ߓߙߎߞߌߣߊ߫߸ ߣߊ߲߬ߕߌ߮ ߟߎ߬ ߓߘߊ߫ ߟߊ߬ߛߋ߬ߟߌ ߘߏ߫ ߞߍ߫ ߞߏ߫ ߊ߬ߟߎ߬ ߓߘߊ߫ ߓߊ߰ߓߊ߰ߟߌ߬ߟߊ߬ ߅߇ ߢߐ߲߰ ߓߐ߬ߣߐ߫ ߊ߬ ߣߌ ߘߐ߫ ߊ߬ߟߎ߬ ߟߊ߫ ߟߊ߬ߞߊ߲߬ߘߊ߬ߟߌ ߓߊ߯ߙߊ ߘߏ߫ ߛߋ߲߭ߝߍ߬ ߣߊߞߊ߲ߡߑߓߋ߫، ߖߡߊ߬ߣߊ ߣߌ߲߬ ߕߊ߲ߓߊ߲ ߣߴߊ߬ ߞߐߘߐ߲ ߘߐ߫، ߛߌ߬ߟߊ߬ߡߊ ߟߎ߬ ߣߌ߫ ߛߌ߬ߟߡߊ߬ߦߊ ߞߐߡߊߓߌߓߌ߲߫ ߞߙߎ ߢߍߡߐ߮ ߘߏ߫ ߦߴߊ߬ ߘߐ߫߸ ߣߴߊ߬ ߦߋ߫ ߞߊ߬ߙߌߡ ߕߙߏߘߏ߫ ߘߌ߫، ߣߴߊ߬ ߦߋ߫ ߞߟߌ߫ ߟߊ߫ ߞߏ߫ « ߊߓߘߎߟ ߓߊߛߌߙߎ߬ » ߗߍ߭ ߣߌ߲߬ ߡߊߟߐ߲ߣߍ߲߫ ߕߘߍ߬ ߦߋ߫ ߞߏߢߊ߫ ߞߏߙߏ߲߫ ߛߌߦߊߡߊ߲߫ ߠߋ߬ ߞߍߟߌ ߘߐ߫.
ߏ߬ ߟߋ߬ ߖߍ߬ߘߍ ߞߏߛߐ߲߬߸ ߂߀߂߃ ߥߊ߬ߛߌ߬ߥߙߊ ߟߊ߫߸ ߓߙߎߞߌߣߊ߫ ߞߎ߲߬ߠߊ߬ߛߌ߮ ߟߎ߬ ߞߊ߬ ߟߊ߬ߛߋ߬ߟߌ ߘߏ߫ ߞߍ߫ ߊ߬ ߟߊ߫ ߞߏ ߞߊ߲߬߸ ߞߏ߫ ߣߌ߫ ߡߐ߰ ߡߍ߲ ߛߋ߫ ߘߴߊ߬ ߡߌ߬ߣߊ߬ ߟߊ߫߸ ߞߏ߫ ߊ߬ߟߎ߬ ߘߌ߫ ߛߍߝߊ߫ ߥߊߘߌ ߡߟߌߦߏ߲߫ ߗߡߍ߬ ߣߌ߫ ߓߌ߫ ߥߐߙߐ߲ߝߌ߬ߟߊ߬ ߣߌ߫ ߟߏ߯ߟߎ߫ ߘߌ߫ ߏ߬ ߕߌ߱ ߡߊ߬، ߟߊ߬ߛߋ߬ߟߌ ߣߌ߲߬ ߞߍ߫ ߘߊ߫ ߣߊ߲߬ߕߌ߮ ߟߎ߬ ߓߟߏ߫ ߞߍ߲ߘߍߟߏ߲ ߕߊ߬ߡߌ߲߬ߣߍ߲ ߣߌ߲߬ ߠߋ߬ ߡߊ߬߸ ߓߊ߰ߓߊ߰ߟߌ߬ߟߊ߬ ߢߍߡߐ߮ ߣߌ߲߬ ߝߊ߬ ߘߊ߫ ߞߵߊ߬ ߛߌ߬ߞߛߊ߬ߓߌ ߕߏ߫ ߛߊ߲߬ ߃߅ ߟߋ߬ ߘߐ߫.
