ߖߌ߬ߦߊ߬ߖߟߎ߫ ߗߡߍ߬ ߦߙߌߞߊ߫ ߟߋ߬ ߔߘߏ߬ߞߟߏ߬ߡߊ߬ߣߍ߲ ߦߋ߫ ߝߌߙߌ߲ߝߌߙߌ߲ ߞߊ߲߬ ߡߐ߱ ߟߎ߬ ߓߟߏߟߊ߫ ߘߍ߬ߞߙߏߝߏ ߟߎ߫ ߞߊ߲߬ ߕߋ߲߬߸ ߗߍ߭ ߘߏ߫ ߦߋ߫ ߦߋ߫ ߟߊ߫ ߡߍ߲ ߘߐ߫߸ ߖߡߊ߬ߣߊ ߞߊ߲ߕߌ߮ ߏߓߌߦߊ߲ߜ߭ ߓߊߘߋ߲ߡߊ ߘߏ߫ ߟߋ߬ ߘߋ߲ߞߍ߫ ߦߋ߫ ߗߍ߭ ߣߌ߲߬ ߘߌ߫، ߊ߬ߟߋ ߣߌ߫ ߡߏ߬ߛߏ߫ ߗߡߍ߬ ߦߙߌߞߊ߫ ߟߋ߬ ߓߘߊ߫ ߘߍ߬߸ ߊ߬ ߓߘߊ߫ ߛߋ߫ ߡߍ߲ ߠߎ߬ ߡߊ߬߸ ߘߏ߫ ߟߎ߫ ߦߋ߫ ߡߛߏ߬ ߝߘߎߣߍ߲ ߠߎ߬ ߟߋ߬ ߘߌ߫߸ ߘߏ߫ ߟߎ߫ ߦߋ߫ ߛߎ߲ߞߎߘߎ߲ߓߊ ߟߎ߫ ߟߋ߬ ߘߌ߫߸ ߘߏ߫ ߟߎ߫ ߦߋ߫ ߞߏߕߌ߮ ߟߎ߬ ߣߌ߫ ߞߏߕߌ߯ ߘߋ߲ ߠߎ߬ ߟߋ߬ ߘߌ߫߸ ߘߏ߫ ߟߎ߫ ߖߍ߬ߘߍ ߜߎ ߦߋ߫ ߖߡߊ߬ߣߊ ߞߎ߲߭ ߠߎ߬ ߟߋ߬ ߘߌ߫، ߘߏ߫ ߦߴߊ߬ ߘߐ߫ ߓߊߘߋ߲ ߠߎ߬߸ ߏ߬ ߟߎ߬ ߦߋ߫ ߞߟߍ߬ߕߌ߮ ߟߎ߫ ߟߋ߬ ߘߌ߫߸ ߤߊߟߌ߬ ߖߡߊ߬ߣߊ ߣߊ߲߬ߕߌ߰ ߞߎ߲ߕߌ߮ ߘߋ߲ߡߛߏ߫ ߟߎ߫ ߦߋ߫ ߖߊ߬ߕߋ ߣߌ߲߬ ߘߐ߫߸ ߞߎߡߊߕߍ߫ ߞߕߌߞߊ߲ߘߊ ߝߘߎߡߛߏ ߡߊ߬߸ ߊ߬ ߣߌ߫ ߛߌߦߊߡߊ߲߫ ߜߘߍ߫ ߟߎ߫، ߓߊߏ߬߸ ߊ߬ߟߋ߫ ߖߍ߬ߘߍ ߦߋ߫ ߓߊ߯ߙߊ߫ ߟߊ߫ ߦߙߐ ߡߍ߲ ߘߐ߫߸ ߏ߬ ߡߛߏ߬ ߕߴߦߋ߲߬ ߝߊߦߌߘߊ߫߸ ߊ߬ ߡߊ߫ ߛߋ߫ ߡߍ߲ ߠߎ߬ ߡߊ߬.
