ߤߡߊߛߌ߬ ߟߊߘߊ߲߫ ߘߊ߫ ߁߉߈߇ ߟߋ߬ ߟߊ߫߸ ߌ߲߬ߕߌ߬ߝߊ߯ߘߊ ߖߎ߬ߛߌ߮ ߝߍ߬ ߞߏߟߌ߲ߞߟߌ߲ ߕߟߋ߬ ߁߀ ߡߊ߬߸ ߊ߬ ߟߊߝߟߐ߫ ߘߊ߫ ߟߋ߬ ߡߎߣߎ߲߬߸ ߞߵߊ߬ ߦߌ߬ߘߊ߬ ߞߏ߫ ߔߊߟߍߛߑߕߌߣߌ߲߬ ߛߌ߬ߟߊ߬ߡߊ ߟߎ߬ ߟߊ߫ ߕߏ߰ߝߏ ߟߋ߬، ߊ߬ߟߋ ߟߊߘߊ߲߫ ߘߊ߫ ߡߎ߲߬ ߞߏߛߐ߲߬߸ ߓߊߏ߬ ߥߊ߯ߕߌ ߏ߬ ߟߊ߫߸ ߕߏ߰ߝߏ߫ ߣߌ߫ ߛߌ߲߬ߝߏ߲߬ߘߊ߫ ߕߎ߲߬ ߕߴߦߋ߲߬߸ ߡߍ߲ ߦߋ߫ ߔߊߟߍߛߑߕߌߣߌ߲߬ ߡߞߊߘߊ߲߫ ߠߊ߫ ߓߘߍ߬ߓߘߍ߬ߟߌ߬ ߞߏ ߟߎ߬ ߣߌ߫ ߘߍ߬ߘߐ߬ ߞߏ ߟߎ߬ ߘߐ߫، ߒ߬ߓߊ߬߸ ߊ߬ߟߋ ߟߊߘߊ߲ ߠߋ߬ ߞߍ߫ ߘߊ߫ ߕߙߎ߬ ߘߌ߫߸ ߞߏ ߟߎ߬ ߢߊ ߡߊߦߟߍ߬ߡߊ߲߬ ߘߊ߫߸ ߊ߬ߟߎ߫ ߞߵߊ߬ߟߎ߫ ߛߋ߲߭ߓߌ߬ߟߊ߬ ߔߊߟߍߛߑߕߌߣߌ߲߬ ߣߌ߫ ߌߛߌ߬ߙߊ߬ߌߟߊ߫ ߕߍ ߘߐ߫߸ ߞߵߊ߬ߟߎ߬ ߤߊߞߍ ߡߞߊߣߌ߲߫߸ ߞߊ߬ ߡߙߊ߬ߒ߬ߡߊ߬ߝߋ߲ ߠߊߓߊ߯ߙߊ߫ ߤߊߞߍ߫ ߡߞߊߣߌ߲ ߏ߬ ߘߐ߫߸ ߊ߬ߟߎ߬ ߡߊߝߌ߲߬ߣߍ߲߬ ߞߏߛߓߍ߫߸ ߞߏ߫ ߞߍ߬ߟߍ ߡߍ߲ ߥߟߌ߬ߣߍ߲߫ ߔߊߟߍߛߑߕߌߣߌ߲߬ ߣߌ߫ ߌߛߌ߬ߙߊ߬ߌߟߊ߫ ߕߍ߫ ߞߐ ߢߌ߲߬ ߠߊ߫߸ ߞߏ߫ ߊ߬ߟߎ߫ ߣߐ߭ ߟߋ߬.
