ߊ߬ ߛߋ߲߬ߢߊ߬ ߝߟߐ ߟߋ߬ ߛߊ߬ߥߎ߬ߘߌߦߊ ߞߎߓߋߘߊ ߟߊ߫ ߙߌ߬ߦߊߘ ߞߣߐ߫ ߕߋ߲߬߸ ߡߌ߲߬ߓߏ߲ ߦߋ߫ ߟߊߞߊ߬ ߦߋ߲߬ ߘߋ߲ߡߌߛߍ߲ ߠߎ߬ ߢߣߊߜߍ߫ ߞߊ߲ߡߊ߬ ߞߏ߫ ߞߎߘߊ ߟߎ߬ ߟߊ߫߸ ߓߊ߬ߙߌ߬ ߘߐ߬ߟߐ ߟߊߕߐ߲ ߛߊ߬ߙߌ߬ߦߊ ߕߍ߫ ߡߊߛߐ߬ߛߐ߬ ߟߊ߫ ߘߋ߬߸ ߓߊߏ߬ ߡߊ߲߬ߛߊ߬ߟߊ ߞߵߏ߬ ߟߊߕߐ߲߫ ߠߋ߬ ߞߊ߬ߦߌ߯.

ߡߊ߲߬ߕߏ߲߬ߕߍ߬ ߡߌ߲ߓߏ߲ ߘߏ߫ ߓߘߊ߫ ߟߐ߬ ߛߊ߬ߥߎ߬ߘߌߦߊ ߞߎߓߋߘߊ ߟߊ߫ ߙߌ߬ߦߊߘ߸ ߕߏ߬ߟߊ߲ ߠߎ߬ ߘߌ߫ ߛߋ߫ ߘߐߜߍ߫ ߟߴߊ߬ ߞߣߐ߫ ߖߌ߬ߦߊ߬ߞߊ߲߬ߓߊ ߟߎ߬ ߟߊ߫߸ ߕߌ߬ߦߊ߬ߓߊ ߟߎ߬ ߘߌ߫ ߛߐ߬ߘߐ߲߫ ߦߋ߲߬߸ ߊ߬ ߣߌ߫ ߝߋ߲߫ ߛߌߦߊߡߊ߲߫ ߜߘߍ߫ ߟߎ߫߸ ߏ߬ ߓߘߊ߫ ߞߍ߫ ߞߏߓߊ߫ ߘߌ߫ ߙߌ߬ߦߊߘ ߞߣߐ߫ ߕߋ߲߬، ߊ߬ߟߋ ߣߌ߫ ߕߐ߭ ߟߎ߬ ߓߐߣߍ߲߫ ߢߐ߲߮ ߡߊ߬ ߞߏ ߡߍ߲ ߠߎ߬ ߘߐ߫߸ ߏ߬ ߟߎ߬ ߝߟߍ߫: ߢߐ߬ߘߟߐ ߟߋ߬ ߡߌ߲߬ ߠߊ߫ ߦߋ߲߬ (ߓߌߦߍߙ)߸ ߓߊ߬ߙߌ߬ ߘߊ߲ߘߊߟߌ߲߫ ߕߴߊ߬ ߘߐ߫ (ߊߟߑߞߐߟ)، ߞߊ߬ߦߌ߯ ߞߏ߲ߞߏߘߓߌ߫ ߕߊ߬ߡߌ߲߬ߣߍ߲ ߠߋ߬ ߟߊ߫߸ ߊ߬ߟߋ߬ ߡߌ߲߬ߓߏ߲ ߕߐ߯ߟߊ߫ ߘߴߊ߬ߟߎ߬ ߓߟߏ߫ ߊߘߎߖ߭ (A12) ߊ߬ߟߎ߬ ߓߘߊ߫ ߣߊ߬ ߞߓߊߞߏ߫ ߛߌߦߊߡߊ߲߫ ߘߌ߫ ߛߊ߬ߥߎ߬ߘߌߦߊ ߟߊ߫߸ ߘߐ߬ߟߐ ߡߌ߲߭ ߠߊߕߐ߲ߣߍ߲߫ ߦߋ߲߬ ߡߍ߲ ߘߐ߫ ߞߊ߬ߦߌ߯ ߁߉߅߀ ߛߊ߲߭ ߠߊ߫.

