ߖߌ߬ߣߍ߫ ߓߌ߬ߛߊ߬ߥߏ߫ ߞߊ߲ߕߌ߯ ߢߣߊߕߊߟߌ ߣߌ߫ ߥߛߊ߬ߘߋ߲߬ ߢߣߊߕߊߟߌ ߟߎ߬ ߦߋ߫ ߛߋ߲߬ߠߊ߫ ߂߀߂߆ ߞߏߟߌ߲ߞߏߟߌ߲ ߕߟߋ߬ ߆ ߣߊ߬ߕߐ ߡߊ߬߸ ߊ߬ߟߎ߫ ߖߍ߬ߘߍ ߟߋ߬ ߓߍߣߊ߬ ߘߊ߲߬ߛߌ߰ ߘߐ߬ߕߊߡߌ߲ ߝߊ߲߬ߞߊ ߟߊ߫߸ ߞߊ߬ ߝߊ߲߬ߞߊ ߘߌ߫ ߛߌߝߟߌ ߟߎ߫ ߡߊ߬، ߘߐ߬ߕߊߡߌ߲ ߞߊ߲ߕߌ߮ ߞߵߊ߬ ߦߌ߬ߘߊ߬߸ ߞߏ߫ ߝߙߍ߬ ߞߟߏߡߊ ߟߎ߬ ߓߍߣߊ߬ ߞߍ߫߸ ߖߐ߲߰ߛߊ߫ ߞߊ߬ ߖߊ߰ߟߋ ߟߎ߬ ߘߐߓߍ߲߬߸ ߘߐ߬ߕߊߡߌ߲ ߛߌ߰ߞߊ߲ ߞߏ߬ߣߌ߲ ߕߍ߫ ߘߍ߬ߡߍ߲߬ߘߌ߬ ߞߍ߫ ߟߴߊ߬ ߢߍߡߐ߮ ߟߎ߬ ߟߊ߫߸ ߊ߬ߟߎ߬ ߦߋ߫ ߕߘߍ߬ ߢߣߊߕߊߟߌ ߣߌ߲߬ ߘߐ߫߸ ߟߊ߬ߥߊ߲߬ߞߊ߬ߠߌ߲ ߣߌ߲߬ ߞߍ߫ ߘߊ߫ ߛߘߋߦߊߥߏ ߟߊ߫ ߞߋߘߋ߲ ߠߎ߬ ߟߊ߫ ߕߊ߯ߡߊ ߞߐ ߟߋ߬ ߘߐ߫ ߖߌ߬ߣߍ߫ ߓߌ߬ߛߊ߬ߥߏ߬ ߞߣߐ߫ ߟߐ߯ߞߎ߲߫ ߝߌ߬ߟߊ ߞߐߝߍ߬߸ ߗߋߘߋ߲߫ ߏ߬ ߟߎ߬ ߡߍ߲ ߠߎ߬ ߢߍߡߌ߬ߘߊ߬ߣߍ߲߫ ߕߘߍ߬ ߦߋ߫ ߖ߭ߏߟߑߖ߭ ߡߘߊߓߌߦߏ߫ ߓߟߏ߫߸ ߛߘߋߦߊߥߏ ߞߊ߲ߕߌ߮ ߣߌ߫ ߖߘߊ߬ߞߙߎ߬ ߞߊ߲ߕߌ߮ ߞߵߏ߬ ߟߊ߫ ߊ߬ߟߋ ߞߊ߲߬.
