ߘߎ߰ߣߍ߲ ߢߌ߲߬ ߠߎ߫ ߘߏ߲߬ ߞߋߟߋ߲߫ ߕߍ߫ ߘߋ߬߸ ߡߊߡߎ߲߫ ߛߏ߫ ߞߣߐߟߊ ߝߣߊ߫ ߞߣߐ߫߸ ߞߌ߲߬ߘߊ ߘߏ߫ ߟߎ߫ ߕߐ߮ ߡߊߝߊ߬ߟߋ߲߬ ߘߊ߫ ߟߋ߬ ߦߋ߲߬ ߠߎ߬ ߘߐ߫߸ ߦߏ߫ ߓߜ߭ߎߤߐߦߌ߬ ߞߎ߲߬ߘߊ ߞߣߐ߫߸ ߛߊ߯ߓߎ߬ ߞߌ߲߬ߘߊ ߡߊߝߊ߬ߟߋ߲߬ ߘߊ߫ ߞߵߊ߬ ߞߍ߫ ߤߊߡߑߘߟߊߦߌ߬ ߘߌ߫، ߓߎ߯ߘߎ߫ ߞߎߦߋ߫ ߞߎ߲߬ߘߊ ߝߣߊ߫ ߞߣߐ߫߸ ߗߍߥߑߜ߭ߐߟ ߞߌ߲߬ߘߊ ߕߐ߮ ߦߟߍ߬ߡߊ߲߬ ߘߊ߫ ߞߵߊ߬ ߞߍ߫ ߘߊߙߑߛߊ߬ߟߊߡ ߘߌ߫، ߤߊߟߌ߬ ߔߋߕߍߟ ߖߌߘߊ߬ ߘߝߐ߬ߡߊ߬ ߦߙߐ߬ߓߊ ߡߍ߲ ߝߣߊ߫ ߦߋ߫ ߛߎ߲ߓߟߊߞߐ߫߸ ߊ߬ߟߎ߫ ߞߵߏ߬ ߦߟߍ߬ߡߊ߲߫ ߞߵߊ߬ ߞߍ߫ ߤߊߡߑߘߟߊߦߌ߬ ߘߌ߫.

ߕߐ߯ ߦߟߍߡߊ߲ ߣߌ߲߬ ߘߏ߲߬ ߡߙߌߘߐ ߕߊ߬ ߘߊ߫ ߛߏ ߢߌ߲߬ ߠߎ߬ ߛߌ߰ߓߊ߮ ߟߎ߫ ߖߍ߬ߘߍ ߟߋ߬ ߓߟߏ߫߸ ߝߏ߫ ߊ߬ߟߎ߬ ߓߘߊ߫ ߛߘߊߞߊߓߐߓߊ ߘߏ߫ ߛߌ߰ ߛߋ߲߬ߠߊ߫߸ ߕߐ߯ ߟߊߥߛߊ߫ ߞߊ߲ߡߊ߬.

ߊ߬ߟߎ߫ ߢߌ߬ߣߌ߲߬ߞߊ߬ߣߍ߲߸ ߞߏ߫ ߡߎ߲߬ ߞߵߊ߬ߟߎ߫ ߟߐ߬ ߕߐ߯ ߡߝߊߟߋ߲ ߣߌ߲߬ ߠߊ߫ ߓߏ߲߰، ߊ߬ߟߋ߬ ߕߐ߯ ߡߝߊߟߋ߲ߠߊ ߘߏ߫ ߞߵߊ߬ ߦߌ߬ߘߴߊ߬ ߟߊ߫ ߞߎߡߊ ߘߐ߫߸ ߞߏ߫ ߊ߬ߟߎ߬ ߟߊ߫ ߛߏ (ߘߎ߰ߙߋ߲߬) ߕߐ߮ ߏ߬ ߟߎ߬ ߝߐߢߊ ߗߋ߬ߖߎ߯ ߟߋ߬ ߝߋߎ߫߸ ߡߍ߲ ߗߋ߲߰ ߕߍ߫ ߘߎ߰ ߕߐ߰ߦߊ ߟߊ߫، ߘߏ߫ ߟߎ߫ ߖߍ߬ߘߍ ߞߵߊ߬ߟߎ߬ ߟߊ߫ ߘߎ߰ ߕߐ߮ ߢߌ߲߬ ߠߎ߫ ߓߛߌ߬ߞߌ߫ ߖߏ߬ ߕߐ߮ ߟߎ߫ ߟߋ߬ ߘߌ߫.