ߡߌ߲߬ߓߏ߲ ߣߌ߲߬ ߓߘߊ߫ ߞߍ߫ ߦߙߐ߫ ߟߋ߬ ߘߌ߫ ߛߊ߬ߥߎߘߌߦߊ ߟߊ߫ ߕߋ߲߬߸ ߘߋ߲ߡߌߛߍ߲ ߦߙߌߞߊ ߦߋ߫ ߥߊ߫ ߟߊ߫ ߦߙߐ ߡߍ߲ ߘߐ߫߸ ߊ߬ ߓߘߊ߫ ߞߍ߫ ߕߌߞߑߕߐߞ ߞߍ߫ ߦߙߐ ߘߌ߫߸ ߊ߬ ߣߌ߫ ߞߊ߬ ߖߌ߬ߦߊ ߟߎ߬ ߕߊ߬ ߞߵߊ߬ߟߎ߬ ߟߊߕߊ߯ ߍ߲ߛߑߕߊߜ߭ߙߊߡ ߞߊ߲߬، ߊߓߑߘߊ߬ߟߊ߫ ߌ߬ߛߑߟߊߡ߸ ߊ߬ߟߋ ߟߋ߬ ߡߌ߲߬ߓߏ߲ ߣߌ߲߬ ߡߙߊ߬ߓߊ߮ ߘߌ߫߸ ߊ߬ ߞߊ߲߫ ߞߏ߫: <<ߞߏߖߎ߯ ߜߘߍ߫ ߝߏߦߌ߬ ߜߘߍ߫ ߞߍ߫ ߟߊ߫ ߦߊ߲߬߸ ߡߍ߲ ߘߌ߫ ߞߢߊ߬ ߟߊߖߍ߲ߛߍ߲߫ ߠߊ߫، ߏ߬ ߟߋ ߘߐ߫߸ ߊ߬ ߞߏ ߟߎ߬ ߦߋ߫ ߟߊߕߊ߯ ߟߊ߫ ߘߍ߬ߞߙߏߝߏ ߟߎ߫ ߞߊ߲߬.>>

ߘߋ߲ߡߌߛߍ߲߫ ߜߊ߲߰ߛߊ߲߫ ߠߋ߬ ߥߊ߫ ߟߊ߫ ߦߋ߲߬߸ ߊ߬ ߞߎ߲ߝߊ߲ ߦߋ߫ ߡߐ߰ ߛߌߦߊߡߊ߲߫ ߠߊ߫߸ ߓߊ߬ߙߌ߬ ߘߌ߯ߣߊ ߕߊ߬ߣߊ ߘߌ߫ ߛߋ߫ ߞߍ߫ ߟߴߊ߬ ߘߐ߫، ߏ߬ ߟߋ ߘߐ߫߸ ߘߋ߲ߡߛߏߣߍ߲߫ ߛߊ߲߬ ߁߈ ߘߏ߫ ߞߵߊ߬ ߦߌ߬ߘߊ߬߸ ߊ߬ߟߋ ߞߎ߲߭ ߡߊߛߎ߬ߕߙߊ߬ߣߍ߲߫ ߠߋ߬ ߕߍ߬ߘߍ߫ ߞߌ߬ߡߊ߬ߙߏ ߟߊ߫߸ ߊ߬ ߟߊ߫ ߞߎߡߊ߫ ߘߐ߫: <<ߞߵߊ߬ ߝߐ߫ ߌ ߘߊ ߟߊ߫ ߞߏ߫ « ߓߌߦߍߙ »߸ ߏ߬ ߘߌ߫ ߡߐ߰ ߖߎ߬ߛߎ ߟߊߓߐ߫ ߞߵߌ ߛߌߟߊ߲߫ ߦߊ߲߬ ߢߍ߫، ߓߊ߬ߙߌ߬ ߕߎ߬ߢߊ ߦߋ߫ ߡߍ߲ ߘߌ߫߸ ߊ߬ ߦߋ߫ ߛߐ߲߬ߛߎ߬ߡߊ߬ ߝߋ߲ ߠߋ߬ ߘߐߙߐ߲߫ ߘߌ߫߸ ߊ߬ ߣߌ߫ ߘߐ ߏ߬ ߕߍ߫ ߞߋߟߋ߲߫ ߘߌ߫.>> ߊ߬ߟߎ߬ ߟߊ߫ ߝߋ߲߫ ߛߌ߫ ߦߋ߫ ߡߌ߲߬ߓߏ߲ ߞߣߐ߫ ߦߋ߲߬߸ ߘߟߐ߬ ߕߴߊ߬ ߛߌ߫ ߘߐ߫߸ ߊ߬ ߓߍ߯ ߘߊ߲ߘߊߟߌ߲߫ ߞߏ ߦߋ߫ %߀.߀ ߠߋ߬ ߘߌ߫، ߊߟߋߡߊ߲ߘߎ߯ߞߊ ߟߎ߬ ߟߊ߫ ߓߌߦߍߙ ߘߏ߫ ߟߵߊ߬ߟߎ߬ ߓߟߏ߫ ߦߋ߲߬߸ ߊ߰ ߝߐ߫ ߟߊ߫ ߓߌߦߍߙ ߛߘߊߡߓߊ ߡߍ߲ ߡߊ߬ ߞߏ߫ ߥߊߙߑߕߋߣߍߙ.