ߒ߬ߓߊ߬߸ ߞߎߡߊ ߓߘߊ߫ ߛߋ߫ ߕߐ߲ߓߟߏߡߊ ߟߎ߬ ߟߊ߫ ߓߐ߬ߘߐ ߘߐ߫، ߊ߬ ߕߟߋ߬ ߘߊ߲ߘߐ ߟߋ߬ ߕߋ߲߬߸ ߣߌ߲߬ ߞߏ ߦߋ߫ ߛߋ߲߬ߠߊ߫߸ ߊ߬ ߓߘߊ߫ ߦߙߐ ߓߍ߯ ߟߊߝߏ߬߸ ߊ߬ ߞߎߡߊ ߦߋ߫ ߓߍ߯ ߘߊ߫ ߘߍ߬ߞߙߝߏ ߟߎ߫ ߞߊ߲߬، ߗߍ߭ ߣߌ߲߬߸ ߊ߬ ߓߊ߯ ߞߍ߫ ߛߋ߫ ߟߊ߫ ߡߏ߬ߛߏ ߡߍ߲ ߡߊ߬߸ ߏ߬ ߦߋ߫ ߖߌ߬ߦߊ߬ߖߟߎ߬ߦߊ߬ ߟߴߊ߬ ߓߟߏ߫ ߟߋ߬، ߊ߲ ߕߍ߮ ߟߊߣߍ߲߫ ߖߌ߬ߦߊ߬ߖߟߎ ߡߍ߲ ߠߎ߬ ߘߐ߫߸ ߏ߬ ߘߏ߫ ߘߐ߫߸ ߊ߬ߟߎ߬ ߦߋ߫ ߞߍ߫ ߟߴߊ߬ ߖߘߍ߬ߞߊߣߌ߲ ߠߊ߫ ߛߓߍߘߊ ߟߋ߬ ߞߣߐ߫߸ ߘߏ߫ ߟߎ߫ ߦߋ߫ ߞߍ߫ ߟߊ߫ ߢߍ߲߮ ߠߋ߬ ߞߣߐ߫߸ ߘߏ߫ ߟߎ߫ ߦߋ߫ ߞߍ߫ ߟߊ߫ ߞߐ߰ߖߌ߬ߘߊ ߟߋ߬ ߟߊ߫، ߊ߬ ߕߐ߯ ߘߌ߬߸ ߊ߬ߟߋ ߟߋ߬ ߕߐ߯ ߞߏ߫ ߓߊߟߑߕߖ߭ߊߙ ߋߓߊ߲ߜ߭ ߋ߲ߜ߭ߐ߲ߜ߭ߊ߫߸ ߓߊ߬ߙߌ߬߸ ߡߐ߰ ߛߌ߫ ߦߋ߫ ߡߟߊߓߏ߫ ߞߣߐ߫߸ ߏ߬ ߟߎ߬ ߓߍ߯ ߦߴߊ߬ ߞߟߌ߫ ߟߊ߫ ߟߋ߬ ߞߏ߫ ߓߋߟߏ߫.
ߖߐ߲߫ ߦߋ߫ ߗߍ߭ ߣߌ߲߬ ߘߌ߫ ߓߏ߲߰؟
ߓߊߟߑߕߖ߭ߊߙ ߝߊ߬ ߕߐ߯ ߟߋ߬ ߞߏ߫ ߓߊߟߑߕߖ߭ߊߙ ߊ߲ߜ߭ߐ߲ߜ߭ߊ ߍߖߏ߫߸ ߏ߬ ߟߋ ߦߋ߫ ߝߘߊ߬ߝߌ߲߬ߠߊ߫ ߕߊ߲ߓߊ߲ ߥߊߘߌ߫ ߞߏ ߣߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߘߍ߬ߓߊ ߞߊ߲ߕߌ߯ߦߊ ߟߊ߫ (ߞߏߡߎ߳ߣߏߕߋ ߋߞߣߏߡߌߞ ߋ߬ ߡߏߣߋߕߍߙ ߘߋ߬ ߟߴߊߝߙߌߞ ߛߊ߲ߕߙߊߟ)، ߏ߬ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߊ߬ ߦߋ߫ ߞߊ߲ߕߌ߯ ߕߋߥߏߘߙߏ ߏߓߌߦߊ߲߫ ߒߖߋߡߊ ߒߓߊߛߜ߭ߏ߫ ߓߋ߲ߞߍ ߟߋ߬ ߦߴߊ߬ ߘߌ߫߸ ߊ߬ ߓߊߘߋ߲ߡߊ ߘߏ߫ ߘߋ߲ ߞߊ߬ߣߌ߲߬، ߓߋߟߏ߫ ߦߋ߫ ߖߡߊ߬ߣߊ ߡߐ߰ߘߐ߬ߜߍ ߘߏ߫ ߟߋ߬ ߘߌ߫߸ ߊ߬ߟߋ ߟߋ߬ ߓߊ߬ߘߌ߬ߕߊ ߟߎ߫ ߡߊ߬ߡߙߊ߬ߟߌ ߗߋߕߌ߮ ߘߌ߫ (ߊߘߑߡߣߌߛߑߕߙߊߛߌߦߐ߲ ߝߌߛߑߞߊߟ)، ߡߐ߰ ߘߴߊ߬ ߝߐ߫ ߝߣߊ߫߸ ߞߏ߫ ߊ߬ ߦߋ߫ ߞߊ߲ߕߌ߮ ߟߊ߫ ߞߐߙߍ ߘߏ߲߬ߞߏ ߘߏ߫ ߟߋ߬ ߘߌ߫ ߝߋߎ߫.
