ߊ߬ ߕߟߋ߬ ߃߆߲ ߠߋ߬ ߕߋ߲߬߸ ߌߛߌ߬ߙߊ߬ߌߟߊ߫ ߣߌ߫ ߊߡߋߙߌߞߌ߬ ߟߊ߫ ߥߊ߬ߟߏ߲߬ߠߌ߲ ߦߋ߫ ߌߙߊ߲߫ ߞߊ߲߬߸ ߏ߬ ߟߋ߬ ߘߐ߫߸ ߌߙߊ߲߫ ߝߣߊ߫ ߟߊ߫ ߕߊߖߟߎߛߙߊ ߦߴߊ߬ ߞߊ߲߬، ߕߊߖߟߎߛߙߊ߫ ߏ߬ ߛߊߓߎ߫ ߟߊ߫߸ ߊߡߋߙߌߞߌ߬ ߟߊ߫ ߞߎߟߎ߲ߞߎߟߎ߲ ߘߏ߫ ߟߋ߬ ߛߎߡߊ߲߫ ߘߊ߫ ߌߙߊ߲߫ ߓߟߏ߫ ߛߌ߬ߣߌ߲߬ߟߏ߲ ߕߊ߬ߡߌ߲߬ߣߍ߲ ߡߊ߬ ߞߊ߬ ߏ߬ ߘߐ߫ ߖߍ߲ߛߍ߲߫، ߌߛߌ߬ߙߊ߬ߌߟߊ߫ ߞߟߍ߬ߓߟߏ ߟߊ߫ ߓߋߟߋ߲ߕߌ߮ ߟߊ߫ ߟߊ߬ߛߋ߬ߟߌ߬ ߘߐ߫ ߊ߬ ߟߊ߫ ߕߟߋ߬ߜ߭ߑߙߊߡ ߖߊ߬ߕߋ߬ߘߊ ߟߊ߫߸ ߞߏ߫ ߕߑߦߌߙ ߘߎ߰ߘߋ߲ ߠߎ߬ ߦߋ߫ ߊ߬ߟߎ߬ ߡߊߞߍ߫ ߘߌ߲ߞߌߙߊ ߟߎ߫ ߓߌ߬ߟߊ߬.
ߓߊߏ߬߸ ߞߏ߫ ߞߍ߬ߟߍ ߟߎ߬ ߓߍߣߊ߬ ߖߎ߯ߦߊ߫ ߟߌߓߊ߲߫ ߥߙߏ߬ߘߎ߮ ߘߐ߫، ߞߍ߲ߘߍߟߏ߲ ߛߐ߰ߡߊ߬ߘߊ ߟߋ߬ ߟߊ߫߸ ߌߛߌ߬ߙߊ߬ߌߟߊ߫ ߣߌ߫ ߊߡߋߙߌߞߌ߬ ߟߊ߫ ߥߊ߬ߟߏ߲߬ߠߌ߲ ߞߊ߬ ߕߌߢߍߟߌ߫ ߟߊߛߋ߫ ߟߋ߬ ߟߐ߯ߝߍߓߊ ߘߏ߫ ߞߣߐ߫߸ ߌߛߌ߬ߙߊ߬ߌߟߊ߫ ߣߌ߫ ߌߙߊ߲߫ ߓߐߕߏ߲ ߠߊ߫، ߊ߬ ߣߌ߫ ߞߊ߬ ߡߐ߰ ߞߋߟߋ߲߫ ߓߐ߬ߣߐ߫ ߊ߬ ߣߌ ߘߐ߫߸ ߝߣߊ߫ ߌߙߊ߲߫ ߞߟߍ߬ߘߋ߲ ߘߏ߫ ߝߊ߰ ߘߊ߫ ߟߋ߬ ߛߌߙ ߓߐ߬ߕߏ߲ ߠߊ߫.
