߂߀߂߅ ߞߏߟߌ߲ߞߏߟߌ߲ ߕߟߋ߬ ߆ ߣߴߊ߬ ߇ ߞߊ߬ߝߏ߬ ߖߊߛߏ߲ ߞߍߒߞߊ߲ߠߌ߲ ߘߎ߰ߛߊ߬ߜߍ ߟߋ߬ ߡߊ߬߸ ߡߍ߲ ߠߊߥߟߌ߬ ߘߊ߫ ߞߊ߲ߕߌ߯ ߔߊ߬ߕߙߌߛ ߕߊߟߐ߲߫ ߠߊߥߟߏ ߡߊ߬ ߞߊ߬ߣߌ߲߬، ߕߍ߮ ߞߍ߫ ߘߊ߫ ߛ߭ߊ߬ߓߌ߫ ߦߊ߬ߦߌ߬ ߘߐ߫߸ ߏ߬ ߦߋ߫ ߞߊ߲ߕߌ߯ ߞߘߐ߫ ߓߏ߬ߣߌ߫ ߦߊ߬ߦߌ߬ ߘߋ߲ߞߍ߫ ߟߋ߬ ߘߌ߫߸ ߏ߬ ߡߌ߬ߣߊ ߓߘߊ߫ ߟߊ߲߬ߓߏ߲ ߠߊߘߏ߲߬ ߓߋߣߍ߲߫ ߞߣߐ߫، ߞߊ߬ߕߎ߲߯߸ ߢߊߢߌߣߌ߲ߠߌ߲ ߠߋ߬ ߦߴߌߘߐ߫ ߊ߬ ߣߐ߬ ߘߐ߫߸ ߞߏ߫ ߊ߬ ߓߘߊ߫ ߓߍ߲߬ߓߍ߲߬ߓߍ߲ ߕߐ߲߬ߕߍ߫ ߖߡߊ߬ߣߊ ߞߊ߲ߡߊ߬߸ ߏ߬ ߓߘߊ߫ ߝߊ߲߬ߞߊߛߌ߬ߣߊ ߟߎ߫ ߞߣߐ߬ߘߐߝߟߌ߬ ߡߎߣߎ߲߬ ߘߋ߬߸ ߞߊ߲ߕߌ߯ ߢߣߊߕߊߟߌ ߘߏ߲߬ ߦߴߊ߬ߟߎ߬ ߟߊ߫ ߖߡߊ߬ߣߊ ߞߣߐ߫ ߂߀߂߆ ߟߊ߫.

A man with a beard smiling, wearing a black shirt, standing in front of a simple white background, with text overlay that includes the name 'Chabi YAYI' and his title as 'Secrétaire aux Relations Extérieures du Parti Les Démocrates'.

ߛߊ߬ߓߌ߫ ߦߊ߬ߦߌ߬ ߡߍ߲ ߦߋ߫ ߓߋߣߍ߲ߞߊ ߟߎ߬ ߟߊ߫ ߞߊ߲ߕߌ߯ ߞߘߐ ߕߏߡߊߛ ߓߏ߬ߣߌ߫ ߦߊ߬ߦߌ߬ ߘߋ߲ߞߍ߫ ߘߌ߫߸ ߏ߬ ߡߌ߬ߣߊ߬ ߘߊ߫ ߟߋ߬ ߞߍ߲ߘߍߟߏ߲ ߛߎ ߞߏߟߌ߲ߞߏߟߌ߲ ߕߟߋ߬ ߇ ߞߵߊ߬ ߘߎ߰ߛߊ ߜߍ߫ ߞߊ߯ߙߌ ߟߊ߫ ߞߏߟߌ߲ߞߏߟߌ߲ ߕߟߋ߬ ߈، ߟߊ߬ߞߊ߲߬ߘߊ߬ߟߌ ߓߐߛߎ߲ ߘߏ߫ ߟߎ߫ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߊ߬ ߡߌ߬ߣߊ߬ߣߍ߲߫ <<ߓߍ߲߬ߓߍ߲߬ߓߍ߲ ߕߐ߲߬ߕߍ߬ ߞߏ ߟߋ߬ ߘߐ߫ ߖߡߊ߬ߣߊ ߞߊ߲ߡߊ߬>> ߊ߬ ߣߌ߫ <<ߛߌ߲߬ߝߏ߲߬ߘߊ ߟߎ߬ ߟߊߥߟߏ߫ ߞߏ ߢߊߢߌߣߌ߲>>߸ ߞߵߊ߬ ߦߌ߬ߘߊ߫ ߞߊ߬ߣߌ߲߬ ߞߏ߫ ߊ߬ ߛߋ߲߬ ߦߋ߫ ߞߊ߬ߝߏ߬ ߖߊߛߏ߲߫ ߝߘߏ߬ߣߍ߲ ߣߌ߲߬ ߘߐ߫.

