ߓߋ߬ߒ߬ߞߊ߲߬ߠߌ߲߬ߠߊ ߟߎ߬ ߓߋ߬ ߘߊ߫ ߣߊ߲߬ߕߌ߮ ߟߎ߬ ߟߊ߫ ߘߊ߮ ߘߏ߫ ߞߊ߲߬ ߞߝߏߣߎ߫ ߞߊߙߌߡߊߡߊ߫ ߞߊ߬ߝߏ߬ߙߋ߲ ߞߣߐ߫ ߓߋߣߍ߲߫ ߥߙߏ߬ߘߎ߮ ߣߴߊ߬ ߕߟߋ߬ߓߋ ߕߍߟߊ ߘߐ߫߸ ߘߊ߲߬ߕߍ߰ߟߌ߬ ߛߓߍ ߘߏ߫ ߦߴߊ߬ ߦߌ߬ߘߊ߬ ߟߊ߫ ߞߏ߫ ߓߋ߬ߒ߬ߞߊ߲߬ߠߌ߲ ߣߌ߲߬ ߕߌ߰ߦߊ ߕߊ߬ ߘߊ߫ ߛߌ߬ߟߊ߬ߡߊ ߟߎ߬ ߣߌ߫ ߛߌ߬ߟߡߊ߬ߦߊ ߞߐߡߊߓߌ߲ߓߌ߲߫ ߞߙߎ ߟߋ߬ ߓߟߏ߫߸ ߣߊ߲߬ߕߌ߮ ߟߎ߫ ߞߏ߬ߣߌ߲ ߞߵߊ߬ ߟߊߛߋ߫ ߞߏ߫ ߊ߬ߟߎ߬ ߛߋ߫ ߘߊ߫ ߊ߬ߟߎ߬ ߕߍ߯ ߟߊ߫ ߟߊ߫ ߓߋ߬ߒ߬ߞߊ߲߬ߠߌ߲߬ߠߊ ߡߍ߲߬ ߠߎ߫ ߘߐ߫߸ ߞߵߊ߬ߟߎ߬ ߟߊ߫ ߡߐ߰ ߣߊ߯ߣߌ߲߫ ߝߊ߰߸ ߊ߬ ߣߌ߫ ߞߵߊ߬ߟߎ߬ ߕߍ߯ ߞߍ߫ ߔߏߔߏ ߟߎ߬ ߣߌ߫ ߞߟߍ߬ ߡߎ߬ߙߊ߲߬ ߛߌߦߊߡߊ߲߫ ߘߐ߫.
ߣߌ߲߬ ߞߍ߫ ߘߊ߫ ߖߋ߬ߟߌ߬ߓߊ߬ߘߎ߯ ߓߐߕߏ߲ ߠߋ߬ ߞߍ߬ߙߍߝߍ߬߸ ߞߎߘߍ߫ ߦߙߌߞߊ ߦߋ߫ ߏ߬ ߡߍ߲ ߣߌ߫ ߓߋߣߍ߲߫ ߞߎߓߋߘߊ ߕߍ߫߸ ߟߊ߬ߞߊ߲߬ߘߊ߬ߟߌ ߢߍߡߐ߮ ߟߎ߬ ߞߵߊ߬ ߦߌ߬ߘߊ߬ ߞߏ߫ ߣߊ߲߬ߕߌ߰ ߁߅ ߟߋ߬ ߓߐ߬ߣߐ߫ ߘߴߊ߬ ߣߌ ߘߐ߫߸ ߊ߬ ߣߌ߫ ߞߊ߬ ߟߏ߯ߟߎ߫ ߖߐߞߌ߫߸ ߖߐߞߌߓߊ߯ߕߐ ߟߎ߬ ߞߏ߬ߣߌ߲ ߠߊ߫ ߖߐߞߟߌߘߊ ߡߊ߫ ߖߎ߯ߦߊ߫، ߊ߬ ߘߏ߲߬ ߛߋ߲߬ߧߊ߬ ߝߟߐ߫ ߕߍ߫ ߣߌ߲߬ ߘߌ߫ ߓߋ߬ߒ߬ߞߊ߲߬ߠߌ߲ ߦߋ߫ ߞߍ߫ ߦߙߐ ߣߌ߲߬ ߘߐ߫߸ ߓߊߏ߬߸ ߥߊ߯ߕߌ߫ ߛߌߦߊߡߊ߲߫ ߠߋ߬ ߟߊ߫߸ ߓߋ߬ߒ߬ߞߊ߲߬ߠߌ߲ ߦߴߌߘߐ߫ ߞߵߊ߬ ߢߍߛߌ߲߫ ߞߊߙߌߡߊߡߊ߫ ߣߴߊ߬ ߟߊߡߌߣߌ߲ ߡߊ߬، ߡߙߊ߬ߒ߬ߡߊ߬ߟߌ߫ ߟߊߓߊ߲ ߠߎ߬ ߞߐ ߘߐ߫.