ߊ߬ ߟߊ߫ ߡߐ߱ ߘߏ߫ ߞߵߊ߬ ߝߐ߫߸ ߞߏ߫ ߓߊߟߑߕߖ߭ߊߙ ߕߍ߫ ߡߐ߰ߣߍ߲߬ ߘߌ߫ ߖߌ߬ߣߋ ߋߞߊߕߏߙߌߦߊߟ ߞߣߐ߫ ߘߋ߬߸ ߊ߬ ߦߋ߫ ߖߡߊ߬ߣߊ ߝߊ߲߬ߞߡߊ߬ߓߊ߫ ߟߋ߬ ߘߌ߫، ߓߊߏ߬߸ ߊ߬ ߟߊ߫ ߡߐ߱ ߟߎ߬߸ ߞߊ߲ߕߌ߯ ߏߓߌߦߊ߲ߜ߭ ߣߴߊ߬ ߞߐ ߞߊ߬ ߖߡߊ߬ߣߊ ߥߊߘߌ߫ ߞߏ ߓߍ߯ ߞߊ߬ߙߌ߬ߝߴߊ߬ߟߋ ߟߋ߬ ߟߊ߫߸ ߞߵߊ߬ ߞߍ߫ ߟߊ߲ߞߎ߲ ߓߍ߯ ߟߊߘߍ߬ߓߊ߮ ߘߌ߫߸ ߊ߬ ߣߌ߫ ߖߡߊ߬ߣߊ ߟߊ߫ ߖߐ߰ߣߍ߬ߦߊ߬ߟߌ ߡߎ߰ߡߍ ߜߋ߬ߟߎ߲߬ ߞߏ ߕߎ߲߬ ߦߴߊ߬ߟߋ ߟߋ߬ ߓߟߏ߫، ߒ߬ߓߊ߬ ߞߐ ߢߌ߲߬ ߠߊ߫ ߛߊ߫߸ ߛߌߞߊ߫ ߞߍ߫ ߘߴߊ߬ ߡߊ߬ ߥߊߘߌ߫ ߞߎ߲ߡߙߎ߫ ߞߏ ߘߐ߫، ߓߊߏ߬߸ ߊ߬ ߞߊ߬ ߥߊߘߌ ߘߏ߫ ߟߋ߬ ߟߊߕߊ߯ ߜߎ߲߬ߘߎ߬ ߓߟߏ ߡߊ߬ ߘߎ߲߬ߘߎ߬ߡߊ߬ ߖߊߕߋߘߊ ߘߏ߫ ߞߊ߲߬߸ ߞߊ߬ ߥߊߘߌ ߓߐ߫ ߖߡߊ߬ߣߊ ߟߊ߫ ߞߏ߲߬ߘߏ ߟߊ߫ ߞߵߊ߬ ߟߊߕߊ߯ ߦߋ߲߬߸ ߌߟ ߞߊߦߌߡߊ߲߫ ߝߊ߲߭ ߝߍ߬، ߏ߬ ߡߍ߲ ߡߊߟߐ߲ߣߍ߲߫ ߜߎ߲߬ߘߎ߬ ߘߐ߬ ߜߍߓߏ߲߫ ߞߏ ߘߐ߫ ߞߊ߬ߣߌ߲߬، ߓߊߏ߬߸ ߥߊߘߌ߫ ߛߌߦߊߡߊ߲߫ ߦߋ߫ ߥߊ߫ ߟߊ߫ ߘߏ߲߰ ߠߊ߫ ߦߋ߲߬ ߠߋ߬߸ ߛߊ߫ ߟߊ߲ߞߎ߲߫ ߞߊߣߊ߬ ߟߴߊ߬ ߞߊ߲߬ ߢߊ ߡߍ߲ ߡߊ߬. ߞߎߡߊ߫ ߟߊߛߎߘߎ߲ߧߊ߫ ߘߐ߫߸ ߓߊߟߑߕߖ߭ߊߙ ߣߐ߬ ߥߊߘߌ ߟߋ߬ ߓߐ߫ ߟߊ߫ ߖߡߊ߬ߣߊ ߟߊ߫ ߞߏ߲߬ߘߏ ߟߊ߫߸ ߞߵߊ߬ ߟߊߕߊ߯ ߜߎ߲߬ߘߎ߬ ߘߐ߬ ߖߊߕߋߘߊ ߘߏ߫ ߟߊ߫߸ ߏ߬ ߡߍ߲ ߣߐ߬ ߢߊ ߟߐ߬ ߟߴߊ߬ ߘߐ߫߸ ߝߏ߫ ߞߊ߬ ߣߐ߬ߝߍ߬ߜߍ߲߬ߠߌ߲߬ ߞߏ ߛߌ߰ ߛߋ߲߬ߠߊ߫.
