ߞߍ߲ߘߍߟߏ߲ ߛߎ ߞߵߊ߬ ߘߎ߰ߛߊ ߜߍ߫ ߞߊ߯ߙߌ ߟߊ߫߸ ߂߀߂߅ ߢߌ߲߬ ߠߊ߫߸ ߓߋߣߍ߲߫ ߠߊߡߊ߰ ߘߊ߫ ߕߎ߬ߡߊ߬ߙߋ߲߬ ߘߊ߲ߘߐ߫ ߖߊ߲߬ߖߏ߲߬ ߓߟߏ߫ ߡߊ߬ߙߌ߬ߝߊ߬ ߡߊ߲ߞߊ߲ ߘߐ߫߸ ߡߍ߲ ߞߐߝߟߌ ߥߟߏ߫ ߘߊ߫ ߕߍ߮ ߞߍ ߟߊ߫ ߖߡߊ߬ߣߊ ߖߟߊ߬ߓߊ߬ߕߌ߮ ߟߎ߬ ߘߐ߫߸ ߕߏ߬ߟߌ߬ߡߊ߬ߛߌ߰ߟߌ ߟߎ߬ ߘߐ߫߸ ߤߊ߲߯ ߞߣߊ߬ ߣߊ߲߬ߕߌ߮ ߘߏ߫ ߟߎ߫ ߦߋ߫ ߖߌ߬ߦߊ߬ߞߊ߲߬ߛߏ߬ߓߊ ߟߊ߫߸ ߡߍ߲ ߠߎ߬ ߦߋ߫ ߞߊ߬ߝߏ߬ ߖߊ߬ߛߏ߲߬ߠߊ ߟߎ߬ ߘߌ߫، ߞߊ߬ ߣߵߊ߬ ߦߋ߫ ߞߐ ߟߊ߫ ߝߣߊ߫߸ ߛߘߋߦߊߥߏ ߞߵߊ߬ ߟߊ߫ ߣߊ߲߬ߕߌ߮ ߟߎ߬ ߟߊߣߊ߬ ߓߋߣߍ߲߫ ߞߣߐ߫، ߕߋ߬ߟߋ߫ ߝߌ߬ߟߊ߫ ߞߊ߬ߝߏ߬ ߖߊߛߏ߲ ߞߐ ߣߌ߲߬ ߘߐ߫߸ ߖߡߊ߬ߣߊ ߛߋߓߊ߯ߦߊ ߞߵߊ߬ ߦߌ߬ߘߊ߬ ߞߏ߫ ߞߏ ߓߍ߯ ߓߘߊ߫ ߛߋ߫ ߊ߬ߟߎ߬ ߕߊ߫ ߓߟߏ߫ ߞߊ߲߬߸ ߓߊ߬ߙߌ߬ ߦߙߐ߫ ߛߌߦߊߡߊ߲߫ ߠߋ߬ ߘߐߓߎ߬ߘߎ߲߬ߣߍ߲߫ ߏ߬ ߞߏ ߘߐ߫، ߒ߬ߓߊ߬߸ ߣߴߊߟߎ߫ ߞߊ߬ ߞߎߡߘߊ ߣߌ߲߬ ߞߊ߬ߙߊ߲߬ ߦߟߌߡߊߟߐ ߘߐ߫߸ ߊߟߎ߫ ߘߴߊ߬ ߓߍ߯ ߥߘߋ߬ߥߘߋ߬ߢߊ ߟߐ߲߫.
ߣߌ߲߬ ߞߏ ߓߍ߯ ߘߊߡߌ߬ߣߊ߬ ߘߊ߫ ߛߎ ߟߋ߬ ߘߐ߫߸ ߂ߙߋ߲ ߥߊ߯ߕߌ ߟߊ߫، ߏ߬ ߕߎ߬ߡߊ ߟߋ߬߸ ߊ߬ߟߋ߬ ߞߊ߬ߝߏ߬ ߖߊ߬ߛߏ߲߬ߠߊ ߟߎ߬ ߥߊ߫ ߘߊ߫ ߓߋ߬ ߞߟߍ߬ߕߌ߰ ߓߍߙߑߕߍ߲߫ ߓߘߊ߬ ߟߊ߫ ߟߎߡߟߊ ߞߊ߲߬߸ ߏ߬ ߡߍ߲ ߦߋ߫ ߞߊ߲ߕߌ߯ ߔߊ߬ߕߙߌߛ ߕߊߟߐ߲߫ ߠߊ߫ ߞߎߓߋߘߐ ߗߋߕߌ߮ ߘߌ߫ ߞߊ߬ߣߌ߲߬߸ ߏ߬ ߞߍ߫ ߘߊ߫ ߊ߬ߓߏ߬ߡߋߦߌ߫ ߟߋ߬߸ ߞߕߏߣߎ߫.
ߞߎ߲߬ߠߊ߬ߛߌ߮ ߞߊ߬ ߟߊ߬ߛߋ߬ߟߌ ߡߍ߲ ߞߍ߫߸ ߊ߬ ߣߌ߫ ߓߋߣߍ߲߫ ߞߌ߬ߓߊ߬ߙߏ߬ߘߊ ߘߏ߫ ߟߎ߫߸ ߞߏ߫ ߞߟߍ߬ߕߌ߰ ߓߍߙߑߕߍ߲߫ ߠߊ߫ ߓߐ߬ߟߐ߲߬ߞߊ ߝߊ߰ ߘߊ߫ ߟߋ߬ ߞߌ߬ߛߍ ߟߊ߫ ߞߍߒߞߊ߲ߠߌ߲ ߏ߬ ߝߍ߬، ߞߟߍ߬ߕߌ߮ ߏ߬ ߖߍ߬ߘߍ ߛߋ߫ ߘߊ߫ ߕߟߊ߫ ߟߴߊ߬ߟߎ߬ ߟߊ߫߸ ߞߵߊ߬ ߖߘߍ߬ ߞߛߌ߫ ߛߊ߬ߦߊ ߡߊ߬، ߣߴߏ߬ ߕߍ߫߸ ߓߐߛߎ߲ ߘߏ߫ ߟߎ߫ ߦߴߊ߬ ߦߌ߬ߘߊ߬ ߟߊ߫ ߞߏ߫ ߊ߬ ߝߣߊ߫ ߖߐߞߌߣߍ߲߫ ߠߋ߬ ߞߏߖߎ߯ߦߊ߫߸ ߝߏ߫ ߘߏ߫ ߟߎ߫ ߖߍ߬ߘߍ ߞߵߊ߬ ߟߊ߫ ߛߦߊ߬ ߞߏ ߝߐ߫، ߞߎ߲߬ߠߊ߬ߛߌ߮ ߞߏ߬ߣߌ߲ ߡߊ߫ ߝߋ߲߫ ߝߐ߫ ߏ߬ ߞߊ߲߬.
