ߛߊ߲ߝߍߙߍ߲ ߓߘߊ߫ ߖߌ߰ ߖߌ߬ߣߍ߫ ߓߘߍ߬ߓߘߍ߬ߟߌ߬ ߞߙߎߞߊ ߟߎ߬ ߘߐ߫߸ ߞߊ߬ ߛߌߦߊߡߊ߲߫ ߠߊߞߌ߬ߘߏ߲߫ ߊ߬ ߟߊ߫، ߞߊ߬ߕߎ߲߯߸ ߝߊ߲ߞߊ߲ ߘߏ߫ ߟߋ߬ ߟߊߓߐߣߍ߲߫ ߞߎߣߎ߲߬ ߛߌ߬ߣߌ߲߬ߟߏ߲ ߛߎ ߞߵߊ߬ ߘߎ߰ߛߊ ߜߍ߫ ߓߌ߬ ߞߍ߲ߘߍߟߏ߲ ߠߊ߫ ߂߀߂߆ ߕߙߊߓߊ ߕߟߋ߬ ߇، ߏ߬ ߟߊߓߐ߫ ߘߊ߫ ߕߊ߲ߓߊ߲ߓߐߟߌ ߣߌ߫ ߘߎ߰ߞߣߍ ߡߊ߬ߡߙߊ߬ߟߌ ߞߏߕߌ߯ߘߊ ߟߋ߬ ߓߟߏ߫، ߊ߬ߟߎ߬ ߟߊ߫ ߝߊ߲ߞߊ߲ ߣߌ߲߬ ߞߣߐ߫߸ ߞߙߎߞߊ߫ ߄߀ ߠߋ߬ ߕߐ߮ ߡߊߘߊ߲ߣߍ߲߫ ߊ߬ߟߎ߬ ߓߟߏ߫߸ ߡߍ߲ ߠߎ߬ ߓߘߊ߫ ߟߊߓߋ߬ ߞߵߊ߬ߟߎ߫ ߛߋ߲߬ߓߐ߫ ߖߌ߬ߣߍ߫ ߓߘߍ߬ߓߘߍ߬ߟߌ ߛߍ߬ߘߏ߲ ߘߐ߫ ߝߛߊߦߌ߫.
ߞߙߎߞߊ߫ ߟߊߓߋ߬ߣߍ߲ ߏ߬ ߟߎ߬ ߘߐ߫߸ ߊߟߌߝߊ߫ ߞߐ߲ߘߍ߫ ߟߊ߫ ߖߡߟ ߞߟߐ߬ߟߐ߬ߓߊ ߦߴߊ߬ ߘߐ߫߸ ߖߌ߬ߣߍ߬ ߞߊ߲ߕߌ߯ ߞߘߐ، ߡߊߡߊߘߎ߫ ߛߋߟߎ߫ ߘߊߟߍ߲߬ ߖߊߟߏ߫ ߟߊ߫ ߖߓߝߘ ߦߴߊ߬ ߘߐ߫߸ ߛߘߌߦߊ߫ ߕߎ߬ߙߋ߬ ߟߊ߫ ߞߝߘ߸ ߛߋߞߎ߫ ߕߎ߬ߙߋ߬ ߟߊ߫ ߊߓߟ-ߖߓߞ߸ ߡߊߡߊߘߎ߫ ߓߊ߯ߘߌߞߏ߬ ߓߊ ߟߊ߫ ߓߝߘ ߝߣߊ߫ ߦߴߊ߬ ߘߐ߫߸ ߞߎߡߊߕߍ߫ ߛߊ߬ߓߊ߰ߕߐ߫ ߡߊ߬ߡߊ߬ߘߌ߬ ߖߊߥߙߊ߫ ߟߊ߫ ߞߙߎߞߊ ߡߊ߬، ߊ߬ ߘߊ߲߬ ߕߴߏ߬ ߘߌ߫߸ ߞߟߍ߬ߕߌ߯ ߟߊ߲߬ߛߣߊ߬ ߞߐ߲ߕߍ߬ ߟߊ߫ ߞߙߎߞߊ ߦߴߊ߬ ߘߐ߫߸ ߊ߬ߟߎ߬ ߡߊ߫ ߘߌ߬ߢߍ߫ ߏ߬ ߟߎ߬ ߛߌ߫ ߡߊ߬.
