ߓߍ߯ߦߊ߫ ߞߏ߲߬ߞߏ߬ ߋߓߏߟߊ߫ ߞߏ ߓߘߴߊ߬ ߛߴߊ߬ ߞߣߐ߬ߘߐ߬ߝߟߌ߬ ߡߊ߬ ߦߙߐ ߘߐ߫߸ ߡߍ߲ ߝߎ߬ߖߎ߯ߖߎ߮ ߓߘߊ߫ ߝߊ߲߬ߞߊ߫ ߛߐ߬ߘߐ߲߬ ߞߏߛߓߍ߫، ߞߊ߬ߕߎ߲߯߸ ߟߊ߬ߛߋ߬ߟߌ ߡߍ߲ ߠߊߖߍ߲ߛߍ߲߫ ߘߴߊ߬ߟߎ߬ ߓߟߏ߫ ߞߊ߬ߙߌ߬ߝߐ ߕߟߋ߬ ߁߂ ߡߊ߬߸ ߞߏ߲߬ߞߏ߫ ߞߌ߬ߓߊ߬ߙߏ߬ߘߊ ߟߎ߬ ߣߌ߫ ߓߌ߬ߟߊ߬ߢߐ߲߰ߡߊ ߞߏߕߌ߯ߘߊ ߞߵߊ߬ ߦߌ߬ߘߊ߬ ߛߓߍ ߏ߬ ߞߣߐ߫ ߞߏ߫ ߋߓߏߟߊ ߛߋ߫ ߞߏ߫ ߞߎߡߊ ߓߘߊ߫ ߡߍ߲߫ ߤߏ߫ ߌߦߍߟ߸ ߌߕߎߙߌ߫߸ ߣߐߙ ߞߌߝ߭ߎ߫߸ ߛߎ߳ߘ ߞߌߝ߭ߎ߫ ߊ߬ ߣߌ߫ ߟߊ߬ ߕߔߏ߫.

ߞߎ߲߬ߠߊ߬ߛߌ߮ ߟߊ߫ ߝߐߟߌ߫ ߘߐ߫߸ ߋߓߏߟߊߕߐ ߦߙߌߞߊ ߟߊߞߊ߬ߝߏ߬ߣߍ߲ ߓߘߊ߫ ߛߋ߫ ߁߉߂߆ ߘߐ߫߸ ߏ߬ ߟߎ߬ ߓߘߊ߫ ߟߊߛߙߋߦߊ߫ ߞߵߊ߬ ߟߐ߲߫ ߞߏ߫ ߊ߬ ߦߴߊ߬ߟߎ߬ ߟߊ߫ ߝߋߎ߫، ߌ ߓߊ߯ ߖߊ߬ߕߋ ߏ߬ ߡߊߝߟߍ߫߸ ߡߐ߰ ߇߅߃ ߓߘߊ߫ ߟߊߟߊ߫ ߘߊ߲ߘߊߛߏ ߟߊ߫ ߕߋ߲߬߸ ߞߊ߬ ߘߏ߫ ߝߣߊ߫ ߟߊߞߋ߲߬ߛߎ߫ (ߞߵߊ߬ߟߎ߬ ߕߏ߫ ߊ߬ߟߎ߬ ߞߋߟߋ߲߫ ߠߊ߫)، ߕߎ߬ߡߊ߬ߣߍ߲߬ ߞߋߟߋ߲ ߏ߬ ߟߊ߫߸ ߖߊ߲߬ߞߊ߬ߙߏ߬ߕߐ߫ ߃߁߈ ߠߊ߫ ߞߍ߲ߘߍߦߊ߫ ߞߏ ߓߘߊ߫ ߟߊߞߊ߬ߟߌ߬، ߡߐ߰ ߇߀߂ ߟߋ߬ ߓߘߊ߫ ߛߊ߬ߦߊ ߡߊߛߐ߬ߘߐ߲߫ ߊ߬ߟߋ߬ ߖߊ߲߬ߞߊߙߏ ߞߏߛߐ߲߬.