ߓߋߣߍ߲߫ ߞߏߕߌ߮ ߟߎ߬ ߓߘߊ߫ ߣߊ߲߬ߕߌ߰ ߞߎߟߎ߲ߞߎߟߎ߲ ߠߎ߬ ߟߊߥߟߌ߬ ߞߏߢߊ߫ ߞߏߙߏ߲߫ ߞߍߟߊ ߟߎ߬ ߞߟߍ߬ ߞߊ߲ߡߊ߬߸ ߏ߬ ߟߋ߬ ߛߋ߲߭ߝߍ߬ ߓߋ߬ߒ߬ߞߊ߲߬ߠߌ߲߬ߠߊ ߣߊ߯ߣߌ߲߫ ߝߊ߰ ߘߊ߫ ߊ߬ ߣߌ߫ ߞߊ߬ ߕߍ߮ ߟߊ߫ ߔߏߔߏ ߘߏ߫ ߟߎ߫ ߣߌ߫ ߞߟߍ߬ ߡߎߙߊ߲ ߛߌߦߊߡߊ߲߫ ߘߐ߫߸ ߛߌ߬ߟߊ߬ߡߊ ߟߎ߬ ߣߌ߫ ߛߌ߬ߟߡߊ߬ߦߊ ߞߐߡߊߓߌ߲ߓߌ߲߫ ߞߙߎ ߣߐ߬ ߟߊ߬ߛߋ߬ߟߌ ߘߏ߫ ߟߋ߬ ߞߍ߫ ߟߊ߫ ߞߏ߫ <<ߊ߬ߟߎ߬ ߓߘߊ߫ ߣߊ߲߬ߕߌ߮ ߟߎ߬ ߟߊ߫ ߘߊ߮ ߣߌ߲߬ ߡߌ߬ߘߊ߫ ߊ߬ߟߎ߬ ߟߊ߫>> ߒ߬ߓߊ߬߸ ߓߋߣߍ߲߫ ߣߊ߲߬ߕߌ߰ ߞߎ߲ߕߌ߮ ߘߏ߫ ߟߋ߬ ߝߣߊ߫ ߣߐ߬ ߟߊ߬ߛߋ߬ߟߌ ߞߍ߫ ߟߊ߫ ߞߏ߫.
<<ߊ߬ߟߎ߫ ߞߊ߬ ߜߊ߬ߟߏ ߟߊ߫ ߟߋ߬ ߓߋ߬ߒ߬ߞߊ߲߬ߠߌ߲߬ߠߊ ߡߍ߲߬ ߠߎ߫ ߞߊ߲߬ ߠߋ߬>> ߊ߬ ߘߏ߲߬ ߞߏ߫ ߣߊ߲߬ߕߌ߮ ߟߎ߬ ߟߊ߫ ߓߊ߯ߙߊ ߦߋ߫ ߛߋ߲߬ߠߊ߫ ߤߊߟߌ߬ ߛߊ߫߸ ߕߌ߲߬ߞߎߘߎ߲ ߣߌ߲߬ ߘߏ߲߬ ߝߣߊ߫ ߣߊ߲߬ߕߌ߮ ߟߎ߬ ߦߴߊ߬ߟߎ߫ ߞߟߍ߬ߞߍ߬ ߛߋ߲ ߞߎ߲߬ߘߐ߫، ߣߊ߲߬ߕߌ߮ ߟߎ߬ ߞߏ߬ߣߌ߲ ߡߊ߫ ߘߊ߲߬ߕߍ߰ߟߌ߫ ߖߐ߲ߖߐ߲߫ ߞߍ߫ ߞߏߢߊ ߣߌ߲߬ ߞߍߗߏ߮ ߞߊ߲߬߸ ߊ߬ ߣߌ߫ ߝߙߍ߬ ߞߎߘߊ ߡߍ߲ ߠߎ߬ ߕߊ߬ߕߐ߫ ߞߊ߬ ߞߏ ߛߎ߮ ߡߍ߲߬ ߠߎ߬ ߟߊߘߊ߲߬ ߛߌߟߊ߫ ߕߍ߫.
ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.