ߓߙߎߞߌߣߊ߫ ߓߟߐߟߐ߫ ߞߊ߲߫ ߓߊ߯ߙߟߊ߫ ߊߟߌߣߏ߫ ߝߊ߬ߛߏ߬߸ ߊ߬ߟߋ ߡߍ߲ ߕߐ߯ ߓߘߍ ߦߋ߫ ߊߟߍ߲ ߞߙߌߛߑߕߐߝ ߕߙߊߥߟߋ߫ ߘߌ߫߸ ߏ߬ ߟߋ ߛߊ߬ ߘߊ߫ ߥߛߎ ߟߊ߫ ߊߓߌߖߊ߲߬߸ ߊ߬ ߡߌ߬ߘߊ ߞߐߝߍ߬ ߞߊߙߏ߫ ߦߙߌߞߊ߫ ߟߊ߫، ߜߋ߲ߞߐ߰ߖߌ߬ߘߊ ߝߊ߰ߡߊ ߟߎ߬ ߞߊ߲߫ ߞߏ߫ ߊ߬ ߣߐ߬ ߊ߬ ߖߍ߬ߘߍߝߊ߰ ߟߊ߫ ߟߋ߬߸ ߓߙߎߞߌߣߊ߫ ߞߎ߲߬ߠߊ߬ߛߌ߮ ߟߎ߬ ߞߊ߲߫ ߞߏ߫ ߊ߬ ߞߏ ߘߐߓߎ߬ߘߎ߲߬ߣߍ߲߫߸ ߊ߬ ߟߊߜߍߣߍ߲߫ ߕߍ߫، ߏ߬ ߘߐ߫߸ ߞߏ߫ ߊ߬ߟߎ߫ ߡߊ߬ߞߏ ߦߋ߫ ߢߊߝߐߟߌ߫ ߖߐ߲ߖߐ߲߫ ߠߋ߬ ߟߴߊ߬ ߞߏ ߘߐ߫ ߞߎ߲߬ߠߊ߬ߛߌ߮ ߟߊ߫ ߞߎ߲߬ߠߊ߫߸ ߞߵߊ߬ ߛߊ߬ ߢߊ ߢߊߝߐ߫ ߜߍ ߘߐ߫ ߥߛߊߞߙߊ߫.
ߊߟߍ߲߫ ߕߙߊߥߟߋ߫ ߡߍ߲ ߦߋ߫ ߣߌ߲߬߸ ߊ߬ߟߋ ߡߊߟߐ߲ߣߍ߲߫ ߕߐ߮ ߡߍ߲ ߡߊ߬ ߡߐ߱ ߟߎ߬ ߓߟߏ߫߸ ߏ߬ ߟߋ ߊߟߌߣߏ߫ ߝߊ߬ߛߏ߬ ߘߌ߫، ߊ߬ ߡߌ߬ߘߊ߬ ߘߊ߫ ߂߀߂߅ ߓߌ߲ߠߊߥߎߟߋ߲ ߕߟߋ߬ ߁߀ ߠߋ߬ ߡߊ߬ ߊߓߌߖߊ߲߬ ߞߣߐ߫߸ ߜߋ߲ߞߐ߰ߖߌ߬ߘߊ ߟߊ߬ߞߊ߲߬ߘߊ߬ߟߌ߬ߟߊ ߟߎ߬ ߓߟߏ߫، ߊ߬ߟߋ ߣߌ߫ ߌߓߙߊߤߌߡ ߕߙߊߥߟߋ߫ ߟߊ߫ ߞߎ߲߬ߠߊ߬ߛߌ߮ ߡߊߘߏ߲߬ߣߍ߲߬ ߓߊߟߋ߬ ߢߐ߲߮ ߠߊ߫߸ ߊ߬ߟߎ߬ ߟߊ߫ ߡߙߌߦߊ߫ ߞߋߟߋ߲ߕߌ߯ߦߊ ߞߏߛߐ߲߬، ߊ߬ ߞߵߊ߬ ߡߝߊ߫ ߜߋ߲ߞߐ߰ߖߌ߬ߘߊ ߟߊ߫ ߞߊ߬ߦߌ߯ ߂߀߂߁ ߠߋ߬ ߟߊ߫߸ ߘߊߥߎ߲ߠߌ߲ߓߏ߲ ߘߏ߫ ߕߍ߬ߘߍ߫ ߊ߬ ߓߟߏ߫ ߦߋ߲߬ ߡߍ߲ ߘߐ߫߸ ߊ߬ ߡߊߟߐ߲ߣߍ߲߫ ߕߍ߬ߘߍ߫ ߘߍ߬ߞߙߏߝߏ ߟߎ߫ ߞߊ߲߬ ߞߏߛߓߍ߫، ߒ߬ߓߊ߬߸ ߜߋ߲ߞߐ߰ߖߌ߬ߘߊ ߞߎ߲߬ߠߊ߬ߛߌ߮ ߟߊ߫ ߓߋߟߋ߲ߕߌ߮ ߟߊ߫ ߢߊߝߐߟߌ߫ ߝߟߐߡߊ ߘߐ߫ ߊ߬ ߡߌ߬ߘߊ ߣߐ߬ ߞߟߊߡߊ߲ ߘߐ߫߸ ߞߏ߫ ߊ߬ ߡߌ߬ߘߊ ߡߍ߲ ߞߍ߫ ߘߴߏ߬ ߘߌ߫߸ ߏ߬ ߟߋ ߞߕߌ߫ ߞߏ ߟߎ߫ ߕߍ߬ߘߍ߫ ߛߋ߲߬ߠߊ߫ ߤߊ߲߯ ߕߋ߲߬ ߡߎߣߎ߲߬، ߊ߬ ߞߏ߬ߣߌ߲ ߡߊ߫ ߢߊߝߐߟߌ߫ ߛߌ߫ ߞߍ߫ ߊ߬ ߡߌ߬ߘߊ߬ ߞߎ߲ ߞߊ߲߬߸ ߝߏ߫ ߞߵߊ߬ ߦߌ߬ߘߊ߬ ߘߐߙߐ߲߫ ߞߏ߫ ߊ߬ ߞߏ ߕߍ߬ߘߍ߫ ߛߋ߲߬ߠߊ߫.
ߏ߬ ߟߋ ߞߐ ߘߐ߫ ߛߊ߫߸ ߊߓߌߖߊ߲߬ ߞߕߌߘߊ ߦߌߟߡߊ߫ ߝߟߐ ߞߊ߲ߓߍ߲ ߞߕߌߞߊ߲ߘߊ ߞߵߊ߬ ߡߌ߬ߘߊ߬ ߞߎ߲ ߠߎ߬ ߢߊߝߐ߫ ߕߊ߲߬: ߖߊߘߏߦߊ߸ ߊ߬ ߣߌ߫ ߖߡߊ߬ߣߊ߬ ߜߘߍ߫ ߣߊ߲߬ߕߌ߮ ߟߎ߬ ߟߊ߫ ߘߏ߲߬ߢߐ߲߰ߘߐ߸ ߓߍ߲߬ߓߍ߲߬ߓߍ߲ ߕߐ߲߬ߕߍ ߖߡߊ߬ߣߊ ߞߊ߲ߡߊ߬߸ ߥߎߦߊ߫ ߞߎߡߊ ߟߎ߬ ߟߛߊߙߌ ߛߊ߲ߡߊ߬߸ ߊ߬ ߣߴߊ߬ ߘߏ߲߭ ߖߡߊ߬ߣߊ ߟߊ߬ߞߊ߲߬ߘߊ߬ߟߌ ߕߊ߬ߣߊ ߘߐ߫. ߒ߬ߓߊ߬߸ ߡߊ߬ߝߌ߲߬ߠߌ߲߬ ߞߊ߲ ߏ߬ ߟߎ߫ ߟߋ߬ ߝߐ߫ ߘߊ߫ ߊߟߌߣߏ߫ ߝߊ߬ߛߏ߫ ߣߐ߭ ߘߐ߫߸ ߞߵߊ߬ ߛߐ߬ߘߐ߲߬ ߊ߬ ߟߊ߫ ߖߡߊ߬ߣߊ ߣߌ߫ ߜߋ߲ߞߐ߬ߖߌ߬ߘߊ ߟߊ߫ ߞߎ ߕߍ߫ ߡߐ߬ ߟߊ߫ ߘߊ߰ ߞߋߟߋ߲߫ ߘߐ߫߸ ߞߵߏ߬ ߞߎ߲߭ ߞߍ߫ ߊ߬ߟߎ߬ ߣߌ߫ ߛߘߋߦߊߥߏ ߟߊ߫ ߕߍߜߟߍߦߊ ߘߌ߫.
