ߞߐ߬ߟߏ߲ ߕߊ߬ߡߌ߲߬ߣߍ߲ ߣߌ߲߬ ߡߊ߬߸ ߞߟߏߞߟߏ߫ ߘߎ߱ ߟߊ߫߸ ߣߊ߬ߒߕߊ߲ ߘߏ߫ ߟߎ߫ ߟߋ߬ ߓߐ߬ߣߐ߫ ߘߴߊ߬ ߣߌ ߘߐ߫ ߣߊ߲߬ߕߌ߮ ߟߎ߬ ߟߊ߫ ߦߙߍߞߍߟߌ ߘߏ߫ ߛߋ߲߭ߝߍ߬߸ ߣߊ߲߬ߕߌ߮ ߟߎ߬ ߟߊ߫ ߦߙߍߞߍߟߌ ߏ߬ ߟߐ߬ߣߍ߲߫ ߕߘߍ߬ ߦߋ߫ ߓߊ߰ߓߊ߰ߟߌ߬ ߞߙߎ ߘߏ߫ ߟߎ߫ ߟߋ߬ ߟߊߘߊ߲߭ ߡߊ߬، ߣߊ߲߬ߕߌ߰ ߝߊ߲ߞߊ ߟߎ߬ ߓߘߊ߫ ߘߏ߫ ߝߙߊ߬ ߊ߬ߟߎ߬ ߟߊ߫ ߕߍߛߘߌ ߞߊ߲߬ ߛߊ߲ߡߊ߫ ߝߏߘߏ߲ߠߌ߲ ߘߐ߫ ߕߌߟߊߓߍߙ ߡߊ߬ߙߊ ߘߐ߫߸ ߊ߬ߟߎ߬ ߣߌ߫ ߡߊ߬ߟߌ ߓߐߕߏ߲ ߠߊ߫߸ ߊ߬ߟߎ߬ ߟߊ߫ ߥߊ߬ߟߏ߲߬ߠߌ߲ ߣߌ߲߬ ߛߋ߲߭ߝߍ߬ ߞߐ߬ߟߏ߲ ߕߊ߬ߡߌ߲߬ߣߍ߲ ߡߊ߬߸ ߛߙߋ ߛߌߦߊߡߊ߲߫ ߠߋ߬ ߞߵߊ߬ ߦߌߘߊߞߊ߬ ߞߏ߫ ߣߊ߲߬ߒߕߊ߲ ߛߌߦߊߡߊ߲߫ ߠߋ߬ ߝߊ߰ ߘߊ߫߸ ߖߌ߬ߦߊ ߘߏ߫ ߟߎ߫ ߦߴߊ߬ ߦߌ߬ߘߊ߬ ߟߊ߫ ߘߍ߬ߞߙߏߝߏ ߟߎ߫ ߞߊ߲߬߸ ߡߍ߲ ߠߎ߬ ߦߋ߫ ߘߴߊ߲ ߓߟߏ߫߸ ߞߏ߫ ߞߟߏߞߟߏ߫ ߘߎ߰ߘߋ߲ ߘߏ߫ ߟߎ߫ ߦߋ߫ ߖߋ߬ߟߌ߬ߓߊ߬ߘߎ߯ ߣߊ߲߬ߕߌ߮ ߟߎ߬ ߖߙߊ߬ߞߌ߬ ߟߊ߫ ߟߋ߬ ߞߏߢߊ ߣߌ߲߬ ߘߐ߫߸ ߞߏ߫ ߊ߬ߟߎ߬ ߓߘߊ߫ ߥߊ߬ߟߏ߲߬ߠߌ߲ ߞߍ߫ ߖߊ߬ߥߏ߬ ߞߍ߬ߟߍ ߟߎ߫ ߞߊ߲߬.