ߢߊ߫ ߞߋߟߋ߲ ߏ߬ ߟߋ ߡߊ߬߸ ߊ߬ߟߋ߬ ߡߙߎߕߌߓߊ߯ߕߐ ߟߎ߫ ߞߊ߬ ߖߟߊ߬ߓߊ߬ߕߌ߯ ߝߌ߬ߟߊ߫ ߡߌ߬ߘߊ߫ ߕߏ߬ߟߌ߬ߡߊ߬ߛߌ߮ ߘߌ߫: ߝߊߙߌ߲ ߝߊ߬ߦߌߖ߭ߎ߬ ߜ߭ߏߡߌߦߊ߫߸ ߏ߬ ߡߍ߲ ߦߋ߫ ߕߏߜߌ߲߫ ߣߊ߲߬ߕߌ߰ ߘߊ߮ ߡߙߊ߬ߓߊ߮ ߘߌ߫߸ ߊ߬ ߣߌ߫ ߞߟߍ߬ߕߌ߯ ߊ߬ߓߎ߬ ߌߛߊ߬߸ ߏ߬ ߦߋ߫ ߘߎ߰ߡߊ߬ ߣߊ߲ߕߌ߮ ߟߎ߬ ߟߊ߫ ߘߊ߯ߘߐ ߞߎ߲߬ߕߌ߮ ߟߋ߬ ߘߌ߫، ߊ߬ߟߎ߫ ߕߊ߬ ߘߊ߫ ߡߙߎߕߌߓߊ߯ߕߐ ߢߌ߲߬ ߠߎ߬ ߓߟߏ߫ ߞߊ߬ ߥߴߊ߬ߟߎ߬ ߘߌ߫ ߗߊߥߙߎ߫ ߟߋ߬߸ ߞߎߘߍ߫ ߃߅߀ ߟߋ߬ ߦߋ߲߬ ߣߌ߫ ߞߕߏߣߎ߫ ߕߍ߫߸ ߝߏ߫ ߊ߬ߟߎ߫ ߡߌ߬ߣߊ߬ߓߊ߮ ߟߎ߫ ߕߍ߲߬ ߘߴߊ߬ߟߎ߬ ߡߊߛߌߟߊ߲߫ ߝߊ߰ߟߌ߬ ߞߏ ߟߊ߫ ߦߋ߲߬.
ߞߏߟߌ߲ߞߏߟߌ߲ ߕߟߋ߬ ߇ ߛߐ߰ߡߘߊ߬ ߖߏߣߊ ߟߋ߬ ߟߊ߫߸ ߣߊ߲߬ߕߌ߰ ߞߙߎ ߘߏ߫ ߟߎ߫ ߞߵߊ߬ߟߎ߫ ߖߘߍ߬ ߟߊߓߐ߫ ߓߋߣߍ߲߫ ߝߘߏ߬ߓߊ߬ ߖߌ߬ߦߊ߬ߞߊ߲߬ߛߏ߬ߓߊ ߟߊ߫، ߣߊ߲߬ߕߌ߰ ߛߋߦߌ߲߫ ߢߐ߲߰߸ ߡߍ߲ ߠߎ߬ ߞߊ߬ ߟߊ߬ߛߋ߬ߟߌ߬ ߛߓߍ ߘߏ߫ ߟߎ߫ ߞߊ߬ߙߊ߲߬ ߢߐ߲߮ ߞߐ߫߸ ߞߊ߬ ߔߊ߬ߕߙߌߛ ߕߊߟߐ߲߫ ߠߊߥߟߌ߬ ߞߵߊ߬ ߓߐ߫ ߖߡߊ߬ߣߊ ߞߎ߲߬ߠߊ߬ ߛߓߍ ߞߣߐ߫ ߦߋ߲߬.
ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߋ߫ ߕߐ߮ ߡߍ߲ ߞߘߐ߫߸ ߏ߬ ߟߋ <<ߣߊ߲߬ߕߌ߮ ߟߎ߬ ߟߊ߫ ߜߘߌߛߌ߯ߟߌ ߥߛߊ߬ߓߊ߰ߦߊ>> ߘߌ߫߸ ߡߍ߲ ߡߊߡߙߊ߬ߣߍ߲߫ ߝߊߙߌ߲ ߘߊ߯ߕߌ߮ ߔߊߛߑߞߊߟ ߕߌߜ߭ߙߌ߬ ߓߟߏ߫߸ ߏ߬ ߦߋ߫ ߛߏ߬ߝߊ߫ ߟߋ߬ ߘߌ߫߸ ߡߍ߲ ߓߘߊ߫ ߘߏ߫ ߞߍ߫ ߞߊ߲ߕߌ߯ߘߊ ߟߊ߫ ߟߊ߬ߞߊ߲߬ߘߊ߬ߟߌ ߡߊ߬ߘߎ߮ ߘߐ߫.
ߊ߬ߟߎ߬ ߟߊ߫ ߟߊ߬ߛߋ߬ߟߌ ߘߐ߫߸ ߊ߬ߟߋ߬ ߞߊ߬ߝߏ߬ ߖߊ߬ߛߏ߲߬ߠߊ ߟߎ߫ ߞߵߊ߬ ߦߌ߬ߘߊ߬ ߞߏ߫:
-ߊ߬ߟߎ߬ ߓߘߊ߫ ߛߌ߰ߞߊ߲ ߠߊߘߎ߲߫߸ ߞߊ߬ ߓߊ߲߫ ߞߊ߬ ߖߡߊ߬ߣߊ ߛߌ߲߬ߝߏ߲߬ߘߊ ߓߍ߯ ߟߊߓߋ߬.
