ߓߙߎߞߌߣߊ߫ ߝߊ߬ߛߏ ߘߐ߬ߕߊߡߌ߲ ߞߊ߲ߕߌ߮ ߢߍߡߌߘߊ߫ ߌߓߙߊߤߌߡ ߕߙߊߥߟߋ߫ ߞߊ߬ ߘߊ߲߬ߕߍ߰ߟߌ ߘߏ߫ ߟߋ߬ ߞߍ߫ ߓߌߟߏ߲ ߕߊ߬ߡߌ߲߬ߣߍ߲ ߡߊ߬، ߞߏ߫ « ߓߍ߯ߦߊ߫ ߝߊ߲߬ߞߊ ߕߍ߫ ߊ߲ ߕߊ߫ ߘߌ߫߸ ߞߏ߫ ߡߌ߬ߙߌ߲߬ߘߌ ߞߊ߫ ߞߊ߲߫ ߞߊ߬ ߢߌ߬ߣߊ߬ ߓߍ߯ߦߊ ߞߐ߫ ߟߋ߬ » ߌߓߙߊߤߌߡ ߕߙߊߥߟߋ߫ ߘߊ ߛߋ߫ ߘߊ߫ ߞߎߡߊ߫ ߛߌߦߊߡߊ߲߫ ߠߋ߬ ߡߵߊ߬ ߟߊ߫ ߘߊ߲߬ߕߍ߰ߟߌ ߣߌ߲߬ ߛߋ߲߭ߝߍ߬، ߓߊ߰ߓߊ߰ߟߌ߬ߟߊ ߟߎ߬ ߞߟߍ߬ߟߌ߸ ߞߊ߬ߝߏ߬ߖߊ߲߬ߛߏ߲߬ߠߌ߲߸ ߓߊ߯ߙߊߢߐ߲߯ߦߊ ߊ߬ ߣߌ߫ ߞߐߞߊ߲߫ ߖߡߊߣߊ ߟߎ߬ ߣߌ߫ ߢߐ߲߯ ߕߍ߫، ߞߊ߬ߦߌ߯ ߌߓߙߊߤߌߡ ߕߙߊߥߟߋ߫ ߞߊ߬ ߘߊ߲߬ߕߍ߰ߟߌ ߣߌ߲߬ ߞߍ߫߸ ߓߙߎߞߌߣߞߊ ߟߎ߬ ߦߋ߫ ߓߐ߫ ߟߊ߫ ߤߊߞߟߌߣߊ߲ ߠߎ߬ ߘߌ߫ ߝߊ߲߬ ߓߍ߯ ߝߍ߬.
ߘߏ߫ ߟߊ߫ ߞߎߡߊ߫ ߘߐ߫߸ ߢߍߡߌߘߊ߫ ߌߓߙߊߤߌߡ ߕߙߊߥߟߋ߫ ߞߊ߬ ߝߋ߲߫ ߺ ߋ߲߫ ߺ ߝߋ߲߬ ߝߐ߫ ߓߍ߯ߦߊ ߝߊ߲߬ߞߊ ߣߌ߫ ߟߊ߬ߞߊ߲߬ߘߊ߬ߟߌ ߞߊ߲߬߸ ߏ߬ ߞߍ߫ ߘߊ߫ ߊ߬ߟߋ ߓߊ߬ߟߌ߬ ߞߏ ߟߋ߬ ߘߌ߫ « ߌߓߙߊߤߌߡ ߕߙߊߥߟߋ߫ ߣߊ߬ ߘߊ߫ ߞߊ߬ߝߏ߬ߖߊߛߏ߲ ߠߋ߬ ߘߌ߫ » ߊ߬ ߡߊ߫ ߣߊ߬ ߓߍ߯ߦߊ߫ ߘߌ߫ ߘߋ߬، ߊ߬ ߦߴߊ߬ ߝߍ߬ ߞߵߊ߬ ߟߊ߫ ߝߊ߲߬ߞߊ ߟߋ߬ ߛߌ߰߸ ߕߎ߬ߡߊ߬ߘߐ߫، ߌߓߙߊߤߌߡ ߕߙߊߥߟߋ߫ ߟߊ߫ ߝߊ߲߬ߞߊ ߕߊ߬ ߕߎߡߊ ߟߊ߫߸ ߊ߬ ߞߵߊ߬ ߞߊ߲ߕߏ߫ ߞߏ߫ ߦߊ߬ߣߌ߫ ߞߊߙߏ߫ ߥߐ߯ߙߐ߫ ߢߐ߲߰߸ ߊ߬ ߘߌߣߊ߬ ߟߊ߬ߞߊ߲߬ߘߊ߬ߟߌ ߘߌ߫ ߓߙߎߞߌߣߊ߫، ߛߘߋߦߊ ߞߊ߲߫ ߞߏ߫ ߊ߬ ߦߋ߫ ߞߊߙߏ߫ ߁߈ ߘߴߊ߬ ߡߊ߬߸ ߞߏ߫ ߞߊߙߏ߫ ߁߈ ߖߍ߬ߘߍ ߞߊ߫ ߛߌߦߊ߫߸ ߏ߬ ߞߐ߫ ߞߣߊ߬ ߟߊ߬ߞߊ߲߬ߘߊ߬ߟߌ ߘߌ߫ ߓߙߎߞߌߣߊ߫.