ߤߡߊߛߌ߬ ߦߋ߫ ߞߎߡߊߘߋ߲߫ ߠߊߘߛߏߣߍ߲ ߠߋ߬ ߘߌ߫߸ ߡߍ߲ ߞߘߐ ߘߐߝߎߟߋ߲ߣߍ߲ ߦߋ߫ ߞߏ߫: ߤߊ߬ߙߊ߯ߞߊߕߎߟ ߡߎ߬ߞߊ߬ߥߥߊ߯ߡߊߟ ߌ߬ߛߑߟߊ߬ߡߌ߰ߦߊ߸ ߡߍ߲ ߞߘߐ ߦߋ߫ ߞߏ߫ ߛߌ߬ߟߡߊ߬ߦߊ ߟߊ߫ ߡߊ߬ߝߐ߬ߦߌ߲߬ߝߐ߬ߦߌ߲߬ߠߌ߲ ߕߏ߰ߝߏ، ߊ߬ ߟߊߘߊ߲߫ ߘߊ߫ ߁߉߈߇ ߟߋ߬ ߟߊ߫ ߜ߭ߊ߯ߖ߭ߊ߬ ߞߣߐ߫߸ ߌ߲߬ߕߌ߬ߝߊ߯ߘߊ ߡߊ߲߬ߞߊ߲߬ ߝߟߐ ߝߍ߬، ߊ߬ ߟߊߘߊ߲ߓߊ߮ ߡߍ߲ ߟߐ߲ߣߍ߲߫ ߓߊߞߍ߭߸ ߏ߬ ߟߋ ߊߤߑߡߍߘ ߦߊߛߌߣ ߘߌ߫߸ ߏ߬ ߝߣߊ߫ ߛߋ߲߬ߘߏ߲߬ߢߐ߲߮ ߠߋ߬ ߕߘߍ߬ ߊߓߑߘߍߟ ߊߖ߭ߌߖ߭ ߙߊ߲ߕߛߌ߫ ߘߌ߫߸ ߊ߬ ߣߌ߫ ߡߊ߬ߤߑߡߎߘ ߖ߭ߊ߬ߤߊߙ߸ ߏ߬ ߟߎ߫ ߕߍ߬ߘߴߊ߬ ߝߍ߬ ߟߋ߬߸ ߞߏ߫ ߝߏ߫ ߞߊ߬ ߔߊߟߍߛߑߕߌߣߌ߲߬ ߠߊ߫ ߛߋߓߊ߯ߦߊ ߟߊߛߊ߬ߦߌ߲߫ ߊ߬ ߡߊ߬߸ ߞߵߏ߬ ߣߌ߫ ߘߌ߯ߣߊ߫ ߞߏ ߜߊ߬ߛߌ߬ ߢߐ߲߮ ߠߊ߫ ߛߐ߲߬߸ ߊ߬ ߣߌ߫ ߘߍ߬ߘߐ߬ ߞߏ ߟߎ߬ ߣߌ߫ ߡߊ߬ߝߐ߬ߦߌ߲߬ߝߐ߬ߦߌ߲߬ߠߌ߲ ߠߎ߬ ߛߐ߲߬߸ ߌߛߌ߬ߙߊ߬ߌߟߊ߫ ߟߊ߫ ߡߊ߬ߜߐ߬ߙߐ߲߬ߞߕߐ߬ߟߌ ߟߎ߬ ߞߘߐ߫، ߥߊ߯ߕߌ ߏ߬ ߟߊ߫߸ ߔߊߟߍߛߑߕߌߣߌ߲ߞߊ߫ ߛߌߦߊߡߊ߲߫ ߕߎ߲߬ ߓߘߊ߫ ߖߌ߱ߕߍ߰ ߡߙߊ߬ߓߊ߰ ߞߏ ߘߐ߫߸ ߡߊ߬ߞߏ߫ ߕߎ߲߬ ߕߴߊ߬ߟߎ߬ ߟߊ߫߸ ߊ߬ߟߎ߬ ߟߊ߫ ߛߐ߬ߘߐ߲ ߕߎ߲߬ ߓߘߊ߫ ߣߊ߰ߛߌ߬.
ߤߡߊߛߌ߬ ߛߐ߰ ߘߴߊ߬ ߢߊ߲߱ ߠߊߘߊ߲ ߡߊ߬ ߘߍ߬ߘߐ߬ ߞߏ ߟߎ߫ ߟߋ߬ ߝߟߐ߫ ߘߐ߫ ߡߎߣߎ߲߬: ߞߊ߬ߙߊ߲߬ߕߊ߬ ߞߏ ߟߎ߬߸ ߞߊ߬ ߡߊ߬ߜߍ߲ ߠߊߛߋ߫ ߘߋ߲ߓߦߊ ߘߏ߫ ߟߎ߫ ߡߊ߬߸ ߝߊߦߌߘߊ߫ ߢߐ߲߯ ߘߍߡߍ߲߫ ߞߙߏߝߏ ߟߋ߬ ߕߘߍ߬، ߓߊ߬ߙߌ߬ ߤߋߦߌ߬߸ ߊ߬ߟߎ߫ ߣߊ߬ ߘߴߊ߬ߟߎ߬ ߥߟߏ߫ ߞߋߟߋ߲ߘߌ߫ ߞߊ߬ ߡߙߊ߬ߒ߬ߡߊ߬ߝߋ߲ ߠߎ߬ ߕߊ߬߸ ߞߵߊ߬ ߞߏ ߟߊߥߙߎߞߌ߫ ߌߞߘߐ߫ ߞߊ߬ ߞߍ߫ ߣߊ߲߬ߕߌ߰ ߓߏߟߏ߲ߝߘߊ ߘߏ߫ ߘߌ߫، ߣߊ߲߬ߕߌ߰ ߓߙߌߝߐߝߐ ߘߏ߫ ߓߍ߫ ߞߏ߫ ߌߖ߭ߊ߬ߟ ߘߊ߯ߣߊߟ ߞߊߛߛߊ߬ߡ߸ ߊ߬ߟߎ߬ ߞߍ߫ ߘߴߏ߬ ߓߏߟߏ߲ߝߘߊ ߘߌ߫߸ ߞߵߊ߬ߟߎ߫ ߘߊ߬ߟߎ ߞߍ߫ ߊ߬ ߝߐ ߘߌ߫ ߞߏ߫ ߣߊ߲߬ߕߌ߰ ߞߏ ߛߍ߬ߘߏ߲ ߝߣߊ߫ ߦߴߊ߬ߟߎ߬ ߟߊ߫ ߟߊ߬ߢߌߣߌ߲ ߘߐ߫ ߟߋ߬ <<ߣߴߏ߬ ߦߋ߫ ߖߡߊ߬ߣߊ ߞߊ߲ߠߊߓߌ߬ߟߊ ߘߌ߫>> ߊ߬ߟߎ߬ ߟߊ߫ ߛߌߟߊ ߏ߬ ߟߋ ߜߟߍ߬ߦߊ߬ ߘߴߊ߬ ߓߍ߯ ߘߌ߫߸ ߊ߬ߟߎ߬ ߟߊ߫ ߕߏ߰ߝߏ ߣߌ߫ ߌߛߌ߬ߙߊ߬ߌߟߊ߫ ߕߍ߬ߘߴߊ߬ ߛߌ߰ ߟߊ߫ ߢߐ߲߮ ߞߎ߲߬ ߏ߬ ߟߋ ߘߐ߫ ߛߐ߲߬.
߂߀߀߆ ߟߋ߬ ߟߊ߫߸ ߊ߬ߟߎ߬ ߟߊ߫ ߞߏ ߟߎ߬ ߦߟߍ߬ ߘߊ߫ ߢߊ߫ ߞߎߘߊ߫ ߡߊ߬߸ ߓߊߏ߬ ߊ߬ߟߎ߬ ߛߎߘߊ߲߫ ߘߊ߫ ߟߋ߬ ߥߛߊ߬ߘߋ߲߬ ߢߣߊߕߊߟߌ ߘߐ߫، ߞߊߙߏ߫ ߘߊ߲ߘߐ߫ ߡߊ߲߬ߞߊ߲ ߞߐߝߍ߬ ߊ߬ߟߎ߬ ߜߊ߲߬ߛߊ߲ ߣߌ߫ ߢߐ߲߯ ߕߍ߫߸ ߜ߭ߊ߯ߖ߭ߊ߬ ߛߋ߫ ߘߴߊ߬ߟߎ߬ ߕߍ߯ ߞߘߐ߫ ߂߀߀߇ ߟߊ߫߸ ߞߊ߬ ߞߍ߫ ߦߋ߲߬ ߕߌ߱ ߘߌ߫ ߝߊߦߌߘߊ߫، ߖߡߊ߬ߣߊ߬ߘߋ߲ ߝߊ߲߬ߓߊ ߞߵߊ߬ ߦߋ߫߸ ߞߏ߫ ߊ߬ߟߎ߬ ߟߊ߫ ߛߎߘߊ߲ ߏ߬ ߦߋ߫ ߦߟߍ߬ߡߊ߲߬ߓߊ߫ ߟߋ߬ ߘߌ߫، ߘߏ߫ ߟߎ߫ ߝߣߊ߫ ߞߵߊ߬ ߦߋ߫ ߕߍߝߘߊߟߌ ߟߋ߬ ߘߌ߫ ߔߊߟߍߛߑߕߌߣߌ߲ߞߊ ߜߊ߲߰ߛߊ߲ ߣߌ߫ ߢߐ߲߯ ߕߍ߫.