ߊ߲ ߞߏ߬ߣߌ߲ ߡߊ߫ ߢߊߝߐߟߌ߫ ߘߐߘߎ߲߬ߧߊ߬ߣߍ߲߬ ߜߘߍ߫ ߟߊߛߐ߬ߘߐ߲߬߸ ߞߵߊ߬ ߓߍ߲߬ ߞߙߎߞߊ ߢߌ߲߬ ߠߎ߬ ߟߊߓߋ߬ ߞߏ ߡߊ߬، ߒ߬ ߧߋ߫ ߡߍ߲ ߞߊ߬ߟߊߡߊ߬߸ ߏ߬ ߟߋ ߞߏ߫ ߊ߬ߟߎ߬ ߡߴߊ߬ߟߎ߬ ߟߊ߫ ߞߍߕߊ ߟߎ߫ ߟߋ߬ ߞߍ߫ ߞߵߊ߬ ߓߍ߲߬ ߛߊ߬ߙߌ߬ߦߊ߬ ߛߌߟߊ ߟߊߕߊ߯ߡߊ ߡߊ߬ ߖߌ߬ߣߍ߫ ߓߘߍ߬ߓߘߍ߬ߟߌ߬ ߞߙߎߞߊ ߟߎ߬ ߟߊߕߊ߯ߡߊ߫ ߢߊ ߘߐ߫، ߊ߬ ߞߎߡߊ ߞߏ߬ߣߌ߲߬ ߡߊ߫ ߘߐߘߎ߲߬ߧߊ߬ ߢߊ߫ ߜߘߍ߫ ߛߌ߫ ߡߊ߬.
ߏ߬ ߟߋ ߞߏߛߐ߲߬߸ ߊ߲ ߠߊ߫ ߟߌ߬ߤߟߊ߫ ߣߊ߬ߕߐ ߟߎ߬ ߘߐ߫߸ ߊ߲ ߛߋ߫ ߘߴߊ߲ ߛߋ߲߬ߝߊ߫ ߟߊ߫ ߞߊ߬ ߛߋ߫ ߞߙߎߞߊ ߘߏ߫ ߟߎ߫ ߝߍ߬߸ ߊߟߎ߫ ߘߌ߫ ߡߐ߱ ߟߎ߬ ߡߙߌߦߊ ߟߐ߲߫߸ ߞߵߊ߬ ߓߍ߲߬ ߞߎ߲߬ߠߊ߬ߛߌ߮ ߟߊ߫ ߡߙߌߦߊ ߣߌ߲߬ ߡߊ߬.
ߓߘߍ߬ߓߘߍ߬ߟߌ߬ ߞߙߎߞߊ߫ ߄߀߸ ߏ߬ ߟߎ߫ ߟߋ߬ ߟߊߓߋ߬ߣߍ߲߫ ߞߎ߲߬ߠߊ߬ߛߌ߮ ߓߟߏ߫ ߕߋ߲߬߸ ߞߊ߬ ߖߌ߬ߣߍ߫ ߓߘߍ߬ߓߘߍ߬ߟߌ ߓߌ߬ߟߊ߫ ߝߊ߬ߘߌ߬ ߞߎߘߊ߫ ߘߐ߫، ߞߙߎߞߊ߫ ߟߊߓߋ߬ߣߍ߲ ߢߌ߲߬ ߠߎ߬ ߘߐ߫߸ ߘߏ߫ ߟߎ߫ ߓߘߊ߫ ߦߟߍ߬ߘߐ߬ߞߍ߫ ߝߌ߬ߟߊ߬ ߞߍ߫ ߖߡߊ߬ߣߊ ߡߊ߬ߙߊ ߘߐ߫߸ ߘߏ߫ ߟߎ߫ ߓߘߴߏ߬ ߢߐ߲߰ ߞߍ߫ ߞߐߘߏ߲ߓߊ߯ߦߊ ߘߐ߫، ߘߏ߫ ߟߎ߫ ߓߘߊ߫ ߛߋ߫ ߝߊ߬ߛߏ߬ ߜߙߊ ߟߊ߫، ߏ߬ ߟߎ߫ ߟߋ߬ ߓߍ߯ ߟߊߓߋ߬ߣߍ߲߫ ߊ߬ߟߎ߬ ߟߊ߫ ߛߊ߬ߙߌ߬ߦߊ߬ ߞߣߐ߫ ߞߏ ߛߙߊߕߌ ߟߎ߬ ߘߝߊߓߊߟߌߦߊ ߞߏߛߐ߲߬ ߕߋ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.