ߊ߲ ߘߏ߲߬ ߦߋ߫ ߊ߬ ߛߌ߱ ߛߊ߲߭ ߛߓߊ߬ ߣߌ߫ ߝߊ߲ߘߊ߫ ߟߋ߬ ߘߐ߫ ߕߋ߲߬߸ ߟߊ߬ߞߊ߲߬ߘߊ߬ߟߌ߬ ߕߍ߫ ߓߙߎߞߌߣߊ߫، ߏ߬ ߟߋ߬ ߞߍ߫ ߘߊ߫ ߓߘߍ߬ߓߘߍ߬ߟߌ߬ ߡߐ߮ ߣߌ߲߬ ߠߊ߫ ߞߎߡߊ ߘߌ߫، ߡߊ߬ߡߊ߬ߘߌ߫ ߞߓߊ߬ ߝߣߊ߫ ߟߊ߫ ߞߎߡߊ߫ ߘߐ߫߸ ߊ߬ߟߋ ߡߍ߲ ߦߋ߫ ߊߘߊߡߊ߬ߘߋ߲ ߠߎ߬ ߤߊߞߍ߫ ߡߞߊߘߊ߲ߠߊ ߣߌ߫ ߓߍ߯ߦߊ ߟߊߝߛߊ߬ߓߊ߮ ߘߌ߫ ߖߌ߬ߣߍ߬ ߞߣߐ߫߸ ߢߍߡߌߘߊ߫ ߌߓߙߊߤߌߡ ߕߙߊߥߟߋ߫ ߟߊ߫ ߞߎߡߊ߫ ߣߌ߲߬ ߞߊ߫ ߞߊ߲߫ ߞߊ߬ ߓߌ߬ߟߊ߬ « ߝߌ߬ߟߌ » ߞߊߡߊ߲ ߠߋ߬ ߞߣߐ߫، « ߣߌ߫ ߓߍ߯ߦߊ ߡߊ߫ ߟߊߛߊ߬ߦߌ߲߫ ߊ߬ ߟߊ߫ ߖߡߊ߬ߣߊ ߞߣߐ߫߸ ߊ߬ ߞߍߕߐ߫ ߣߡߌߛߊ ߟߋ߬ ߘߌ߫߸ ߓߊߏ߬߸ ߖߡߊ߬ߣߊ ߓߍߣߊ߬ ߢߊ߯ߡߌ߲߫ ߝߏ߫ ߊ߬ߟߋ ߖߍ߬ߘߍ ߘߌ߫ ߛߋ߫ ߞߢߊ߬ ߟߴߊ߬ ߟߊ߫ ߖߡߊ߬ߣߊ ߡߙߊ߬ ߟߊ߫.
ߛߊ߬ߙߌ߬ߦߊ߬ ߕߍ߫ ߞߍ߫ ߦߋ߲߬ ߓߍ߯ ߘߌߣߊ߬ ߡߍ߲ ߓߐ߫ ߊ߬ ߛߌߟߊ ߝߍ߬߸ ߓߊߏ߬߸ ߡߊ߲߬ߛߊ߬ߞߍ ߖߍ߬ߘߍ ߕߍ߫ ߛߊ߬ߙߌ߬ߦߊ߫ ߞߣߐ߫߸ ߡߊ߲߬ߛߊ߬ߞߍ ߖߍ߬ߘߍ ߡߊ߫ ߟߊߛߌ߰ ߛߊ߬ߙߌ߬ߦߊ ߞߊ߲߬، ߏ߬ ߘߐ߫߸ ߡߊ߲߬ߛߊ߬ߞߍ ߕߍߣߊ߬ ߛߋ߫ ߟߊ߫ ߛߊ߬ߙߌ߬ߦߊ߬ ߟߊ߫ ߟߊ߫ ߡߐ߰ ߞߊ߲߬ » ߞߊ߬ߦߌ߯ ߢߍߡߌߘߊ߫ ߌߓߙߊߤߌߡ ߕߙߊߥߟߋ߫ ߞߊ߬ ߘߊ߲߬ߕߍ߰ߟߌ ߣߌ߲߬ ߞߍ߫ ߓߌߟߏ߲ ߕߊ߲߬ߡߌ߲߬ߣߍ߲ ߂߀߂߆ ߞߏ߲ߞߏߘߌ߬ߓߌ ߕߋ߬ߟߋ߫ ߝߌ߬ߟߊ ߡߊ߬߸ ߓߙߎߞߌߣߞߊ ߟߎ߬ ߦߴߊ߬ ߞߊ߲߬ ߞߊ߬ ߓߐ߫ ߤߊߞߟߌߣߊ߲ ߠߎ߬ ߘߌ߫ ߓߟߐߟߐ ߟߎ߫ ߞߊ߲߬ ߝߊ߲߭ ߓߍ߯ ߝߍ߬، ߘߏ߫ ߟߎ߫ ߓߘߴߊ߬ߟߎ߬ ߤߊߞߟߌߣߊ߲ ߠߎ߬ ߝߐ߫߸ ߘߏ߫ ߟߎ߫ ߞߏ߬ߣߌ߲ ߝߣߊ߫ ߞߊ߲߫ ߞߏ߫ « ߓߍ߯ߦߊ » ߟߋ߬ ߢߐ߲߰ ߕߍ߫.
ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.