ߊ߬ ߣߌ߫ ߛߣߍ߬ߜ߭ߊ߬ߟߌ߫ ߞߊ߲ߕߌ߮ ߣߌ߫ ߛߘߋߦߊߥߏ ߞߏߢߣߊߓߐ߫ ߎߡߊ߯ߙ ߊ߬ߟߌߦ ߕߎ߬ߙߋ߬، ߖ߭ߏߟߑߖ߭ ߡߘߊߓߌߦߏ߫ ߞߵߊ߬ ߞߊ߲ߕߏ߫ ߕߊ߯ߡߊ ߣߌ߲߬ ߛߋ߲߭ߝߍ߬߸ ߞߏ߫ ߘߐ߬ߕߊߡߌ߲ ߦߋ߫ ߞߍ߫ ߥߛߎ߬ߘߐ߬ߞߏ ߟߋ߬ ߘߌ߫߸ ߓߍ߯ ߦߋ߫ ߞߊ߲ߠߊߓߌߟߊ ߘߐ߫ ߡߍ߲ ߞߣߐ߫߸ ߞߊ߬ߕߎ߲߯߸ ߞߵߏ߬ ߟߋ߬ ߦߊ߫ ߝߌ߬ߛߊ߬، ߛߘߋߦߊߥߏ ߞߙߎ ߕߍ߬ߘߍ߫ ߞߵߊ߬ ߓߊ߲߬ ߠߋ߬ ߞߊ߬ߝߏ߬ ߖߊ߬ߛߏ߲߬ߠߊ ߟߎ߬ ߟߊ߫ ߕߎ߬ߡߊ߬ ߞߏߝߐߣߍ߲ ߡߊ߬߸ ߏ߬ ߡߍ߲ ߕߘߍ߬ ߦߋ߫ ߛߊ߲߬ ߞߋߟߋ߲߫ ߘߌ߫߸ ߊ߬ߟߎ߫ ߕߘߍ߬ ߦߴߊ߬ ߝߍ߬ ߞߊ߬ ߘߐ߬ߕߊߡߌ߲ ߝߊ߲߬ߞߊ ߞߍ߫ ߏ߬ ߟߋ߬ ߞߣߐ߫߸ ߞߣߊ߬ߕߏ߫ ߢߣߊߕߊߟߌ ߟߎ߬ ߛߌ߲߬ߝߏ߲߬ߧߊ߬ ߟߊ߫߸ ߏ߬ ߘߏ߲߬ ߓߍ߯ ߣߴߊ߬ ߕߊ߫߸ ߞߙߎ ߣߌ߲߬ ߕߍ߬ߘߍ߫ ߞߊ߬ ߓߘߍ߬ߓߘߍ߬ߟߌ߬ߡߐ߮ ߘߏ߫ ߟߎ߫ ߟ߫ߊ ߟߊ߬ߓߌ߬ߟߊ߬ߟߌ ߟߋ߬ ߟߊߢߌߣߌ߲߫߸ ߏ߬ ߘߏ߲߬ ߡߊ߫ ߓߟߏߞߊ߬ ߝߟߐ߫ ߘߋ߬߸ ߞߊ߬ߕߎ߲߯߸ ߊ߬ߟߎ߬ ߦߴߊ߬ ߞߊ߲߬ ߝߟߐ߫ ߞߊ߬ ߏ߬ ߟߊ߬ߢߌߣߌ߲ ߠߎ߬ ߟߊߞߎߘߦߊ߫.
ߊ߬ ߞߏ߬ߣߌ߲ ߤߊߟߌ߬ ߣߴߊ߬ ߦߴߊ߬ ߛߐ߬ߘߐ߲߫ ߠߋ߬ ߞߏ߫ ߝߊ߲߬ߞߊߛߌ߬ߣߊ ߘߏߡߑߜ߭ߏߛ ߛߌߡߐ߲ߛ ߔߙߋߦߊ߫ ߞߙߍ߬ߝߍ߬ ߡߐ߮ ߘߏ߫ ߟߎ߫ ߟߊ߬ߓߌ߬ߟߊ߬ ߘߊ߫ ߞߵߊ߬ ߕߎ߬ߙߎ ߞߍ߫ ߛߣߍ߬ߜ߭ߊ߬ߟߌ߫ ߞߊ߲ߕߌ߮ ߘߏ߫ ߟߊ߫ ߞߎߡߊ ߘߌ߫߸ ߊ߬ ߞߏ߬ߣߌ߲ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߘߍ߬ߘߍ ߛߘߋߦߊߥߏ ߡߊ߫ ߝߋ߲߫ ߝߐ߫ ߢߣߊߕߊߟߌ ߟߎ߬ ߕߎ߬ߡߊ߬ ߝߐߣߍ߲ ߞߊ߲߬߸ ߖߌ߬ߣߍ߫ ߓߌ߬ߛߊ߬ߥߏ߫ ߘߐ߬ߕߊߡߌ߲ ߞߊ߲ߕߌ߮ ߟߎ߬ ߦߋ߫߸ ߏ߬ ߡߍ߲ ߓߍߣߊ߬ ߓߍ߲߬ ߂߀߂߆ ߞߏߟߌ߲ߞߏߟߌ߲ ߕߟߋ߬ ߆ ߡߊ߬߸ ߘߐ߬ߕߊߡߌ߲ ߞߊ߲ߕߌ߮ ߞߟߍ߬ߕߌ߯ ߐߙߑߕߊߕߊ߬ ߞߊ߬ ߝߊ߲߬ߞߊ ߕߊ߬ ߣߍߣߍߓߊ ߕߋ߬ߟߋ߫ ߂߆ ߟߋ߬ ߟߊ߫߸ ߞߊ߬ ߕߟߋ߬ ߞߋߟߋ߲߫ ߕߏ߫ ߞߊ߲ߕߌ߯ ߢߣߊߕߊߟߌ ߟߎ߬ ߞߐߝߟߌ ߟߊߓߐ ߢߍ߫.
ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.