ߊߡߋߙߌߞߌ߬ ߣߌ߫ ߌߛߌ߬ߙߊ߬ߌߟߊ߫ ߟߋ߬ ߘߏ߲߬ ߡߊߝߌ߲߬ߣߍ߲߫ ߏ߬ ߞߏߢߊ ߘߐ߫߸ ߊ߬ߟߎ߫ ߘߏ߲߬ ߡߊߝߌ߲߬ߣߍ߲߫ ߘߍ߬ߡߍ߲߬ߠߌ߲ ߞߙߎ ߓߊߙߊ߲ߕߏ߲߫ ߥߎߟߋ߲ ߘߏ߫ ߟߊ߫ ߝߊ߰ߟߌ ߘߐ߫ ߝߣߊ߫߸ ߌߙߊ߲߫ ߘߏ߲߬ ߝߣߊ߫ ߦߋ߫ ߕߊߖߟߎߛߙߊ ߟߊ߫، ߓߊߏ߬߸ ߊߡߋߙߌߞߌ߬ ߟߊ߫ ߞߟߍ߬ߞߍ߬ ߞߎߟߎ߲ߞߎߟߎ߲߫ ߝߌ߬ߟߊ߫ ߟߋ߬ ߘߐߖߍ߲ߛߍ߲߫ ߘߴߊ߬ ߓߟߏ߫ ߕߋ߲߬߸ ߊ߬ ߛߋ߲߬ߧߊ߬ ߝߟߐ߫ ߦߋ߫ ߕߋ߲߬ ߌߙߊ߲߫ ߦߋ߫ ߣߌ߲߬ ߞߍ߫ ߞߊ߬ߦߌ߯ ߞߍ߬ߟߍ ߣߌ߲߬ ߘߊߡߌ߬ߣߊ߬ ߘߊ߫.
ߞߍ߬ߟߍ ߘߊߡߌ߬ߣߊ߬ ߣߌ߫ ߓߌ߬ ߕߍ ߘߏ߲߬ ߓߘߊ߫ ߟߐ߯ߞߎ߲߫ ߟߏ߯ߟߎ߫ ߓߐ߫، ߙߏߥߑߕߙߌߛ ߝߐ߰ߓߍ߬ߘߊ ߟߊ߫ ߝߐߟߌ߫ ߘߐ߫ ߞߊ߬ߣߌ߲߬߸ ߊ߬ߟߎ߫ ߞߏ߬ߣߌ߲ ߛߋ߫ ߘߊ߫ ߞߵߊ߬ߟߎ߬ ߟ߫ߊ ߞߎߟߎ߲ߞߎߟߎ߲߫ ߓߏߙߌߟߊ߫ ߞߋߟߋ߲߫ ߠߊߞߛߌ߫ ߛߊ߬ߦߊ ߡߊ߬߸ ߞߋߟߋ߲ ߦߋߣߍ߲߫ ߕߍ߫ ߝߟߐ߫، ߌߙߊ߲߫ ߞߐߞߊ߲ߞߏ ߞߏߕߌ߮ ߓߘߊ߫ ߔߊߞߌߛߑߕߊ߲߫ ߝߏ߬ ߊ߬ ߟߊ߫ ߘߐ߬ߖߊ ߟߊ߫߸ ߊ߬ ߟߊ߫ ߝߐߟߌ߫ ߘߐ߫ ߌߙߊ߲߫ ߡߴߊ߬ ߓߊ߲߬ ߢߊ߫ ߛߌ߫ ߟߋ߬ ߡߊ߬ ߞߊ߬ ߕߊ߯ ߞߎߡߊߢߐ߲߯ߦߊ ߞߍ߫ ߊߡߋߙߌߞߌ߬ ߝߍ߬.
ߌߙߊ߲߫ ߞߐߞߊ߲ߞߏ ߞߏߕߌ߮ ߣߌ߲߬ ߞߊ߲߫߸ ߞߏ߫ ߊ߬ߟߎ߬ ߟߊ߫ ߟߊ߬ߢߌߣߌ߲ ߦߋ߫ ߡߍ߲ ߘߌ߫߸ ߞߎߡߊ ߟߎ߬ ߓߏ߬ߙߌ߬ߕߐ߫ ߡߎ߲߬ ߞߊ߲߬ ߖߐ߲߰ߛߊ߫ ߞߊ߬ ߘߊ߲߭ߛߌ߰ ߞߍ߬ߟߍ ߣߌ߲߬ ߠߊ߫؟
ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.