-ߊ߬ߟߎ߬ ߓߊ߲߫ ߘߊ߫ ߞߊ߬ ߓߐߕߏ߲ ߠߎ߬ ߘߊߕߎ߲߯ ߞߏ ߟߊߛߋ߫߸ ߞߊ߬ ߓߘߍ߬ߓߘߍ߬ߟߌ߬ ߞߙߎߞߊ ߟߎ߬ ߟߊߘߎ߲߫.
-ߊ߬ߟߎ߫ ߞߵߊ߬ߟߎ߬ ߟߊ߫ ߞߊ߬ߝߏ߬ ߖߊߛߏ߲ ߞߎ߲߭ ߠߎ߬ ߝߐ߫߸ ߞߵߊ߬ ߓߍ߲߬ ߖߡߊ߬ߣߊ ߟߊ߬ߞߊ߲߬ߘߊ߬ߟߌ ߝߛߏ߬ߝߛߊ ߡߊ߬ ߞߐ߰ߘߎ߰ ߝߊ߲ ߝߍ߬߸ ߣߊ߲߬ߕߌ߯ ߝߊ߰ߣߍ߲ ߞߐߙߍ ߟߊߓߌ߬ߟߊ߸ ߞߏ ߟߎ߬ ߜߟߍ߬ߦߊ ߖߡߊ߬ߣߊ ߞߣߐ߫߸ ߊ߬ߟߎ ߡߴߏ߬ ߡߍ߲ ߦߋ߫ ߞߏ߫ ߢߣߊߡߊ߫ ߘߌ߫߸ ߊ߬ ߣߌ߫ ߡߊ߬ߣߐ߰ߟߌ ߡߍ߲ ߟߊߣߍ߲߫ ߝߊ߲߬ߞߊߛߌ߬ߣߊ ߟߎ߫ ߞߊ߲߬߸ ߊ߬ ߕߌ߯ߕߌ߯ ߞߊ߲ߕߌ߯ ߢߣߊߕߊߟߌ ߢߊߞߘߐߟߊ ߣߌ߲߬ ߘߐ߫ ߂߀߂߆ ߟߊ߫.
ߊ߬ߟߎ߬ ߟߊ߫ ߞߎߡߊ ߏ߬ ߞߐ ߘߐ߫ ߣߍ߲ߞߍ߫߸ ߖߌ߬ߦߊ߬ߞߊ߲߬ߛߏ ߢߊ ߕߎߣߎ߲߫ ߘߊ߫߸ ߞߵߏ߬ ߞߍ߫ ߓߊ߬ߛߊ߲ ߘߏ߲߬ߣߍ߲ ߘߌ߫ ߞߎߓߋߘߊ ߟߊ߫، ߘߍ߬ߞߙߏߝߏ ߟߎ߫ ߞߊ߲߬߸ ߖߌ߬ߦߊ߬ߖߟߎ ߘߏ߫ ߟߎ߫ ߦߋ߫ ߘߊ߫߸ ߥߊߜߏߡߊ ߟߎ߬ ߕߘߍ߬ ߦߋ߫ ߟߊ߫ ߡߍ߲ ߘߐ߫߸ ߡߊߙߌߣߊ߫ ߛߌߟߊ ߞߊ߲߬߸ ߞߊ߲ߕߌ߯ ߞߎߓߋ ߦߋ߫ ߦߋ߲߬ ߡߍ߲ ߘߐ߫ ߞߊ߬ߣߌ߲߬߸ ߊ߬ ߣߌ߫ ߝߊ߬ߛߏ߬ ߜߙߊ߸ ߕߎ߬ߡߊ߬ߣߍ߲߬ ߞߋߟߋ߲ ߏ߬ ߟߊ߫߸ ߛߙߋ ߘߏ߫ ߟߎ߫ ߦߴߊ߬ ߝߐ ߞߊ߲߬ ߞߏ߫ ߡߊ߬ߙߌ߬ߝߊ߬ ߕߋ߬ ߞߊ߲ ߦߋ߫ ߖߋߖ߭ߏ߫ ߘߊ߮ ߝߊ߲߭ ߝߍ߬.
ߞߵߊ߬ ߓߍ߲߬ ߕߊ߬ߘߌ߬ߓߊ߬ߕߊߘߌߓߊ ߣߌ߲߬ ߡߊ߬ ߛߊ߫߸ ߞߣߐߟߊ ߞߏߕߌ߮߸ ߊߟߛߊߣ ߛߊߦߌߘߎ߫ ߦߋ߫ ߘߊ߫ ߖߌ߬ߦߊ߬ߖߟߎ ߘߏ߫ ߘߐ߫߸ ߊ߬ ߦߋ߫ ߞߎߡߊ ߟߊ߫ ߞߊ߬ ߗߋߛߓߍ ߘߏ߫ ߟߊߛߋ߫ ߝߘߏ߬ߓߊ߬ ߖߌ߬ߦߊ߬ߞߊ߲߬ߛߏ ߟߊ߫߸ ߡߍ߲ ߠߊߖߍ߲ߛߍ߲߫ ߘߊ߫ ߘߍ߬ߞߙߏߝߏ ߟߎ߫ ߞߊ߲߬ ߞߏߛߓߍ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߝߊ߲߬ߞߊ ߡߊ߫ ߕߊ߬ ߡߐ߰ ߛߌ߫ ߓߟߏ߫߸ ߞߏ߫ ߊ߬ߟߎ߬ ߟߊ߫ ߣߊ߲߬ߕߌ߮ ߟߎ߬ ߓߘߊ߫ ߛߋ߫ <<ߡߙߎߕߟߌ߫>> ߖߊ߲ߖߏ߲ ߞߐ ߞߊߘߌ߫ ߟߊ߫߸ ߡߍ߲ ߛߌ߰ߣߍ߲߫ ߛߋ߲߬ߠߊ߫ ߣߊ߲߬ߕߌ߰ ߜߍ߲ߛߍ߲ߞߍߙߍ߲ ߘߏ߫ ߟߎ߫ ߓߟߏ߫.