ߗߍ߭ ߘߏ߫ ߓߍ߫߸ ߏ߬ ߕߐ߯ ߞߏ߫ ߓߎߓߞߊߙ߸ ߏ߬ ߞߊ߲߫ ߞߏ߫: <

ߓߎߓߞߊߙ ߛߌߘߌ߬ ߡߍ߲ ߦߋ߫ ߓߐ߫ ߟߊ߫ ߡߊߟߌ߫ ߡߙߊ߬ߘߊ߬ߙߋ߲ ߞߣߐ߫߸ ߏ߬ ߞߵߊ߬ ߦߌ߬ߘߴߊ߬ ߟߊ߫ ߞߎߡߊ ߘߐ߫߸ ߞߏ߫: <

ߡߊߡߊߘߎ߫ ߙߊߝߌߥߎ߬ ߝߣߊ߫ ߞߎߡߊ߫ ߘߊ߫߸ ߏ߬ ߦߋ߫ ߓߐ߫ ߟߊ߫ ߔߟߌߡߣߌ߫ ߡߙߊ߬ߘߊ߬ߙߋ߲ ߠߋ߬ ߞߣߐ߫߸ ߏ߬ ߞߵߊ߬ ߦߌ߬ߘߊ߬ <

ߡߊߡߊߘߎ߫ ߛߊߦߌߘߎ߬ ߡߍ߲ ߦߋ߫ ߞߎ߬ߓߌ߬ߦߊ߫߸ ߏ߬ ߞߵߊ߬ ߦߌ߬ߘߊ߬ ߞߏ߫: <

ߗߍߙߑߣߐ߫ ߊߓߘߎߟߊߦߌ߬ ߓߊߙߌ߫ ߦߋ߫ ߓߐ߫ ߟߊ߫ ߟߊߓߋ߬ ߟߋ߬߸ ߏ߬ ߞߊ߬ ߓߐ߬ߘߍ߬ߓߐ߬ ߞߎߡߊ ߘߏ߫ ߟߐ߬ ߊ߬ߟߎ߬ ߟߊ߫ ߛߏ ߕߐ߮ ߡߊ߬ ߕߊ߲߬ߘߐ: <

ߟߊ߱ߖߌ߬ ߕߌ߬ߖߊߣ ߓߊ߸ ߏ߬ ߡߍ߲ ߦߋ߫ ߡߊߡߎ߲߫ ߛߌ߬ߟߡߊ߬ߦߊ ߞߏߘߐߛߘߌߘߊ ߛߌ߲߬ߝߏ߲ ߘߌ߫߸ ߏ߬ ߞߎߡߊ߫ ߘߴߊ߬ ߞߏ ߞߊ߲߬ ߘߌ߯ߣߊ ߡߊ߬ߘߎ߮ ߘߐ߫߸ ߞߏ߫: <

ߛߊ߬ߙߌ߬ߦߊ ߞߊ߬ ߡߎ߲߬ ߝߐ߫ ߊ߬ ߞߏ߫ ߛߎ߮ ߞߊ߲߬؟

ߛߊ߬ߙߌ߬ߦߊ߫ ߞߵߊ߬ ߦߌ߬ߘߊ߫ ߟߋ߬߸ ߞߏ߫ ߣߌ߫ ߕߐ߮ ߡߍ߲ ߡߊ߫ ߢߊ߬ ߡߊߝߊ߬ߟߋ߲ ߞߐ߫߸ ߝߏ߫ ߞߎ߬ߙߎ߲߬ߘߎ ߟߋ߬ ߦߴߏ߬ ߔߘߋߔߘߋߟߊߕߍ߰، ߓߊߏ߬߸ ߦߙߐ ߘߏ߫ ߕߴߛߋ߫ ߦߙߐ߫ ߜߘߍ߫ ߕߐ߮ ߕߊ߬ ߟߊ߫ ߡߎ߬ߡߍ߫، ߝߣߊ߫߸ ߦߙߐ߫ ߞߘߐ߫ ߓߊ߬߸ ߞߎߘߊ߫ ߓߊ߬߸ ߏ߬ ߓߍ߯ ߕߐ߮ ߦߋ߫ ߡߊߝߊ߬ߟߋ߲߬ ߠߊ߫ ߞߵߊ߬ ߛߊ߬ߙߌ߬ߦߊ ߕߊ߯ߛߌߟߊ ߟߋ߬ ߡߊ߬.