ߣߊ߲߬ߕߌ߰ ߞߙߎ ߘߏ߫ ߟߎ߫ ߟߋ߬ ߞߵߊ߬ߟߎ߬ ߟߊߘߍ߬ ߡߙߎߕߌ߫ ߝߊߘߌ ߘߐ߫߸ ߣߴߊ߬ߟߎ߬ ߢߍߡߌ߬ߣߊ߬ߣߍ߲߫ ߕߘߍ߬ ߝߊߙߌ߲ ߘߊ߯ߕߌ߮ ߔߊߛߑߞߊߟ ߕߌߜ߭ߙߌ߬ ߓߟߏ߫߸ ߝߏ߫ ߞߊ߬ ߖߡߊ߬ߣߊ ߖߌ߬ߦߊ߬ߞߊ߲߬ߛߏ߬ߓߊ ߡߌ߬ߣߊ߬ ߞߵߊ߬ ߟߊߛߋ߫ ߦߋ߲߬ ߞߏ߫ ߊ߬ߟߎ߬ ߓߘߊ߫ ߞߊ߲ߕߌ߯ ߔߊ߬ߕߙߌߛ ߕߊߟߐ߲߫ ߠߊߥߟߏ߫߸ ߊ߬ ߣߌ߫ ߞߏ߫ ߊ߬ߟߎ߬ ߓߘߊ߫ ߣߊ߲߬ߕߌ߰ ߘߍߘߊ ߘߏ߫ ߛߌ߰ ߛߋ߲߬ߠߊ߫، ߒ߬ߓߊ߬߸ ߞߊ߬ߝߏ߬ ߖߊߛߏ߲ ߏ߬ ߟߋ ߞߍߣߍ߲߫ ߘߏ߲߬ߘߏ߲߬ߣߍ߲߬ߦߊ ߘߌ߫ ߞߵߊ߬ ߞߏ ߡߊߝߘߏ߬ ߌߞߘߐ߫ ߖߡߊ߬ߣߊ ߣߊ߲߬ߕߌ߰ ߞߊ߲ߞߋߟߋ߲ߕߌ߮ ߟߎ߬ ߓߟߏ߫߸ ߡߍ߲ ߠߎ߬ ߡߊߘߍ߬ߡߍ߲߬ ߘߊ߫ ߖߋ߬ߟߌ߬ߓߊ߬ߟߊ߫ ߣߊ߲߬ߕߌ߮ ߟߎ߬ ߣߌ߫ ߕߟߋ߬ߓߋ߬ ߊߝߙߌߞߌ߬ ߖߡߊ߬ߣߊ߬ ߜߘߍ߫ ߟߎ߫ ߣߊ߲߬ߕߌ߮ ߟߎ߬ ߓߟߏ߫߸ ߞߵߏ߬ ߟߊ߫ ߝߊ߬ߙߊ߲߬ߛߌ߫ ߞߊ߲߬߸ ߝߏ߫ ߊ߬ߟߎ߬ ߛߋ߫ ߘߊ߫ ߖߡߊ߬ߣߊ ߟߊߛߊ߬ߦߌ߲߬ ߠߊ߫ ߞߎ߲߬ߠߊ߬ߛߌ߮ ߕߍ߯ ߞߘߐ߫߸ ߤߊߟߌ߬ ߣߴߊ߬ ߦߋ߫ ߛߐ߬ߘߐ߲߬ ߞߏ߫ ߖߋ߬ߟߌ߬ ߛߌߦߊߡߊ߲߫ ߓߐ߫ ߘߊ߫߸ ߞߊ߬ ߣߌ߫ ߛߌߦߊߡߊ߲߫ ߕߏ߫ ߊ߬ ߘߐ߫ (ߡߍ߲ ߠߎ߬ ߝߐߓߊߟߌ ߦߋ߫).