ߞߏߕߌ߮ ߞߵߊ߬ ߦߌ߬ߘߊ߬ ߞߏ߫ ߣߊ߲߬ߕߌ߮ ߝߊ߲߬ߓߊ ߦߋ߫ ߖߡߊ߬ߣߊ ߟߋ߬ ߝߍ߬߸ ߊ߬ߟߎ߫ ߘߏ߲߬ ߦߴߊ߬ ߞߊ߲߬ ߞߊ߬ ߝߊ߲߬ߞߊ߫ ߛߐ߬ߘߐ߲߬ ߖߎ߮ ߟߎ߫ ߡߊ߬߸ ߞߊ߬ ߦߙߐ ߓߍ߯ ߡߌ߬ߣߊ߬.
ߞߊ߯ߙߌ ߕߋ߬ߟߋ ߏ߬ ߘߐ߫߸ ߡߊ߬ߙߌ߬ߝߊ߬ ߞߊ߲ ߠߎ߬ ߕߘߍ߬ ߡߍ߲߫ ߠߊ߫ ߞߊ߲ߕߌ߯ߘߊ ߘߊߝߍ߬ ߕߏߜߌ߲߫߸ ߡߙߎߕߌߓߊ߯ߕߐ ߟߎ߬ ߥߊ߫ ߘߊ߫ ߦߙߐ ߡߍ߲ ߘߐ߫ ߞߊ߬ߣߌ߲߬، ߊ߬ߟߎ߬ ߟߊ߫ ߖߡߊ߬ߣߊ ߖߌ߬ߦߊ߬ߞߊ߲߬ߛߏ߬ߓߊ ߝߐ߰ߓߍ߬ߦߊ߬ߟߊ ߟߎ߫ ߖߍ߬ߘߍ ߞߵߊ߬ ߝߐ߫ ߞߐ ߟߊ߫߸ ߞߏ߫ ߊ߬ߟߎ ߝߣߊ߫ ߟߊߡߙߊ߬ߣߍ߲߫ ߠߋ߬ ߕߘߍ߬ ߡߐ߱ ߢߌ߲߬ ߠߎ߬ ߓߟߏ߫߸ ߦߊ߬ߣߌ߫ ߖߡߊ߬ߣߊ ߣߊ߲߬ߕߌ߮ ߟߎ߬ ߦߋ߫ ߣߊ߬ ߖߌ߬ߦߊ߬ߞߊ߲߬ߛߏ ߓߐ߬ߛߌ߫ ߊ߬ߟߎ߬ ߟߊ߫.
ߌߞߘߐ߫߸ ߞߕߏߣߎ߫ ߞߵߊ߬ ߞߊ߲ߠߊߘߌ߫ ߕߟߋ߬ߓߋ߬ ߊߝߙߌߞߌ߬ ߛߌ߲߬ߝߏ߲߬ߘߊ ߡߊ߬، ߛߘߋߦߊߥߏ ߞߊ߬ ߞߊ߬ߝߏ߬ ߖߊ߬ߛߏ߲߬ ߞߏ ߘߐߜߏߦߊ߫ ߔߐ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ ߟߐ߯ ߦߴߊ߬ߟߎ߬ ߟߊ߫ ߞߵߊ߬ߟߎ߬ ߓߟߏߡߊߛߌ߯ ߣߊ߲ߕߌ߮ ߟߎ߬ ߟߊߕߊ߯ ߓߋߣߍ߲߫ ߛߌ߰ߞߊ߲ ߡߞߊߘߊ߲߫ ߞߊ߲ߡߊ߬.
ߓߋߣߍ߲߫ ߞߎ߲߬ߠߊ߬ߛߌ߮ ߟߊ߫ ߟߊ߬ߢߌߣߌ߲ ߞߣߐߡߊ߬߸ ߖߋ߬ߟߌ߬ߓߊ߬ߟߊ߫ ߞߵߊ߬ ߟߊ߫ ߣߊ߲߬ߕߌ߮ ߟߎ߬ ߟߊߕߊ߯ ߦߙߍߞߍߟߌ ߟߊ߫߸ ߦߏ߫ ߊ߬ߟߎ߫ ߞߊ߬ ߡߍ߲ ߛߎ߮ ߞߍ߫ ߜ߭ߊ߲ߓߌ߫ ߂߀߁߇ ߟߊ߫:
–ߖߋ߬ߟߌ߬ߓߊ߬ߟߊ߫ ߞߟߍ߬ߞߍ߬ ߛߊ߲ߡߊߞߎߟߎ߲ ߠߎ߬ ߞߊ߬ ߥߊ߬ߟߏ߲߬ߠߌ߲ ߞߍ߫ <<ߛߎߡߊ߲߫ ߖߐ߲ߖߐ߲>> ߘߐ߫ ߦߙߐ ߘߏ߫ ߟߎ߫ ߞߊ߲߬ ߕߏߜߌ߲߫߸ ߡߙߎߕߌߓߊ߯ߕߐ ߟߎ߬ ߦߋ߫ ߦߙߐ ߡߍ߲ ߠߎ߬ ߘߐ߫ ߞߊ߬ߣߌ߲߬، ߓߊߏ߬߸ ߊ߬ߟߎ߫ ߕߘߍ߬ ߥߊߜߏߡߊ ߘߏ߫ ߟߎ߫ ߟߋ߬ ߞߣߐ߫ ߦߋ߲߬.
-ߖߋ߬ߟߌ߬ߓߊ߬ߟߊ߫ ߣߊ߲߬ߕߌ߰ ߞߙߎ ߟߎ߬ ߘߏ߲߬ ߘߊ߫ ߓߋߣߍ߲߫ ߘߎ߰ߞߟߏ ߞߊ߲߬ ߠߋ߬߸ ߞߏ߫ ߞߊ߬ ߦߙߐ߫ ߢߍ߬ߣߍ߲߬ߡߊ ߟߎ߬ ߟߊߞߊ߲ߘߊ߫߸ ߊ߬ߟߎ߬ ߣߌ߫ ߓߋߣߍ߲߫ ߣߊ߲߬ߕߌ߮ ߟߎ߬ ߟߋ߬ ߘߍ߬ ߘߊ߫ ߞߵߏ߬ ߟߎ߬ ߞߍ߫ ߢߐ߲߮ ߝߍ߬.