ߏ߬ ߟߋ ߞߏߛߐ߲߬߸ ߞߏ߲ߓߌߕߌ߮ ߡߍ߲ ߛߊ߬ߣߍ߲߫ ߕߋ߲߬߸ ߢߊߢߌߣߌ߲ߠߌ߲ ߘߏ߫ ߟߎ߫ ߟߊߥߟߌ߬ ߘߴߊ߬ ߞߐ߫߸ ߛߊ߫ ߢߊ߫ ߘߌ߫ ߛߐ߬ߘߐ߲߬ ߥߊߘߌ߫ ߞߏ ߏ߬ ߡߊ߬ ߢߊ ߡߍ߲ ߡߊ߬، ߏ߬ ߞߏ ߘߐߛߏ߯ߙߋ߫ ߘߊ߫ ߞߊ߲ߕߌ߯ ߛߙߍߞߍ߫ ߕߥߏߘߙߏ߫ ߒߖߋߡߊ ߏߓߌߦߊ߲߫ ߡߊ߲ߖߍ߫ ߟߋ߬ ߓߟߏ߫߸ ߊ߬ߟߋ ߡߍ߲ ߦߋ߫ ߞߟߌ߫ ߟߊ߫ ߡߐ߱ ߟߎ߬ ߓߟߏ߫ ߞߏ߫ ߕߋߥߏߘߐߙߌ߲߫، ߞߊ߲ߕߌ߮ ߘߋ߲ߞߍ߫ ߟߵߏ߬ ߘߌ߫߸ ߊ߬ ߣߴߊ߬ ߣߘߐ߬ߓߌ߬ߟߊ߬ߓߊ߮، ߒ߬ߓߊ߬߸ ߕߍߜߟߍߦߊ ߦߴߊ߬ߟߋ߬ ߣߌ߫ ߓߊߟߑߕߖ߭ߊߙ ߕߍ߫ ߞߵߊ ߓߍ߲߬ ߞߊ߲ߕߌ߮ ߣߘߐ߬ߓߌ߬ߟߊ߬ ߞߏ ߟߋ߬ ߡߊ߬، ߊ߬ߟߋ ߣߌ߫ ߓߊߟߑߕߖ߭ߊߙ ߟߊ߫ ߓߍ߲߬ߓߊ߬ߟߌ߬ߦߊ ߞߐߝߟߌ ߟߋ߬ ߣߊ߬ߣߍ߲߫ ߣߌ߲߬ ߓߍ߯ ߘߌ߫ ߕߋ߲߬.