ߥߎ߬ߘߊ߲ ߡߍ߲ ߦߋ߬߸ ߌ ߓߊ߯ ߛߋ߫ ߦߋ߲߬ ߊ߬ ߘߌ߫ ߞߴߌ ߢߣߊ߫ ߞߴߌ ߓߘߊ߫ ߛߋ߫ ߔߊ߬ߙߌ߬ ߥߟߊ߫ ߓߍߙߑߟߍ߲߫߸ ߤߊߟߌ߬ ߣߴߊ߬ ߛߐ߬ߘߐ߲߬ ߘߊ߫ ߞߏ߫ ߛߊ߬ߙߌ߬ߦߊ ߟߎ߬ ߘߐߖߊ߬ߣߍ߲߬ ߜߘߋߜߘߋ߫، ߊߙߊߓߌ߫ ߛߊߥߎߘߌߕ ߞߣߐ߫߸ ߘߐ߬ߟߐ ߟߊߡߊ߬ߙߊ ߓߊ߬߸ ߊ߬ ߡߌ߲߭ ߓߊ߬߸ ߏ߬ ߟߊߕߐ߲ߣߍ߲߫ ߠߋ߬ ߦߋ߲߬ ߜߘߋߜߘߋ߫، ߊ߬ ߖߍ߬ߘߍ߸ ߓߌ߲߬ߓߊ߬ߥߏ߬ ߜߍߟߍ߲ ߠߋ߬ ߦߴߊ߬ ߘߊ ߝߍ߬߸ ߣߌ߫ ߟߏ߲ߟߊ߲ ߝߊ߲߭ ߞߵߊ߬ ߞߍ߫߸ ߌ ߦߋ߫ ߜߍ߲߫ ߠߴߊ߬ߟߎ߬ ߟߊ߫ ߖߡߊ߬ߣߊ ߞߣߐ߫ ߟߋ߬ ߝߊߦߌߘߊ߫، ߏ߬ ߟߋ ߞߏߛߐ߲߬߸ ߡߐ߰ ߞߋ߲߬ߥߟߎ߬ ߃߅ ߡߍ߲ ߦߋ߲߬ ߛߌ߰ߓߊ߮ ߘߌ߫߸ ߣߌ߲߬ ߞߏ ߤߊߡߌ߲ ߦߴߊ߬ ߛߌߦߊߡߊ߲߫ ߠߊ߫.

