ߞߎߥߊ߲ߘߋߞߊ ߟߎ߬ ߟߊߞߎߣߎ߲߫ ߘߊ߫ ߛߎ߬ߣߐ߮ ߟߋ߬ ߘߐ߫ ߞߎߣߎ߲߬ ߞߐ߬ߟߐ߲ ߛߐ߱ߡߊ߬ ߓߙߏߡߛߏ߫߸ ߦߋ߲߬ ߡߍ߲ ߦߋ߫ ߓߋߣߍ߲߫ ߞߐ߰ߘߎ߮ ߘߐ߫ ߞߊ߬ߣߌ߲߬، ߞߊ߬ߕߎ߲߯߸ ߡߙߊ߬ߒ߬ߡߊ߬ߝߋ߲߬ߕߌ߰ ߡߊߝߟߌ߬ߣߍ߲ ߘߏ߫ ߟߎ߫ ߟߋ߬ ߕߊ߯ ߘߊ߫ ߘߏ߲߬ ߊ߬ߟߎ߫ ߞߊ߲߬ ߞߣߍߓߐߘߊ ߟߊ߫، ߞߵߊ߬ߟߎ߫ ߞߎ߲߬ߛߌ߲߫ ߕߐ߲ߕߌ߯ߟߊ߫ ߟߊ߫߸ ߞߊ߬ ߦߋ߲߬ ߖߊ߬ߛߏ߲߫ ߞߊ߬ ߕߌߢߍߟߌ߫ ߛߌߦߊߡߊ߲߫ ߞߍ߫߸ ߞߊ߬ ߓߟߏߝߋ߲߫ ߛߌߦߊߡߊ߲߫ ߘߐߕߌߢߍ߫.
ߡߊ߲߬ߞߊ߲ ߣߌ߲߬ ߞߍ߫ ߘߊ߫ ߥߊ߯ߕߌ߫ ߟߊߕߍ߰ߣߍ߲߫ ߠߋ߬ ߞߣߐ߫߸ ߀߆ߙߋ߲߅߀ ߣߌ߫ ߀߇ߙߋ߲߂߅ ߕߍߟߊ ߘߐ߫ ߞߊ߬ߣߌ߲߬، ߊ߲ ߠߊ߫ ߟߌ߬ߤߟߊ߫ ߛߐ߬ߘߐ߲߬ߣߍ߲ ߠߎ߬ ߘߐ߫߸ ߡߍ߲ ߠߎ߬ ߟߊߖߍ߲ߛߍ߲߫ ߘߊ߫ ߓߋߣߍ߲߫ ߞߌ߬ߓߊ߬ߙߏ߬ߘߊ ߘߏ߫ ߟߎ߫ ߓߟߏ߫߸ ߏ߬ ߟߎ߫ ߞߵߊ߬ ߦߌ߬ߘߊ߬ ߞߏ߫ ߞߍߒߞߊ߲ߠߌ߲ߠߊ ߢߌ߲߬ ߠߎ߫ ߞߊ߬ ߕߊ ߛߎ߫ ߟߋ߬ ߞߊ߲ߓߍ߲ ߕߐ߲ߓߟߏߡߊ ߟߎ߬ ߟߊ߫ ߓߏ߲ߓߊ߫ ߞߘߐ ߘߏ߫ ߟߊ߫، ߕߋ߲߭ߕߋ߲߭ ߣߌ߲߬ ߘߐ߫߸ ߊ߲ ߡߊ߫ ߞߍߒߞߊ߲ߠߌ߲ ߣߌ߲߬ ߞߐߝߟߌ߫ ߛߌ߫ ߟߐ߲߫ ߡߎߣߎ߲߬߸ ߞߵߊ߬ ߓߍ߲߬ ߊ߬ ߛߏ߰ߟߊ߫ ߛߐ߬ߘߐ߲߬ߣߍ߲ ߠߎ߬ ߡߊ߬ ߡߐ߰ߦߊ߫ ߝߊ߲߭ ߝߍ߬߸ ߊ߬ ߞߍߓߊ߮ ߟߎ߫ ߘߏ߲߬ ߝߣߊ߫ ߡߊ߫ ߟߐ߲߫ ߡߎߣߎ߲߬.
