߊߟߌߝߊ߫ ߞߐ߲ߘߍ߫ ߞߊ߬ ߖߊ߬ߡߊ ߞߟߌ߫ ߝߣߊ߫: <<ߖߌ߬ߣߍ߬ ߕߍ߫ ߡߐ߰ ߞߋߟߋ߲߫ ߛߌ߫ ߟߊ߫ ߛߊ߲߬ߜߊ߲߬ ߘߌ߫߸ ߖߌ߬ߣߍ߬ ߦߋ߫ ߖߌ߬ߣߍ߬ߞߊ ߟߎ߫ ߟߋ߬ ߕߊ ߘߌ߫.>> ߊ߬ ߞߵߏ߬ ߝߐ߫ ߞߊ߬ ߓߊ߲߫ ߞߊ߬ ߖߊ߬ߡߊ ߞߟߌ߫߸ ߞߏ߫ ߓߍ߯ ߦߋ߫ ߛߌߦߊ߫ ߞߏ ߟߊߝߌ߬ߟߌ߫ ߊ߬ߟߎ߬ ߞߕߐ߫߸ ߓߍ߯ ߦߋ߫ ߝߙߊ߬ ߢߐ߲߮ ߞߊ߬ ߛߊ߫ ߖߡߊ߬ߣߊ ߘߌ߫ ߓߌ߬ߟߊ߫ ߛߊ߬ߙߌ߬ߦߊ ߞߣߐ߫.

ߊ߬ ߟߊ߫ ߞߎߡߊ ߟߊߓߊ߲ ߘߐ߫߸ ߞߵߊ߬ ߦߌ߬ߘߊ߬ ߞߏ߫ :<<ߣߴߊ߬ ߘߌߦߊ߫ ߘߴߊߟߊ߫ ߦߋ߫߸ ߓߍ߯ ߓߊ߯ ߝߙߊ߬ ߢߐ߲߮ ߞߊ߲߬߸ ߊ߲ ߘߌ߫ ߛߋ߫ ߖߡߊ߬ߣߊ ߣߌ߲߬ ߓߐ߫ ߟߊ߫ ߡߐ߰ ߝߊ߰ߟߊ߬ ߞߙߎ ߢߌ߲߬ ߠߎ߬ ߓߟߏ߫ ߝߋߎ߫.>> ߞߊ߬ߙߊ߲߬ߝߊ ߊߟߌߝߊ߫ ߞߐ߲ߘߍ߫ ߟߊ߫ ߞߎߡߊ ߟߋ߬ ߣߌ߲߬ ߓߍ߯ ߘߌ߫.

ߞߊ߬ߝߏ߬ ߖߊߛߏ߲ ߞߍ߫ ߘߴߊ߬ ߟߊ߫ ߂߀߂߁ ߕߎߟߊߝߌ߲ ߕߟߋ߬ ߅ ߟߋ߬ ߡߊ߬߸ ߊߟߌߝߊ߫ ߞߐ߲ߘߍ߫ ߟߊߥߟߏ ߞߐߝߍ߬ ߛߊ߲߬ ߣߊ߯ߣߌ߲߫߸ ߊ߬ ߛߐ߲߬ߣߍ߲߬ ߕߍ߫ ߞߊ߲ߕߌ߯ ߞߘߐߡߊ ߡߐ߬ߟߐ߲ ߡߊ߬ ߡߎߣߎ߲߬ ߝߋߎ߫، ߊ߬ ߟߊ߫ ߗߋߛߓߍ ߘߐ߫ ߞߏ߲ߓߌߕߌ߮ ߕߟߋ߬ ߁߭ ߡߊ߬߸ ߊ߬ ߞߵߊ߬ ߟߊ߫ ߞߎߡߊ ߟߊߓߊ߲߫ ߞߏ߫ ߟߋ߬ ߞߏ߫: <<ߞߊ߬ߙߊ߲߬ߝߊ ߊߟߌߝߊ߫ ߞߐ߲ߘߍ߫߸ ߞߊ߲ߓߍ߲ ߞߊ߲ߕߌ߮>> ߞߊ߬ߙߊ߲߬ߝߊ ߦߴߊ߬ ߖߌ߰ ߟߊ߫ ߟߋ߬ ߤߊ߲߯ ߕߋ߲߬ ߡߎߣߎ߲߬߸ ߞߏ߫ ߊ߬ߟߋ ߟߋ߬ ߖߡߊ߬ߣߊ ߞߊ߲ߕߌ߮ ߘߌ߫ ߝߋߎ߫.

ߊ߬ ߟߊ߫ ߕߎߡߊ ߣߌ߲߬ ߘߐ߫߸ ߖ.ߡ.ߟ ߞߟߐ߬ߟߐ߬ߓߊ ߛߌ߲ߘߌߓߊ߮ ߞߵߊ߬ ߞߍ߫ ߟߋ߬ ߦߏ߫ ߊ߬ߟߋ ߟߋ߬ ߖߡߊ߬ߣߊ ߝߊ߲߬ߞߊ߬ ߛߊ߲ߘߐߕߊ ߕߌ߱ ߘߌ߫ ߡߎߣߎ߲߬ ߝߋߎ߫، ߊ߬ ߞߊ߲߫ ߞߏ߫: <<ߖߌ߬ߣߍ߬ ߕߍ߫ ߡߐ߰ ߞߋߟߋ߲߫ ߛߌ߫ ߟߊ߫ ߛߊ߲߬ߜߊ߲߬ ߘߌ߫، ߊ߬ ߦߋ߫ ߖߌ߬ߣߍ߬ߞߊ ߟߎ߫ ߟߋ߬ ߕߊ ߘߌ߫، ߊ߬ ߖߡߊ߬ߣߊ߬ߘߋ߲ ߏ߬ ߟߎ߫ ߟߋ߬ ߡߐ߰ ߟߊߛߌ߰ ߟߴߊ߬ߟߎ߫ ߞߎ߲߬ߠߊ߬߸ ߊ߬ߟߎ߬ ߓߊ߯ ߡߍ߲ ߛߎߥߊ߲ߘߌ߫.>> ߊ߬ ߞߵߏ߬ ߟߋ ߝߐ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ ߦߋ߫ ߞߟߌߟߌ ߞߍ߫ ߟߊ߫ ߡߍ߲ ߡߊ߬߸ ߏ߬ ߟߋ ߓߍ߯ߦߊ ߟߊߛߊ߬ߦߌ߲ ߘߌ߫ ߖߡߊ߬ߣߊ ߞߣߐ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.