ߕߍ߮ ߞߍ ߓߋߟߏ߫ ߘߐ߫߸ ߊ߬ߟߎ߫ ߞߵߊ߬ ߘߐߢߌ߬ߣߌ߲߬ߞߊ߫߸ ߞߊ߬ ߓߊ߲߫ ߞߵߊ߬ ߘߏ߲߬ ߥߛߎ ߟߊ߫߸ ߥߛߎ ߏ߬ ߡߍ߲ ߕߐ߯ ߞߏ߫ ߓߑߟߊߞ ߓߌߛ߭، ߊ߬ ߡߌ߬ߣߊ ߡߍ߲ ߞߍ߫ ߘߊ߫߸ ߊ߬ߟߎ߫ ߞߵߊ߬ ߟߊ߫ ߜߋߟߋ߲ߜߋߟߋ߲ ߡߌ߬ߘߴߊ߬ ߟߊ߫߸ ߊ߬ ߣߴߊ߬ ߟߊ߫ ߕߟߋ߬ߓߊ߮ ߟߎ߬، ߒ߬ߓߊ߬߸ ߖߌ߬ߦߊ߬ߖߟߎ߫ ߄߀߀ ߏ߬ ߟߎ߬ ߦߋߣߍ߲߫ ߏ߬ ߟߎ߫ ߟߋ߬ ߞߣߐ߫ ߛߊ߫߸ ߤߊ߲߯ ߡߐ߱ ߟߎ߬ ߕߍ߮ ߓߘߊ߫ ߟߴߊ߬ ߘߐ߫ ߞߵߊ߬ ߟߛߊߙߌ߫ ߘߍ߬ߞߙߏߝߏ ߟߎ߫ ߞߊ߲߬، ߕߋ߲߭ߕߋ߲߭ ߣߌ߲߬ ߘߐ߫߸ ߊ߬ ߓߘߊ߫ ߡߊߝߌ߲߬ ߞߏ߫ ߛߌߘߊ ߦߴߊ߬ ߟߊ߫ (ߝߞߞ)، ߊ߬ ߣߌ߫ ߞߏ߫ ߊ߬ ߓߘߊ߫ ߞߍ߫ ߕߙߎ߬ ߘߌ߫ ߞߊ߬ ߞߵߊ߬ ߖߋ߬ߕߌ߰ߡߛߏ ߏ߬ ߟߎ߬ ߛߌߦߊߡߊ߲߫ ߛߐ߫ ߛߌߘߊ ߟߊ߫ ߖߌ߬ߣߍ߫ ߓߌ߬ߛߊߥߏ߫ ߞߣߐ߫، ߊ߬ ߘߏ߲߬ ߘߊ߲߬ ߕߍ߫ ߦߋ߲߬ߞߊ ߟߎ߬ ߘߐߙߐ߲߫ ߘߌ߫ ߘߋ߬߸ ߞߊߡߋߙߎ߲ߣߌ߲ߞߊ ߘߏ߫ ߟߎ߫ ߦߴߊ߬ ߘߐ߫.
ߣߌ߲߬ ߞߏ ߕߍ߫ ߞߏߣߍ߲߫ ߘߌ߫ ߘߋ߬߸ ߊ߬ ߓߘߊ߫ ߘߏ߲߬ ߞߏ ߓߍ߯ ߘߐ߫ ߖߡߊ߬ߣߊ ߞߣߐ߫، ߓߊߟߑߕߖ߭ߊߙ ߛߐ߬ߘߐ߲߬ ߝߊ߸ ߍߖߏ߫ ߘߴߊ߬ ߞߐߝߟߌ ߡߊߜߙߏ߬ ߥߍ، ߊ߬ ߓߘߊ߫ ߛߌߟߊ߲߫߸ ߖߐ߲߰ߛߴߊ߬ ߞߊߣߊ߬ ߝߍ߬ ߟߴߊ߬ ߟߊ߫ ߓߘߍ߬ߓߘߍ߬ߟߌ ߓߊ߯ߙߊ ߟߊ߫، ߓߊߏ߬߸ ߊ߬ ߟߊ߫ ߡߐ߰ߓߊ߬ߦߊ ߡߊߣߐ߯ ߞߏ ߟߋ߬ ߣߌ߲߬ ߘߌ߫، ߣߴߌ ߘߏ߲߬ ߞߊ߬ ߞߊ߲ߕߌ߮ ߘߋ߲ߞߍ߫ ߕߋߥߘߏߙߌ߲߫ ߕߊ߬߸ ߏ߬ ߝߣߊ߫ ߦߋ߫ ߖߡߊ߬ߣߊ ߡߐ߰ ߡߊߟߐ߲ߣߍ߲ ߘߏ߫ ߟߋ߬ ߘߌ߫߸ ߏ߬ ߦߴߊ߬ ߝߍ߬ ߞߊ߬ ߞߏߢߊ ߢߌ߲߬ ߠߋ߬ ߞߍ߫ ߓߍ߲߬ߒ߬ߛߋ߲߬ߡߊ߫ ߘߌ߫߸ ߞߵߊ߬ ߟߌߟߌ߲ ߓߊ߲ߓߊ߲߫߸ ߞߊ߬ ߕߐ߭ ߓߍ߯ ߞߍ߫ ߡߐ߰ߣߍ߲ ߘߌ߫ ߞߏߢߊ ߣߌ߲߬ ߘߐ߫.
Aucun commentaire pour le moment.