ߞߍߒߞߊ߲ߠߌ߲ߠߊ ߢߌ߲߬ ߠߎ߫ ߘߏ߲߬ ߘߊ߫ ߖߌߟߑߡߊߙߏ߫ ߛߌߟߊ ߟߋ߬ ߝߍ߬߸ ߊ߬ߟߎ߬ ߓߊ߲ ߕߌߢߍߟߌ ߟߊ߫ ߢߊ ߡߍ߲ ߌߞߘߐ߫߸ ߊ߬ߟߎ߫ ߞߊ߬ ߛߋߞߏߜ߭ߙߎ߫ ߛߌߟߊ߫ ߞߋߟߋ߲ ߠߋ߬ ߡߌ߬ߣߊ߬ ߞߵߊ߬ߟߎ߫ ߓߏ߬ߙߌ߫ ߞߎ߲߬ߕߋ߬ߟߋ߲߬ ߞߋߟߋ߲ ߏ߬ ߝߍ߬، ߊ߬ߟߎ߬ ߕߌߢߍߟߌ ߣߐ߬ ߞߟߊߡߊ߲ ߘߐ߫߸ ߖߡߊ߬ߣߊ ߟߊ߬ߞߊ߲߬ߘߊ߬ߟߌ ߣߌ߫ ߡߊ߬ߞߊ߲߬ߞߊ߲߬ߠߌ߲ ߝߊ߲߬ߞߊ ߛߌߦߊߡߊ߲߫ ߞߵߊ߬ߟߎ߬ ߛߌ߲߫ ߦߋ߲߬ ߠߊ߫، ߊ߬ߟߎ߫ ߞߊ߬ ߓߍ߬ߛߍ߲߬ߞߍ߬ߟߌ߬ ߦߙߍߞߍߟߌ ߛߌ߰ ߛߋ߲߬ߠߊ߫߸ ߏ߬ ߦߴߌߘߐ߫ ߦߋ߲߬ ߡߎߣߎ߲߬ ߤߊ߲߯ ߕߋ߲߬߸ ߖߐ߲߰ߛߊ߫ ߕߌߢߍߟߌߟߊ ߢߌ߲߬ ߠߎ߬ ߘߌ߫ ߟߐ߲߫߸ ߞߵߊ߬ߟߎ߫ ߡߌ߬ߣߊ߬߸ ߊ߬ ߣߌ߫ ߞߊ߬ ߦߙߐ ߏ߬ ߟߊߞߊ߲ߘߊ߫ ߢߊ߫ ߡߊ߬߸ ߡߍ߲ ߦߊ߫ ߞߊ߲߫.
ߓߌ߬ߟߊ߬ߒ߬ߘߐ ߣߌ߲߬ ߓߘߊ߫ ߥߏ߭ ߛߐ߰ ߓߋߣߍ߲߫ ߞߐ߰ߘߎ߮ ߓߐߕߏ߲߫ ߝߊ߲ߝߍߟߊ ߟߊ߬ߞߊ߲߬ߘߊ߬ߟߌ ߖߟߎ߬ߝߍ ߟߊ߫، ߊ߬ ߓߘߊ߫ ߓߋߣߍ߲߫ ߞߎ߲߬ߠߊ߬ߛߌ߮ ߘߌߦߊߜߏߦߊ߫ ߡߎ߬ߕߎ߲߬߸ ߝߏ߫ ߊ߬ߟߎ߬ ߦߋ߫ ߢߊ߫ ߢߌߣߌ߲߫ ߝߊ߲߬ߞߣߐ ߏ߬ ߟߊ߬ߞߊ߲߬ߘߊ߬ߟߌ ߡߊ߬߸ ߞߊ߬ ߛߋ߫ ߣߊ߲߬ߒ߬ߕߊ߲ ߠߎ߬ ߓߐ߫ ߟߊ߫ ߞߣߐ߬ߜߊ ߘߐ߫߸ ߞߵߊ߬ߟߎ߫ ߖߎ߬ߛߎ ߟߊ߫ ߦߙߐ߫ ߞߋߟߋ߲߫ ߡߙߊ߬ߒ߬ߡߊ߬ߝߋ߲߬ߕߌ߮ ߢߌ߲߬ ߠߎ߬ ߟߊ߫ ߞߏ ߞߘߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.