-ߛߘߋߦߊߥߏ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߴߊ߬ߟߎ߬ ߟߊ߫ ߣߊ߲߬ߕߌ߮ ߟߎ߬ ߟߊߕߊ߯߸ ߡߍ߲ ߠߎ߬ ߓߐߣߍ߲߫ ߖߡߊ߬ߣߊ߬ ߘߊ߲ߘߐ߫ ߞߣߐ߫: ߜߋ߲ߞߐ߰ߖߌ߬ߘߊ߸ ߜ߭ߊ߯ߣߊ߬߸ ߊ߬ ߣߌ߫ ߛߙߊ߬ߟߏ߲߫.
ߝߊ߰ߡߊ ߟߎ߬ ߟߊ߫ ߝߐߟߌ߫ ߘߐ߫߸ ߛߊ߲ߡߊ߫ ߥߊߟߏ߲ߠߌ߲ ߡߍ߲ ߠߎ߬ ߞߍ߫ ߘߊ߫߸ ߏ߬ ߟߎ߬ ߞߍ߫ ߘߊ߫ ߕߙߎ߬ ߘߌ߫ ߞߵߊ߬ߟߋ߬ ߞߊ߬ߝߏ߬ߖߊ߬ߛߏ߲߬ߠߊ ߘߏ߫ ߟߎ߫ ߓߐ߬ߣߐ߫ ߊ߬ߟߎ߬ ߣߌ ߘߐ߫߸ ߤߊߟߵߊ߬ߟߎ߬ ߡߊ߫ ߖߌ߰ ߘߎ߱ ߡߊ߬ ߡߎߣߎ߲߬، ߓߊߏ߬߸ ߖߡߊ߬ ߛߌߦߊߡߊ߲߫ ߠߋ߬ ߞߌ߲߬ߘߊ ߏ߬ ߟߊ߫ ߦߋ߲߬.
ߞߊ߯ߙߌߟߏ߲ ߛߎ ߘߐ߫߸ ߔߊ߬ߕߙߌߛ ߕߊߟߐ߲߫ ߞߊ߬ ߞߎߡߊ ߕߊ߬߸ ߞߊ߬ ߘߏ߫ ߝߐ߫ ߖߡߊ߬ߣߊ߬ߘߋ߲ ߠߎ߬ ߦߋ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߞߊ߬ߝߏ߬ ߖߊߛߏ߲ ߓߘߊ߫ ߗߌߙߏ߲߫߸ ߊ߬ߟߋ ߞߊ߬ <<ߡߙߎߕߟߌ߫>> ߞߏ ߟߋ߬ ߝߐ߫߸ ߡߍ߲ ߞߏ ߢߍߡߌ߬ߣߊ߬ߣߍ߲߫ ߕߍ߬ߘߍ߫ ߣߊ߲߬ߕߌ߮ ߘߏ߫ ߟߎ߫ ߓߟߏ߫ <<ߞߎߡߊ߫ ߘߊ߬ߟߎ߬ߒ߬ߕߊ߲ ߠߎ߬ ߘߌ߫>>߸ ߡߍ߲ ߠߎ߬ ߕߍ߬ߘߴߊ߬ ߝߍ߬ ߞߊ߬ ߓߋߣߍ߲߫ ߓߍ߯ߦߊ ߘߊߝߘߌ߫߸ ߞߊ߬ ߢߣߊߕߊߟߌ ߞߏߢߊ ߟߎ߬ ߛߋ߲߬ߠߊ߬ߛߎߡߦߊ߫.
ߞߊ߬ߝߏ߬ ߞߎ߲ߕߌ߮ ߞߵߊ߬ ߟߊߛߋ߫ ߊ߬ ߟߊ߫ ߓߋߟߋ߲ߠߊ ߘߐ߫:
-ߞߊ߬ ߞߎߟߎ߲ߖߋߟߌ ߟߊߛߋ߫ ߖߡߊ߬ߣߊ ߣߊ߲߬ߕߌ߰ ߞߎ߲ߕߌ߮ ߟߎ߫ ߡߊ߬߸ ߡߍ߲ ߠߎ߬ ߡߴߊ߬ߟߎ߫ ߝߊ߬ߛߏ ߟߊߓߌ߬ߟߊ߬.
– ߞߊ߬ ߕߡߊ߬ߖߌ ߓߐ߫ ߓߍ߯ ߘߐ߫ ߞߏ߫ <<ߞߏ ߟߎ߬ ߓߘߊ߫ ߛߌ߰ ߞߟߊ߬ ߞߋߟߋ߲߫ ߞߊ߲߬>> ߝߋߝߋ߫߸ ߤߊߟߌ߬ ߣߴߊ߬ ߦߋ߫ ߛߐ߬ߘߐ߲߬ ߞߏ߫ ߊ߬ߟߋ߬ ߡߙߎߕߌߓߊ߯ߕߐ ߘߏ߫ ߟߎ߫ ߦߋ߫ ߓߏ߬ߙߌ߬ ߥߊ ߟߊ߫ ߡߎߣߎ߲߬.
– ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߕߏ߬ߟߌ߬ߡߊ߬ߛߌ߰ߓߊ߰ߕߐ ߘߏ߫ ߟߎ߫ ߦߋ߫ ߟߊ߬ߡߙߊ ߘߐ߫ ߊ߬ߟߋ߬ ߡߐ߱ ߟߎ߬ ߓߟߏ߫ ߡߎߣߎ߲߬߸ ߊ߬ ߡߴߏ߬ ߦߙߌߞߊ߫ ߝߐ߫߸ ߊ߬ ߡߴߊ߬ߟߎ߬ ߡߐ߰ ߞߋߟߋ߲߫ ߠߊߕߍ߰ ߞߵߊ߬ߟߎ߬ ߡߊߟߐ߲߫.
– ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߞߏ ߞߍߓߊ߮ ߓߍ߯ ߓߍߣߊ߬ <<ߢߌߣߌ߲߫߸ ߞߵߊ߬ߟߎ߫ ߡߌ߬ߣߊ߬߸ ߞߵߊ߬ߟߎ߬ ߞߕߌ߫>>
ߞߎ߲߬ߠߊ߬ߛߌ߮ ߞߵߊ߬ ߟߊߛߋ߫ ߝߊ߲߬ ߜߘߍ߫ ߘߐ߫߸ ߞߏ߫ ߊ߬ߟߎ߬ ߓߘߊ߫ ߣߊ߲߬ߕߌ߰ ߕߊ߲ ߣߌ߫ ߣߊ߯ߣߌ߲߫ ߢߐ߲߰ ߡߌ߬ߣߊ߬߸ ߝߊߙߌ߲ ߘߊ߯ߕߌ߮ ߔߊߛߑߞߊߟ ߕߌߜ߭ߙߌ߬ ߣߴߊ߬ ߟߊ߫ ߡߐ߰ ߛߌߦߊߡߊ߲߫ ߦߋ߫ ߓߏ߬ߙߌ߬ ߥߊ ߟߊ߫߸ ߏ߬ ߟߎ߬ ߦߋߣߍ߲߫ ߕߍ߫ ߡߎߣߎ߲߬.
ߊ߬ ߘߎ߰ߛߊ߬ߜߍ߸ ߞߏߟߌ߲ߞߏߟߌ߲ ߕߟߋ߬ ߈ ߡߊ߬߸ ߏ߬ ߡߍ߲ ߓߍ߲߬ ߘߊ߫ ߞߐ߬ߓߊ߬ߟߏ߲ ߡߊ߬ ߞߊ߬ߣߌ߲߬߸ ߞߏߕߌ߯ ߟߊߘߍ ߘߏ߫ ߞߍ߫ ߘߊ߫ ߞߕߏߣߎ߫، ߞߎ߲߬ߠߊ߬ߛߌ߮ ߞߊ߬ ߖߊ߬ߕߋ߬ ߝߟߐ ߟߎ߬ ߟߊߓߐ߫߸ ߞߊ߬ ߡߌ߬ߛߍ߲߬ ߞߋߟߋ߲߫ ߛߌߡߊߟߌ ߞߍ߫ ߞߏߕߐ ߟߎ߬ ߞߏߛߐ߲߬߸ ߞߊ߬ ߓߊ߲߫ ߞߊ߬ ߕߐ߬ߝߍ߬ߦߊ߬ߟߌ ߘߏ߫ ߟߎ߫ ߞߍ߫:
-ߞߊ߬ߝߏ߬ ߖߊߛߏ߲ ߞߍ߫ ߘߊ߫ ߕߏߜߌ߲߫ ߣߊ߲߬ߕߌ߰ ߘߊ߮ ߝߊ߲߭ ߘߏ߫ ߟߋ߬ ߓߟߏ߫.
-ߞߟߍ߬ߕߌ߯ ߊ߬ߓߎ߬ ߌߛߊ߫ ߣߌ߫ ߝߊߙߌ߲ ߝߊ߬ߦߌߖ߭ߎ߬ ߜ߭ߏߡߌߦߊ߫߸ ߏ߬ ߟߎ߬ ߡߍ߲ ߠߎ߬ ߡߌ߬ߣߊ߬ ߘߊ߫ ߞߊ߬ ߥߴߊ߬ߟߎ߬ ߘߌ߫ ߗߊߥߙߎ߫߸ ߏ߬ ߟߎ߫ ߓߌ߬ߟߊ߬ ߘߊ߫ ߞߏߟߌ߲ߞߏߟߌ߲ ߕߟߋ߬ ߈ ߛߐ߱ߡߊ߬߸ ߟߊ߬ߛߏ߬ߓߟߌ߬ߟߊ ߟߎ߬ ߣߌ߫ ߡߊ߬ߞߊ߲߬ߞߊ߲߬ߠߌ߲߬ ߝߊ߲ߞߊ ߟߊ߫ ߓߊ߯ߙߊߢߐ߲߯ߦߊ ߞߣߐߡߊ߬.
-ߕߏߜߌ߲߫ ߣߊ߲߬ߕߌ߰ ߘߊ߮ ߓߘߊ߫ ߛߋ߫ ߛߘߋߦߊߥߏ ߣߊ߲߬ߕߌ߮ ߟߎ߬ ߕߊ߫ ߓߟߏ ߡߊ߬ ߝߋߝߋ߫.
ߞߎ߲߬ߠߊ߬ߛߌ߮ ߞߵߊ߬ ߦߌ߬ߘߊ߬ ߞߏ߫ <<ߡߐ߰ ߛߌߦߊߡߊ߲߫ ߠߋ߬ ߝߊ߰ ߘߊ߫>> ߞߍ߬ߟߍ ߕߎ߬ߡߊ ߟߊ߫߸ ߊ߬ߟߎ߬ ߡߴߏ߬ ߟߎ߬ ߡߍ߲ ߠߎ߬ ߖߊ߬ߕߋ߬ ߞߋߟߋ߲߫ ߠߊߕߍ߰߸ ߞߵߊ߬ ߦߌ߬ߘߊ߬ ߞߏ߫ ߞߟߍ߬ߕߌ߯ ߓߍߙߑߕߍ߲߫ ߡߏ߬ߛߏ ߕߏ߫ ߘߴߊ߬ ߘߐ߫ ߟߋ߬، ߞߐߞߊ߲߫ ߞߌߓߊߙߏߘߊ ߘߏ߫ ߟߎ߫ ߦߋ߫ ߞߊ߬ߝߏ߬ߖߊ߬ߛߏ߲߬ߠߊ߬ ߛߌߦߊߡߊ߲߫ ߝߊ߰ ߞߏ ߝߐ߫ ߟߊ߫߸ ߊ߬ ߣߌ߫ ߞߏ߫ ߕߍ߮ ߓߘߊ߫ ߞߍ߫ ߊ߬ߟߎ߫ ߡߐ߰ ߕߊ߲߫ ߣߌ߫ ߞߐ߫ ߘߐ߫߸ ߣߊ߲߬ߒ߬ߕߊ߲߬ ߞߋߟߋ߲߫ ߝߣߊ߫ ߝߊ߰ ߞߏ ߝߐ߫ ߘߴߏ߬ ߟߎ߬ ߓߟߏ߫.
