ߣߌ߲߬ ߦߋ߫ ߜߟߍ߬ߦߊ߬ ߞߎߘߊ ߟߋ߬ ߘߏ߲߬ߣߍ߲ ߘߌ߫ ߞߏ߲߬ߜ߭ߏ߬ ߓߍ߯ߦߊ ߞߊ߲ߓߍ߲ ߋߓߏߟߊ ߝߎ߬ߖߎ߯ߖߎ ߞߟߍ߬ ߞߏ ߘߐ߫، ߓߊߏ߬߸ ߞߍ߲ߘߍߦߊ ߥߛߊ߬ߘߊ߬ߕߌ߮ ߟߎ߬ ߣߌ߫ ߘߊ߲ߘߊߟߌߟߊ ߟߎ߬ ߣߌ߫ ߛߍߡߊ ߡߍ߲ ߠߎ߬ ߓߊ߯ߙߊ߫ ߟߊ߫ ߋߓߏߟߊ ߋߟߌߞߌߦߊ߫ ߘߊ߲ߘߊߛߏ߫ ߕߊ߲ߓߊ߲ ߠߊ߫ ߓߎߣߌߦߊ߫ ߸ ߎ߳ߕߌߙߌ߫ ߝߊ߲߭ߝߍ،ߏ߬ ߟߎ߬ ߓߘߊ߫ ߓߊ߯ߙߊ ߟߊߟߐ߬ ߓߌ߬ ߞߍ߲ߘߍߟߏ߲ ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߂߅ ߡߊ߬߸ ߞߵߊ߬ߟߎ߫ ߛߊ߬ߙߊ ߡߞߊߣߌ߲߫.

 

ߓߊ߯ߙߟߊ߫ ߛߌߦߊߡߊ߲߫ ߠߋ߬ ߞߵߊ߬ߟߎ߫ ߞߎ߲߭ ߜߙߊ߬ ߞߎߣߎ߲߬߸ ߞߊ߬ ߝߎ߬ߙߎ߲߬ߞߎ߬ߟߌ߬ ߞߏ ߟߊߛߋ߫߸ ߡߍ߲ ߘߊߡߌ߬ߣߊ߬ߕߐ߫ ߓߌ߬ ߞߍ߲ߘߍߟߏ߲ ߣߌ߲߬ ߡߊ߬ ߤߊ߲߯ ߊ߬ߟߎ߫ ߛߙߊ߬ ߞߏ ߦߋ߫ ߢߊߓߐ߫ ߕߎ߬ߡߊ ߡߍ߲߸ ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ ߞߊߙߏ߫ ߝߌ߬ߟߊ ߟߋ߬ ߕߋ߲߬ ߊ߬ߟߎ߬ ߡߊ߫ ߛߙߊ߬.

 

ߙߋߑߎ߳ߕߍߙ ߝߣߊ߫ ߞߎߡߊ߫ ߘߴߊ߬ ߞߏߢߊ ߞߊ߲߬ ߓߌ߬ ߛߐ߱ ߣߌ߲߬ ߡߊ߬ ߓߎߣߌߦߊ߫߸ ߞߊ߬ ߘߊ߲ߘߊߟߌߟߊ ߘߏ߫ ߟߎ߫ ߦߌ߬ߘߊ߬ ߋߟߌߞߌߦߊ߫ ߕߊ߲ߓߊ߲ ߠߊ߫߸ ߡߍ߲ ߠߎ߬ ߓߐߣߍ߲߫ ߔߊߞߌߛߦߊ ߘߌ߫ ߊ߬ߟߎ߫ ߛߊ߬ߙߊ ߡߊߞߟߌ߫ ߞߊ߲ߡߊ߬.

 

ߝߎ߬ߙߎ߲߬ߞߎ߬ߟߌ ߣߌ߲߬ ߦߴߌߘߐ߫߸ ߋߓߏߟߊ ߝߣߊ߫ ߦߋ߫ ߕߊ߬ߡߌ߲߬ ߠߊ߫ ߥߙߊ߬ ߟߊ߫ ߞߏ߲߬ߜ߭ߏ߬ ߓߍ߯ߦߊ ߞߊ߲ߓߍ߲ ߞߣߐ߫،ߞߎ߲߬ߠߊ߬ߛߌ߮ ߟߊ߫ ߝߐߟߌ߫ ߘߐ߫߸ ߞߏ߫ ߖߊ߲߬ߞߊ߬ߙߏ ߣߌ߲߬ ߓߘߊ߫ ߟߊߞߏߟߐ߲߫ ߡߐ߰ ߂ ߉߇߃ ߟߊ߫߸ ߞߊ߬ ߡߐ߰ ߁ ߃߀߉ ߝߊ߰߸  ߡߐ߰ ߅߄߀ ߓߘߊ߫ ߞߍ߲ߘߍߦߊ߫߸ ߕߎ߬ߡߊ߬ߣߍ߲߬ ߞߋߟߋ߲ ߏ߬ ߟߊ߫߸ ߡߐ߰ ߇߆߆ ߟߊߞߋ߲߬ߛߎ߬ߣߍ߲ ߦߋ߫ ߘߊ߲ߘߊߟߌߟߊ ߘߊߞߘߐ߫ ߡߎߣߎ߲߬. ߋߓߏߟߊߕߐ ߏ߬ ߟߎ߫ %߉߀ ߦߋ߫ ߌߕߎ߳ߙߌ߫  ߟߋ߬.

 

ߞߏߢߊ ߣߌ߲߬ ߡߊ߲߬ߞߊ߲ ߥߟߌ߬ ߘߊ߫ ߊ߬ߟߎ߬ ߟߊ߫ ߞߏߕߌ߯ ߝߟߐ ߗ߭ߎ߳ߘߌߕ ߛߎߡߌ߲ߥߊ߫ ߕߟߎߞߊ߫ ߟߊ߫ ߓߐߒߡߊߟߌ ߟߋ߬ ߛߋ߲߭ ߝߍ߬  ߛߌ߬ߣߌ߲߬ߟߏ߲߬.

 

ߋߟߌߞߌߦߊ߫ ߕߊ߲ߓߊ߲ ߘߊ߲ߘߊߟߌߟߊ ߟߎ߫ ߛߌ߰ߣߍ߲߫ ߞߵߊ߬ߟߎ߫ ߛߊ߬ߙߊ ߟߋ߬ ߡߊߞߐ߬ߣߐ߲߬ ߞߎ߲߬ߠߊ߬ߛߌ߮  ߟߊ߫߸ ߞߣߊ߬ߕߏ߫ ߖߊ߲߬ߞߊ߬ߙߏ߬ߕߐ ߟߎ߬ ߘߊ߲ߘߊ߫ ߘߊߡߌ߬ߣߊ߬ ߟߊ߫ ߡߎ߬ߕߎ߲߬.