ߞߊ߲ߕߌ߯ ߓߊ߬ߛߌߙߎ߬ ߖߏ߬ߡߊߦߌ߫ ߝߊߦߌ߬ ߛߣߍ߫ ߘߊ߫ ߓߌ߬ߛߊ߬ߥߏ߫ ߓߌ߬ ߞߍ߲ߘߍߟߏ߲ ߣߌ߲߬ ߛߐ߰ߡߊ߬ߘߊ ߟߋ߬ ߟߊ߫߸ ߖߌ߬ߣߍ߫ ߓߌ߬ߛߊ߬ߥߏ߬ ߞߎߓߋߘߊ ߟߊ߫߸ ߣߌ߲߬ ߞߍ߫ ߘߴߊ߬ ߓߟߏ߫ ߟߋ߬ ߞߊ߬ ߕߘߍ߬ ߖߡߊ߬ߣߊ ߞߊ߲ߕߌ߮ ߟߊ߫ ߗߋߦߊߟߌ߫ ߞߘߎ߬ߜߍߟߍ߲ ߘߏ߫ ߘߐ߫، ߡߍ߲ ߓߍߣߊ߬ ߞߍ߫ ߝߘߊ߬ߝߌ߲߬ߠߊ߫ ߕߟߋ߬ߓߋ߬ ߖߡߊߣߊ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߘߍ߬ߘߊ (ߛߘߋߦߊߥߏ) ߓߟߏ߫.

ߖߘߊ߬ߞߙߎ߬ ߞߊ߲ߕߌ߮ ߖ߭ߋߟߑߛ ߡߘߊ߫ ߓߌߦߏ߫߸ ߊ߬ߟߋ ߡߍ߲ ߦߋ߫ ߛߘߋߦߊߥߏ߫ ߞߊ߲ߕߌ߮ ߣߌ߫ ߞߎ߲߬ߠߊ߬ߛߌ߰ ߢߍߡߐ߮ ߘߌ߫ ߥߊ߯ߕߌ߫ ߢߌ߲߬ ߠߊ߫، ߊ߬ߟߋ ߦߋ߫ ߣߌ߲߬ ߢߍߡߐ߯ߦߊ ߟߊ߫߸ ߗߋߦߊߟߌ ߣߌ߲߬ ߞߎ߲߭ ߠߋ߬߸ ߞߊ߬ ߞߎߡߊߢߐ߲߯ߦߊ ߟߎ߬ ߝߊ߲߬ߞߊߘߏ߲߬߸ ߊ߬ ߣߌ߫ ߞߊ߬ ߓߘߍ߬ߓߘߍ߬ߟߌ ߜߟߍ߬ߦߊ ߟߎ߬ ߘߊ߲ߘߊ߫߸ ߡߍ߲ ߞߊ߬ ߖߌ߬ߣߍ߫ ߓߌ߬ߛߊ߬ߥߏ߫ ߡߌ߬ߣߊ߬ ߟߐ߯ߞߎ߲߫ ߘߊ߲ߘߐ߫.