ߊ߲߬ߜ߭ߌߟߋ ߟߎ߬ ߟߊ߫ ߝߌ߬ߙߌ߲߬ߕߊ߬ߥߏ߬ߟߌ߬ߟߊ ߡߊߙߑߞߎ߳ߛ ߙߊߝߐߙ ߓߘߊ߫ ߛߋ߫ ߓߊߙߑߛߋߟߐߣ߸ ߛߌ߲ߞߊߟߌ ߛߌߟߊ ߝߍ߬ ߘߐ߬ߝߊ߬ߟߋ߲߬ ߞߋߟߋ߲߫ ߞߊ߲ߡߊ߬߸ ߡߍ߲ ߘߌ߫ ߛߋ߫ ߟߊߓߊ߲߫ ߠߊ߫ ߛߊ߲߬ߠߌ߲ ߡߊ߬ ߋߙߏ ߞߋ߲߬ߥߟߎ߬ ߃߀ ߟߊ߫ (ߣߴߏ߬ ߞߊ߬ ߓߊߙߑߛߊ ߘߌߦߊ߫)، ߞߎߡߊ ߣߌ߲߬ ߝߐ߫ ߘߊ߫ ߓߌ߬ ߞߐ߬ߓߊ߬ߟߏ߲ ߢߌ߲߬ ߠߋ߬ ߡߊ߬ Associated Press ߖߋ߬ߕߌ߰ߘߊ ߓߟߏ߫.

ߙߊߛߑߝߐߙ ߛߊ߲߭ ߂߇ ߣߌ߲߬ ߡߊ߬߸ ߊ߬ ߓߘߊ߫ ߛߋ߫ ߓߊߙߑߛߋߟߐߣ ߊ߬ ߟߊ߫ ߟߕߊ߬ߡߌ߲߬ߡߊ߬ߟߌ ߞߎ߲߭ߝߊ߰ ߞߊ߲ߡߊ߬߸ ߊ߬ ߟߊ߫ ߕߏ߬ߟߊ߲߬ߕߊ߲ ߝߊ߲߬ߓߊ ߞߍߣߍ߲ ߞߐߝߍ߬ ߡߊ߲ߗߍߛߑߕߍߙ ߦߎ߬ߣߊߦߌߕߌ߬߸ ߊ߬ ߞߊ߬ ߕߎ߬ ߁߃߈ ߘߏ߲߬ ߦߋ߲߬ ߡߍ߲ ߘߐ߫ ߓߌ߬ߟߊ߬ߢߐ߲߰ߠߊ߫ ߄߂߉ ߘߐ߫߸ ߞߊ߬ ߓߊ߲߫ ߞߊ߬ ߞߐ߲ߘߐ߲߫ ߓߟߋߓߟߋ߫ ߟߏ߯ߟߎ߫ ߕߊ߬߸ ߊ߲߬ߜ߭ߌ߬ߟߋ߬ߘߎ߯ ߕߏ߬ߟߊ߲߬ߕߊ߲ ߘߍ߭ ߟߊ߫ ߖߌߟߊߝߍ߫ ߝߌ߬ߟߊ߬ ߦߴߊ߬ ߓߟߏ߫ (ߍߝ.ߖߊ ߞߎߔ)߸ ߊ߬ ߣߌ߫ ߟߌߜ߭ ߋߙߏߔߊ߫ ߞߋߟߋ߲߫.

ߟߕߊ߬ߡߌ߲߬ߡߊ߬ߟߌ ߣߌ߲߬ ߦߋ߫ ߊ߲߬ߜ߭ߌ߬ߟߋ ߟߎ߬ ߟߊ߫ ߡߊ߲߬ߕߏ߲߬ߕߍ߬ߟߊ߬ߞߊ ߦߌ߬ߘߊ߬ߞߏ ߟߎ߬ ߘߌ߫ ߘߎߢߊ߫ ߟߊ߫ ߞߏߞߎߘߊ߫߸ ߊ߬ߟߋ ߡߍ߲ ߕߘߍ߬ ߋߙߐߔߎ߬ ߕߏ߬ߟߊ߲ ߖߌ߰ ߓߟߋߓߟߋ ߘߏ߫ ߘߌ߫ ߥߊ߯ߕߌ߫ ߕߊ߬ߡߌ߲߬ߣߍ߲ ߠߎ߬ ߘߐ߫߸ ߓߊ߬ߙߵߊ߬ ߡߊ߲߬ߞߊ߲ ߕߎ߲߬ ߓߘߊ߫ ߕߎߣߎ߲߫ ߛߊ߲߬ ߘߊ߲ߘߐ ߣߌ߲߬ ߞߣߐ߫߸ ߞߵߊ߬ ߟߊ߫ ߞߏ ߖߌ߰. ߊ߬ ߞߊ߬ ߘߐ߬ߝߊߟߋ߲߫ ߕߊ߬ߡߌ߲߬ߣߍ߲ ߞߍ߫ ߛߌ߲ߞߊߟߌ ߟߋ߬ ߘߊߞߘߐ߫ ߊߛߑߕߐ߲߫ ߝ߭ߌߟߊ߸ ߊ߬ ߞߊ߬ ߕߎ߬ ߣߊ߯ߣߌ߲߫ ߠߋ߬ ߘߏ߲߬ ߓߌ߬ߟߊ߬ߢߐ߲߰ߠߊ߬ ߁߇ ߘߐ߫ ߦߋ߲߬، ߊ߬ ߛߋ ߛߌ߬ߕߌ߸ ߊ߬ ߞߊ߬ ߘߐ߬ߝߊߟߋ߲߫ ߝߌ߬ߟߊ ߡߍ߲ ߞߍ߫ ߦߋ߲߬ ߞߐ ߢߌ߲߬ ߠߊ߫߸ ߊ߬ ߟߊ߫ ߟߊ߬ߘߏ߲߬ߕߊ ߘߐ߯ߦߊ߫ ߘߊ߫ ߟߋ߬ ߦߋ߲߬ ߝߣߊ߫ ߝߎߍ߲߫߸ ߓߊߏ߬߸ ߘߐ߬ߝߊߟߋ߲߫ ߝߌ߬ߟߊ ߏ߬ ߞߣߐ߫߸ ߊ߬ ߞߊ߬ ߕߎ߬ ߁߅ ߘߐߙߐ߲߫ ߠߋ߬ ߘߏ߲߬.

