ߞߌߢߍ߲߫ ߞߍߙߍ߲ߘߊ ߟߎ߬ ߟߊ߫ ߂߀߂߅ ߖߌߟߊߝߍ ߟߊ߬ߓߊ߲ ߕߊ߲ߠߌ߲ ߓߘߊ߫ ߟߐ߯ߟߊ߫ ߞߵߊ߬ ߕߏ߫ ߞߊ߯ߙߌ߫ ߣߊ߬ߕߐ ߟߊ߫ ߡߍߕߑߟߊߦߝ ߛߑߕߋߘߌߦߐߡ ߠߊ߫ ߞߊ߬ߝߏ߫ ߘߍ߬ߣߍ߲ ߞߣߐ߫߸ ߕߎ߬ߡߊ߬ߘߐ߫ ߊ߬ ߓߍߣߊ߬ ߞߍ߫ ߘߏߣߊߟ ߕߑߙߐ߲ߔ ߢߣߊ߫߸ ߊߡߙߌߞߌ߬ ߞߊ߬ߝߏ߫ ߘߍ߬ߣߍ߲ ߞߊ߲ߕߌ߮. ߊ߲ ߣߐ߬ ߞߎ߲߬ߠߊ߬ߝߎߟߋ߲ ߡߍ߲ ߛߐ߬ߘߐ߲߬ ߠߊ߫ ߞߊ߬ ߝߘߊ߫ ߋ.ߍߛ.ߔߋ.ߍߣ ߠߊ߫߸ ߏ߬ ߟߎ߫ ߞߵߊ߬ ߦߌ߬ߘߊ߫ ߟߋ߬ ߞߏ߫ ߞߌߢߍ߲߫ ߝߊ߬ߘߌ߬ߡߊ߬ߞߟߏ߬ ߖߊ߲ߖߏ߲ ߘߐߓߍ߲߬ߣߍ߲߬ ߢߊ߫ ߟߋ߬ ߡߊ߬߸ ߞߊ߬ ߕߍߓߊ߯ߦߊ ߣߌ߫ ߞߌ߬ߓߊ߬ߙߏ߬ߦߊ߬ߟߌ ߝߊ߲߬ߞߊߘߏ߲߬ ߛߊ߲ߞߊߢߐ߲߯ߦߊ ߟߎ߬ ߘߐ߫.
ߓߙߊߓߐ ߞߍߞߏ ߣߌ߲߬ ߘߐ߫߸ ߊ߬ ߞߣߐ ߓߘߊ߫ ߘߐߘߎ߲߬ߧߊ߫ ߞߊ߬ ߛߋ߫ ߞߍߙߍ߲ߘߊ߫ ߃߂ ߘߐ߫߸ ߡߍ߲ ߠߎ߬ ߞߊ߬ ߕߊ߲ߠߌ߲ ߘߊߡߌ߬ߣߊ߬ ߞߊߙߏ߫ ߛߊ߬ߣߍ߲ ߠߊ߫، ߞߎ߲߬ߢߐ߲߰ ߘߊ߲ߘߐ߫ ߛߊ߲ߞߊߢߐ߲߯ߦߊ ߞߐ߫߸ ߞߍ߬ߟߑߛߌ ߓߘߊ߫ ߛߎߘߊ߲߫ ߞߊ߬ ߕߊ߯ ߟߊ߬ߓߊ߲ ߕߊ߲ߠߌ߲ ߘߊߞߘߐ߫߸ ߊ߬ ߞߊ߬ ߝߟߎ߳ߡߌߣߊ߲ߛ ߟߋ߬ ߘߊ߬ߘߌ߫ ߕߎ߭ ߂-߀ ߞߊ߲߬، ߞߊ߬ߕߎ߲߯߸ ߊ߬ߟߎ߬ ߟߊ߫ ߝߌ߬ߙߌ߲߬ߕߊ߬ߥߏ߬ߟߊ߬ߓߊ߫ ߗ߭ߊ߬ߥߏ ߔߋߘߙߏ߫ ߟߋ߬ ߞߊ߬ ߕߎ߬ ߝߌ߬ߟߊ߬ߣߍ߲ ߘߏ߲߬ ߞߊ߬ ߞߍ߬ߟߑߛߌ ߓߐ߫ ߕߊߞߌߛߍ ߘߐ߫.