ߖߌ߬ߦߊ߬ߓߍ߬ ߟߊߖߍ߲ߛߍ߲ߣߍ߲ ߠߎ߬ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߟߐ߯ߝߍ ߣߴߊ߬ ߞߣߐߝߋ߲ ߠߎ߬ ߟߋ߬ ߖߋ߬ߣߌ߲߬ ߘߊ߫߸ ߓߊ߬ߙߌ߫߸ ߡߐ߱ ߡߍ߲ ߠߎ߬ ߓߐ߬ߣߐ߫ ߘߴߊ߬ ߣߌ ߘߐ߫߸ ߏ߬ ߟߎ߫ ߖߊ߬ߕߋ߬ ߞߋߟߋ߲߫ ߟߐ߲ߣߍ߲߫ ߕߍ߫، ߖߋ߬ߟߌ߬ߓߊ߬ߘߎ߯ ߣߌ߫ ߡߊ߬ߟߌ ߓߐߕߏ߲ ߘߎ߰ߘߋ߲ ߠߎ߬ ߦߋ߫ ߘߋ߲ߡߌߛߍ߲ ߠߎ߬ ߣߌ߫ ߡߏ߬ߛߏ ߟߎ߬ ߟߋ߬ ߟߊ߫ ߝߊ߰ߟߌ߬ ߝߐ߫ ߟߊ߫.
ߞߏߟߌ߲ߞߏߟߌ߲ ߕߋ߬ߟߋ߫ ߂߁-߂߅ ߕߍߟߊ ߘߐ߫߸ ߞߎߟߎ߲ߞߎߟߎ߲ ߠߊߝߟߌ ߞߍ߫ ߘߊ߫ ߕߊ߲ߜ߭ߎߞߊ߫ ߟߐ߯ߝߍ ߟߋ߬ ߞߊ߲߬߸ ߖߋ߬ߟߌ߬ߓߊ߬ߘߎ߯ ߞߎ߲߬ߠߊ߬ߛߌ߮ ߟߎ߬ ߟߊ߫ ߝߐߟߌ߫ ߘߐ߫߸ ߡߐ߱ ߟߎ߬ ߝߘߌ߫ ߘߊ߫ ߟߋ߬ ߢߐ߲߮ ߘߐ߫ ߟߐ߯ ߞߣߐ߫߸ ߕߎߟߊߝߌ߲ ߕߟߋ߬ ߂߇ ߝߣߊ߫ ߟߊ߫߸ ߡߐ߰ ߁߇ ߟߋ߬ ߓߐ߬ߣߐ߫ ߘߴߊ߬ ߣߌ ߘߐ߫ ߗ߭ߍ߲ߔߍߙ ߥߊ߯ߣ ߟߐ߯ ߞߣߐ߫.
ߖߋ߬ߟߌ߬ߓߊ߬ߘߎ߯ ߞߎ߲߬ߠߊ߬ߛߌ߮ ߟߎ߬ ߞߏ߬ߣߌ߲ ߡߊ߫ ߘߊ߲߬ߕߍ߰ߟߌ߬ ߝߏߛߌ߬ ߟߋ߬ ߞߍ߫ ߞߎߟߎ߲ߞߎߟߎ߲߫ ߝߟߌ ߡߍ߲ ߘߐ߫ ߝߟߐ߫߸ ߊ߬ ߘߏ߲߬ ߞߎߟߎ߲ߞߎߟߎ߲߫ ߝߌ߬ߟߊ ߟߋ߬ ߦߋ߫ ߖߋ߬ߟߌ߬ߓߊ߬ߘߎ߯ ߓߟߏ߫߸ ߞߋߟߋ߲ ߘߐߓߍ߲߬ ߘߊ߫ ߕߙߎߞߌ߫ ߖߡߊߣߊ ߞߊ߲߬߸ ߏ߬ ߟߊ߫ ߓߊ߯ߙߊ ߘߊߡߌ߬ߣߊ߬ ߘߊ߫ ߕߎߟߊߝߌ߲ ߠߋ߬ ߟߊ߫߸ ߏ߬ ߦߋ߫ ߥߊ߬ߟߏ߲߬ߕߊ ߞߎߘߍ߫ ߇߀߀ ߟߋ߬ ߕߊ߬ ߟߊ߫߸ ߊ߬ ߘߏ߲߬ ߦߋ߫ ߕߎ߬ߡߊ߬ߙߋ߲߬ ߄߀ ߠߋ߬ ߞߍ߫ ߟߊ߫ ߛߊ߲ߡߊ߬.
Aucun commentaire pour le moment.