ߊߙߊߓߌ߫ ߛߊߥߎߘߌߕ ߞߎ߲߬ߠߊ߬ߛߌ߮ ߟߎ߫ ߣߐ߬ ߡߐ߰ ߥߐߙߐ߲ߝߌ߬ߟߊ߫ ߟߋ߬ ߖߊ߲߬ߞߌ߲߬ ߠߊ߫ ߝߊ߰ߟߌ ߓߌ߲߬ߓߊߥߏ ߟߊ߫߸ ߓߌ߲߬ߘߌ߬ߓߊ߲߬ߘߊ߲߬ ߞߏ ߞߏߛߐ߲߬، ߏ߬ ߟߎ߫ ߟߋ߬ ߛߊ߲ߞߎ߲߫ ߘߊ߫ ߞߎߣߎ߲߬ ߞߊ߯ߙߌ߸ ߂߀߂߆ ߞߏ߲ߞߏߘߓߌ ߕߟߋ߬ ߁߂ ߡߊ߬߸ ߙߌ߬ߦߊߘ ߕߌ߲߬ߞߎߘߎ߲ ߘߐ߫، ߏ߬ ߟߊߛߋ߫ ߘߊ߫ ߖߡߊ߬ߣߊ ߞߌ߬ߓߊ߬ߙߏ߬ߘߊ߬ߓߊ ߟߊ߫ ߟߋ߬ ߟߊ߫، ߞߊ߬ߕߎ߲߯߸ ߡߐ߰ ߥߐߙߐ߲ߝߌ߬ߟߊ ߏ߬ ߟߎ߬ ߓߍ߯ ߟߋ߬ ߞߕߌ߫ ߘߊ߫߸ ߞߵߊ߬ ߦߋ߫ ߞߏ߫ ߊ߬ߟߎ߫ ߞߊ߬ ߓߌ߲߬ߘߌߓߊ߲߬ߘߊ߲ ߡߛߐߙߋ߲ ߘߏ߫ ߟߎ߫ ߟߋ߬ ߟߊߘߏ߲߬ ߡߊ߲߬ߛߊ߬ߟߊ ߞߣߐ߫ (ߊ߲ߝߋߕߊߡߌߣ).

ߡߐ߰ ߛߌߦߊߡߊ߲߫ ߝߊ߰ ߢߊ߬ ߛߎ߮ ߡߍ߲ ߦߋ߫ ߣߌ߲߬߸ ߏ߬ ߦߋ߫ ߞߍ߫ ߟߊ߫ ߓߊߟߋ߬ ߛߎ߰ߘߎ߬ߟߊ߫ ߖߡߊ߬ߣߊ ߞߣߐ߫، ߞߊ߬ߕߎ߲߯߸ ߞߊ߬ߦߌ߯ ߖߊ߬ߕߋ߬ߓߐ ߘߊߡߌ߬ߣߊ߬ ߘߊ߫ ߡߐ߰ߦߊ ߤߊߞߍ߫ ߡߞߊߘߊ߲ߘߊ ߓߟߏ߫ ߁߉߉߀ ߟߊ߫߸ ߂߀߂߅ ߛߎ߯ ߡߊ߫ ߞߍ߫ ߡߐ߰ ߝߊ߮ ߘߐ߫ ߛߎ߰ߘߎ߬ߟߊ߫߸ ߡߍ߲ ߠߎ߬ ߘߎ߲߫ ߘߊ߫ ߞߵߊ߬ߟߎ߫ ߝߊ߰ ߞߊ߬ߣߌ߲߬، ߓߊߏ߬߸ ߛߊ߲߬ ߞߋߟߋ߲ ߏ߬ ߟߊ߫߸ ߡߐ߰ ߃߅߆ ߟߋ߬ ߝߊ߰ ߘߊ߫، ߡߐ߰ ߗߡߍ߬ ߟߏ߯ߟߎ߫ ߣߌ߫ ߞߐ ߏ߬ ߘߐ߫߸ ߡߐ߰ ߂߄߃ ߓߍ߯ ߓߌ߬ߟߊ߬ ߘߊ߫ ߝߊ߰ߟߌ ߓߌ߲߬ߓߊߥߏ ߞߘߐ߫ ߝߋ߲߫ ߞߙߌߞߙߊ ߟߎ߬ ߟߊߘߏ߲߬ ߞߏ ߟߋ߬ ߘߐ߫ ߡߊ߲߬ߛߊ߬ߟߊ ߞߣߐ߫.