ߒ߬ߓߊ߬߸ ߞߊ߬ߝߏ߬ ߖߊߛߏ߲ ߗߌߙߏ߲ ߞߐ ߟߋ߬ ߞߍߣߍ߲߫ ߖߐ߬ ߟߊ߬ߛߌ߮ ߘߌ߫ ߓߋߣߍ߲߫ ߞߎ߲߬ߠߊ߬ߛߌ߮ ߓߟߏ߫߸ ߞߊ߬ ߞߊ߬ߝߏ߬ ߖߊߛߏ߲ ߞߍߓߊ߮ ߟߎ߫ ߡߌ߬ߣߊ߬߸ ߊ߬ ߣߌ߫ ߛߌߞߊ߫ ߓߊ߯ ߞߍ߫ ߡߍ߲ ߠߎ߬ ߡߊ߬، ߏ߬ ߟߋ ߘߐ߫߸ ߣߊ߲߬ߕߌ߯ ߓߊ߬߸ ߣߊ߲߬ߒ߬ߕߊ߲߫ ߓߊ߬߸ ߣߴߊ߬ ߦߋ߫ ߘߊ߫ ߞߏ߫ ߌߟߋ ߦߴߊ߬ ߞߙߏ߬ߝߏ ߘߐ߫߸ ߕߍ߮ ߘߌ߫ ߞߍ߫ ߌ ߘߐ߫، ߤߊ߲߯ ߊ߲ ߞߏ߬ߣߌ߲ ߦߋ߫ ߦߙߐ ߡߍ߲ ߘߐ߫ ߕߋ߲߬߸ ߞߊ߬ߝߏ߬ ߖߊߛߏ߲ ߢߍߡߌ߬ߘߊ߬ߓߊ߮߸ ߝߊߙߌ߲ ߘߊ߯ߕߌ߮ ߔߊߛߑߞߊߟ ߕߌߜ߭ߙߌ߬ ߡߊ߫ ߡߌ߬ߣߊ߬ ߝߟߐ߫߸ ߊ߬ ߢߌߣߌ߲ ߦߴߌߘߐ߫ ߞߏߛߓߍ߫߸ ߘߏ߫ ߟߎ߫ ߖߍ߬ߘߍ ߦߴߊ߬ ߦߌ߬ߘߊ߬ ߟߊ߫ ߞߏ߫ ߊ߬ ߕߍ߫ ߓߋߣߍ߲߫ ߖߡߊ߬ߣߊ ߞߣߐ߫ ߏ߬ ߞߐ߫.

ߞߵߊ߬ ߓߍ߲߬ ߞߊ߬ߝߏ߬ ߖߊߛߏ߲ ߣߌ߲߬ ߞߏ ߟߊ߫ ߥߊ߬ߙߊ ߡߊ߬ ߛߊ߫߸ ߕߏߡߊߛ ߓߏ߬ߣߌ߫ ߦߊ߬ߦߌ߬ ߡߊ߫ ߕߏ߫ ߡߊ߬ߞߎ߲߬ ߘߐ߫، ߊ߬ ߞߊ߬ ߗߋߛߓߍ ߘߏ߫ ߟߊߖߍ߲ߛߍ߲߫ ߘߍ߬ߞߙߏߝߏ ߟߎ߫ ߞߊ߲߬߸ ߞߊ߲ߕߌ߯ ߞߘߐ ߞߵߊ߬ ߦߌ߬ߘߊ߬ ߞߏ߫ <<ߖߋ߬ߟߌ߬ ߟߊ߬ߓߐ߲߬ ߞߍߒߞߊ߲ߠߌ߲>> ߡߍ߲ ߟߐ߬ߣߴߊ߬ߟߎ߬ ߟߊ߫ ߖߡߊ߬ߣߊ ߡߊ߬߸ ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߦߋ߫ ߞߊ߲ߕߌ߯ ߔߊ߬ߕߙߌߛ ߕߊߟߐ߲߫ ߠߋ߬ ߞߊ߲߬ ߣߌ߲߬ ߞߏ ߘߐ߫ ߝߋߎ߫߸ ߊ߬ ߞߏ߫ ߊ߬ߟߋ ߦߋ߫ ߡߍ߲ ߞߊ߲߬߸ ߏ߬ ߟߋ ߛߋߓߊ߯ߦߊ ߕߊ߭ ߘߌ߫ ߢߣߊߕߊߟߌ ߘߐ߫߸ ߞߊ߬ߝߏ߬ ߖߊߛߏ߲ ߕߍ߫ ߝߋߎ߫.