ߞߵߊ߬ ߓߍ߲߬ ߊ߬ߟߎ߬ ߟߊ߫ ߞߍߣߍ߲ ߠߎ߬ ߡߊ߬߸ ߤߡߊߛߌ߬ ߛߋ߫ ߘߊ߫ ߝߊ߲߬ߞߊ߫ ߛߐ߬ߘߐ߲߬ ߠߊ߫ ߔߊߟߍߛߑߕߌߣߌ߲߬ ߞߣߐ߫߸ ߕߏ߰ߝߏ߬ ߜߘߍ߫ ߛߌ߫ ߡߊ߫ ߛߴߊ߬ߟߎ߬ ߢߍߓߌ߲ ߕߍ߰ ߟߊ߫ ߦߋ߲߬، ߓߊ߬ߙߌ߬߸ ߊ߬ߟߎ߬ ߗߌߙߏ߲߫ ߘߊ߫ ߡߌ߲߬߸ ߊ߬ߟߎ߬ ߡߊ߫ ߛߋ߫ ߔߊߟߍߛߑߕߌߣߌ߲߬ ߞߍ߫ ߟߴߊ߬ ߕߊ߫ ߞߊ߬ߝߏ߬ ߓߟߏߡߊߞߊ߬ߣߍ߲߬ ߘߌ߫߸ ߊ߬ߟߎ߫ ߘߏ߲߬ ߣߌ߫ ߌߛߌ߬ߙߊ߬ߌߟߊ߫ ߟߊ߫ ߝߘߌߢߐ߲߯ߘߐ ߓߍ߯ ߦߋ߫ ߥߟߏ߫ ߟߊ߫ ߣߌ߫ ߞߊߛߙߊ ߖߍ߬ߘߍߖߍ߬ߘߍ ߟߋ߬ ߟߊ߫߸ ߞߊ߬ ߦߙߐ ߟߎ߬ ߘߐߕߌߢߍ߫߸ ߞߵߊ߬ߟߎ߬ ߣߌ߫ ߘߎߢߊ߫ ߓߟߏߓߐ߫ ߢߐ߲߮ ߓߟߏ߫.
ߞߍ߬ߟߍ ߡߍ߲ ߝߣߍ߬ߝߣߍ ߟߎ߬ ߦߋ߫ ߛߋ߲߬ߠߊ߫ ߣߌ߲߬߸ ߣߴߊ߬ ߘߊߡߌ߬ߣߊ߬ ߘߊ߫ ߂߀߂߃ ߞߏ߲ߓߌߕߌ߮ ߟߊ߫߸ ߘߎߢߊ߫ ߓߍ߯ ߞߊ߲߫ ߠߋ߬ ߞߏ߫ ߤߡߊߛߌ߬ ߟߋ߬ ߞߵߏ߬ ߘߊߡߌ߬ߣߊ߬߸ ߊ߬ߟߎ߬ ߞߍ ߞߐ ߘߐ߫ ߞߵߊ߬ߟߎ߬ ߞߍ߫ ߌߛߌ߬ߙߊ߬ߌߟߊ߫ ߞߊ߲߬، ߊ߬ ߘߏ߲߬߸ ߞߊ߬ߦߌ߯ ߘߎߢߊ߫ ߓߌ߬ߟߊ߬ ߘߊ߫߸ ߕߙߐߦߊ ߣߌ߫ ߛߍ߱ ߡߍ߲ ߓߘߊ߫ ߜ߭ߊ߯ߖ߭ߊ߬ ߛߐ߬ߘߐ߲߫ ߣߌ߲߬ߛߋ߬ ߞߟߍ ߣߌ߲߬ ߝߍ߬߸ ߏ߬ ߢߐ߲߰ ߕߎ߲߬ ߡߊ߫ ߞߍ߫ ߝߟߐ߫.
ߓߌ߬ ߟߋ߬ ߂߀߂߅ ߞߏߟߌ߲ߞߏߟߌ߲ ߕߟߋ߬ ߁߀ ߘߌ߫߸ ߊ߬ ߟߊߘߊ߲ ߛߊ߲߬ߞߎ߲߬ߢߐ߲߮ ߠߵߏ߬ ߘߌ߫، ߓߊ߬ߙߌ߬ ߘߊ߲ߘߐ߫ ߦߴߊ߬ߟߎ߬ ߟߊ߫ ߞߏ ߘߐ߫: ߊ߬ߟߎ߬ ߟߊ߫ ߕߏ߰ߝߏ ߟߋ߬ ߕߏ߰ߝߏ߬ߓߊ ߘߌ߫ ߦߋ߲߬߸ ߒ߬ߞߵߊ߬ߟߎ߬ ߟߊ߫ ߖߡߊ߬ߣߊ߬ߘߋ߲ ߠߎ߬ ߛߍ߰ߣߍ߲߫߸ ߊ߬ߟߎ߬ ߦߋ߫ ߞߍ߬ߟߍ߫ ߟߋ߬ ߘߐ߫߸ ߓߐߒߘߊ߫ ߛߐ߬ߘߐ߲߬ߣߍ߲߬ ߕߍ߫ ߡߍ߲ ߠߊ߫ ߡߎߣߎ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.