ߝߙߍ߬ ߞߎߘߊ ߣߌ߲߬ ߟߐ߬ߣߍ߲߫ ߖߡߊ߬ߣߊ߬ ߇߅ ߟߋ߬ ߡߊ߬߸ ߖߡߊ߬ߣߊ߫ ߇߅ ߏ߬ ߟߎ߬ ߕߍߡߊ߬߸ ߝߘߊ߬ߝߌ߲߬ ߖߡߊߣߊ ߂߆ ߟߋ߬ ߦߴߊ߬ ߘߐ߫߸ ߦߏ߫ ߟߊ߬ߖߌߣߍ߫߸ ߖߘߊ߬ߞߙߎ߬߸ ߛߣߍ߬ߜ߭ߊ߬ߟߌ߫߸ ߊ߬ ߣߌ߫ ߘߏ߫ ߜߘߍ߫ ߟߎ߫ ߝߣߊ߫߸ ߡߍ߲ ߠߎ߬ ߓߍ߯ ߕߍ߫ ߛߋ߫ ߡߊߘߊ߲߫ ߠߴߊ߲ ߓߟߏ߫߸ ߟߊ߬ߕߍ߰ߦߊ ߣߌ߲߬ ߕߊ߬ ߘߊ߫ ߞߎߣߎ߲ߟߏ߲ ߕߊ߬ߡߌ߲߬ߣߍ߲ ߠߋ߬ ߡߊ߬߸ ߞߵߊ߬ ߓߍ߲߬ ߊߡߙߌߞߌ߬ ߟߊ߫ ߞߎ߲߬ߝߍ߬ߕߊ߰ߟߊ߫ ߟߎ߫ ߞߍ߬ߟߍ ߡߊ߬.

ߒ߬ߓߊ߬߸ ߊ߬ ߛߋ߲߬ߧߊ߬ ߝߟߐ߫ ߕߍ߫ ߣߌ߲߬ ߘߌ߫ ߘߋ߬߸ ߊߡߙߌߞߌ߬ ߦߋ߫ ߡߙߌߘߐ߫ ߛߎ߯ ߣߌ߲߬ ߕߊ߬ ߞߵߊ߬ ߢߍߛߌ߲߫ ߞߎ߲߬ߝߍ߬ߕߊ߰ߟߊ߫ ߟߎ߫ ߡߊ߬߸ ߛߋ߲߬ߧߊ ߣߌ߲߬ ߕߊ ߢߍߛߌ߲ߣߍ߲߫ ߖߡߊ߬ߣߊ߬ ߇߅ ߡߍ߲ ߡߊ߬߸ ߏ߬ ߟߎ߫ ߞߏ߬ߣߌ߲ ߖߡߊ߬ߣߊ߬ߘߋ߲ ߠߎ߬ ߕߍ߫ ߣߊ߬ ߛߋ߫ ߟߊ߫ ߘߏ߲߬ߛߓߍ ߛߐ߬ߘߐ߲߬ ߠߊ߫ ߓߎ߬ߕߎ߲߫ ߞߊ߬ ߘߏ߲߬ ߊߡߙߌߞߌ߬ ߞߣߐ߫߸ ߟߊ߬ߕߍ߰ߦߊ ߣߌ߲߬ ߓߍߣߊ߬ ߓߟߏߦߊ߫ ߘߊߡߌ߬ߣߊ߬ ߂߀߂߆ ߓߌ߲ߠߊߥߎߟߋ߲߫ ߕߋ߬ߟߋ߫ ߂߁ ߠߋ߬ ߡߊ߬.

ߖߡߊ߬ߣߊ ߟߊߞߊ߲ߘߊ ߞߏߕߌ߯ߘߊ ߞߵߊ߬ ߦߌ߬ߘߊ߫߸ ߞߏ߫ ߞߎ߲߬ߝߍ߬ߕߊ߰ߟߊ߫ ߥߊ߫ ߗߡߍ߬ ߥߐ߯ߙߐ߫ ߊ߬ ߣߌ߫ ߟߏ߯ߟߎ߫ ߟߋ߬ ߜߍ߲߫ ߘߊ߫ ߞߊ߬ ߓߐ߫ ߖߡߊ߬ߣߊ ߣߌ߲߬ ߞߣߐ߫ ߞߊߙߏ߫ ߟߊߓߊ߲߫ ߢߌ߲߬ ߠߎ߬ ߟߊ߫߸ ߞߊ߬ ߛߐ߬ߘߐ߲߬ ߡߐ߰ ߞߋ߲߬ߥߟߎ߫ ߝߌ߬ߟߊ߬ ߣߌ߫ ߝߊ߲ߘߊ߫ ߓߐ߫ ߘߊ߫ ߟߋ߬ ߞߘߐ߬ߡߊ߲߫߸ ߣߌ߫ ߡߐ߰ ߟߊ߫ ߜߍ߲ߠߌ߲߫ ߕߍ߫.

ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.