ߊ߬ߟߎ߬ ߟߊ߫ ߞߏ ߞߍ߫ ߘߊ߫ ߞߐ߬ߟߏ߲ ߕߊ߬ߡߌ߲߬ߣߍ߲ ߣߌ߲߬ ߠߋ߬ ߡߊ߬߸ ߊ߬ߟߎ߬ ߕߍߡߊ߬߸ ߡߐ߰ ߞߋߟߋ߲߫ ߠߋ߬ ߝߊ߰ ߘߊ߫ ߝߊ߰ߞߏ߬ ߖߎ߮ ߘߐ߫߸ ߗߊߘߌ߬ ߞߏ߬ߣߌ߲ ߦߋ߫ ߣߌ߲߬ ߖߊ߬ߕߋ߬ ߟߊ߫ ߓߞߏ߫ ߤߙߊߡ ߓߊ߰ߓߊ߰ߟߌ߬ߟߊ ߟߎ߫ ߟߋ߬ ߣߐ߬ ߘߌ߫، ߓߞߏ߫ ߤߙߊߡ ߞߏ߬ߣߌ߲ ߞߊ߬ ߗߊߘߌ߬ ߖߡߊ߬ߣߊ߬ߘߋ߲ ߡߍ߲߬ ߠߎ߫ ߖߌ߬ߦߊ ߟߎ߬ ߟߛߊߙߌ߫ ߟߋ߬ ߓߟߐߟߐ ߟߎ߬ ߛߊ߲ߝߍ߬߸ ߡߐ߰ ߞߋߟߋ߲ ߡߍ߲ ߝߣߊ߫ ߝߊ߰ ߘߊ߫߸ ߊ߬߫ߟߎ߫ ߞߊ߬ ߏ߬ ߝߣߊ߫ ߖߌ߬ߦߊ߬ߓߍ ߟߊߖߍ߲ߛߍ߲߫ ߠߋ߬، ߖߌ߬ߦߊ߬ ߟߊߖߍ߲ߛߍ߲ߣߍ߲߫ ߞߋߟߋ߲߫ ߏ߬ ߞߣߐ߫߸ ߊ߬ߟߎ߬ ߦߴߊ߬ ߞߊ߲߬ ߞߊ߬ ߡߐ߱ ߘߏ߫ ߘߌߦߊߜߏߦߊ߫ ߞߊ߬ ߛߍߝߊ߫ ߥߊߘߌ߫ ߡߟߌߦߏ߲߫ ߓߌߟߏ߯ߟߎ߫ ߢߌߣߌ߲߫ ߘߌߦߊߜߏߦߊ߫ ߡߌߣߊߟߌ߫ ߏ߬ ߘߊߞߘߐ߫.
ߖߌ߬ߦߊ߬ ߜߘߍ߫ ߟߎ߫ ߞߣߐ߫߸ ߊ߬ߟߎ߬ ߦߴߊ߬ ߞߊ߲߬ ߞߊ߬ ߡߐ߱ ߡߍ߲ ߘߌߦߊߜߏߦߊ߫ ߥߊߘߌ߫ ߓߐ ߟߴߊ߬ ߟߊ߫ ߡߌ߬ߣߊ߬ߟߌ ߞߎ߲߬ߞߘߐ߫، ߏ߬ ߦߋ߫ ߞߏ߲߬ߓߏ ߕߌߛߍ߲ߡߑߓߋ߫ ߟߊߡߑߛߑߞߙߌ߫ ߟߋ߬ ߘߌ߫߸ ߊ߬ ߦߋ߫ ߡߟߌߦߏ߲߫ ߅߀߀ ߢߌߣߌ߲߫߸ ߊ߬ ߟߊ߫ ߡߐ߱ ߟߎ߬ ߣߌ߫ ߞߎ߲߬ߠߊ߬ߛߌ߮ ߟߎ߬ ߟߊ߫߸ ߊ߬ ߦߴߊ߬ ߞߊ߲߬ ߞߊ߬ ߞߎ߲߬ߠߊ߬ߛߌ߮ ߟߎ߬ ߘߋߟߌ߫، ߗߍ߭ ߣߌ߲߬ ߕߘߍ߬ ߦߋ߫ ߓߊ߯ߙߊ߫ ߟߊ߫߸ ߢߊߡߍ߫ ߘߊ߲ߘߊߛߏ ߟߋ߬ ߟߊ߫߸ ߊ߬ ߕߘߍ߬ ߦߋ߫ ߕߊ߯ߡߊߘߐߕߊ߮ ߟߋ߬ ߟߊ߫߸ ߞߊ߬ ߥߴߊ߬ ߝߊ߬ ߟߊ߫ ߛߎ߬ߞߏ߬ߦߊ ߘߐ߫، ߒ߬ߓߊ߬߸ ߞߵߊ߬ ߕߴߏ߬ ߕߊ߯ߡߊ ߟߋ߬ ߟߊ߫ ߞߍ߲ߘߍߟߏ߲ ߕߊ߬ߡߌ߲߬ߣߍ߲ ߡߊ߬߸ ߊ߬ߟߎ߬ ߟߊ߫ ߞߐ߲߬ߛߏ ߟߊߟߐ߬ ߘߊ߫ ߓߞߏ߫ ߤߙߊߡ ߓߊ߰ߓߊ߰ߟߌ߬ ߞߙߎ ߓߟߏ߫ ߖߋ߬ߟߌ߬ߓߊ߬ߘߎ߯ ߣߌ߫ ߗߊߘߌ߬ ߕߍߟߊ ߘߐ߫.