ߒ߬ߓߊ߬߸ ߓߌߟߏ߲ ߂߀߂߅ ߞߊ߬ߙߌ߬ߝߐ ߕߋ߬ߟߋ߫ ߂߄ ߡߊ߬߸ ߊ߬ ߛߎ߭ ߟߋ߬ ߦߋ߫ ߘߴߊ߬ ߥߛߎߓߏ߲ߣߍ߲ ߞߣߐ߫ ߊߓߌߖߊ߲߬ ߞߟߍ߬ߡߐ߰ߦߊ ߞߊ߬ߙߊ߲߬ߕߊ ߟߊ߫، ߟߊ߬ߛߋ߬ߟߌ ߡߍ߲ ߞߍ߫ ߘߊ߫ ߞߕߌߞߊ߲ߘߊ ߓߟߏ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߣߐ߬ ߊ߬ ߖߍ߬ߘߍߝߊ߰ ߟߊ߫ ߟߋ߬، ߓߊߏ߬߸ ߀߇ߙߋ߲߃߀ ߟߋ߬ ߡߊ߬߸ ߊ߬ ߟߊ߫ ߥߛߎߓߏ߲ ߞߣߐ ߘߐߜߍ߫ ߘߊ߫ ߞߵߊ߬ ߛߐ߬ߘߐ߲߬ ߊ߬ ߦߴߊ߬ ߟߊ߫ ߟߊ߫ ߓߌߘߌ߲ߞߊ߲ ߡߍ߲ ߞߊ߲߬߸ ߊ߬ ߓߘߴߊ߬ ߖߘߍ߬ ߘߎ߲߫ ߏ߬ ߟߊ߫، ߊ߬ߟߎ߫ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߊ߬ߟߎ߬ ߓߍߣߊ߬ ߢߊߢߌߣߌ߲ߠߌ߲߫ ߛߌ߰ ߛߋ߲߬ߠߊ߫߸ ߞߵߊ߬ ߞߏ ߢߊߘߐߜߍ߫ ߖߐ߲ߖߐ߲ ߟߐ߲߫.
ߓߊ߬ߙߌ߬߸ ߜߋ߲ߞߐ߰ߖߌ߬ߘߊ ߞߎ߲߬ߠߊ߬ߛߌ߮ ߟߊ߫ ߞߎߡߊ ߣߌ߲߬ ߡߊ߫ ߓߙߎߞߌߣߊ߫ ߤߣߍ߫ ߝߋߎ߫، ߊ߬ߟߎ߫ ߞߊ߬ ߞߎߡߊ ߏ߬ ߝߐ߫ ߞߎߣߎ߲߬ ߠߋ߬߸ ߞߊ߬ߙߌ߬ߝߐ ߕߋ߬ߟߋ߫ ߂߇ ߡߊ߬، ߒ߬ߓߊ߬߸ ߓߌ߬ ߞߊ߬ߙߌ߬ߝߐ ߕߋ߬ߟߋ߫ ߂߈ ߣߌ߲߬ ߡߊ߬߸ ߞߊ߬ߙߊ߲߬ߡߐ߯ ߗ߭ߊ߲ ߡߊ߬ߙߌ߬ ߕߙߊߥߟߋ߫ ߡߍ߲ ߦߋ߫ ߓߙߎߞߌߣߞߊ ߟߎߎ߬ ߟߊ߫ ߞߐߞߊ߲ߞߏ ߟߎ߬ ߞߏߕߌ߯ߦߊ ߟߊ߫߸ ߏ߬ ߞߊ߬ ߜߋ߲ߞߐ߰ߖߌ߬ߘߊ ߟߊ߬ߛߌ߰ߘߊ ߡߊߞߟߌ߫߸ ߞߊ߬ ߓߙߎߞߌߣߊ߫ ߞߎ߲߬ߠߊ߬ߛߌ߮ ߟߊ߫ ߡߐߣߍ ߦߌ߬ߘߊ߫ ߏ߬ ߟߊ߫߸ ߞߊ߬ ߓߊ߲߫ ߞߵߊ߬ ߦߌ߬ߘߊ߬ ߞߏ߫ ߜߋ߲ߞߐ߰ߖߌ߬ߘߊ ߣߐ߬ ߊ߬ߟߎ߫ <<ߓߐ߬ߘߍ߬ߓߐ߬>> ߟߊ߫ ߟߵߏ߬ ߘߌ߫߸ ߞߊ߬ ߓߊ߲߫ ߞߵߊ߬ߟߎ߬ <<ߘߐ߯ߦߊ߫>> ߝߣߊ߫ ߞߵߊ߬ ߟߴߊ߬ ߞߊ߲߬، ߞߊ߬ߕߎ߲߯߸ ߞߏ߫ ߓߙߎߞߌߣߊ߫ ߖߡߊ߬ߣߊ ߡߊ߫ ߟߊߟߐ߲ߠߌ߲߫ ߛߦߊ߬ ߞߏ ߟߊ߫ ߦߏ߫ ߊ߬ ߞߊ߫ ߞߊ߲߫ ߞߊ߬ ߓߐ߫ ߊ߬ ߛߌߟߊ ߝߍ߬ ߢߊ ߡߍ߲ ߡߊ߬߸ߤߊߟߌ߬ ߛߎ߬ߕߌ߮ ߟߎ߬ ߖߍ߬ߘߍ߸ ߏ߬ ߟߎ߫ ߞߊ߬ ߛߦߊ߬ ߞߏ ߡߍ߲߫ ߓߟߐߟߐ ߞߊ߲߬ ߠߋ߬.
ߒ߬ߓߊ߬߸ ߓߙߎߞߌߣߊ߫ ߝߊ߬ߛߏ߫ ߞߎ߲߬ߠߊ߬ߛߌ߮ ߞߊ߲߫ ߞߏ߫ ߊ߬ߟߎ߬ ߦߋ߫ ߡߍ߲ ߢߌߣߌ߲߫ ߠߊ߫߸ ߏ߬ ߟߋ ߛߎ߭ ߟߊߛߊ߬ߦߌ߲ ߘߌ߫ ߊ߬ ߝߊ߬ߛߏ ߟߊ߫ ߌߞߘߐߞߘߐ߫، ߓߊߏ߬߸ <<ߜߋ߲ߞߐ߬ߖߌ߬ߘߊ ߝߊ߬ߛߏ߬ߦߊ߬ ߛߓߍ ߓߐ߫ ߘߴߊ߬ ߓߟߏ߫ ߟߋ߬، ߊ߬ ߦߋ߫ ߓߙߎߞߌߣߞߊ ߟߋ߬ ߘߌ߫߸ ߊ߲ ߘߏ߲߬ ߦߴߊ߬ ߝߍ߬ ߞߵߊ߬ ߛߎ߭ ߦߴߊ߲ ߓߟߏ߫ ߦߊ߲߬ ߠߋ߬߸ ߓߙߎߞߌߣߊ߫ ߞߣߐ߫ ߦߊ߲߬ ߞߊ߬ߣߌ߲߬.>> ߞߏߕߌ߮ ߞߵߏ߬ ߟߋ ߝߐ߫߸ ߞߊ߬ ߓߊ߲߫ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߊ߬ߟߎ߫ ߡߊ߬ߞߏ ߦߋ߫ ߕߎ߬ߢߊ߫ ߜߊ߲߰ߛߊ߲߫ ߠߋ߬ ߟߊ߫ ߣߌ߲߬ ߞߏ ߘߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.