ߣߴߌ ߞߵߊ߬ ߡߊߝߟߍ߫߸ ߂߀߂߄ ߓߌ߲ߠߊߥߎߟߋ߲ ߠߊ߫߸ ߡߌ߲߬ߕߊ߫ ߘߟߐ߬ߡߊ ߟߎ߫ ߝߋ߬ߙߋ ߟߊߘߤߊ߬ ߘߊ߫ ߕߍߓߊ߯ߦߟߊ߫ ߛߌ߬ߟߡߊ߬ߕߍ ߟߎ߬ ߦߋ߫߸ ߖߊ߲߬ߕߏ߬ ߞߍߣߍ߲߫ ߏ߬ ߞߏ ߘߐ߫ ߞߏߛߓߍ߫، ߖߊ߬ߡߊ ߕߐ߭ ߦߋ߫ ߛߊ߫߸ ߡߙߌߦߊ߫ ߛߌ߫ ߡߊ߫ ߦߌ߬ߘߊ߬ ߡߎߣߎ߲߬ ߡߍ߲ ߘߌ߫ ߞߍ߫ ߛߌߟߊ ߟߊߞߊ߭ ߘߌ߫ ߓߍ߯ ߦߋ߫ ߘߟߐ߬ ߞߏ ߘߐ߫، ߤߊߟߌ߬ ߣߴߊ߬ ߛߐ߬ߘߐ߲߬ ߘߊ߫ ߞߏ߫ ߖߊ߯ߓߊ߫ ߖߌߟߊߝߍ ߓߍߣߊ߬ ߕߊ߲߫ ߦߋ߲߬ ߂߀߃߄ ߠߊ߫، ߘߋ߲ߡߌߛߍ߲ ߘߏ߫ ߞߵߊ߬ ߦߌ߬ߘߊ߬ ߞߏ߫ <<ߖߊ߬ߡߊ ߣߊ߬ ߘߊ߫ ߢߊ߫ ߛߌ߫ ߡߊ߬߸ ߘߟߐ߬ߡߌ߲ ߕߌߣߊ߬ ߟߊߘߤߊ߬ ߟߊ߫ ߡߐ߰ ߛߌ߫ ߦߋ߫߸ ߊ߲ ߖߍ߬ߘߍ ߕߴߊߟߊ߫ ߕߙߊ߫ ߟߴߏ߬ ߟߊ߫.>>

ߊߙߊߓߌ߫ ߛߊߥߎߘߌߕ ߝߊ߰ߡߊ ߟߎ߬ ߟߊ߫ ߞߎ߲߬ߠߊ߫߸ ߘߐ߬ߟߐ ߟߊߕߐ߲ ߓߘߊ߫ ߞߍ߫ ߊ߬ߟߎ߫ ߡߊ߬ ߛߋ߲ߛߋߘߋ߲ ߘߌ߫ ߊ߬ߟߎ߬ ߕߐ߮ ߟߋ߬ ߖߍ߬ߘߍ ߡߞߊߘߊ߲ ߡߊ߬ ߛߍߣߍ߲߬߸ ߛߴߊ߬ߟߎ߬ ߞߊߣߊ߬ ߡߊߣߐ߯: ߓߊߏ߬ ߊ߬ߟߎ ߟߋ߬ ߦߋ߫ ߛߌ߬ߟߡߊ߬ߦߊ߬ ߘߌ߯ߣߊ ߟߊߕߊ߲߬ߞߊ߬ߓߊ߰ ߝߟߐߝߟߐ ߘߌ߫߸ ߊ߬ ߣߌ߫ ߘߎߢߊ߫ ߛߌ߬ߟߡߊ߬ ߞߎ߲ߕߌ߮ ߘߌ߫، ߊ߬ߟߎ߬ ߟߊ߫ ߡߊ߲߬ߛߊ߬ߘߋ߲ ߡߍ߲ ߦߋ߫ ߞߏ ߓߍ߯ ߘߊߞߎ߲ ߘߐ߫ ߕߏߟߏ߲߫ ߞߏ ߟߎ߬ ߣߌ߫ ߞߎ߲ߝߊ߲ߓߐߟߌ ߟߎ߬ ߣߌ߫ ߞߏߢߊߓߐ ߟߎ߬ ߘߐ߫߸ ߏ߬ ߡߊ߫ ߘߟߐ߬ ߞߏ ߓߌ߬ߟߴߊ߬ ߟߊ߫ ߞߏ ߟߎ߬ ߢߍߝߍ߬ ߡߎߣߎ߲߬، ߒ߹ ߊ߫߹

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.