ߊ߬ߟߋ ߦߋ߫ ߓߐ߫ ߟߊ߫ ߞߊ߲ߞߊ߲ߡߏߜ߭ߑߙߌ߲߫ ߠߋ߬߸ ߂߀߁߉ ߟߋ߬ ߟߊ߫߸ ߊ߬ ߦߋ߫ ߝߐ߫ ߟߊ߫ ߊߟߑߞߊߘߌߦߊ߫ ߓߏߟߏ߲ߝߘߊ ߡߍ߲ ߡߊ߬ ߞߏ߫ ߛߌ߬ߟߊ߬ߡߊ ߟߎ߬ ߣߌ߫ ߛߌ߬ߟߡߊ߬ߦߊ ߞߐߡߊߓߌ߲ߓߌ߲߫ ߞߙߎ߸ ߊ߬ ߘߏ߲߬ ߘߊ߫ ߏ߬ ߟߎ߬ ߟߊ߫ ߞߙߎ ߘߐ߫، ߛߙߋߦߊ ߟߎ߬ ߘߐ߫߸ ߊ߬ ߟߊ߫ ߞߟߍ߬ ߝߟߐ ߓߋ߬ ߘߊ߫ ߔߡߊ߫ ߟߋ߬ ߞߏߔߌߣ ߟߊ߫ ߡߊ߬ߙߊ ߘߐ߫߸ ߞߊ߬ ߥߊ߫ ߝߊ߲߬ߞߊ ߛߐ߬ߘߐ߲߫ ߝߘߊ߬ߝߌ߲߬ߠߊ߫ ߖߡߊ߬ߣߊ߬ ߜߘߍ߫ ߟߎ߫ ߘߐ߫߸ ߒ߬ߓߊ߬߸ ߊ߬ ߟߊ߫ ߞߏߢߊ߫ ߞߏߙߏ߲߫ ߏ߬ ߟߎ߫ ߟߋ߬ ߛߊߓߎ߫ ߟߊ߫.
ߓߊ߰ߓߊ߰ߟߌ߬ ߞߙߎ ߏ߬ ߢߍߡߐ߮ ߟߎ߫ ߞߵߊ߬ ߝߏ߬߸ ߊ߬ ߣߌ߫ ߞߵߊ߬ ߟߐ߬ߘߎ߮ ߘߴߊ߬ ߡߊ߬، ߊ߬ ߟߊ߫ ߞߍ߬ߟߍ ߟߎ߫ ߞߎ߲߬ߛߌ߲߫ ߘߊ߫ ߦߙߐ ߡߍ߲ ߠߎ߫ ߡߊ߬߸ ߏ߬ ߘߏ߫ ߟߋ߬ ߦߋ߫ ߣߊ߲ߞߊߡߑߓߋ߫ ߘߌ߫ ߊ߬ ߣߌ߫ ߛߌ߬ߙߊ߫߸ ߞߵߏ߬ ߕߊ߬ ߞߵߊ߬ ߟߊ߫ ߓߙߎߞߌߣߊ߫ ߟߊߡߌߣߌ߲ ߘߏ߫ ߟߎ߫ ߞߊ߲߬، ߊ߬ ߘߏ߲߬ ߞߊ߬ ߣߊ߲߬ߒ߬ߕߊ߲߬ ߛߌߦߊߡߊ߲߫ ߠߋ߬ ߓߐ߬ߣߐ߫ ߊ߬ ߣߌ ߘߐ߫ ߘߌ߲߬ߞߌߙߊ ߏ߬ ߟߎ߬ ߘߐ߫ ߦߋ߲߬߸ ߊ߬ ߟߊ߫ ߞߏߙߏ߲ߧߊ ߞߍ߫ ߘߊ߫ ߕߎ߬ߙߎ߫ ߘߌ߫ ߞߊ߬ ߣߊ߲߬ߒߕߊ߲ ߛߌߦߊߡߊ߲߫ ߟߐ߬ ߊ߬ߟߎ߫ ߘߌ߲߬ߞߌߙߊ ߟߎ߫ ߓߌ߬ߟߊ߬ ߟߊ߫.
ߞߊ߬ ߞߐ߲߰ ߞߊ߬ߙߌߡ ߕߙߏߘߏ߫ ߟߊ߫ ߝߊ߰ߟߌ ߢߍ߫߸ ߓߙߎߞߌߣߊ߫ ߕߐ߲߫ ߓߟߏߡߊ ߟߎ߬ ߕߘߍ߬ ߓߘߊ߫ ߛߌ߬ߟߊ߬ߡߊ ߟߎ߬ ߣߌ߫ ߛߌ߬ߡߊ߬ߦߊ ߞߐߡߊߓߌ߲ߓߌ߲߫ ߞߙߎ ߢߍߡߐ߯ ߜߘߍ߫ ߟߊ߫ ߡߌ߬ߣߊ߬ߟߌ ߞߏߝߐ߫ ߞߏߝߐ߫߫ ߂߀߂߅ ߘߓߊ߬ߓߌߟߊ ߕߟߋ߬ ߁߅ ߡߊ߬.
ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.