ߛߙߋ ߘߏ߫ ߦߴߊ߬ ߟߊߛߙߋߦߊ߫ ߟߊ߫߸ ߞߏ߫ « ߡߐ߰ ߛߌߦߊߡߊ߲߫ ߠߋ߬ ߛߋ߫ ߘߴߊ߬ ߖߘߍ߬ ߡߊߛߐ߬ߘߐ߲߬ ߠߊ߫ ߞߐ߲߬ߛߏ ߞߐߝߍ߫ ߝߊ߲ߝߍ߬߸ ߞߵߊ߬ߟߎ߫ ߓߏ߬ߙߌ߫߸ ߓߊ߬ߙߌ߫߸ ߡߍ߲ ߠߎ߬ ߕߘߍ߬ ߦߴߊ߬ ߞߣߐ߫߸ ߏ߬ ߟߎ߬ ߡߊ߫ ߛߴߊ߬ߟߎ߫ ߖߘߍ߬ ߡߊߛߐ߬ߘߐ߲߬ ߠߊ߫ » ߓߐߟߌ߫ ߓߟߏߡߊ߬، ߗߊߘߌ߬ ߞߎ߲߬ߠߊ߬ߛߌ߮ ߟߎ߬ ߓߘߊ߫ ߞߎߡߊ߫ ߊ߬ߟߎ߬ ߟߊ߫ ߖߡߊ߬ߣߊ߬ߘߋ߲ ߠߎ߬ ߟߊ߫ ߟߌ߬ߤߟߊ߬ߦߊ ߣߌ߲߬ ߞߊ߲߬߸ ߊ߬ߟߎ߬ ߟߊ߫ ߟߊ߬ߛߋ߬ߟߌ߬ ߛߓߍ߫ ߘߐ߫߸ ߞߏ߫ ߊ߬ߟߎ߬ ߟߊ߫ ߖߡߊ߬ߣߊ߬ߘߋ߲߫ ߇ ߟߋ߬ ߘߌߦߊߜߏߦߊ߫ ߡߌߣߊ߫ ߘߊ߫ ߖߋ߬ߟߌ߬ߓߊ߬ߘߎ߯، ߊ߬ߟߎ߬ ߟߊ߫ ߖߡߊ߬ߣߊ ߓߐߕߏ߲ ߞߍ߬ߙߍߝߍ߬߸ ߊ߬ߟߎ߬ ߓߊ߲߫ ߘߊ߫ ߞߵߊ߬ ߝߐ߫ ߞߏ߫.
« ߡߐ߰ ߥߐߙߐ߲ߝߌ߬ߟߊ ߡߍ߲ ߡߌ߬ߣߊ߬ ߘߊ߫߸ ߞߋߟߋ߲߫ ߠߋ߬ ߞߊ߬ ߝߊ߰ ߞߏ߬ߖߎ߯ߦߊ ߡߊߛߐ߬ߘߐ߲߫ ߏ߬ ߟߎ߬ ߘߐ߫ » ߊ߬ߟߎ߫ ߞߏ߬ߣߌ߲ ߡߊ߫ ߢߊߝߐߟߌ߫ ߖߐ߲ߖߐ߲߫ ߞߍ߫ ߏ߬ ߞߊ߲߬، ߗߊߘߌ߬ ߟߊ߬ߛߌ߰ߘߊ ߡߍ߲ ߦߋ߫ ߖߋ߬ߟߌ߬ߓߊ߬ߘߎ߯߸ ߟߊ߬ߛߋ߬ߟߌ ߣߌ߲߬ ߝߘߊߣߍ߲߫ ߏ߬ ߟߋ߬ ߖߍ߬ߘߍ ߟߊ߫.
ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.