ߞߎߣߎ߲߬ ߞߐ߬ߓߊ߬ߟߏ߲ ߡߊ߬߸ ߖߡߊ߬ߣߊ ߛߌ߲߬ߝߏ߲߬ߘߊ ߘߏ߫ ߟߎ߫ ߞߵߊ߬ߟߎ߬ ߟߊ߫ ߓߊ߯ߙߊ ߟߎ߬ ߘߊߡߌ߬ߣߊ߬߸ ߖߡߊ߬ߣߊ߬ߘߋ߲ ߘߏ߫ ߟߎ߫ ߥߊ߫ ߘߊ߫ ߟߐ߯ߝߍ ߟߎ߬ ߞߣߐ߫ ߞߵߊ߬ߟߎ߬ ߟߊ߫ ߞߏ ߟߎ߬ ߞߍ߫، ߓߊ߬ߙߌ߬߸ ߡߊ߬ߙߌ߬ߝߊ߬߬ߕߋ ߟߎ߬ ߦߋ߫ ߞߍ߫ ߟߊ߫߸ ߞߐߞߊ߲߫ ߣߊ߲ߕߌ߮ ߘߏ߫ ߟߎ߬ ߓߘߊ߫ ߘߏ߲߬ ߖߡߊ߬ߣߊ ߞߣߐ߫، ߏ߬ ߘߐ߫߸ ߊ߬ ߞߏ ߡߊ߫ ߓߊ߲߫ ߘߊ߲ߘߊ߫ ߟߊ߫ ߡߎߣߎ߲߬ ߝߋߝߋ߫.
ߞߐ߬ߟߏ߲ ߣߌ߲߬ ߡߊ߬ ߛߊ߫߸ ߞߏߟߌ߲ߞߏߟߌ߲ ߕߋ߬ߟߋ߫ ߉߸ ߛߙߊ߬ߟߏ߲߬ ߞߊ߲ߕߌ߮ ߖ߭ߎ߳ߟߌߛ ߡߊ߯ߘߊ߫ ߓߌߦߏ߫ ߡߍ߲ ߦߋ߫ ߝߘߊ߬ߝߌ߲߬ߠߊ߫ ߕߟߋ߬ߓߋ߬ ߞߊߝߏ ߟߎ߬ ߟߊ߫ ߘߍ߭ ߞߊ߲ߕߌ߮ ߘߌ߫߸ ߏ߬ ߞߊ߬ ߗߋߛߓߍ ߘߏ߫ ߟߊߛߋ߫߸ ߞߏ߫ ߖߛߎ߬ߛߎߡߊ ߟߊߘߏ߲߭ ߓߘߊ߫ ߘߌߦߴߊ߬ ߦߋ߫ ߓߋߣߍ߲߫ ߞߣߐ߫߸ ߞߊ߬ ߓߊ߲߫ ߞߊ߬ ߔߊ߬ߕߙߌߛ ߕߊߟߐ߲߫ ߝߏ߬ ߊ߬ ߟߊ߫ <<ߥߣߊ߬ߦߊ>> ߟߊ߫߸ ߊ߬ ߣߌ߫ ߓߋߣߍ߲ߞߊ ߟߎ߬ ߟߊ߫ ߞߟߊߓߎ ߟߊ߫.
ߊ߬ ߞߵߊ߬ ߦߌ߬ߘߊ߬ ߞߏ߫ ߣߌ߫ ߡߐ߱ ߟߎ߫ ߞߊ߬ ߖߋ߬ߟߌ߬ߓߊ߬ߟߊ߫ ߣߌ߫ ߜߋ߲ߞߐ߰ߖߌ߬ߘߊ ߣߌ߫ ߜ߭ߊ߯ߣߊ߬ ߣߌ߫ ߖߋ߬ߟߌ߬ߓߊ߬ߟߊ߫ ߣߌ߫ ߛߙߊ߬ߟߏ߲ ߣߊ߲߬ߕߌ߮ ߟߎ߬ ߦߋ߫ ߓߋߣߍ߲߫ ߞߣߐ߫߸ ߊ߬ߟߎ߬ ߥߊߣߍ߲߫ ߛߌ߰ߞߊ߲ ߡߞߊߘߊ߲߫ ߞߊ߲ ߠߋ߬ ߡߊ߬߸ ߊ߬ ߣߌ߫ ߞߊ߬ ߞߊ߬ߝߏ߬ ߖߊߛߏ߲ ߞߍߢߊ߫ ߜߘߍ ߕߐ߭ ߓߍ߯ ߟߊߕߐ߲߫.
ߞߎ߲߬ߠߊ߬ߛߌ߮ ߓߘߊ߫ ߢߊߝߐߟߌ߫ ߛߌߦߊߡߊ߲߫ ߞߍ߫ ߝߛߊߦߌ߫ߟ ߓߊ߬ߙߌ߬ ߦߙߐ߫ ߛߌߦߊߡߊ߲߫ ߠߋ߬ ߓߍ߫ ߦߋ߲߬߸ ߡߍ߲ ߠߎ߬ ߘߐߓߎ߬ߘߎ߲߬ߣߍ߲߬ ߡߎߣߎ߲߬:
߁. ߞߎ߲߬ߠߊ߬ߛߌ߮ ߞߊ߲߫ ߞߏ߫ <<ߡߐ߰ ߛߌߦߊߡߊ߲߫ ߠߋ߬ ߕߏߣߴߊ߬ ߘߐ߫>>߸ ߓߊ߬ߙߵߊ߬ߟߎ߬ ߡߴߊ߬ ߖߊ߬ߕߋ߬ ߞߋߟߋ߲߫ ߝߐ߫، ߞߊ߬ߕߎ߲߯߸ ߞߐߞߊ߲߫ ߞߌߓߊߙߏߘߊ ߟߎ߬ ߞߊ߲߫ ߞߏ߫ ߡߐ߰ ߞߋߟߋ߲߫ ߠߋ߬ ߝߊ߰ߣߍ߲߫߸ ߣߴߏ߬ ߦߋ߫ ߞߟߍ߬ߕߌ߰ ߓߊߘߊ߬ ߟߊ߫ ߓߐ߬ߟߐ߲߬ߞߊ ߘߌ߫، ߘߏ߫ ߟߎ߫ ߖߍ߬ߘߍ ߝߣߊ߫ ߦߴߊ߬ ߝߐ߫ ߟߊ߫ ߞߏ߫ ߞߟߍ߬ߕߌ߮ ߖߍ߬ߘߍ ߝߊ߰ߣߍ߲߫ ߠߋ߬، ߏ߬ ߘߐ߫߸ ߡߐ߰ ߖߊ߬ߕߋ ߡߍ߲ ߝߊ߰ߣߍ߲߫߸ ߏ߬ ߟߐ߲ߣߍ߲߫ ߕߍ߫ ߝߟߐ߫.