ߞߊ߬ߦߌ߯ ߂߀߂߃ ߟߋ߬ ߟߊ߫߸ ߛߎ߰ߘߎ߬ߟߊ߫ ߝߊ߰ߡߊ ߟߎ߫ ߞߵߊ߬ߟߎ߫ ߝߊ߲߬ߞߊ߬ ߓߊ߲ ߘߊߡߌ߬ߣߊ߫ ߓߌ߲߬ߘߌߓߊ߲߬ߘߊ߲ ߠߎ߬ ߞߍ߬ߟߍ ߟߊ߫߸ ߡߐ߰ ߛߌ߫ ߛߐ߲߭ ߓߊ߯ ߦߴߊ߬ ߘߐ߫߸ ߞߊ߬ ߕߍ߮ ߞߍ߫ ߊ߬ߟߎ߬ ߘߐ߫، ߊ߬ ߕߌ߯ߕߌ߯ ߖߍ߬ߘߍ߸ ߊ߬ߟߎ߬ ߦߴߊ߬ ߝߐ߫ ߟߊ߫ ߡߍ߲ ߡߊ߬ ߦߋ߲߬ ߞߏ߫ "ߞߊߔߑߕߊߜ߭ߐ߲"߸ ߏ߬ ߡߍ߲ ߦߋ߫ ߝߙߋ߬ ߟߊ߫ ߕߟߋ߬ߓߐ ߕߍߡߟߊ ߘߐ߫ ߦߋ߲߬ ߞߊ߬ ߛߌߦߊߦߊ߫.

ߛߎ߰ߘߎ߬ߟߊ߫ ߝߐ߰ߓߍ߬ߘߊ ߟߎ߬ ߟߊ߫ ߝߐߟߌ߫ ߘߐ߫߸ ߡߐ߰ ߥߐߙߐ߲ߝߌ߬ߟߊ ߡߍ߲ ߠߎ߬ ߖߊ߲߬ߞߌ߬ߣߍ߲߫ ߣߌ߲߬ ߞߵߊ߬ߟߎ߫ ߝߊ߰߸ ߊ߬ߟߎ߬ ߦߋ߫ ߓߌ߲߬ߘߌߓߊ߲߬ߘߊ߲ ߡߛߐߙߋ߲ ߠߋ߬ ߕߊ߬ ߟߊ߫ ߞߊ߬ ߣߵߊ߬ ߝߙߋ߬ ߖߡߊ߬ߣߊ ߞߣߐ߫، ߊ߬ߟߎ߬ ߞߊ߲߫ ߌߞߐ߫ ߞߏ߫ <<ߝߊ߰ߟߌ ߓߌ߲߬ߓߊߥߏ ߕߊ߬ ߘߊ߫ ߛߊ߬ߥߏ߬ߦߊ߬ ߓߟߏ ߟߋ߬ ߡߵߊ߬ ߞߍߓߊ߮ ߟߎ߬ ߞߊ߲ߡߊ߬>> ߊ߬ߟߎ߫ ߡߐ߰ ߟߏ߯ߟߎ ߕߎ߲߬ ߦߋ߫ ߓߐ߫ ߟߊ߫ ߛߎ߰ߘߎ߬ߟߊ߫ ߦߋ߲߬ ߠߋ߬߸ ߊ߬ ߕߐ߬ ߡߐ߰ ߝߌ߬ߟߊ ߛߊ߫߸ ߏ߬ ߟߎ߬ ߦߋ߫ ߓߐ߫ ߟߊ߫ ߖ߭ߐߙߑߘߊߣߌ߫ ߟߋ߬.