ߒ߬ߓߊ߬߸ ߊ߲߬ߜ߭ߌ߬ߟߋ߬ߘߎ߯ ߞߍߙߍ߲ߘߊ ߣߌ߫ ߡߍ߲ ߞߍߕߐ߫ ߢߐ߲߯ߓߍ߲߬ ߠߊ߫ ߟߊ߬ߓߊ߲ ߕߊ߲߫ ߞߣߍ ߞߊ߲߬ ߛߊ߫߸ ߏ߬ ߟߋ ߡߊ߫ ߟߐ߲߫ ߡߎߣߎ߲߬، ߓߊߏ߬߸ ߞߍߙߍ߲ߘߓߊ߫ ߝߌ߬ߟߊ߬ ߓߍߣߊ߬ ߢߐ߲߯ߓߍ߲߬ ߟߊ߬ߓߊ߲ ߢߍߕߊ ߘߐ߫ ߡߍߕߑߟߊߦߝ ߛߑߕߋߘߌߦߐߡ ߓߙߊ ߘߐ߫߸ ߣߊߟߌ߬ߡߎ߲߫ ߙߋ߬ߦߊߟ ߡߊߘߙߌߘ ߣߌ߫ ߔߊ߬ߙߌ ߛߍ߲߫ ߖ߭ߍߙߑߡߍ߲ ߘߌ߫، ߊ߬ ߡߊ߫ ߟߐ߲߫ ߡߎߣߎ߲߬߸ ߡߍ߲ ߘߌ߫ ߛߎߘߊ߲߫ ߏ߬ ߟߎ߬ ߘߐ߫، ߊ߬ ߞߏ߬ߣߌ߲߸ ߡߍ߲ ߓߊ߯ ߛߎߘߊ߲߫ ߏ߬ ߟߎ߬ ߘߐ߫߸ ߏ߬ ߟߎ߫ ߟߋ߬ ߣߌ߫ ߞߍ߬ߟߑߛߌ ߓߍߣߊ߬ ߢߐ߲߯ߓߍ߲߬ ߟߊ߬ߓߊ߲ ߞߣߍ ߞߊ߲߬، ߊ߬ ߘߏ߲߬߸ ߙߋ߬ߦߊߟ ߡߊߘߙߌߘ ߟߋ߬ ߞߊ߬ ߖߌߟߊߝߍ߫ ߕߊ߬ߡߌ߲߬ߣߍ߲ ߕߊ ߕߊ߬߸ ߊ߬ ߣߌ ߦߴߊ߬ ߞߊ߲߬ ߛߋ߲߬ߢߊ ߣߌ߲߬ ߝߣߊ߫ ߝߍ߬ ߘߋ߬.
ߘߏߣߊߟ ߕߑߙߐ߲ߔ ߟߊ߫ ߕߊ߯ߟߌ߫ ߞߏ ߥߎ߬ߣߎ߲߬ߥߎ߬ߣߎ߲߬ ߞߎߡߊ ߟߋ߬ ߦߋ߫ ߛߋ߲߬ߠߊ߫ ߡߎߣߎ߲߬߸ ߣߴߊ߬ ߥߊ߫ ߞߏ ߕߏ߫ ߘߴߊ߬ ߡߊ߬߸ ߏ߬ ߘߌ߫ ߞߍ߫ ߊ߬ ߦߋ߫ ߓߍ߲߬ߛߋ߲߬ߡߊ߬ ߘߌ߫ ߞߵߊ߬ ߞߏߘߌߦߊ߫ ߡߌ߬ߙߌ߲߬ߘߌ ߦߋ߫ ߓߘߍߞߍ߭߸ ߣߴߊ߬ ߡߊ߫ ߢߊ߬ ߞߏ߫ ߊߡߙߌߞߌ߬ ߞߎ߲߬ߜߙߊ ߓߏ߲ߓߊ ߟߊ߫ ߢߣߊߕߊߟߌ ߓߍߣߊ߬ ߞߍ߫ ߂߀߂߆ ߟߊ߫ ߞߊ߬ߣߌ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.