ߛߌ߲ߞߐ߲߫ ߦߌߘߊ߫ ߛߊߥߎߙߊ ߟߋ߬

ߛߌ߲ߞߐ߲߫ ߦߌߘߊ߫ ߛߊߥߎߙߊ ߟߋ߬. © ߤߊߞߍ߫ ߟߊߕߐ߲ߣߍ߲ ߠߋ߬

ߞߊ߬ ߓߍ߲߬ ߏ߬ ߟߋ ߞߏߢߊ ߡߊ߬ ߛߊ߫߸ ߝߊ߰ߡߊ ߟߎ߬ ߞߊ߲߫ ߞߏ߫ ߊ߬ߟߎ߬ ߦߴߊ߬ ߞߊ߲߬ ߞߊ߬ ߞߊߘߊ߲ ߓߍ߯ ߞߍ߫߸ ߛߊ߫ ߝߎ߬ߖߎ߯ߖߎ߮ ߢߌ߲߬ ߘߌ߫ ߞߟߍ߬ ߢߊ ߡߍ߲ ߡߊ߬߸ ߞߵߊ߬ ߓߐ߫ ߖߡߊ߬ߣߊ ߞߣߐ߫، ߊ߬ ߝߐߣߍ߲߫ ߞߏ߫ ߋߓߏߟߊ ߦߋ߫ ߦߙߐ ߡߍ߲ ߠߎ߬ ߘߐ߫߸ ߊ߬ߟߎ߬ ߦߋ߫ ߖߊ߲߬ߕߏ߬ߒ߬ߘߐ ߖߍ߬ߘߍߖߍ߬ߘߍ ߟߋ߬ ߞߊ߲߬ ߏ߬ ߟߎ߬ ߘߐ߫ ߕߋ߲߬߸ ߞߊ߬ ߘߐ߰ߘߏ߲߬ ߞߍ߫ ߊ߬ ߖߊ߲߬ߞߊ߬ߙߏ߬ߕߐ ߟߎ߬ ߟߊ߫߸ ߞߊ߬ ߡߐ߱ ߟߎ߫ ߛߏ߬ߓߌ߬ߟߊ߬ߞߎߣߎ߲߫ ߊ߬ ߞߏߢߊ ߡߊ߬.

ߘߏ߫ ߟߎ߫ ߟߊߞߏߟߐ߲߫ ߛߊ߲ ߠߋ߬ ߕߎߛߔߏ߫ ߡߙߊ߬ߓߏߟߏ߲ ߞߣߐ߫ ߕߋ߲߬، ߥߊ߬ߛߌ߬ߥߙߊ ߟߊߓߊ߲ ߠߊ߫߸ ߞߌ߬ߓߊ߬ߙߏ߬ߘߊ ߟߎ߫ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߋߓߏߟߊߕߐ ߘߏ߫ ߟߎ߫ ߟߊߞߏߟߐ߲߫ ߘߊ߫ ߤߏ߫ ߌߦߍߟ.

ߋߏߓߟߊ ߓߊ߰ߙߋ߲ ߦߋ߫ ߖߊ߲߬ߞߊ߬ߙߏ߬ߕߐ߫ ߟߋ߬ ߘߌ߫߸ ߡߍ߲ ߘߌ߫ ߛߊ߫ ߡߐ߰ ߝߊ߰ ߟߊ߫، ߊ߬ ߦߋ߫ ߡߊߛߐ߬ߘߐ߲߬ ߠߊ߫ ߡߊ߰ߢߐ߲߰ߠߊ ߘߐ߫߸ ߖߋ߬ߟߌ ߝߍ߬߸ ߖߌߟߞߊ ߟߎ߫ ߝߍ߬߸ ߡߍ߲ ߦߋ߫ ߓߐ߫ ߟߊ߫ ߡߐ߰ ߟߊ߫ ߋߓߏߟߊ ߦߋ߫ ߡߍ߲ ߠߊ߫، ߊ߬ ߓߊ߰ߙߋ߲ ߦߋ߫ ߛߐ߬ߘߐ߲߬ ߠߊ߫ ߝߊ߰ߣߌ߲ ߠߎ߫ ߝߍ߬߸ ߊ߬ ߣߌ߫ ߝߋ߲ ߡߍ߲ ߠߎ߬ ߦߋ߫ ߦߙߐ߫ ߘߐ߫߸ ߋߓߏߟߊ ߦߋ߫ ߦߙߐ ߡߍ߲ ߠߎ߬ ߘߐ߫.