߂߲. ߊ߲ ߞߵߊ߬ ߟߐ߲߫ ߞߏ߫ ߝߋߎ߫߸ ߞߏ߫ ߣߊ߲߬ߕߌ߰ ߞߙߎ ߡߍ߲ ߠߎ߬ ߞߵߊ߬ߟߎ߫ ߥߟߌ߬ ߞߊ߬ ߞߊ߬ߝߏ߬ ߖߊߛߏ߲ ߣߌ߲߬ ߛߌ߰ ߛߋ߲߬ߠߊ߫߸ ߏ߬ ߟߎ߬ ߢߍߡߌ߬ߣߊ߬ߣߍ߲߫ ߝߊߙߌ߲ ߘߊ߯ߕߌ߮ ߔߊߛߑߞߊߟ ߕߌߜ߭ߙߌ߫ ߟߋ߬ ߓߟߏ߫߸ ߓߊ߬ߙߌ߬ ߊ߬ߟߎ߫ ߡߐ߰ ߖߋ߬ߟߌ߬ ߦߋ߫؟ ߊ߬ߟߎ߬ ߣߌ߫ ߖߐ߲߫ ߠߎ߫ ߦߴߊ߬ ߡߊ߬ ߖߡߊ߬ߣߊ ߞߣߐ߫߸ ߖߡߊ߬ߣߊ ߞߐߞߊ߲߬߸ ߣߊ߲߬ߕߌ߰ ߘߐ߫ ߥߟߊ߫ ߣߊ߲߬ߒ߬ߕߊ߲߬ ߘߐ߫߸ ߏ߬ ߟߐ߲ߣߍ߲߫ ߕߍ߫߸ ߊ߬ߟߋ߫ ߖߍ߬ߘߍ ߡߌ߬ߣߊ߬ߣߍ߲߬ ߕߍ߫، ߞߎ߲߬ߠߊ߬ߛߌ߮ ߞߊ߲߫ ߞߏ߫ <<ߡߐ߰ ߜߍ߲߬ߛߍ߲߬ߞߍ߬ߙߍ߲߬ߣߍ߲>> ߠߎ߬ ߟߋ߬߸ ߞߵߊ߬ ߛߐ߬ߘߐ߲߬߸ ߡߐ߰ ߜߍ߲߬ߛߍ߲߬ߞߍ߬ߙߍ߲߬ߣߍ߲ ߏ߬ ߟߎ߬ ߛߋ߫ ߘߊ߫ ߡߎ߮ ߛߏ߲ߛߙߏߡߊ߫ ߟߴߊ߬ ߘߐ߫߸ ߞߊ߬ ߥߊ߫ ߞߟߍ߬ߕߌ߮ ߞߊ߲ߡߵߊ߬ ߟߊ߫ ߟߎ ߞߣߐ߫߸ ߞߊ߬ ߝߊ߬ߛߏ ߖߌ߬ߦߊ߬ߞߊ߲߬ ߛߏ ߡߌ߬ߣߊ߬߸ ߞߊ߬ ߕߏ߬ߜߌ߲߬ ߘߊ߯ ߞߎ߲ߕߎߙߎ߲ ߞߍ߫ ߊ߬ߟߎ߬ ߕߊ ߘߌ߫ ߝߊߦߌߘߊ߫.
ߛߘߋߦߊߥߏ ߓߘߴߊ߬ ߟߊ߫ ߣߊ߲߬ߕߌ߮ ߟߎ߬ ߟߊߕߊ߯ ߝߋߎ߫߸ ߓߊ߬ߙߵߊ߬ߟߎ߬ ߞߍߕߐ߫ ߥߊ߯ߕߌ߫ ߖߋ߬ߟߌ߬ ߞߍ߫ ߟߊ߫ ߦߋ߲߬؟ ߊ߬ߟߎ߬ ߦߙߌߞߊ ߦߋ߫ ߖߋ߬ߟߌ߬ ߘߌ߫؟ ߊ߬ߟߎ߬ ߦߋ߫ ߓߊ߯ߙߊ߫ ߟߊ߫ ߦߋ߲߬ ߘߌ߬؟ ߏ߬ ߛߌ߫ ߟߐ߲ߣߍ߲߫ ߕߍ߫، ߖߋ߬ߟߌ߬ߓߊ߬ߟߊ߫ ߞߊ߬ ߥߊ߬ߟߏ߲߬ߠߌ߲ ߡߍ߲ ߞߍ߫߸ ߏ߬ ߟߋ ߞߍߡߊ ߝߐߣߍ߲߫، ߐ߲߬ߤߐ߲߫߸ ߜߋ߲ߞߐ߰ߖߌ߬ߘߊ ߘߏ߲߬؟ ߊ߬ ߣߌ߫ ߜ߭ߊ߯ߣߊ߬ ߣߌ߫ ߛߙߊ߬ߟߏ߲߬؟
ߊ߲ ߓߟߏ ߛߋ߫ ߘߊ߫ ߟߊ߫ ߟߊ߫ ߢߌ߲߬ ߠߋ߬ ߘߐ߫ ߡߎߣߎ߲߬߸ ߞߵߊ߬ ߓߍ߲߬ ߓߋߣߍ߲߫ ߞߏߢߊ ߡߊ߬، ߘߐ߬ߞߕߌ߬ߟߌ ߦߴߊߟߎ߫ ߖߍ߬ߘߍ ߓߟߏ߫ ߡߎ߬ߕߎ߲߬ ߛߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߟߊ߫ ߟߊ߬ߘߍ߬ߟߌ ߟߋ߬߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.