ߡߐ߰ ߛߌߦߊߡߊ߲߫ ߓߍ߫߸ ߕߐ߯ ߡߝߊߟߋ߲ ߣߌ߲߬ ߘߌߦߊ߫ ߘߴߏ߬ ߟߎ߬ ߦߋ߫ ߟߋ߬ ߞߏߛߓߍ߫، ߘߏ߫ ߜߘߍ߫ ߟߎ߫ ߝߣߊ߫ ߞߵߊ߬ ߦߌ߬ߘߊ߬߸ ߞߏ߫ ߕߐ߯ ߡߝߊߟߋ߲ ߣߌ߲߬ ߦߋ߫ ߘߎ߱ ߏ߬ ߟߎ߬ ߟߊ߫ ߘߐ߬ߝߐ ߡߊߝߊ߬ߟߋ߲߬ߣߍ߲ ߠߋ߬ ߘߴߏ߬ ߘߌ߫ ߝߛߊߦߌ߫، ߦߏ߫ ߣߴߌ ߞߵߊ߬ ߕߊ߬߸ ߔߋߕߍߟ ߖߌߖߊ߬ ߦߋ߫ ߢߊ ߡߍ߲ ߡߊ߬، ߓߊߏ߬߸ ߁߈߉߆ ߞߏ߲ߞߏߜߍ ߕߟߋ߬ ߀߁߭ ߡߊ߬߸ ߏ߬ ߦߋ߫ ߞߟߊߓߍ߲ ߘߏ߫ ߟߋ߬ ߛߌ߲ߞߐ߲ ߘߌ߫߸ ߖߋ߬ߟߌ߬ߓߐ߲ ߖߍ߬ߘߍ߬ߖߍ߬ߘߍ ߞߍ߫ ߘߊ߫ ߡߍ߲ ߘߐ߫، ߞߊ߬ߕߎ߲߯߸ ߓߎߞߊߙ ߓߌߙߐ߬ ߓߊߙߌ߫ ߟߊ߫ ߗߍ߬ߘߋ߲ ߠߎ߬ ߞߵߊ߬ߟߎ߬ ߞߍ߫ ߊߟߌߝߊ߫ ߦߊߦߊ߫ ߖߊߟߏ߫ ߣߌ߫ ߊߟߌߝߊ߫ ߌߓߙߊߤߌߡߊ߬ ߝߎߜ߭ߎ߲ߓߊ߫ ߟߎ߫ ߞߊ߲߬߸ ߞߵߏ߬ ߞߎ߲߭ ߞߍ߫ ߏ߬ ߟߎ߬ ߟߊ߫ ߢߌ߲߬ߘߍ ߘߏ߫ ߟߊߘߊ߲ ߘߌ߫ ߊ߬ߟߌ߬ߡߊ߬ߡߌ߲߫ ߊߓߘߎߟߊߦߌ߬ ߞߐߡߊߓߌ߲ߓߌ߲߫ ߞߊ߲ߡߊ߬߸ ߞߏ߫ ߝߏ߫ ߞߵߏ߬ ߓߌ߬ߟߊ߫ ߓߏߞߊߙ ߓߌߙߐ߫ ߣߐ߭ ߘߐ߫ ߕߌ߲߬ߓߏ߫ ߞߎ߲߬ߠߊ߫ ߞߎ߲߬ߠߊ߫، ߖߊ߲߬ߖߏ߲ ߏ߬ ߘߏ߲߬ ߞߍ߫ ߞߍ߫ ߕߎߡߊ ߞߊ߬ ߕߐ߮ ߡߍ߲ ߛߐ߬ߘߐ߲߫ ߘߎ߱ ߟߊ߫߸ ߏ߬ ߟߋ ߓߘߊ߫ ߣߊ߬ ߡߊߝߊ߬ߟߋ߲߫ ߣߌ߲߬߸ ߞߵߊ߬ ߞߍ߫ ߤߊߡߑߘߟߊߦߌ߬ ߘߌ߫.