ߓߊ߬ߙߌ߬߸ ߊ߬ ߘߋ߲ߞߍ ߡߌ߬ߣߊ ߡߍ߲ ߦߋ߫ ߣߌ߲߬ ߛߊ߫߸ ߏ߬ ߟߋ ߣߐ߬ <<ߓߍ߯ߦߊߟߞߊ ߟߎ߬>> ߟߊ߫ ߞߙߎߞߊ ߕߙߐ߫ ߟߊ߫، ߊ߬ߟߎ߫ ߞߊ߬ ߟߊ߬ߛߋ߬ߟߌ߬ ߛߓߍ ߡߍ߲ ߠߊߖߍ߲ߛߍ߲߫ ߞߏߟߌ߲ߞߏߟߌ߲ ߕߟߋ߬ ߇ ߡߊ߬߸ ߊ߬ߟߎ߫ ߞߊ߬ ߞߊ߬ߝߏ߬ ߖߊߛߏ߲ ߘߐߜߏߦߊ߫ ߟߋ߬߸ ߞߊ߬ ߓߊ߲߫ ߞߊ߬ ߕߊ߲߬ߘߏ߬ߟߌ ߟߊߛߋ߫ ߖߡߊ߬ߣߊ ߣߊ߲߬ߕߌ߮ ߟߎ߬ ߡߊ߬، ߡߌ߬ߣߊ߬ߟߌ ߢߌ߲߬ ߠߋ߬ ߣߐ߬ ߊ߬ߟߎ߫ ߟߐ߬ ߟߴߊ߬ ߓߛߌ߬ߞߌ߬ ߟߊ߫ ߛߊ߫߸ ߞߏ߫ ߢߣߊߕߐߡߐ߲ߠߌ߲ ߠߋ߬ ߓߘߊ߫ ߟߊߘߏ߲߬ ߓߘߍ߬ߓߘߍ߬ߟߌ ߘߐ߫߸ ߊ߬ߟߎ߫ ߛߋ߲߬ߓߐ ߦߴߏ߬ ߘߊ߬ߟߎ߬ ߘߐ߬ߜߍ ߘߏ߫ ߟߋ߬ ߘߌ߫ ߂߀߂߆ ߞߏ߲ߞߏߘߓߌ ߢߣߊߕߊߟߌ ߘߐ߫߸ ߞߵߏ߬ ߊ߬ߟߎ߬ ߡߊ߫ ߞߐߞߘߐߓߌ߲ߓߌ߲ߓߊ߯ ߛߐ߬ߘߐ߲߬߸ ߛߌ߰ߞߊ߲ ߞߕߌߖߌ߲ ߞߵߏ߬ ߟߋ ߞߍ߫ ߘߊ߬ߟߎ ߘߌ߫ ߞߵߊ߬ߟߎ߫ ߣߍ߰ߓߐ߬.

ߞߎ߲߬ߠߊ߬ߛߌ߮ ߞߊ߲߫ ߞߏ߫ ߊ߬ߟߎ߬ ߘߴߊ߬ߟߎ߬ ߕߍ߯ ߞߍ߫ <<ߖߡߊ߬ߣߊ߬ ߢߊ߰ߡߌ߲߬ߠߊ>> ߓߍ߯ ߘߐ߫߸ ߝߊ߲߬ߞߊߛߌ߬ߣߊ ߟߎ߬ ߞߊ߲߫ ߞߏ߫ ߞߎ߲߬ߊߠ߬ߛߌ߮ ߦߴߊ߬ ߝߍ߬ ߞߵߊ߬ ߘߏ߲߰ ߟߊ߬ߞߊ߲߬ߘߊ߬ߟߌ߬ ߞߏ ߢߌ߲߬ ߠߋ߬ ߞߕߐ߫ ߞߊ߬ ߞߏ ߟߎ߬ ߡߊߙߊ߲ߛߊ߫߸ ߞߊ߬ ߝߊ߲߬ߞߊߛߌ߬ߣߊ߫ ߝߊ߲߬ߞߊ߬ߡߊ ߟߎ߬ ߡߊߕߊ߯، ߏ߬ ߟߋ ߓߘߊ߫ ߣߊ߬ ߕߍ߰ߒ߬ߛߏ߬ߦߊ ߘߌ߫ ߕߋ߲߬߸ ߊ߬ ߣߌ߫ ߞߊ߬ ߓߍ߯ ߞߎߛߎ߲ߣߍ߲ ߕߏ߫ ߛߌߞߊ ߘߐ߫ ߦߋ߲߬ ߕߋ߲߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.