ߍߝ.ߛߋ ߓߊߙߑߛߋߟߐߣ ߞߊ߬ ߘߐ߬ߖߊ߬ߓߊ߫ ߟߋ߬ ߞߍ߫ ߘߐ߬ߝߊ߬ߟߋ߲߫ ߕߊ߬ߡߌ߲߬ߣߍ߲ ߘߐ߫߸ ߊ߬ ߟߊ߫ ߝߌ߬ߙߌ߲߬ߕߊ߬ߥߏ߬ߟߌ߬ߟߊ ߟߎ߫ ߞߊ߬ ߛߊ߭ ߟߊߓߐ߫ ߟߋ߬ ߞߏߛߓߍ߫، ߓߊߏ߬ ߊ߬ߟߎ߬ ߛߋ߫ ߘߊ߫ ߕߎ߬ ߁߀߂ ߟߊ߫ ߟߊ߫ ߟߌߜ߭ߊ ߘߐ߫߸ ߊ߬ ߞߊ߬ ߙߋ߬ߦߊߟ ߘߊ߲߬ ߕߎ߬ ߂߄ ߠߊ߫߸ ߏ߬ ߡߍ߲ ߦߴߊ߬ ߛߌ߬ߣߊ߬ ߓߟߋߓߟߋ ߘߏ߫ ߘߌ߫߸ ߞߊ߬ ߕߎ߬ ߄߃ ߝߣߊ߫ ߘߏ߲߬ ߟߌߜ߭ ߘߍ߬ ߛ߭ߊ߲ߔߌߦߐ߲ ߘߐ߫، ߒ߬ߓߊ߬ ߤߊߟߌ߬ߛߊ߫߸ ߓߊߙߑߛߊ ߦߴߊ߬ ߝߍ߬ ߞߵߊ߬ ߓߊ߲߲ߓߊ߲߫ ߠߋ߬ ߓߘߍߞߍ߭߸ ߞߊ߬ ߛߴߊ߬ ߖߘߍ߬ ߡߞߊߘߊ߲߫ ߠߊ߫ ߝߋߎ߫، ߏ߬ ߟߋ ߘߐ߫߸ ߊ߬ ߡߊ߬ߞߏ ߦߋ߫ ߙߊߛߑߝߐߙ ߟߊ߫߸ ߞߵߊ߬ ߟߊ߫ ߛߓߊ߬ߣߍ߲ ߠߎ߬ ߝߊ߲߬ߞߊߘߏ߲߬߸ ߣߊߟߌ߬ߡߎ߲߫ ߟߊ߬ߡߌߣ ߦߊ߬ߡߊߟ ߘߌ߫߸ ߊ߬ ߣߌ߫ ߙߊߝߌߣߊ߫ ߣߌ߫ ߙߏߓߍߙ ߟߋߥߊ߲ߘߐߥߛߑߞߌ߫.

ߛߌ߲ߞߊߟߌ ߣߌ߲߬ ߦߋ߫ ߓߍ߲߬ߒ߬ߛߋ߬ߡߊ߲߫ ߟߋ߬ ߘߌ߫߸ ߡߍ߲ ߘߌߡߊ߲߫ ߝߊ߲߭ ߝߌ߬ߟߊ ߓߍ߯ ߟߊ߫: ߊ߬ ߘߌ߫ ߞߍ߫ ߛߊߓߎ߫ ߘߊ߫ ߞߊ߬ ߙߊߛߑߝߐߙ ߟߊߥߟߌ߬ ߞߏߞߎߘߊ߫߸ ߊ߬ ߘߌ߫ ߓߊߙߑߛߊ ߝߣߊ߫ ߟߊ߫ ߡߐ߱ ߟߎ߬ ߘߝߊ߫ ߓߘߍߞߍ߭ ߞߵߊ߬ ߟߊߦߟߍ߬ ߓߍ߯ ߛߊ߲ߘߐ߫ ߋߙߐߔߎ߬ ߞߣߐ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.